Qvineyada vəziyyət, arxiv şəkli

Hərbi çevriliş alüminiumun qiymətini kəllə-çarxa qaldırdı: qazanan kim olacaq?

19
(Yenilənib 19:50 10.09.2021)
Qvineyada hakimiyyəti ələ keçirən Mamadi Dumbuya dağ-mədən şirkətlərini işi davam etdirməyə çağırıb və əmin edib ki, hökumətlə bağladıqları razılaşmaya əməl olunacaq, amma bu istehsalçıları bir o qədər də sakitləşdirməyib.

BAKI, 10 sentyabr — Sputnik. London birjasında alüminiumun qiyməti otuz illik maksimuma çatıb – bir tonu 2837,5 dollara satılır. Qiymət artımına boksit tədarükçülərini təhdid edən Qvineyadakı hərbi çevriliş səbəb olub. Dünya bazarındakı alüminumun dördə bir hissəsi bu Afrika ölkəsinin payına düşür.

Rusiyanın alüminium istehsal edən "Rusal" şirkətinin Qvineydakı boksit mədənləri ilə birbaşa əlaqəsi var. RİA Novosti sözügedən yüngül metalın qiyməti və yerli istehsalın aqibəti maraqlanıb.

Sürəti artırdılar

Alüminium ilin əvvəlindən bu yana təxminən 40 faiz bahalaşıb. Bu metaldan kosmik, hava və avtomobil texnikası, inşaat da daxil olmaqla, demək olar ki, bütün sahələrdə istifadə olunur. Bundan başqa, alüminium ən geniş yayılmış qablaşdırma materialıdır: məişət əşyalarından tutmuş folqaya bükülmüş dondurmaya kimi.

Ancaq bu yüngül metalın istehsalı xeyli elektrik enerjisi tələb edir. Üstəlik, atmosferi də çirkləndirir, bu baxımdan dünyadakı alüminiumun yarısının istehsal olunduğu Çində vəziyyət daha gərgindir.

ÇXR mövcud istehsalatı ciddi nəzarətdə saxlayaraq və tədricən idxalçıya çevrilərək karbon qazı tullantılarını azaltmağa çalışır.

"Tədarükün 20 faizini təmin edən Sincan əyalətində avqustun sonlarında beş zavodda istehsal məhdudlaşdırılıb", – deyə "TeleTrade" mərkəzinin baş iqtisadçısı Mark Qoyxman vurğulayır.

Rusiya isə avqust ayından etibarən bir ton üçün 254 dollardan az olmamaq şərti qiymətin 15 faizi qədər ixrac rüsumu tətbiq etməyə başlayıb.

"Bu səbəbdən "Rusal" az rentabelli müəssisələri bağlamaq niyyətində olduğunu açıqlamışdı. İtki milyon dollarlarla ölçülür. Treyderlər qiymətlərə artan nəqliyyat xərclərini və 2024-cü ilə qədər səkkiz milyon tona çata biləcək gözlənilən kəsiri də daxil edirlər. Tələbat isə ildə üç faiz artacaq.

İlk yarım ildə dünyada alüminiuma tələbat 12 faiz artıb. İstehsal isə cəmi 5,7 faiz çoxalıb.

Afrika faktoru

Qiymətlərə Qvineyadakı hərbi çevriliş də öz təsirini göstərib. Afrikanın qərbində yerləşən bu ölkə əsas boksit tədarükçüsüdür.

"Qvineya Avstraliya və Çindən sonra xammal hasilatında dünyada üçüncü yeri (illik 50 min ton), təsdiq edilmiş ehtiyatlar baxımından (7,4 milyard ton) isə birinci yeri tutur", - deyə "AMarkets" analitik departamentinin rəhbəri Artyom Deyev xatırladır.

Qvineya hökumətinin məlumatına görə, ötən il 84,2 milyon ton boksit ixrac olunub. Yüngül metalın çox hissəsi Çinə göndərilib. Odur ki, bu respublikadan tədarükün istənilən səbəbdən axsaması alüminium bazarını silkələyə bilər.

Qvineyada hakimiyyəti ələ keçirən hərbçi Mamadi Dumbuya dağ-mədən şirkətlərini işi davam etdirməyə çağırmışdı. O, şirkətləri əmin etmişdi ki, hökumətlə bağladıqları razılaşmaya əməl olunacaq. Amma bu istehsalçıları bir o qədər də sakitləşdirməyib.

Qvineyada "Kindia Boksit Şirkəti"nə, ildə üç milyon ton istehsal həcminə malik "Dian-Dian" mədəninə və "Friguia" boksit-alüminium kompleksinə sahib "Rusal" şirkətində də narahatlıq hökm sürür.

Əməliyyat hesabatlarına görə, ilin ilk yarısında bu, Qvineya müəssisələri 3,8 milyon ton boksit istehsal edib.

Dövlət çevrilişindən sonra Moskva birjasında "Rusal"-ın səhmləri təxminən 7 faiz bahalaşaraq 66,75 rubla çatıb. Ancaq sonra qiymət aşağı düşməyə başlayıb.

"Əgər hasilatla bağlı problemlər davam edərsə, şirkət istehsalı əhəmiyyətli dərəcədə azalda bilər. Amma bundan bütün dünya zərər çəkəcəyi üçün qiymət artımı ziyanın qarşısını alacaq", – deyə "PFL Advisors" investisiya şirkətinin idarəedici tərəfdaşı Fyodor Naumov vurğulayır.

"Rusal"ın səhmlərinin dəyərini yalnız alüminiumun qiyməti müəyyənləşdirmir. İnvestorlarla əlaqələr də öz təsirini göstərir. Əgər şirkət dividend ödəsəydi, qiymət təxminən 100 rubl civarında ola bilərdi. İndi bazarda gedən müsbət proseslərə baxmayaraq, "Rusal" bunu etmir, çünki şirkətin mülkiyyətçisi Oleq Deripaska sanksiyalar səbəbindən vəsait ala bilmir", – deyə o qeyd edib.

Hərbi nəzarət

Rusiya ixracının 40 faizindən çoxu ABŞ və Türkiyəyə gedir. Emal edilməmiş metal bazarında Rusiya 17 faiz payla birinci yeri tutur. İkinci yerdə 15 faizlə Kanada, üçüncü yerdə isə 10 faizlə Avstraliyadır. Lakin xammalsız heç nə satmaq olmur. Burada Qvineya əsas həlqədir. Ölkədəki siyasi qeyri-sabitlik boksitlərin tədarükündə ləngimələrə səbəb ola bilər. "Ancaq yəqin ki, onlar qısamüddətli olacaq. Ona görə də qiymətlərə ciddi təsiri gözləmək lazım deyil", - Mark Qoyxman düşünür. Dövlət çevrilişinin əsas məqsədlərindən biri alüminium bazarına nəzarətdir. Ona görə də xunta yəqin ki, mümkün qədər tezliklə xammalın xaricdəki əsas alıcıları ilə münasibətləri qurmağa çalışacaq. Ancaq əgər respublikada ikihakimiyyətlilik ortaya çıxsa, daxili münaqişə uzanacaq. Onda tədarüklə bağlı problemlər qaçılmazdır.

Bu arada, yüksək tələbat qiyməti qaldırmağa davam edir. Sentyabrda alüminium bir tona görə üç min dollardan baha olacaq. İlin sonunadək qiymət daha da aratacaq. Lakin avqust-sentyabrdakı maksimum bir daha təkrarlanmayacaq.

19
Nikol Riçi, arxiv şəkli

Dünya şəhrətli ulduzun saçları ad günündə alışıb

4
(Yenilənib 22:37 23.09.2021)
Məşhur müğənni həmin anları 5,2 milyon izləyicisi olan "Instagram" hesabında da paylaşıb. İfaçının bu paylaşımına qısa müddətdə 1,5 milyona yaxın baxış gəlib.

BAKI, 23 sentyabr — Sputnik. Dünya şöhrətli ulduz Nikol Riçi doğum gününü sevdikləri ilə birlikdə qeyd edərkən uğursuz hadisə ilə üzləşib. Sputnik Azərbaycan verir ki, tortun üzərindəki şamları söndürmək üçün əyilən məşhurun saçları alovlanıb. O, qısa müddətli panikadan sonra saçlarını xilas edib.

2000-ci illərin ilk yarısında çılğın həyatı ilə gündəmdə olan və evlənib uşaq sahibi olduqdan sonra sakit həyatına davam edən Nikol Riçi, 40 yaşını qeyd edərkən yaşadığı bu hadisənin görüntülərini sosial media hesabında yayımlayıb.

Məşhur müğənni həmin anları 5,2 milyon izləyicisi olan "Instagram" hesabında da paylaşıb. İfaçının bu paylaşımına qısa müddətdə 1,5 milyona yaxın baxış gəlib.

Məşhur müğənni sənət fəaliyyətinə 2003-cü ildən başlayıb. Məşhur pop kralı Maykl Cekson onun xaç atasıdır.

4
Teqlər:
məşhur, müğənni, ad günü

Narışkin: Rusiya ABŞ Əfqanıstana dair məlumat mübadiləsi aparırlar

6
XKX direktoru: biz müxtəlif kəşfiyyat təşkilatlarındakı həmkarlarımızla beynəlxalq terrorçuluq, o cümlədən Əfqanıstan ərazisindən ola biləcək təhlükələrə dair əməliyyat məlumatları ilə mübadilə aparırıq.

BAKI, 23 sentyabr - Sputnik. Rusiya kəşfiyyat orqanları xətti ilə Birləşmiş Ştatlarla Əfqanıstandakı vəziyyətə dair məlumat mübadiləsi aparır. RİA Novosti-nin məlumatına görə, bunu Rusiyanın Xarici Kəşfiyyat Xidmətinin direktoru Sergey Narışkin deyib. 

Onun sözlərinə görə, məlumat mübadiləsi həmçinin Əfqanıstan ərazisindən ehtimal olunan təhlükələri də ehtiva edir.

"Biz müxtəlif kəşfiyyat təşkilatlarındakı həmkarlarımızla beynəlxalq terrorçuluq, o cümlədən Əfqanıstan ərazisindən ola biləcək təhlükələrə dair əməliyyat məlumatları ilə mübadilə aparırıq", - deyə Narışkin Əfqanıstanla bağlı ABŞ-la məlumat mübadiləsinin aparılıb-aparılmaması barədə sualın cavabında deyib.

Həmçinin oxuyun:

Putin ŞƏT-in anti-terror strukturunun gücləndirilməsini təklif edib

6
Teqlər:
Sergey Narışkin
 Şuşada Bülbülün ev-muzeyi, arxiv şəkli

Bülbülün Şuşadakı ev-muzeyinə direktor təyin olunub

0
(Yenilənib 22:41 23.09.2021)
Avqustun 29-da Xalq artisti Bülbülün Şuşa şəhərindəki ev-muzeyinin bərpa işlərindən sonra açılışı olub. Azərbaycan Prezidenti İlham Əliyev və birinci xanım Mehriban Əliyeva açılış mərasimində iştirak ediblər.

BAKI, 23 sentyabr — Sputnik. Bülbülün Şuşadakı ev-muzeyinə direktor təyin olunub. Sputnik Azərbaycan xəbər verir ki, bu vəzifəyə tanınmış telejurnalist Fəxrəddin Hacıbəyli təyinat alıb. Bununla bağlı mədəniyyət naziri Anar Kərimov müvafiq əmr imzalayıb.

F.Hacıbəyli artıq ev-muzeyinin direktoru kimi fəaliyyətə başlayıb. O, 02.09.2021-ci tarixli əmrlə ev-muzeyinin direktoru təyin edilib.

Qeyd edək ki, avqustun 29-da Xalq artisti Bülbülün Şuşa şəhərindəki ev-muzeyinin bərpa işlərindən sonra açılışı olub. Azərbaycan Prezidenti İlham Əliyev və birinci xanım Mehriban Əliyeva açılış mərasimində iştirak ediblər.

Ev muzeyi 1982-ci ildən fəaliyyət göstərir. Bülbül bu evdə anadan olub və uşaqlıq illərini burada keçirib. Ümummilli lider Heydər Əliyevin göstərişi əsasında 1982-ci ildə Bülbülün doğulduğu və yaşadığı evin muzeyə çevrilməsi barədə qərar qəbul edilib. Bina 1982-1983-cü illərdə təmir olunub. Ev-muzeyi Şuşanın işğalından sonra ermənilər tərəfindən dağıdılıb.

Bu il yanvarın 14-də Şuşaya səfəri zamanı ev-muzeyində olan Azərbaycan Prezidenti İlham Əliyevin tapşırığına əsasən, muzeydə təmir-bərpa və yenidənqurma işləri aparılıb. Ev muzeyi Bülbülün oğlu, Azərbaycanın Rusiyadakı səfiri, görkəmli bəstəkar Polad Bülbüloğlunun vəsaiti hesabına təmir-bərpa edilib.

Bərpa zamanı evin divarlarında daş üzərində yonulmuş yazılarda evin tikilmə tarixinin qeyd edildiyi aşkarlanıb. Divarın üzərində yeni aşkar olunmuş yazıda binanın 1788-ci ildə inşa olunduğu qeyd edilib. Ev-muzeyinin həyəti əvvəlki görkəmini saxlamaqla bərpa olunub. Muzeyin həyətində Bülbülün yeni hazırlanan büstü ucaldılıb. Eyni zamanda burada vaxtilə olan və erməni vandalizminə məruz qalan büstü də saxlanılır.

Muzeydə Bülbülə aid olan eksponatlar, əşyalar, sənədlər toplanıb. Bundan başqa, ev-muzeyində quraşdırılan böyük monitorda görkəmli musiqiçinin ifa etdiyi əsərlər, onunla bağlı audio və videoyazılar, məlumatlar 7 dildə nümayiş olunur.

Həmçinin oxuyun:

Şuşa yaxın iki-üç aya tamam dəyişəcək: Xüsusi nümayəndə görülən işlərin hesabatını verdi

0
Teqlər:
Bülbül