Türkiyə Prezidenti Rəcəb Tayyib Ərdoğan, arxiv şəkli

Ərdoğan Taliban*la qarşılıqlı münasibətləri davam etdirməyin vacibliyini bəyan etdi

678
(Yenilənib 15:26 09.09.2021)
Türkiyə Prezidenti ilə İtaliya Baş naziri Mario Draqi arasındakı telefon danışığında Əfqanıstan, "G-20", Liviya məsələləri və iki ölkənin qarşılıqlı münasibətləri müzakirə olunub.

BAKI, 9 sentyabr — Sputnik. Türkiyə Prezidenti Rəcəb Tayyib Ərdoğan Taliban*la qarşılıqlı münasibətlərin davam etdirilməsini vacib hesab edir. Onun sözlərinə görə, əks təqdirə onsuz da ən yüksək səviyyəyə gəlib çatmış miqrant axının qarşısını almaq mümkün olmayacaq.

Sputnik Azərbaycan Anadolu Agentliyinə istinadla xəbər verir ki, Türkiyə Prezidenti bu fikri İtaliyanın Baş naziri Mario Draqi ilə telefon danışığında səsləndirib. Bu barədə Ərdoğanın mətbuat katibliyindən məlumat verilib.

"Prezident Ərdoğan Əfqanıstanın humanitar yardımla təchiz edilməsi məqsədilə Taliban hərəkatı ilə qarşılıq münasibətlərin davam etdirilməsinin vacibliyini vurğulayıb və əks təqdirdə miqrant axının daha da güclənəcəyini bildirib", – deyə məlumatda qeyd olunur.

Agentliyin bildirdiyinə görə, danışıqların mətni ilə əlaqədar İtaliya tərəfindən də açıqlama verilib. Açıqlamada bildirilir ki, Prezident Rəcəb Tayyib Ərdoğanla İtaliya Baş naziri Mario Draqi arasındakı telefon danışığında Əfqanıstan, "G-20", Liviya məsələləri və Türkiyə-İtaliya qarşılıqlı münasibətləri müzakirə olunub.

İtaliya Baş naziri Draqi Türkiyə Prezidenti Ərdoğanı hazırda sədrliyini İtaliyanın həyata keçirdiyi "G-20"-nin oktyabr ayında Romada keçiriləcək Liderlər Sammitinə də dəvət edib.

*Dünyanın bir sıra ölkələrində qadağan olunmuş terror təşkilatı

678
İstanbul şəhərinə mənzərə, arxiv şəkli

Türkiyədə dünyada ilk mozika aşkarlandı

0
Abidə Yozqat vilayətinin Sorqun rayonunda, Uşaklı kurqanında aşkarlanıb. Bu ərazidə qazıntı işlərinin aparılmasına 2012-ci ildən başlanılıb.

BAKI, 18 sentyabr — Sputnik. Arxeoloqlar Türkiyənin mərkəzində 3,5 min il yaşı olan mozaika aşkarlayıblar. Sputnik Azərbaycan "Daily Sabah"a istinadən xəbər verir ki, artıq bu tapıntı dünyanın ən qədim mozaikalarından hesab olunur.

3x7 m ölçüsündə olan mozaika 3147 daşdan ibarətdir. O, Yozqat vilayətinin Sorqun rayonunda, Uşaklı kurqanında aşkarlanıb. Bu ərazidə qazıntı işlərinin aparılmasına 2012-ci ildən başlanılıb.

"Bizim araşdırmalar nəticəsində müəyyənləşdirilib ki, tapılan mozaika dünyada ən birinci mozaikadır. Onun forması da bunu təsdiqləyir. Çünki o, kifayət qədər primitiv tərzdə hazırlanıb. Biz bu tapıntı hesabına turist sektorunun əhəmiyyətini artırmaq niyyətindəyik", - deyə vilayətin mədəniyyət və turizm üzrə idarəsinin direktoru Hüseyn Çiftçi bildirib.

Eləcə də oxuyun:

0
Koronavirus testi, arxiv şəkli

Əzmli koronavirus: daha sürətli yayılmaq üçün mutasiya edir

8
Tədqiqat nəticələrinə görə, "alfa" ştammına yoluxmuş insanlar havaya digər ştammlara yoluxmuşlara nisbətən 43-100 dəfə çox virus hissəciyi yayırlar.

BAKI, 18 sentyabr - Sputnik. Merilend Universitetinin İctimai Səhiyyə məktəbinin alimləri belə nəticəyə gəliblər ki, koronavirus ona görə mutasiyaya uğrayır ki, hava ilə daha aktiv yayıla bilsin.

Sputnik Azərbaycan bildirir ki, bu barədə Britaniyanın Daily Mail nəşri yazır.

Ekspertlərin məlumatına görə, "alfa" ştammının hissəcikləri hava-damcı yolu ilə COVID-19-un Uhan ştammına nisbətdə 1000 dəfə sürətli yayılır. "Alfa" ştammı Böyük Britaniyada 2021-ci ilin yanvarında dominant olduğu üçün alimlər diqqətlərini onun tədqiqatına yönəldiblər. 

2020-ci ilin mayından 2021-ci ilin aprelinədək aparılan tədqiqatda "alfa" ştammına yoluxmuş 49 nəfər iştirak edib. Könüllülər xüsusi aparat vasitəsilə 30 dəqiqə maskasız, 30 dəqiqə isə maska ilə nəfəs alırdılar.

Nəticədə müəyyən edildi ki, "alfa" ştammına yoluxmuş insanlar havaya digər ştammlara yoluxmuşlara nisbətən 43-100 dəfə çox virus hissəciyi yayırlar.

Ötürülən hissəciklərin çoxalması hələ "delta" ştammından əvvəl qeydə alınıb. Araşdırmaçılar əmindirlər ki, COVID-19 mutasiyaya uğramasının sayəsində hava ilə daha tez və effektiv yayılmağa başlayıb. Bundan başqa, o da bəlli olub ki, adi tibbi maska virus hissəciklərinin 48%-ni tutub saxlamağa qadirdir.

Eləcə də oxuyun:

8
Teqlər:
COVID-19, epidemiya, Koronavirus, ştamm, mutasiya, hava