Oğlan, arxiv şəkli

İki yüz yaşamaq arzusunda olan şəxsdən çox yaşamağın sirləri

30
"Tədqiqatlar göstərir ki, məşqlərə gündə 15-25 dəqiqə sərf olunması artıq çəki olmadıqda ömrü yeddi il, şişman insanlarda isə üç il uzadır. Yalnız idman deyil, hətta sadə gəzinti belə faydalıdır".

BAKI, 27 avqust — Sputnik. İki yüz il yaşamağı qarşısına məqsəd qoymuş iri sərmayəçi Sergey Yanq uzunömürlülüyün sirlərini paylaşıb. Sputnik Azərbaycan Rusiya KİV-lərinə istinadən xəbər verir ki, Sergey Yanq uzun müddətdir ki, ömrün necə uzadılması ilə maraqlanır.

Bundan əlavə o, daha çox yaşamağa kömək edən texnologiyalar üzrə ixtisaslaşmış "Longevity Vision" fondunun banisidir. Yaşlanma ilə mübarizə aparmaq üçün "Age Reversal XPRIZE"nin təşkil etdiyi ixtiralar müsabiqəsində iştirak edən Yanq hədəfinə çatmaq üçün həkimlərin, diyetoloqların və dünyaca məşhur alimlərin tövsiyələrini yerinə yetirib.

Yanq daha çox yaşamaq üçün mütəmadi olaraq tibb müayinələrdən keçməyin lazım olduğunu söyləyir. O, özü həkimlərə ildə ən azı bir dəfə müraciət edir. Bu, xəstəlikləri erkən mərhələdə, müalicəsi daha asan olduğu və sağlamlığa ciddi ziyan vurulmadığı zaman diaqnoz qoymağa imkan verir.

Onun qənaətinə görə, uzun ömür sürmək üçün həmçinin düzgün qidalanma son dərəcə vacibdir. Yanq daha çox bitki mənşəli yeməklərlə qidalanmağı, yarımfabrikatlardan uzaq durmağı və su içməyi unutmamağı məsləhət görür.

Onun fikrincə, bədənin sağlam yağlara ehtiyacı var. Xüsusilə, aşağı sıxlıqlı lipoproteinləri olan məhsullar ürək-damar sistemi üçün çox faydalıdır.

Yanq daha çox hərəkət etməyi də məsləhət görür:

"Tədqiqatlar göstərir ki, məşqlərə gündə 15-25 dəqiqə sərf olunması artıq çəki olmadıqda ömrü yeddi il, şişman insanlarda isə üç il uzadır. Yalnız idman deyil, hətta sadə gəzinti belə faydalıdır".

Mütəxəssislər vaxtilə Yanqa siqaret çəkməyi tərgitməyi, spirtli içkilərdən çəkinməyi və şəkər qəbulunu  azaltmağı məsləhət görüblər. Onun sözlərinə görə, yuxusuzluq ömrünün azalmasına səbəb olduğu üçün gündə ən az yeddi saat yatmağa çalışır.

Bu yaxınlarda Harvard İctimai Sağlamlıq Məktəbinin alimləri sübut ediblər ki, qoz-fındığın mütəmadi olaraq az miqdarda yeyilməsi xərçəng və ürək xəstəliklərinin yaranma ehtimalını azaldır.

Həmçinin oxuyun:

Keçmiş modeldən az müddətdə, pəhriz və idmansız arıqlamağın sirri

30
Koronavirus testi, arxiv şəkli

Əzmli koronavirus: daha sürətli yayılmaq üçün mutasiya edir

8
Tədqiqat nəticələrinə görə, "alfa" ştammına yoluxmuş insanlar havaya digər ştammlara yoluxmuşlara nisbətən 43-100 dəfə çox virus hissəciyi yayırlar.

BAKI, 18 sentyabr - Sputnik. Merilend Universitetinin İctimai Səhiyyə məktəbinin alimləri belə nəticəyə gəliblər ki, koronavirus ona görə mutasiyaya uğrayır ki, hava ilə daha aktiv yayıla bilsin.

Sputnik Azərbaycan bildirir ki, bu barədə Britaniyanın Daily Mail nəşri yazır.

Ekspertlərin məlumatına görə, "alfa" ştammının hissəcikləri hava-damcı yolu ilə COVID-19-un Uhan ştammına nisbətdə 1000 dəfə sürətli yayılır. "Alfa" ştammı Böyük Britaniyada 2021-ci ilin yanvarında dominant olduğu üçün alimlər diqqətlərini onun tədqiqatına yönəldiblər. 

2020-ci ilin mayından 2021-ci ilin aprelinədək aparılan tədqiqatda "alfa" ştammına yoluxmuş 49 nəfər iştirak edib. Könüllülər xüsusi aparat vasitəsilə 30 dəqiqə maskasız, 30 dəqiqə isə maska ilə nəfəs alırdılar.

Nəticədə müəyyən edildi ki, "alfa" ştammına yoluxmuş insanlar havaya digər ştammlara yoluxmuşlara nisbətən 43-100 dəfə çox virus hissəciyi yayırlar.

Ötürülən hissəciklərin çoxalması hələ "delta" ştammından əvvəl qeydə alınıb. Araşdırmaçılar əmindirlər ki, COVID-19 mutasiyaya uğramasının sayəsində hava ilə daha tez və effektiv yayılmağa başlayıb. Bundan başqa, o da bəlli olub ki, adi tibbi maska virus hissəciklərinin 48%-ni tutub saxlamağa qadirdir.

Eləcə də oxuyun:

8
Teqlər:
COVID-19, epidemiya, Koronavirus, ştamm, mutasiya, hava
Yeniyetməyə koronavirusa qarşı peyvənd vurulur, arxiv şəkli

Dünyada uşaqlar COVID-19 əleyhinə necə vaksin olunurlar

4
(Yenilənib 19:24 18.09.2021)
ABŞ, Fransa, İtaliya, İspaniya, Almaniya, İrlandiya, İsveçrə kimi ölkələrdə uşaqların COVID-19 əleyhinə vaksin yaşı 12-dən başlayır.

BAKI, 18 sentyabr — Sputnik. Hələlik Azərbaycanda uşaqların COVID-19 əleyhinə vaksinləşməsi ilə bağlı bir qərar yoxdur. Nazirlər Kabinetinin qərarı ilə ölkədə yaşı 18-dən yuxarı olan şəxslərin vaksinasiyası aparılır. Azərbaycandan fərqli olaraq qonşu Türkiyədə isə artıq bu istiqamətdə addımlar atılıb və yaşı 12-15 olan uşaqlar vaksin olunurlar. Maraqlıdır, dünyada uşaqların vaksin yaşı neçədir?

Sputnik Azərbaycan bunu araşdırmağa çalışıb.

Bir çox dünya ölkələrində, xüsusən də inkişaf etmiş ölkələrdə COVID-19 əleyhinə uşaqların peyvənd yaşı 12 olaraq müəyyənləşib. Bəzi ölkələrdə bu yaş 12-15 yaş aralığında dəyişir.

Məsələn, ABŞ, Fransa, İtaliya, İspaniya, Almaniya, İrlandiya, İsveçrə kimi ölkələrdə uşaqların COVID-19 əleyhinə vaksin yaşı 12-dən başlayır.

Bəs bu ölkələrdə uşaqların neçə faizi vaksin olunub, buna nəzər yetirək:

- Fransada 68 %

- İtalyada 62%

- İspaniyada 79%

- Almaniyada 39%

- İrlandiyada 90%

- İsveçrədə 55%

Qonşu Türkiyədə vəziyyət necədir?

Türkiyə Səhiyyə Nazirliyinin məlumatına görə, son günlər COVID-19 virusu ilə əlaqədar olaraq reanimasiyadakı uşaqların sayında artım olub: "Bu səbəbdən də əlimizdə əsas silahımız vaksindir. Ailələr övladlarını vaksin etdirməkdən qorxmasınlar. Nəinki Türkiyədə, dünyanın bir çox ölkələrində bu virus əleyhinə uşaqlar vaksin olunurlar. Məsələn, Kubada uşaqlar 2 yaşından vaksin olunurlar. Çin və Birləşmiş Ərəb ölkələrində 3 yaşdan vaksinləşmə başlayır".

Qeyd olunub ki, uşaqlar üçün vaksinin fərqli dozada tətbiqi ilə bağlı hələlik nəsə demək mümkün deyil: "Yaşı 12-dən yuxarı olanlara tam doza vaksin vurulur, yaşı 12-dən aşağı olanlara isə daha az dozada vaksinin vurulması üçün müəyyən işlər getsə də, hələlik bir nəticə, qərar yoxdur".

Eləcə də oxuyun:

4
Teqlər:
COVID-19, epidemiya, Koronavirus, vaksinasiya, dünya, uşaqlar
Mövzu:
Yeni tip koronavirus pandemiyası
Doktor, arxiv şəkli

Bakının məşhur xəstəxanasına yeni direktor təyin edilib

0
TƏBİB-in İdarə heyətinin sədri Vüqar Qurbanov yeni direktorun təyinatı ilə bağlı müvafiq əmr imzalayıb.

BAKI, 18 sentyabr - Sputnik. Səhiyyə Nazirliyinin Baş nefroloqu, Akademik M.C.Cavadzadə adına Respublika Klinik Uroloji Xəstəxanasının Hemodializ şöbəsinin müdiri Fariz Babayev “Akademik M.C.Cavadzadə adına Respublika Klinik Uroloji Xəstəxanası” publik hüquqi şəxsinin direktoru təyin edilib.

Sputnik Azərbaycan APA-ya istinadən xəbər verir ki, bununla bağlı TƏBİB-in İdarə heyətinin sədri Vüqar Qurbanov müvafiq əmr imzalayıb.

Əmrin icrası ilə bağlı digər məsələlərin həlli “Akademik M.C.Cavadzadə adına Respublika Klinik Uroloji Xəstəxanası” publik hüquqi şəxsinə tapşırılıb.

Eləcə də oxuyun:

0
Teqlər:
xəstəxana, Uroloq, TƏBİB, direktor
Mövzu:
Bakının son xəbərləri