Azərbaycan və Türkiyə bayraqları olan tablo, arxiv şəkli

Azərbaycan-Türkiyə qarşılıqlı münasibətləri bölgənin xeyrinə olacaq - Barış Sayqın

16
(Yenilənib 16:07 31.08.2021)
Türkiyə və Azərbaycanın birlikdə olmağı bütün Qafqazda, o cümlədən Cənubi Qafqazda sülh, sabitlik, rifah, təhlükəsizlik, əməkdaşlıq mühitinin yaradılmasına töhfə verir.

BAKI, 31 avqust — Sputnik. Türkiyə-Azərbaycan əməkdaşlığı təkcə bu iki ölkə üçün deyil, bütün bölgə üçün əhəmiyyətlidir. Bu sözləri Sputnik Azərbaycan-a açıqlamasında Türkiyənin Azərbaycandakı fövqəladə və səlahiyyətli səfirinin birinci müavini Barış Sayqın deyib:

"Azərbaycanla Türkiyənin qarşılıqlı münasibətlərinin yalnız bu iki ölkənin deyil, bütün bölgənin xeyrinə olacağına inanırıq. Ona görə də baş verənlərə həmişə müsbət yanaşırıq. İnşallah bölgəmizə sülh və sabitliyin gəlməsini arzulayırıq. Biz Azərbaycanın tarixi ərazi bütövlüyünün, suverenliyinin tərəfdarıyıq", - deyə B.Sayqın bildirib.
© Sputnik / Zulfiyya Guluyeva
Türkiyənin Azərbaycandakı fövqaladə və səlahiyyətli səıfirinin birinci müavini Barış Sayğın

O deyib ki, Azərbaycan öz torpaqlarını işğaldan azad edib: "Nə Türkiyənin, nə də ki, Azərbaycanın heç kimin torpağında gözü yoxdur. İnanırıq ki, bizim birlikdə olmağımız bütün Qafqazıda, o cümlədən Cənubi Qafqazda sülh, sabitlik, rifah, təhlükəsizlik, əməkdaşlıq mühitinin yaradılmasına töhfə verir", - deyə səfir müavini bildirib.

16
Teqlər:
səfir, müavin, Türkiyə
Rusiya Dövlət Dumasına seçkilər (2021)

Rusiyada keçirilən seçkilərdə kim irəlidədir - Exit-poll nəticələri

11
(Yenilənib 00:13 20.09.2021)
Sorğunun nəticələrinə görə, 5%-lik həddi dörd siyasi təşkilat keçə bilib, onların arasında “Yedinaya Rossiya” liderdir.

BAKI, 19 sentyabr - Sputnik. Rusiyada Dövlət Dumasına keçirilən seçkilərdə “Yedinaya Rossiya” partiyası hamıdan çox səs toplayıb (45,2%). Belə bir nəticə Sosial marketinq institutunun (İNSOMAR) keçirdiyi exit-poll-dan sonra hasil olub.

Kommunist partiyası səslrin 21%-ni, RLDP - 8,7%-ni, “eserlər” isə - 7,9%-ni toplayıblar.

Sorğunun nəticələrinə görə, seçkilərə qatılmış digər siyasi təşkilatlar 5%-lik səs həddini keçə bilməyiblər.

Respondentlərə belə bir sualla müraciət olunub: “Dövlət Dumasına seçkilərdə hansı partiyaya səs vermisiniz?”.

Sorğu planşetlər vasitəsilə, elektron anketlərin köməyi ilə keçirilib. Məlumatlar real vaxt rejimində işlənib. Ümumilikdə sentyabrın 17-dən 19-a qədər sorğuda 438218 seçici iştirak edib.

Exit-poll üçün 825 yaşayış mntəqəsində 1455 seçki məntəqəsi seçilib.

Qeyd edək ki, yerli vaxtla saat 20.00-da Moskva və ölkənin mərkəzi regionlarında səsvermə məntəqələri bağlanıb. Yerli vaxtla saat 18.00-a olan məlumata görə, seçkilərdə seçicilərin 45,15%-i iştirak ediblər.

Bütün ölkə üzrə seçicilərin ən çox fəallığı Çeçenistan, Kabardin-Balkar və Tuva vilayətlərində qeydə alınıb. Ən az fəallığı isə “şimal paytaxtı”nın sakinləri göstəriblər.

11
Teqlər:
'exit-poll', Rusiya
Minsk şəhərinə mənzərə, arxiv şəkli

Azərbaycan ilə Belarus arasında ticarət dövriyyəsi 200 milyon dolları ötüb

7
(Yenilənib 22:18 19.09.2021)
Azərbaycan Respublikasından Belarusa ixracın dəyəri 130 milyon dollar, bu ölkədən idxalın dəyəri isə 79,5 milyon dollar təşkil edib.

BAKI, 19 sentyabr - Sputnik. Cari ilin yanvar-avqust aylarında Azərbaycan ilə Belarus arasında ticarət dövriyyəsi 209,5 milyon ABŞ dolları təşkil edib.

Bu barədə AZƏRTAC-a Belarus Dövlət Statistika Komitəsindən məlumat verilib.

Səkkiz ayda Azərbaycandan Belarusa ixracın dəyəri 130 milyon dollar, bu ölkədən ölkəmizə idxalın dəyəri isə 79,5 milyon dollar təşkil edib.

Həmçinin oxuyun:

Azərbaycan Prezidenti Belarusla müdafiə sahəsində müqaviləni təsdiqlədi

7
Teqlər:
Belarus, ixrac, idxal