Tbilisi şəhərinə mənzərə, arxiv şəkli

Nigeriyalı biznesmen Tbilisinin meri olmaq istəyir

18
(Yenilənib 17:11 28.08.2021)
Tbilisinin hazırkı meri Kaxa Kaladze bu il iyulun 13-də paytaxtımıza səfər edib və burada Bakı və Tbilisi şəhərləri arasında Qardaşlaşma haqqında Memorandum imzalanıb.

BAKI, 28 avqust - Sputnik. Gürcüstanda yaşayan nigeriyalı biznesmen Riçard Arinze Oqbunucu payızda keçiriləcək seçkidə Tbilisinin meri adını qazanmağa çalışacaq.

"Mən Tbilisinin tarixini yaxşı bilirəm, bu şəhərin necə yarandığından xəbərim var... Burada qohumlarım yoxdur, odur ki, əgər mən Tbilisidə mer olsam, nepotizm (vəzifə səlahiyyətlərindən sui-istifadə edib qohumlara güzəştlər etmək - red.) tamamilə yox olacaq", - biznesmen şənbə günü jurnalistlərə deyib.

Sputnik Azərbaycan-ın məlumatına görə, Gürcüstan Mərkəzi Seçki Komissiyası artıq Oqbunucunun Tbilisi merliyinə namizədliyini qeydə alıb. Seçki nömrəsi 23 olan biznesmenin namizədliyini "Bizim Birləşmiş Gürcüstanımız" adlı seçki subyekti irəli sürüb.

Nigeriyalı namizəd jurnalistlərə açıqlamasında seçkidə səslərin ən azı 80%-ni qazanacağına əmin olduğunu bildirib. 

"Rustavi-2" telekanalının məlumatına görə, biznesmen iyirmi altı ildir ki, Gürcüstanda yaşayır, gürcü dilini bilir. O, beynəlxalq münasibətlər fakültəsinin məzunudur. Bir neçə dildə danışan Oqbunucu gürcülərlə afrikalıları tanış etməyə, yaxınlaşdırmağa çalışır. O özü gürcü qızı ilə evlənib və bu izdivacdan üç uşağı var.

Qeyd edək ki, Tbilisi ilə Bakı qardaşlaşmış şəhərlərdir. Tbilisinin hazırkı meri Kaxa Kaladze bu il iyulun 13-də paytaxtımıza səfər edib və burada Bakı və Tbilisi şəhərləri arasında Qardaşlaşma haqqında Memorandum imzalanıb.

43 yaşlı Kaxa Kaladze 2017-ci ilin oktyabr ayından Tbilisinin meridir. "İslahatçı mer" adı qazanan Kaladze payızda keçiriləcək mer seçkisində ikinci müddətə namizədliyini irəli sürüb.

Eləcə də oxuyun:

 

18
Teqlər:
Tbilisi, Gürcüstan, mer, Kaxa Kaladze, Nigeriya, biznesmen, seçki

Ceyhun Bayramov Beynəlxalq Qırmızı Xaç Komitəsinin prezidenti ilə görüşüb

6
(Yenilənib 22:27 25.09.2021)
BQXK-nin prezidenti humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

BAKI, 25 sentyabr - Sputnik. Sentyabrın 24-də xarici işlər naziri Ceyhun Bayramov BMT Baş Assambleyasının 76-cı sessiyası çərçivəsində Beynəlxalq Qırmızı Xaç Komitəsinin prezidenti Peter Maurer ilə görüşüb.

Görüşdə Azərbaycan ilə BQXK arasındakı münasibətlərin hazırkı vəziyyəti və perspektivləri barədə fikir mübadiləsi aparıldı və tərəflər arasındakı uğurlu əməkdaşlığın gələcəkdə daha da inkişaf edəcəyinə ümid ifadə edilib. 

Ceyhun Bayramov münaqişə sonrası regionda mövcud olan vəziyyət, xüsusilə də mina təhlükəsi və onun doğurduğu fəsadlar, azad edilmiş ərazilərdə həyata keçirilən bərpa, yenidənqurma işləri barədə qarşı tərəfə ətraflı məlumat verib. Nazir münaqişə kontekstində BQXK-nın fəaliyyətinin Azərbaycan tərəfindən müsbət qiymətləndirildiyini həmsöhbətinin diqqətinə çatdırıb.

Öz növbəsində BQXK-nin prezidenti Piter Maurer verilmiş məlumatlara görə təşəkkürünü bildirərək, təmsil etdiyi qurum tərəfindən bu istiqamətdə aparılan işlər barəsində məlumat verib. O, humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

Görüş zamanı, həmçinin ümumi humanitar məqsədli fəaliyyət barədə fikir mübadiləsi aparılıb.

Həmçinin oxuyun:

Ceyhun Bayramov Amerika Yəhudi Komitəsinin nümayəndələri ilə görüşüb

Ceyhun Bayramov Ermənistan XİN rəhbəri ilə görüşüb

6
Teqlər:
Ceyhun Bayramov, BQXK
Sergey Lavrov

Böyük dövlətlər arasında istənilən müharibə qəbuledilməzdir - Sergey Lavrov

376
(Yenilənib 22:53 25.09.2021)
Qeyd edək ki, bir müddət əvvəl Lavrov Rusiya və ABŞ liderlərinin Cenevrə sammitinin münasibətlərdə hər hansı bir dəyişikliyə və irəliləyişə gətirmdiyini, lakin buna baxmayaraq müsbət hadisə olduğunu demişdi.

BAKI, 25 sentyabr - Sputnik. Nüvə dövlətləri arasında istənilən müharibə, hətta nüvə müharibəsi olmasa belə, qəbuledilməzdir. RİA Novosti xəbər verir ki, bunu Rusiyanın xarici işlər naziri Sergey Lavrov deyib.

"Biz böyük dövlətlər arasında münasibətlərin qarşılıqlı hörmətə əsaslanmasına tərəfdarıq. İstərdik ki, bu münasibətlər heç vaxt müharibəyə gətirib çıxarmasın. Ən azı, nüvə müharibəsininin olmasını dəqiq istəmirik. Yaxşı ki, prezidentlər Putin və Bayden nüvə müharibəsinin prinsipcə məqbul olmadığını bildiriblər. Mən isə düşünürəm ki, böyük dövlətlər arasında istənilən müharibə qəbuledilməzdir. Çünki onun hər zaman nüvə münaqişəsinə gətirib çıxarması riski böyükdür", - deyə Lavrov mətbuat konfransında bildirib.

Qeyd edək ki, bir müddət əvvəl Lavrov Rusiya və ABŞ liderlərinin Cenevrə sammitinin münasibətlərdə hər hansı bir dəyişikliyə və irəliləyişə gətirmdiyini, lakin buna baxmayaraq müsbət hadisə olduğunu demişdi - prezdentlər nüvə müharibəsinin məqbul olmadığı mövqeyini təsdiq edib, habelə silahlara nəzarətə dair danışıqlar barədə razılığa gəliblər.

376
Teqlər:
Sergey Lavrov, nüvə müharibəsi
Elektrik xətləri, arxiv şəkli

İES-lərin enerji hasilatında artım, SES-lərin hasilatında isə azalma var