Meşə, arxiv şəkli

Məhv olan tropik meşələr qeyri-adi xüsusiyyətləti ilə alimləri təəccübləndirib

18
(Yenilənib 01:36 27.08.2021)
Afrikanın dağlıq ərazilərindəki tropik meşələr sahə vahidinə nisbətinə görə Amazon yağış meşələrindən daha çox karbon toplayır ki, bununla da nəhəng oduncaq yanacağı anbarına çevrilir.

BAKI, 27 avqust — Sputnik. Beynəlxalq alimlər qrupu Afrikada insan ayağı dəyməmiş tropik dağ meşələrinin əvvəlki hesablamalara rəğmən daha çox karbona malik olduğu qənaətinə gəliblər. Ancaq meşə massivlərinin sürətlə yoxa çıxması planetin atmosferinə çoxlu miqdarda karbon qazının atılmasına gətirib çıxarır ki, bu da qlobal istiləşməni sürətləndirir. Bu barədə "Nature" jurnalında dərc olunmuş məqalədə bildirilir.

Tədqiqatçılar Qvineyadan Efiopiyaya kimi və cənubda Mozambikə qədər 12 Afrika ölkəsinin 44 dağ rayonunda 72 min ağac üzərində araşdırma aparıblar. Onlar hər bir dağ massivində meşə sahəsini nişanlayaraq ağacların diametri, hündürlüyü və növünü qeyd ediblər.

Məlum olub ki, bir hektar tropik meşə sahəsində 150 ton karbon var və bu ərazidə ağacların saxlanılması bir il ərzində yüzlərlə evə elektrik enerjisi verməyə bərabər olan karbon qazı tullantılarını azaldır.

Afrikanın dağlıq ərazilərindəki tropik meşələr sahə vahidinə nisbətinə görə Amazon yağış meşələrindən daha çox karbon toplayır ki, bununla da nəhəng oduncaq yanacağı anbarına çevrilir. Bu fakt elm adamlarını təəccübləndirib, çünki adətən, dağ iqlimi karbon qazının meşələr tərəfindən udulmasına yol vermir ki, bu da ağacların boy atmasını yavaşıdır.

Alimlər onu da müəyyənləşdiriblər ki, son 20 il ərzində 0,8 milyon hektar meşə ərazisi itirilib. Bu itki daha çox Konqo Demokratik Respublikası, Uqanda və Efiopiyanın payına düşür ki, nəticədə də atmosferə 450 milyon ton karbon qazı atılıb. Əgər meşə qırılmalarının hazırkı tempi davam edərsə, 2030-cu ilə kimi daha 0,5 milyon hektar meşə sıradan çıxacaq.

2000-ci ildən bu yana Afrikanın tropik dağ meşələrinin təxminən 5 faizi qırılıb, bəzi ölkələrdə isə bu göstərici 20 faizə çatır. Hazırda Bonn çağırışı çərçivəsində tropik meşələrin mühafizəsinin gücləndirilməsi prosesi gedir.

Almaniyada 2011-ci ildə irəli sürülən Bonn çağırışı 2020-ci ilə kimi 150 milyon, 2030-cu ilə kimi isə 350 milyon hektar sıradan çıxmış meşə ərazisinin bərpasını nəzərdə tutur. Bu çağırış üzrə 70-dən çox ölkə öz üzərinə meşələrin bərpası ilə bağlı öhdəlik götürüb.

18
Teqlər:
meşə, Afrika, Amazon, karbon tullantıları

Ceyhun Bayramov Beynəlxalq Qırmızı Xaç Komitəsinin prezidenti ilə görüşüb

3
(Yenilənib 22:27 25.09.2021)
BQXK-nin prezidenti humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

BAKI, 25 sentyabr - Sputnik. Sentyabrın 24-də xarici işlər naziri Ceyhun Bayramov BMT Baş Assambleyasının 76-cı sessiyası çərçivəsində Beynəlxalq Qırmızı Xaç Komitəsinin prezidenti Peter Maurer ilə görüşüb.

Görüşdə Azərbaycan ilə BQXK arasındakı münasibətlərin hazırkı vəziyyəti və perspektivləri barədə fikir mübadiləsi aparıldı və tərəflər arasındakı uğurlu əməkdaşlığın gələcəkdə daha da inkişaf edəcəyinə ümid ifadə edilib. 

Ceyhun Bayramov münaqişə sonrası regionda mövcud olan vəziyyət, xüsusilə də mina təhlükəsi və onun doğurduğu fəsadlar, azad edilmiş ərazilərdə həyata keçirilən bərpa, yenidənqurma işləri barədə qarşı tərəfə ətraflı məlumat verib. Nazir münaqişə kontekstində BQXK-nın fəaliyyətinin Azərbaycan tərəfindən müsbət qiymətləndirildiyini həmsöhbətinin diqqətinə çatdırıb.

Öz növbəsində BQXK-nin prezidenti Piter Maurer verilmiş məlumatlara görə təşəkkürünü bildirərək, təmsil etdiyi qurum tərəfindən bu istiqamətdə aparılan işlər barəsində məlumat verib. O, humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

Görüş zamanı, həmçinin ümumi humanitar məqsədli fəaliyyət barədə fikir mübadiləsi aparılıb.

Həmçinin oxuyun:

Ceyhun Bayramov Amerika Yəhudi Komitəsinin nümayəndələri ilə görüşüb

Ceyhun Bayramov Ermənistan XİN rəhbəri ilə görüşüb

3
Teqlər:
Ceyhun Bayramov, BQXK
Sergey Lavrov

Böyük dövlətlər arasında istənilən müharibə qəbuledilməzdir - Sergey Lavrov

181
(Yenilənib 22:53 25.09.2021)
Qeyd edək ki, bir müddət əvvəl Lavrov Rusiya və ABŞ liderlərinin Cenevrə sammitinin münasibətlərdə hər hansı bir dəyişikliyə və irəliləyişə gətirmdiyini, lakin buna baxmayaraq müsbət hadisə olduğunu demişdi.

BAKI, 25 sentyabr - Sputnik. Nüvə dövlətləri arasında istənilən müharibə, hətta nüvə müharibəsi olmasa belə, qəbuledilməzdir. RİA Novosti xəbər verir ki, bunu Rusiyanın xarici işlər naziri Sergey Lavrov deyib.

"Biz böyük dövlətlər arasında münasibətlərin qarşılıqlı hörmətə əsaslanmasına tərəfdarıq. İstərdik ki, bu münasibətlər heç vaxt müharibəyə gətirib çıxarmasın. Ən azı, nüvə müharibəsininin olmasını dəqiq istəmirik. Yaxşı ki, prezidentlər Putin və Bayden nüvə müharibəsinin prinsipcə məqbul olmadığını bildiriblər. Mən isə düşünürəm ki, böyük dövlətlər arasında istənilən müharibə qəbuledilməzdir. Çünki onun hər zaman nüvə münaqişəsinə gətirib çıxarması riski böyükdür", - deyə Lavrov mətbuat konfransında bildirib.

Qeyd edək ki, bir müddət əvvəl Lavrov Rusiya və ABŞ liderlərinin Cenevrə sammitinin münasibətlərdə hər hansı bir dəyişikliyə və irəliləyişə gətirmdiyini, lakin buna baxmayaraq müsbət hadisə olduğunu demişdi - prezdentlər nüvə müharibəsinin məqbul olmadığı mövqeyini təsdiq edib, habelə silahlara nəzarətə dair danışıqlar barədə razılığa gəliblər.

181
Teqlər:
Sergey Lavrov, nüvə müharibəsi
Elektrik xətləri, arxiv şəkli

İES-lərin enerji hasilatında artım, SES-lərin hasilatında isə azalma var

0
(Yenilənib 23:07 25.09.2021)
Avqust ayında respublika üzrə elektrik enerjisinin istehsalı ötən ilin müvafiq dövrü ilə müqayisədə 611,2 milyon kilovat/saat artaraq 2 milyard 767,4 milyon kilovat/saat olub.

BAKI, 25 sentyabr — Sputnik. Yanvar-avqust aylarında istilik elektrik (İES) və su elektrik stansiyalarında (SES) istehsal edilən elektrik enerjisinin həcmi açıqlanıb.

Energetika Nazirliyindən Sputnik Azərbaycan-a verilən məlumata görə, 8 ayda respublikada elektrik enerjisinin istehsalı 18 milyard 612,4 milyon kilovat/saat olub.

Hesabat dövründə ötən ilin eyni aylarına nisbətən elektrik enerjisinin istehsalı İES-lərdə 994,2 milyon kilovat/saat artaraq 17 milyard 409,7 milyon kilovat/saat, SES-lərdə 120,3 milyon kilovat/saat çoxalaraq 966,9 milyon kilovat/saat, digər mənbələr (KES, GES və BMTYZ) üzrə isə 4,8 milyon kilovat/saat azalaraq 235,8 milyon kilovat/saat olub.

Qeyd edək ki, təkcə avqust ayında respublika üzrə elektrik enerjisinin istehsalı ötən ilin müvafiq dövrü ilə müqayisədə 611,2 milyon kilovat/saat artaraq 2 milyard 767,4 milyon kilovat/saat olub.

Ay ərzində elektrik enerjisinin ixracı 150,6 milyon kilovat/saat, idxalı isə 10,5 milyon kilovat/saat təşkil edib.

Həmçinin oxuyun:

Bərpa olunan Laçın SES kimə işıq verəcək?

0
Teqlər:
İES, SES