Sputnik V vaksini, arxiv şəkli

Argentinalı alimlər "Sputnik V"dən sonra müdafiənin necə yarandığı haqda

20
(Yenilənib 11:11 31.08.2021)
Argentinada "SARS-CoV-2" virusunun mutasiyalarına qarşı orqanizmin müdafiəsinin peyvənddən sonra altı ay ərzində artdığını iddia edirlər.

BAKI, 26 avqust — Sputnik. Koronavirus infeksiyasına qarşı müdafiə Rusiyanın "Sputnik V" preparatı ilə peyvənd edildikdən sonra altı ay ərzində tədricən artmağa başlayıb. Bu nəticəyə gələn argentinalı alimlərin araşdırması ilə "medrxiv.org" portalında tanış ola bilərsiniz. Məqaləni Sputnik radiosu təqdm edir.

Təcrübələrin keçirilməsinə müxtəlif institutların və tibb müəssisələrinin, xüsusən də Səhiyyə Nazirliyinin, Buenos-Ayres Universitetinin, Sent-Luisdəki Vaşinqton Universitetinin və digərlərinin mütəxəssisləri cəlb olunublar.

Tədqiqatçılar Rusiya peyvəndi ilə vaksin olunan insanların 1,8 min qan serum nümunəsini araşdırıblar. Nümunələri bu ilin yanvar-avqust ayları arasında əldə ediblər. Alimlər antitellərin formalaşmasını və onların "Alfa" (İngiltərə), "Beta" (Cənubi Afrika), "Qamma" (Braziliya), "Delta" (Hindistan), həmçinin Peruda aşkar edilmiş "Lyambda" ştammlarına qarşı dayanıqlılığını izləyiblər.

Argentinalıların işlərinin müəyyən hissələri Rusiya Birbaşa İnvestisiya Fondu (RBİF) tərəfindən preparata həsr edilmiş saytda yerləşdirilib.

Məlumatda qeyd olunub ki, mutasiyaya uğramış yeni koronavirus ştammlarına qarşı orqanizmin müdafiəsi peyvənd olunduqdan sonra altı ay ərzində "neytrallaşdırıcı antitellərin davamlı yetkinləşməsi və onların neytrallaşdırıcı təsirinin artması nəticəsində" artır. Bu, özünü xüsusilə "Beta" və "Qamma" ştammlarına qarşı göstərib.

Argentinalı alimlər tərəfindən görülən işlər peyvənddən 120 gün sonra antitellərin neytrallaşdırıcı qabiliyyətinin 42 gün ərzində müşahidə edilən göstəricilərlə müqayisədə xeyli artdığını təsdiqləyib.

"Sputnik V" peyvəndi ötən ilin dekabrında Argentinada qeydiyyata alınıb. Argentina Rusiya Federasiyasının və Belarusun özündən sonra rus peyvəndinin istifadəsinə icazə verən dünyada üçüncü dövlət olub.

Eləcə də oxuyun: 

20
Teqlər:
vaksin, vaksinasiya, COVID-19 pasportu, Sputnik-V peyvəndi
exit-poll

Rusiyada keçirilən seçkilərdə kim irəlidədir - Exit-poll nəticələri

4
Sorğunun nəticələrinə görə, 5%-lik həddi dörd siyasi təşkilat keçə bilib, onların arasında “Yedinaya Rossiya” liderdir.

BAKI, 19 sentyabr - Sputnik. Rusiyada Dövlət Dumasına keçirilən seçkilərdə “Yedinaya Rossiya” partiyası hamıdan çox səs toplayıb (45,2%). Belə bir nəticə Sosial marketinq institutunun (İNSOMAR) keçirdiyi exit-poll-dan sonra hasil olub.

Kommunist partiyası səslrin 21%-ni, RLDP - 8,7%-ni, “eserlər” isə - 7,9%-ni toplayıblar.

Sorğunun nəticələrinə görə, seçkilərə qatılmış digər siyasi təşkilatlar 5%-lik səs həddini keçə bilməyiblər.

Respondentlərə belə bir sualla müraciət olunub: “Dövlət Dumasına seçkilərdə hansı partiyaya səs vermisiniz?”.

Sorğu planşetlər vasitəsilə, elektron anketlərin köməyi ilə keçirilib. Məlumatlar real vaxt rejimində işlənib. Ümumilikdə sentyabrın 17-dən 19-a qədər sorğuda 438218 seçici iştirak edib.

Exit-poll üçün 825 yaşayış mntəqəsində 1455 seçki məntəqəsi seçilib.

Qeyd edək ki, yerli vaxtla saat 20.00-da Moskva və ölkənin mərkəzi regionlarında səsvermə məntəqələri bağlanıb. Yerli vaxtla saat 18.00-a olan məlumata görə, seçkilərdə seçicilərin 45,15%-i iştirak ediblər.

Bütün ölkə üzrə seçicilərin ən çox fəallığı Çeçenistan, Kabardin-Balkar və Tuva vilayətlərində qeydə alınıb. Ən az fəallığı isə “şimal paytaxtı”nın sakinləri göstəriblər.

4
Teqlər:
'exit-poll', Rusiya
Minsk şəhərinə mənzərə, arxiv şəkli

Azərbaycan ilə Belarus arasında ticarət dövriyyəsi 200 milyon dolları ötüb

5
(Yenilənib 22:18 19.09.2021)
Azərbaycan Respublikasından Belarusa ixracın dəyəri 130 milyon dollar, bu ölkədən idxalın dəyəri isə 79,5 milyon dollar təşkil edib.

BAKI, 19 sentyabr - Sputnik. Cari ilin yanvar-avqust aylarında Azərbaycan ilə Belarus arasında ticarət dövriyyəsi 209,5 milyon ABŞ dolları təşkil edib.

Bu barədə AZƏRTAC-a Belarus Dövlət Statistika Komitəsindən məlumat verilib.

Səkkiz ayda Azərbaycandan Belarusa ixracın dəyəri 130 milyon dollar, bu ölkədən ölkəmizə idxalın dəyəri isə 79,5 milyon dollar təşkil edib.

Həmçinin oxuyun:

Azərbaycan Prezidenti Belarusla müdafiə sahəsində müqaviləni təsdiqlədi

5
Teqlər:
Belarus, ixrac, idxal