Seyran Ohanyan, arxiv şəkli

Ohanyana vətən xaini dedilər Parlamentdə dava düşdü

20
Deputat Sarkisyana su şüşəsi atılıb. Sonda müxalif və "Vətəndaş müqaviləsi"dən olan deputatlar bir-birilərinə su qabları atdılar.

BAKI, 25 avqust — Sputnik. Ermənistan Parlamentində bu gun növbəti qarşıdurma yaşanıb, deputatlar bir-birilərinə su qabları atıblar. Bu barədə Sputnik Ermənistan xəbər verir.

Məlumatda bildirilir ki, hər şey "Vətəndaş müqaviləsi" partiyasından olan deputat Ayk Sarkisyanın (erməni xalqı arasında "butulka daşıyan" kimi tanınır) Ermənistanın sabiq müdafiə nazirlərini tənqid etməsindən sonra başlayıb. Belə ki, deputat qeyd edib ki, "zəng və ya pul müqabilində ordudan azad edilən hərbçilərin zamanında olmuş müdafiə nazirləri vətən xainləridir".

https://www.youtube.com/watch?v=lfOiBTlG3JY

Bundan sonra Ermənistanın sabiq müdafiə naziri Seyran Ohanyanla deputat arasında söz qarşıdurması yaşanıb. Deputat Sarkisyana su şüşəsi atılıb. Sonda müxalif və "Vətəndaş müqaviləsi"dən olan deputatlar bir-birilərinə su qabları atdılar.

Qeyd edək ki, ötən gün Ermənistan parlamentində qalmaqal yaşanıb. Sputnik Azərbaycan Ermənistan mətbuatına istinadla xəbər verir ki, parlamentin iclasında "Şərəfim var" blokunun deputatı Anna Mkrtçyan öz çıxışı zamanı Paşinyanın yol verdiyi səhvləri sadalamağa başlayıb.

O, Paşinyanın iclas zalına xeyli sayda mühafizəçi ilə gəlməsinə də diqqət çəkib. Mkrtçyan çıxış edən vaxt "Vətəndaş müqaviləsi" partiyasının deputatları yerlərindən qışqıraraq onun sözünü kəsməyə çalışıblar. Əvəzində deputat öz həmkarlarını "kapitulyantın tərəfdarları" adlandırıb.

Yaranan qalmaqaldan sonra parlamentin sədri Alen Simonyan əvvəl Mkrtçyanın mikrofonunu söndürüb, sonra isə onun zalı tərk etməsini istəyib. Deputat bundan imtina edəndə də mühafizəçiləri köməyə çağırıb. Ancaq "Ermənistan" və "Şərəfim var" bloklarının deputatları Mkrtçyanı dövrəyə alaraq mühafizəçilərin ona yaxınlaşmasına imkan verməyiblər. Simonyan parlamentin iclasına 20 dəqiqəlik ara vermək məcburiyyətində qalıb. Bundan sonra parlamentdə deputat qrupları ilə mühafizəçilər arasında dava düşüb. Bəzi deputatlar "Nikol satqındır!" deyə qışqırmağa başlayıblar.

Daha sonra müxalifətdən olan deputatlar bildiriblər ki, davada Artsvik Minasyanın paltarı cırılıb, Anna Mkrtçyanı isə zorla zaldan çıxarıblar.

Həmçinin oxuyun:

20
Teqlər:
Ermənistan, parlament, dava
Stefan Kuntz, arxiv şəkli

Türkiyə milli futbol komandasının yeni baş məşqçisi məlum oldu

7
(Yenilənib 22:54 20.09.2021)
Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi olub və 1995-1996-cı illərdə Beşiktaş komandasının tərkibində çıxış edib.

BAKI, 20 sentyabr — Sputnik. Türkiyə milli komandasına yeni baş məşqçi təyin olunub. Sputnik Azərbaycan-ın NTV kanalına istinadla verdiyi xəbərə görə, Türkiyə Futbol Fedarasiyası bu məqsədlə alman mənşəli keçmiş futbolçu Stefan Kuntzla razılıq əldə edib.

Federasiyadan verilən açıqlamada "Türkiyə Futbol Fedarasiyası İdarəetmə Heyəti milli komandanın baş məşqçisi vəzifəsi üçün Stefan Kuntzla razılıq əldə edib", – deyə bildirilir.

Yeni baş məqşçi ilə imza mərasimi sabah baş tutacaq.

Qeyd edək ki, Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi idi. 1995-1996-cı illərdə isə Beşiktaş komandasının tərkibində çıxış etmişdi.

Xatırladaq ki, Türkiyə Futbol Federasiyası bu günlərdə milli komandanın baş məşqçisi Şenol Günəşlə yollarını ayırıb. Buna səbəb Türkiyə millisinin 2022-ci il Dünya Çempionatının Avropa seçmə oyunları çərçivəsində  G qrupunda Hollandiyaya 6:1 hesabı ilə uduzması olub.

Həmçinin oxuyun:

Şenol Günəş istefaya göndərildi

7
Teqlər:
futbol, Türkiyə, milli
Emmi mükafatı, arxiv şəkli

Daha üç serial "Emmy" mükafatlarının qalibi seçilib

6
(Yenilənib 22:47 20.09.2021)
Ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri də mübarizə aparıb.

BAKI, 20 sentyabr — Sputnik. "Tac", "Ted Lasso" və "Kraliçanın addımı" serialları "Emmy" mükafatlarının qalibi seçilib. Sputnik Azərbaycan xarici mediaya istinadla xəbər verir ki, 73-cü mükafatlandırma mərasimi ötən gün Los-Ancelesdə keçirilib.

"Tac" 24 kateqoriya üzrə namizədliyini irəli sürərək ümumi nominasiyalar arasında liderliyini saxlayıb. Bu filmlə bərabər ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri mübarizə aparıb.

Məlumat üçün bildirək ki, mükafatların təqdimetmə mərasimləri 1949-cu ildən başlayaraq hər il keçirilir. Lakin 1974-cü ilə qədər yalnız sadəcə "Emmy" mükafatı mövcud idi. Sonralar bu mükafatı gündüz verilişlərinə görə təqdim edilən "Emmy" mükafatından fərqləndirmək məqsədilə adı dəyişdirilərək praym-taym "Emmy" mükafatı adlandırılıb.

Mükafatı üç təşkilat təqdim edir: Amerika televiziya akademiyası (ingiliscə Academy of Television Arts & Sciences) idman verilişləri istisna edilməklə, mükafatı bütün axşam verilişləri üzrə təqdim edir; Amerika Milli Televiziya Akademiyası (ingiliscə National Academy of Television Arts & Sciences) gündüz, idman, xəbərlər və sənədli proqramlar üzrə mükafatı təqdim edir; və Beynəlxalq Televiziya Akademiyası (ingiliscə International Academy of Television Arts & Sciences) ABŞ sərhədlərindən kənarda hazırlanan və yayımlanan televiziya proqramları üzrə təqdim edir.

Həmçinin oxuyun:

Gələcəyimizin varisi olan uşaqlar nəyə baxırlar?

6