Əlcəzair təhlükəsizlik xidmətinin əməkdaşları, arxiv şəkli

Əlcəzair Mərakeşlə diplomatik əlaqələri kəsdi

12
Əlcəzairin Ali Təhlükəsizlik Şurası avqustun 18-də qərara alıb ki, ölkənin dağlıq ərazilərində meşə yanğınları ilə bağlı ola biləcək Mərakeşlə əlaqələrə yenidən baxılsın.

BAKI, 25 avqust - Sputnik. Əlcəzair Mərakeşlə diplomatik əlaqələri kəsib. Sputnik Azərbaycan RİA Novosti-yə istinadən bildirir ki, bu barədə çərşənbə axşamı, avqustun 24-də Əlcəzairin Xarici işlər naziri Ramtan Lamamra deyib.

"Əlcəzair Mərakeşlə diplomatik əlaqələri bu gündən kəsməyi qərara alıb. Müstəqillik qazanılandan bəri Mərakeş ölkəmizə qarşı hər gün alçaq hərəkətlər edib", - Lamamra mətbuat konfransında deyib.

Nazir bildirib ki, Mərakeşlə Əlcəzairin düşmənçiliyi "1963-cü il müharibəsindən bəri məqsədyönlü olub". O, həmçinin krallığı iki terrorçu qrup - islamçı Rachad və MAK Amaziq separatçıları (tayfaların yaşadığı ərazidə müqəddəratını təyin etmək üçün vuruşan hərəkat) ilə əlaqələrdə günahlandırıb. Əlcəzair onları meşə yanğınlarının törədilməsində şübhəli bilir.

Lamamra həmçinin Mərakeşin xüsüsi xidmət orqanlarının əlcəzairli məmurları izlədiklərini deyib. Onun sözlərinə görə, Əlcəzair Mərakeşin BMT yanında daimi nümayəndəsinin Kabiliya regionunun müstəqilliyini çağırmaya yönəlmiş təxribatına qarşı təmkinli davranıb. "Səlahiyyətlərin bu cür aşılmasına Mərakeş hökumətinin susması isə onun sözlərini dəstəklədikləri mənasına gəlir", - Lamamra deyib.

Əlcəzairin Ali Təhlükəsizlik Şurası avqustun 18-də qərara alıb ki, ölkənin dağlıq ərazilərində meşə yanğınları ilə bağlı ola biləcək Mərakeşlə əlaqələrə yenidən baxılsın.

Əlcəzair XİN iyulun ortasında Kabiliya bölgəsi ilə bağlı Mərakeş tərəfinin birmənalı olmayan eyhamlarından sonra özünün bu ölkədəki səfirini məsləhətləşmə üçün geri çağırmışdı. Mərakeşin Nyu-Yorkdakı səfirliyi bundan öncə Qoşulmama hərəkatının üzvləri iolan ölkələr arasında "Kabilya xalqlarının müqəddəratını təyin etməsi hüququnu" dəstəkləyən rəsmi sənəd yaymışdı. Rəsmi Mərakeşin fikrincə, bu bölgə "ən uzun xarici işğala məruz qalıb". Əlcazir XİN bu əməli pisləyib və Mərakeşdən bu qəribə insidentə aydınlıq gətirməsini tələb edib.

Kabiliya Əlcəzairin şimalındadır, orala 3,5 milyon kabil bərbəri yaşayır, onlar öz dillərini və mədəniyyətlərini qoruyub saxlayıblar. Bərbərlər hökumətlə müstəqillik uğrunda savaş aparırlar. 

Əlcəzair isə öz növbəsində Qərbi Saxaranın Mərakeşdən ayrılması uğrunda mübarizə aparan POLİSARİO cəbhəsini dəstəkləyir.

12
Teqlər:
Mərakeş, Əlcəzair, diplomatik əlaqə
Stefan Kuntz, arxiv şəkli

Türkiyə milli futbol komandasının yeni baş məşqçisi məlum oldu

6
(Yenilənib 22:54 20.09.2021)
Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi olub və 1995-1996-cı illərdə Beşiktaş komandasının tərkibində çıxış edib.

BAKI, 20 sentyabr — Sputnik. Türkiyə milli komandasına yeni baş məşqçi təyin olunub. Sputnik Azərbaycan-ın NTV kanalına istinadla verdiyi xəbərə görə, Türkiyə Futbol Fedarasiyası bu məqsədlə alman mənşəli keçmiş futbolçu Stefan Kuntzla razılıq əldə edib.

Federasiyadan verilən açıqlamada "Türkiyə Futbol Fedarasiyası İdarəetmə Heyəti milli komandanın baş məşqçisi vəzifəsi üçün Stefan Kuntzla razılıq əldə edib", – deyə bildirilir.

Yeni baş məqşçi ilə imza mərasimi sabah baş tutacaq.

Qeyd edək ki, Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi idi. 1995-1996-cı illərdə isə Beşiktaş komandasının tərkibində çıxış etmişdi.

Xatırladaq ki, Türkiyə Futbol Federasiyası bu günlərdə milli komandanın baş məşqçisi Şenol Günəşlə yollarını ayırıb. Buna səbəb Türkiyə millisinin 2022-ci il Dünya Çempionatının Avropa seçmə oyunları çərçivəsində  G qrupunda Hollandiyaya 6:1 hesabı ilə uduzması olub.

Həmçinin oxuyun:

Şenol Günəş istefaya göndərildi

6
Teqlər:
futbol, Türkiyə, milli
Emmi mükafatı, arxiv şəkli

Daha üç serial "Emmy" mükafatlarının qalibi seçilib

6
(Yenilənib 22:47 20.09.2021)
Ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri də mübarizə aparıb.

BAKI, 20 sentyabr — Sputnik. "Tac", "Ted Lasso" və "Kraliçanın addımı" serialları "Emmy" mükafatlarının qalibi seçilib. Sputnik Azərbaycan xarici mediaya istinadla xəbər verir ki, 73-cü mükafatlandırma mərasimi ötən gün Los-Ancelesdə keçirilib.

"Tac" 24 kateqoriya üzrə namizədliyini irəli sürərək ümumi nominasiyalar arasında liderliyini saxlayıb. Bu filmlə bərabər ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri mübarizə aparıb.

Məlumat üçün bildirək ki, mükafatların təqdimetmə mərasimləri 1949-cu ildən başlayaraq hər il keçirilir. Lakin 1974-cü ilə qədər yalnız sadəcə "Emmy" mükafatı mövcud idi. Sonralar bu mükafatı gündüz verilişlərinə görə təqdim edilən "Emmy" mükafatından fərqləndirmək məqsədilə adı dəyişdirilərək praym-taym "Emmy" mükafatı adlandırılıb.

Mükafatı üç təşkilat təqdim edir: Amerika televiziya akademiyası (ingiliscə Academy of Television Arts & Sciences) idman verilişləri istisna edilməklə, mükafatı bütün axşam verilişləri üzrə təqdim edir; Amerika Milli Televiziya Akademiyası (ingiliscə National Academy of Television Arts & Sciences) gündüz, idman, xəbərlər və sənədli proqramlar üzrə mükafatı təqdim edir; və Beynəlxalq Televiziya Akademiyası (ingiliscə International Academy of Television Arts & Sciences) ABŞ sərhədlərindən kənarda hazırlanan və yayımlanan televiziya proqramları üzrə təqdim edir.

Həmçinin oxuyun:

Gələcəyimizin varisi olan uşaqlar nəyə baxırlar?

6