Stradivari skripkası, arxiv şəkli

Stradivarinin skripkaları "Dünyanın ən bahalı musiqisi" üçün bir araya gələcək

14
(Yenilənib 11:39 23.08.2021)
Ümumilikdə bu günə qədər Antonio Stradivarinin (1644-1737) düzəltdiyi təxminən 450 skripka da daxil olmaqla 650 alət saxlanılıb. Ustadın fəaliyyətinin "qızıl dövrü" adlanan 1700-1720-ci illərdə yaratdığı alətlər isə daha yüksək qiymətləndirilir.

BAKI, 23 avqust — Sputnik. Məşhur ustad Stradivarinin 146 milyon funt sterlinq ($200 milyon) dəyərində 12 ədəd skripkası "tarixin ən bahalı albomu"nu yazmaq üçün bir araya gətirilib.

Sputnik Azərbaycan xarici mediaya istinadən xəbər verir ki, layihəni "J&A Beare" şirkətinin skripka satıcısı Stefann Smit hazırlayıb. Albomun yazılması məqsədilə skripkalar Avropa, Amerika və Asiya üzərindən birinci sinif aviareyslərlə Londona çatdırılıb. Alətlər layihənin həyata keçiriləcəyi müddətə icarəyə verilib.

"12 Stradivari" adlı albom 10 sentyabrda təqdim ediləcək.

Ümumilikdə bu günə qədər Antonio Stradivarinin (1644-1737) düzəltdiyi təxminən 450 skripka da daxil olmaqla 650 alət saxlanılıb. Ustadın fəaliyyətinin "qızıl dövrü" adlanan 1700-1720-ci illərdə yaratdığı alətlər isə daha yüksək qiymətləndirilir.

Məlumat üçün bildirək ki, Stradivariyə məxsus 700-dən artıq musiqi aləti bu günə qədər gəlib çıxıb və onlar əntiq əşya kimi çox dəyərlidirlər. Hərraclarda bu alətlərin hər birinin əsli bir neçə milyon dollarlarla (avrolarla) qiymətləndirilir.

Stradivari Duport (it. Stradivari Duport) Antonio Ciakoma Stradivarinin hazırlamış olduğu, məşhur violonçel ustası Jan Lui Duportun (fr. Jean-Louis Duport) şərəfinə adlandırılmış əntiq violonçeldə 1974—2007-ci illərə qədər Mstislav Rostropoviç ifalar edib. O, bu aləti mübaliğə ilə onun "məşuqəsi" adlandırıb. Rəvayətə görə, alətin üzərindəki cızıqlar Napoleonun ifa zamanı şporlar vasitəsilə qoyduğu "yadigarlardır".

Həmçinin oxuyun:

Mediçi ailəsinin diqqətini cəlb etmiş azərbaycanlı musiqiçilər

14
Teqlər:
skripka
Yeniyetməyə koronavirusa qarşı peyvənd vurulur, arxiv şəkli

Dünyada uşaqlar COVID-19 əleyhinə necə vaksin olunurlar

3
(Yenilənib 19:24 18.09.2021)
ABŞ, Fransa, İtaliya, İspaniya, Almaniya, İrlandiya, İsveçrə kimi ölkələrdə uşaqların COVID-19 əleyhinə vaksin yaşı 12-dən başlayır.

BAKI, 18 sentyabr — Sputnik. Hələlik Azərbaycanda uşaqların COVID-19 əleyhinə vaksinləşməsi ilə bağlı bir qərar yoxdur. Nazirlər Kabinetinin qərarı ilə ölkədə yaşı 18-dən yuxarı olan şəxslərin vaksinasiyası aparılır. Azərbaycandan fərqli olaraq qonşu Türkiyədə isə artıq bu istiqamətdə addımlar atılıb və yaşı 12-15 olan uşaqlar vaksin olunurlar. Maraqlıdır, dünyada uşaqların vaksin yaşı neçədir?

Sputnik Azərbaycan bunu araşdırmağa çalışıb.

Bir çox dünya ölkələrində, xüsusən də inkişaf etmiş ölkələrdə COVID-19 əleyhinə uşaqların peyvənd yaşı 12 olaraq müəyyənləşib. Bəzi ölkələrdə bu yaş 12-15 yaş aralığında dəyişir.

Məsələn, ABŞ, Fransa, İtaliya, İspaniya, Almaniya, İrlandiya, İsveçrə kimi ölkələrdə uşaqların COVID-19 əleyhinə vaksin yaşı 12-dən başlayır.

Bəs bu ölkələrdə uşaqların neçə faizi vaksin olunub, buna nəzər yetirək:

- Fransada 68 %

- İtalyada 62%

- İspaniyada 79%

- Almaniyada 39%

- İrlandiyada 90%

- İsveçrədə 55%

Qonşu Türkiyədə vəziyyət necədir?

Türkiyə Səhiyyə Nazirliyinin məlumatına görə, son günlər COVID-19 virusu ilə əlaqədar olaraq reanimasiyadakı uşaqların sayında artım olub: "Bu səbəbdən də əlimizdə əsas silahımız vaksindir. Ailələr övladlarını vaksin etdirməkdən qorxmasınlar. Nəinki Türkiyədə, dünyanın bir çox ölkələrində bu virus əleyhinə uşaqlar vaksin olunurlar. Məsələn, Kubada uşaqlar 2 yaşından vaksin olunurlar. Çin və Birləşmiş Ərəb ölkələrində 3 yaşdan vaksinləşmə başlayır".

Qeyd olunub ki, uşaqlar üçün vaksinin fərqli dozada tətbiqi ilə bağlı hələlik nəsə demək mümkün deyil: "Yaşı 12-dən yuxarı olanlara tam doza vaksin vurulur, yaşı 12-dən aşağı olanlara isə daha az dozada vaksinin vurulması üçün müəyyən işlər getsə də, hələlik bir nəticə, qərar yoxdur".

Eləcə də oxuyun:

3
Teqlər:
COVID-19, epidemiya, Koronavirus, vaksinasiya, dünya, uşaqlar
Mövzu:
Yeni tip koronavirus pandemiyası
Dollar, arxiv şəkli

Dünyanın ən varlı ailələri: "Bloomberg"in versiyası

10
(Yenilənib 18:28 18.09.2021)
Siyahının liderlərinin ümumi varidatı 1.74 trilyon dollar qiymətləndirilir, bu isə bir il əvvəlki göstərici ilə müqayisədə 22 faiz çoxdur.

BAKI, 18 sentyabr - Sputnik. Bloomberg agentliyinin versiyasına görə, dünyanın ən varlı ailələrinin siyahısına Walmart topdan və pərakəndə satış şəbəkəsinin sahibi olan Uolton ailəsi başçılıq edir.

Onların varidatı təxminən 238,2 milyard dollardır.

Sem Uolton Walmart-ı 1962-ci ildə yaradıb. Hazırda şəbəkənin dünya üzrə 10 mindən çox mağazası var, illik gəliri 559 milyard dollardan çoxdur. Uolton ailəsi şirkətin səhmlərinin 48 faizinə sahibdir.

Bloomberg reytinqinin onluğuna həmçinin aşağıdakılar daxildir: 

- Mars məhsullarının istehlakçısının sahibi olan Mars ailəsi - 142 milyard dollar;

- Koch Industrues neft-kimya korporasiyasının sahibi olan Kox ailəsi - 124.4 milyard dollar;

- Fransanın Hermes moda evinin sahibi Erme ailəsi - 111,6 milyard dollar;

- Səudiyyə Ərəbistanının hakimi olan Əl-Səud ailəsi - 100 milyard;  

- Hindistanın Reliance Industries neft holdinqinin sahibi Ambani ailəsi - 93,7 milyard dollar;

- Fransanın Chanel moda evinin sahibi Verthaymer ailəsi - 61.8 milyard dollar;

- Amerikanın Fidelity Investments idarəetmə şirkətinin sahibi olan Conson ailəsi - 61.2 milyard dollar;

- Thomson Reuters media şirkətinin sahibi olan Tomson ailəsi - 61.1 milyard dollar;

- Almaniyanın Boehringer Ingelheim əczaçı şirkətinin sahibi olan Böringer ailəsi - 59.2 milyard dollar.

Dünyanın 25 ən varlı ailəsinin siyahısına həmçinin Aldi diskaunter mağazalar şəbəkəsinin (Almaniya) sahibi Aldi, Fransanın Dassault Systemes aviatikinti şirkətinin sahibi Dasso, BMW konserninin sahibi Kvandt, Ferrero qənnadı məhsulları şirkətinin rəhbəri Ferrero ailəsi də daxildir.

Siyahının liderlərinin ümumi varidatı 1.74 trilyon dollar qiymətləndirilir, bu isə bir il əvvəlki göstərici ilə müqayisədə 22 faiz çoxdur.

Eləcə də oxuyun:

10
Teqlər:
ən varlı, ailə, reytinq, 'Bloomberg' agentliyi
Spirtli içki

Alkoqollu içkilərə xərclədiyimiz pullar artıb - 51 milyon dollar

0
(Yenilənib 19:54 18.09.2021)
Hesabat dövründə alkoqollu və alkoqolsuz içkilər və sirkə üzrə idxal Azərbaycanın ümumi idxalının 0,7 %-i, ixrac isə ümumi ixracın 0,07 %-i təşkil edib.

BAKI, 18 sentyabr — Sputnik. Bu ilin yanvar-avqust aylarında Azərbaycan 51,408 milyon ABŞ dolları dəyərində alkoqollu və alkoqolsuz içkilər və sirkə idxal edib.

Sputnik Azərbaycan Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 7,779 milyon ABŞ dolları (17,8 %) çoxdur.

Səkkiz ay ərzində Azərbaycanın alkoqollu və alkoqolsuz içkilər və sirkə ixracının dəyəri isə 8,902 milyon ABŞ dolları olub ki, bu da 1 il əvvələ nisbətən 0,531 milyon ABŞ dolları (6,3 %) çoxdur.

Hesabat dövründə alkoqollu və alkoqolsuz içkilər və sirkə üzrə idxal Azərbaycanın ümumi idxalının 0,7 %-i, ixrac isə ümumi ixracın 0,07 %-i təşkil edib.

Eləcə də oxuyun:

0
Teqlər:
alkoqol, alkoqollu içki, qiymət, idxal, bahalaşma