Co Bayden, arxiv şəkli

Baydenə ittiham - “Taliblərin önündə diz çökdü”

24
Donald Tramp vaxtilə taliblərlə bağlanan sazişin bəzi detallarını açıqlayıb, üstəlik yeni prezidenti təslimçilikdə günahlandırıb.

BAKI, 22 avqust – Sputnik. ABŞ-ın keçmiş prezidenti Donald Tramp deyib ki, indiki Co Bayden administrasiyası Əfqanıstandakı bütün mövqeləri Talibana* tərk edərək onun qarşısında diz çöküb.

Sputnik Azərbaycan-ın məlumatına görə, Tramp Alabama ştatında tərəfdarlarının mitinqində Əfqanıstan və taliblərlə bağlı əlaqələrindən də danışıb.

“Mən Abdul (Qəni Bəradər, Talibanın siyasi ofisinin rəhbəri - red.) ilə iş aparırdım. O, lider idi. Ona dedim, Abdul, əgər nəsə olsa, biz sizə terror təşkil edərik və o, dəhşətli olar. Amerikalılara dəyməyin, heç vaxt bizim ölkəmizə gəlməyin, öz vətəndaş müharibənizi aparın. Bununla bağlı mən heç nə edə bilmərəm: onlar yüz illərdir döyüşürlər. Və onlar yaxşı döyüşçüdürlər. Ancaq mənim onlarla münasibətlərim yaxşı idi”, - Tramp deyib.

Molla Abdul Qəni Bəradərlə Trampın əlaqə yaratması barədə 2020-ci ilin martında məlumat yayılmışdı.

“Mən onlara dedim ki, gəlin işə keçək, razılaşma imzalanması üçün şərtlər var. Onlar ilk iki şərtlə razılaşmadılar, onda biz onları yaxşıca sıxışdırdıq, o zaman şərtləri qəbul etdilər. Onların da bir-iki şərti vardı və biz onları qəbul etməyə hazır idik”, - Tramp danışıqların gedişinin təfərrüatını açıqlayıb.

Trampın sözlərinə görə, razılaşmanın icrasına prezident seçkisində uduzmağı mane oldu.

“Sonra bizdə saxta seçki oldu və yeni prezident seçildi. Yeni prezident ofisə köçdü, sonra da diz çöküb dedi: gəlin, nəyimiz varsa, götürün. Biabırçılıq, indiyədək gördüyümüz ən alçaldıcı vəziyyət”, - siyasətçi deyib.

Sabiq prezident bildirib ki, ABŞ dünyanın ümidlərini doğrultmadı: “Hamı bizə baxıb deyir: lənət olsun, ABŞ-a nə oldu belə? Onlar inana bilmirlər”.

* Taliban - 1994-cü ildə yaranan və 1996–2004-cü illər arası Əfqanıstanın bütün ərazisini idarə etmiş hərəkatdır. 2003-сü ildə BMT TŞ tərəfindən terror təşkilatı kimi tanınıb.

Eləcə də oxuyun:

24
Teqlər:
ABŞ, Taliban, Co Bayden, Donald Tramp

Ceyhun Bayramov Beynəlxalq Qırmızı Xaç Komitəsinin prezidenti ilə görüşüb

6
(Yenilənib 22:27 25.09.2021)
BQXK-nin prezidenti humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

BAKI, 25 sentyabr - Sputnik. Sentyabrın 24-də xarici işlər naziri Ceyhun Bayramov BMT Baş Assambleyasının 76-cı sessiyası çərçivəsində Beynəlxalq Qırmızı Xaç Komitəsinin prezidenti Peter Maurer ilə görüşüb.

Görüşdə Azərbaycan ilə BQXK arasındakı münasibətlərin hazırkı vəziyyəti və perspektivləri barədə fikir mübadiləsi aparıldı və tərəflər arasındakı uğurlu əməkdaşlığın gələcəkdə daha da inkişaf edəcəyinə ümid ifadə edilib. 

Ceyhun Bayramov münaqişə sonrası regionda mövcud olan vəziyyət, xüsusilə də mina təhlükəsi və onun doğurduğu fəsadlar, azad edilmiş ərazilərdə həyata keçirilən bərpa, yenidənqurma işləri barədə qarşı tərəfə ətraflı məlumat verib. Nazir münaqişə kontekstində BQXK-nın fəaliyyətinin Azərbaycan tərəfindən müsbət qiymətləndirildiyini həmsöhbətinin diqqətinə çatdırıb.

Öz növbəsində BQXK-nin prezidenti Piter Maurer verilmiş məlumatlara görə təşəkkürünü bildirərək, təmsil etdiyi qurum tərəfindən bu istiqamətdə aparılan işlər barəsində məlumat verib. O, humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

Görüş zamanı, həmçinin ümumi humanitar məqsədli fəaliyyət barədə fikir mübadiləsi aparılıb.

Həmçinin oxuyun:

Ceyhun Bayramov Amerika Yəhudi Komitəsinin nümayəndələri ilə görüşüb

Ceyhun Bayramov Ermənistan XİN rəhbəri ilə görüşüb

6
Teqlər:
Ceyhun Bayramov, BQXK
Sergey Lavrov

Böyük dövlətlər arasında istənilən müharibə qəbuledilməzdir - Sergey Lavrov

376
(Yenilənib 22:53 25.09.2021)
Qeyd edək ki, bir müddət əvvəl Lavrov Rusiya və ABŞ liderlərinin Cenevrə sammitinin münasibətlərdə hər hansı bir dəyişikliyə və irəliləyişə gətirmdiyini, lakin buna baxmayaraq müsbət hadisə olduğunu demişdi.

BAKI, 25 sentyabr - Sputnik. Nüvə dövlətləri arasında istənilən müharibə, hətta nüvə müharibəsi olmasa belə, qəbuledilməzdir. RİA Novosti xəbər verir ki, bunu Rusiyanın xarici işlər naziri Sergey Lavrov deyib.

"Biz böyük dövlətlər arasında münasibətlərin qarşılıqlı hörmətə əsaslanmasına tərəfdarıq. İstərdik ki, bu münasibətlər heç vaxt müharibəyə gətirib çıxarmasın. Ən azı, nüvə müharibəsininin olmasını dəqiq istəmirik. Yaxşı ki, prezidentlər Putin və Bayden nüvə müharibəsinin prinsipcə məqbul olmadığını bildiriblər. Mən isə düşünürəm ki, böyük dövlətlər arasında istənilən müharibə qəbuledilməzdir. Çünki onun hər zaman nüvə münaqişəsinə gətirib çıxarması riski böyükdür", - deyə Lavrov mətbuat konfransında bildirib.

Qeyd edək ki, bir müddət əvvəl Lavrov Rusiya və ABŞ liderlərinin Cenevrə sammitinin münasibətlərdə hər hansı bir dəyişikliyə və irəliləyişə gətirmdiyini, lakin buna baxmayaraq müsbət hadisə olduğunu demişdi - prezdentlər nüvə müharibəsinin məqbul olmadığı mövqeyini təsdiq edib, habelə silahlara nəzarətə dair danışıqlar barədə razılığa gəliblər.

376
Teqlər:
Sergey Lavrov, nüvə müharibəsi
Elektrik xətləri, arxiv şəkli

İES-lərin enerji hasilatında artım, SES-lərin hasilatında isə azalma var