Əfqanıstanda Taliban (Rusiyada və digər ölkələrdə qadağan olunmuş terror qruplaşması ) hərəkatının üzvləri, arxiv şəkli

Əfqanıstan prezidentinin qardaşı taliblərə qoşulub

31
Kabildə Həqqani ilə ölkənin keçmiş baş naziri, Əfqanıstan İslam Partiyasının lideri Gülbəddin Hikmətyar arasında görüş keçirildiyi barədə məlumat yayılıb. Görüşün təfərrüatları açıqlanmır.

BAKI, 21 avgust — Sputnik. Taliban* hərəkatı mühacirətdə olan Əfqanıstan prezidentinin kiçik qardaşı Həşmət Qəninin onlara qoşulduğu barədə xəbər yayıblar.

Sputnik Azərbaycan Rusiya mediasına istinadən xəbər verir ki, taliblər onlarla sıx əlaqədə olan “Həqqani şəbəkəsi” qruplaşmasının yüksək mənsəbli təmsilçisi Xəlil əl-Rəhman Həqqani bunun şahidi olduğunu bildiriblər.

Xatırladaq ki, bir qədər əvvəl yerli Shamshad News telekanalı Əfqanıstanın paytaxtı Kabildə Həqqani ilə ölkənin keçmiş baş naziri, Əfqanıstan İslam Partiyasının lideri Gülbəddin Hikmətyar arasında görüş keçirildiyi barədə məlumat yayıb. Görüşün təfərrüatları açıqlanmır.

RİA Novosti agentliyi hərəkatdakı mənbəyə istinadən Taliban-ın siyasi ofisinin rəhbəri molla Bəradərin Kabilə hökumətin yaradılması ilə bağlı danışıqlara gəldiyini xəbər verib.

* Taliban - 1994-cü ildə yaranan və 1996–2004-cü illər arası Əfqanıstanın bütün ərazisini idarə etmiş hərəkatdır. 2003-сü ildə BMT TŞ tərəfindən terror təşkilatı kimi tanınıb.

Həmçinin oxuyun:

31
Teqlər:
'Taliban', 'Taliban' hərəkatı, Əfqanıstan

Kanar adalarında vulkan püskürməsi: onlarla evə ziyan dəydi

9
Kumbre Vyexa vulkanından axan lava Kanar adaları arxipelaqının bir hissəsi olan Palma adasındakı yaşayış məntəqələrinə yaxınlaşır.Ətraflı videomuzda.

Dron görüntülərində lavanın hovuza axaraq suyun qaynamasına səbəb olduğu əks olunub. Tüstü, kül və ara-sıra yanğınların yerli sakinlərin təxliyə edilməsinə səbəb olduğu bildirilir.

Palma adasındakı Kumbre Vyexa (Köhnə zirvə) vulkanının püskürməsini bazar ertəsi lentə alıblar. Bir neçə gün ərzində yerli hakimiyyət orqanları onun artan seysmik aktivliyini izləyiblər. Adanın boşaldılması bazar günü başlayıb. Beş mindən çox sakin evlərini tərk etmək məcburiyyətində qalıb.

Sonuncu dəfə Kanar adalarında vulkan püskürməsi 2011-ci ildə qeydə alınıb. Sonra El Hyerro adası yaxınlığındakı sualtı vulkan bir neçə ay aktiv idi.

 

9
Sudan hərbçiləri, arxiv şəkli

Sudanda dövlət çevrilişinin qarşısı alınıb

231
(Yenilənib 13:58 21.09.2021)
Sudanda 2018-ci ilin dekabrında dərin iqtisadi böhran fonunda başlayan xalq etirazları nəticəsində 2019-cu ilin aprelində hərbi çevriliş baş vermişdi.

 

BAKI, 21 sentyabr — Sputnik. Sudan ordusu bu ölkədə dövlət çevrilişinin qarşısını alıb. Sputnik Azərbaycan xəbər verir ki, bu barədə "al-Mayadeen" telekanalı xəbər yayıb.

"Dövlət çevrilişi cəhdi baş tutub, o, uğursuz olub. Xalq ona müqavimət göstərməlidir", - deyə telekanala Sudanın müstəqil keçid şurasının rəsmisi bildirib. O bildirib ki, hazırda ölkədə vəziyyət nəzarət altındadır.

Telekanalın məlumatına görə, ordu çevrilişi planlaşdıran zabitləri həbs edib.

"Tanklar Xartumda parlamentin yanında olan körpünü bağlayıb", - deyə telekanal məlumat verib.

Al-Jazeera telekanalının məlumatına görə, çevrilişdə iştirak etmiş 40-dan çox zabit saxlanılıb, hazırda həbslər davam edir.

Sudanda 2018-ci ilin dekabrında dərin iqtisadi böhran fonunda başlayan xalq etirazları nəticəsində 2019-cu ilin aprelində hərbi çevriliş baş vermişdi. Ölkəni 30 il idarə edən Ömər əl-Bəşir hakimiyyətdən kənarlaşdırılaraq həbs edilmişdi.

2019-cu ilin avqustunda keçid hərbi şurasının rəhbəri Əbdül-Fəttah əl-Burxan ölkənin Suveren Şurasının rəhbəri qismində and içmişdi. Sudanın yeni baş naziri Abdulla Hamdok isə 2019-cu il avqustun 21-də and içmişdi. Genişmiqyaslı siyasi və iqtisadi islahatların keçirilməsi üçün hərbi və mülki hökumət razılığa gəlmişdi.

 

231
Teqlər:
Sudan, dövlət çevrilişinə cəhd, həbslər
Ata oğulları ilə birgə, arxiv şəkli

Övladlığa verilmə bu qurumun səlahiyyətindən çıxarıldı

0
(Yenilənib 17:51 21.09.2021)
Dəyişikliyə əsasən, əmək münasibətləri sahəsində işəgötürənlərə və işçilərə göstərilən xidmətlər siyahısına əmək qanunvericiliyinin pozulmasına dair müraciətlərin qəbulu da daxil edilib.

BAKI, 21 sentyabr — Sputnik. Övladlığagötürməni əsaslandırmaq və övladlığa götürülən uşağın mənafeyinə uyğunluğu haqqında rəy vermək, bu sahədə nəzarəti həyata keçirmək, habelə övladlığagötürmənin ləğvini tələb etmək Dayanıqlı və Operativ Sosial Təminat Agentliyinin vəzifələri sırasından çıxarılıb.

Sputnik Azərbaycan-ın məlumatına görə, bu, Prezident İlham Əliyevin bu gün imzaladığı fərmanla Dayanıqlı və Operativ Sosial Təminat Agentliyinin Nizamnaməsinə edilən dəyişiklikdə əksini tapıb. Agentlik övladlığagötürmə sahəsində vəzifələrin icrasını təmin etməyəcək.

Eyni zamanda DOST mərkəzlərində göstərilən xidmətlərin siyahısı genişləndirilib. Bu, Prezident İlham Əliyevin bu gün imzaladığı fərmanla "Dayanıqlı və Operativ Sosial Təminat Agentliyinin fəaliyyətinin təmin edilməsi haqqında" fərmana edilən dəyişiklikdə əksini tapıb.

Dəyişikliyə əsasən, əmək münasibətləri sahəsində işəgötürənlərə və işçilərə göstərilən xidmətlər siyahısına əmək qanunvericiliyinin pozulmasına dair müraciətlərin qəbulu da daxil edilib. Eyni zamanda mediasiya xidmətlərinin təşkili də DOST mərkəzlərində göstərilən xidmətlərin siyahısına əlavə olunub.

0