Əfqanıstan sabiq prezidenti Əşrəf Qani, arxiv şəkli

Müdafiə nazirinin İnterpoldan xahişi: Əşrəf Qənini həbs edin

53
(Yenilənib 15:42 18.08.2021)
Bismillah Xan Məhəmmədi 2021-ci il iyunun 19-da Taliban* tərəfindən ölkədə hakimiyyətin ələ keçirilməsindən bir müddət əvvəl Əfqanıstanın müdafiə naziri təyin edilib.

BAKI, 18 avqust — Sputnik. Əfqanıstanın müdafiə naziri Bismillah Xan Məhəmmədi öz "Twitter" səhifəsində İnterpolu ölkədən qaçan prezident Əşrəf Qənini "vətəni satdığına" görə həbs etməyə çağırıb. Bu barədə Sputnik Azərbaycan Rusiya mediasına istinadən xəbər verir.

"Vətənini satan şəxslər cəzalandırılmalı və saxlanılmalıdır", - deyə Məhəmmədi öz tvitini "İnterpol, Qənini həbs et" həştəqi ilə müşayiət edərək yazıb.

Bismillah Xan Məhəmmədi 2021-ci il iyunun 19-da Taliban* tərəfindən ölkədə hakimiyyətin ələ keçirilməsindən bir müddət əvvəl Əfqanıstanın müdafiə naziri təyin edilib.

Daha öncə Cəlalabadda taliblər milli bayrağı dəstəkləmək üçün etirazçı əfqanlara atəş açıblar.

Avqustun 15-də Taliban hərəkatı Əfqanıstanın bütün ərazisi üzərində nəzarətin qurulduğunu elan edib. Onun nümayəndələri Kabildə dövlət televiziyasını nəzarətə götürüb və öz müraciətlərində vətəndaşları sakit olmağa çağırıblar. Yaranmış izdiham və Amerika Hava Qüvvələrinə məxsus təyyarələrin şassisində uçmaq istəyi bir neçə nəfərin ölümünə səbəb olub.

* Taliban - 1994-cü ildə yaranan və 1996–2004-cü illər arası Əfqanıstanın bütün ərazisini idarə etmiş hərəkatdır. 2003-сü ildə BMT TŞ tərəfindən terror təşkilatı kimi tanınıb.

Eləcə də oxuyun:

53
Teqlər:
Əfqanıstan, müdafiə naziri, Əşrəf Qəni, həbs, Interpol
Stefan Kuntz, arxiv şəkli

Türkiyə milli futbol komandasının yeni baş məşqçisi məlum oldu

2
(Yenilənib 22:54 20.09.2021)
Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi olub və 1995-1996-cı illərdə Beşiktaş komandasının tərkibində çıxış edib.

BAKI, 20 sentyabr — Sputnik. Türkiyə milli komandasına yeni baş məşqçi təyin olunub. Sputnik Azərbaycan-ın NTV kanalına istinadla verdiyi xəbərə görə, Türkiyə Futbol Fedarasiyası bu məqsədlə alman mənşəli keçmiş futbolçu Stefan Kuntzla razılıq əldə edib.

Federasiyadan verilən açıqlamada "Türkiyə Futbol Fedarasiyası İdarəetmə Heyəti milli komandanın baş məşqçisi vəzifəsi üçün Stefan Kuntzla razılıq əldə edib", – deyə bildirilir.

Yeni baş məqşçi ilə imza mərasimi sabah baş tutacaq.

Qeyd edək ki, Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi idi. 1995-1996-cı illərdə isə Beşiktaş komandasının tərkibində çıxış etmişdi.

Xatırladaq ki, Türkiyə Futbol Federasiyası bu günlərdə milli komandanın baş məşqçisi Şenol Günəşlə yollarını ayırıb. Buna səbəb Türkiyə millisinin 2022-ci il Dünya Çempionatının Avropa seçmə oyunları çərçivəsində  G qrupunda Hollandiyaya 6:1 hesabı ilə uduzması olub.

Həmçinin oxuyun:

Şenol Günəş istefaya göndərildi

2
Teqlər:
futbol, Türkiyə, milli
Emmi mükafatı, arxiv şəkli

Daha üç serial "Emmy" mükafatlarının qalibi seçilib

3
(Yenilənib 22:47 20.09.2021)
Ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri də mübarizə aparıb.

BAKI, 20 sentyabr — Sputnik. "Tac", "Ted Lasso" və "Kraliçanın addımı" serialları "Emmy" mükafatlarının qalibi seçilib. Sputnik Azərbaycan xarici mediaya istinadla xəbər verir ki, 73-cü mükafatlandırma mərasimi ötən gün Los-Ancelesdə keçirilib.

"Tac" 24 kateqoriya üzrə namizədliyini irəli sürərək ümumi nominasiyalar arasında liderliyini saxlayıb. Bu filmlə bərabər ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri mübarizə aparıb.

Məlumat üçün bildirək ki, mükafatların təqdimetmə mərasimləri 1949-cu ildən başlayaraq hər il keçirilir. Lakin 1974-cü ilə qədər yalnız sadəcə "Emmy" mükafatı mövcud idi. Sonralar bu mükafatı gündüz verilişlərinə görə təqdim edilən "Emmy" mükafatından fərqləndirmək məqsədilə adı dəyişdirilərək praym-taym "Emmy" mükafatı adlandırılıb.

Mükafatı üç təşkilat təqdim edir: Amerika televiziya akademiyası (ingiliscə Academy of Television Arts & Sciences) idman verilişləri istisna edilməklə, mükafatı bütün axşam verilişləri üzrə təqdim edir; Amerika Milli Televiziya Akademiyası (ingiliscə National Academy of Television Arts & Sciences) gündüz, idman, xəbərlər və sənədli proqramlar üzrə mükafatı təqdim edir; və Beynəlxalq Televiziya Akademiyası (ingiliscə International Academy of Television Arts & Sciences) ABŞ sərhədlərindən kənarda hazırlanan və yayımlanan televiziya proqramları üzrə təqdim edir.

Həmçinin oxuyun:

Gələcəyimizin varisi olan uşaqlar nəyə baxırlar?

3