Kabulda insanlar

ABŞ Rusiyanın ən yaxşı insanlarına zərbə endirdi

81
(Yenilənib 18:04 18.08.2021)
Hətta sentimental olmayan ABŞ hərbçiləri belə öz hökumətlərindən bir az da olsa insanlıq göstərməyi və işğal olunmuş ölkələrdə onlara çalışan tərəfdaşlara yardım edilməsini xahiş edirlər. Amma yox, ABŞ siyasəti dəyişməz olaraq qalır.

BAKI, 18 avqust — Sputnik. Amerikalılar zirehli maşınlarını atıb Əfqanıstandan ayaqyalın qaçarkən viran qoyduqları ölkədə əsl faciə baş verir. Onun süjeti, təəssüf ki, hamıya məlumdur. İşğal dövründə bir çox əfqanlar ABŞ hərbçiləri ilə əməkdaşlıq etməyə başladılar. İndi hamısı Talibanın qisas alacağından qorxurlar.

Onlardan yalnız bir neçəsi, məsələn, amerikalıların təyin etdiyi ölkə prezidenti kimi, xaricdəki ehtiyat aerodroma qaçmağı bacardı. Digər kollaborasionistlər isə viza üçün amerikalı diplomatlara yalvardı, alınmayanda digər səfirliklərə üz tutdular.

Ancaq illərlə Əfqanıstanda öz kontingentlərini saxlamış NATO-ya üzv ölkələr müttəfiqlərinə sağ qalmaq üçün heç bir şans vermədilər. Onların başı özlərinə qarışmışdı: əşyaları toplayır, səfirliklərdə sənədləri yandırır, təyyarələrdə özlərinə yer edirdilər.

Kabilin hava limanında isə faciə yaşanırdı. Dəhşət içində olan əfqanlar hava limanına axın edir və "ağ sahiblər"in ölkədən qaçışını təmin edən Amerika əsgərləri isə atəş açırdılar. Bu çaxnaşmada bir neçə nəfər öldürüldü.

Bu hekayədə yeni bir şey yoxdur. Amerikalılar Sayqondan da eynilə bu şəkildə qaçmışdılar. Onlara işləyən cənubi vyetnamlılar ABŞ səfirliyinə hücum edir, Amerika nəqliyyat vasitələrinə çatmaq üçün ardınca üzürdülər: vətənlərində qalmaqdan və işğalçıların əmri ilə törətdikləri cinayətlərə görə cavab verməkdən bu dərəcədə qorxurdular.

İraqda amerikalılar üçün çalışan hərbi tərcüməçilərin partizanlar tərəfindən öldürülməsi də müntəzəm hal alıb. Çox vaxt həmin insanlar təhdid edildikdə Amerika vizasını əldə etmək üçün kömək istəyirlər, ancaq təbii olaraq rədd cavabı alırlar. Tezliklə bu şəxsləri, bəzən elə qohumları və dostları ilə birlikdə güllələnmiş vəziyyətdə tapırlar. Artıq öldürülənlərin sayı minlərlə ölçülür. Qışda, Amerika qoşunları İraqdan çıxarılanda bu bədbəxtlərin nə halda olacaqlarını təsəvvür belə etmək qorxuncdur.

Hətta sentimental olmayan ABŞ hərbçiləri belə öz hökumətlərindən bir az da olsa insanlıq göstərməyi və işğal olunmuş ölkələrdə onlara çalışan tərəfdaşlara yardım edilməsini xahiş edirlər. Amma yox, ABŞ siyasəti dəyişməz olaraq qalır. Bu, onlara etibar edənlərə daimi və nümayişkaranə xəyanətdir.

Gördüyümüz kimi, xainlərin taleyi kədərlidir. Bəs onların sayı niyə azalmır? Dünyanın müxtəlif ölkələrindəki insanlar niyə bu çirkli və təhlükəli işi seçirlər? Özü də təkcə yoxsul Əfqanıstanda deyil, sovetlər dönəmində firavan həyat yaşayan sovet Baltikyanı ölkələrdə də?

Məsələ burasındadır ki, gələcək xainləri Amerika rejimi bütün dünyada üç mərhələdə yetişdirir. Əvvəlcə onlar mütərəqqi qlobal gündəmin tərəfdarı olurlar - fəallar, yaxşılıq uğrunda bütün pisliklər əleyhinə mübarizə aparanlar. Onların çoxu ömrü boyu öz gözəl işləri ilə məşğul olacaq və dürüst vətəndaş olaraq qalır. Ancaq bir qisim qəfildən öz ölkəsi və orada yaşayanların - düzgün olmayan insanların - tərəqqinin əsas düşmənləri olduğunu dərk edir.

Bu mərhələdə həmin aktivist bir növ öz xalqından qopmağa çalışır. O gündəmin ab-havasında yoğrulur, zibilləri çeşidləyir, veqan lattesi içir, ancaq öz təşkil elədiyi tamaşada getdikcə özünə daha sıx barama hörür. Eyni zamanda Nayrobidən Pekinə, Buenos-Ayresdən Moskvaya qədər yüzlərlə meqapolisdə yaşayan parlaq üzlü fövqəlbəşərə aid olduğunu hiss edir. Amma illər keçir, fəal yaşlanır, ətrafda isə heç nə dəyişmir. Ölkə yenə də eynidir, yenə də düzgün deyil, insanlar da eynidirlər, elə onlar da düzəlməyiblər, o isə yenə də hər kəsdən seçilir - süddən çıxmış ağ qaşıqdır.

Beləliklə fəalı əsas Demokratiyadan olan doğru demokratların nəhayət ölkəsinə gələcəyi, hərəkət edən hər bir şeyi demokratlaşdıracağı, onun özünü isə yanlış insanlara haulyayter, ya da əlaltı polisay təyin edəcəkləri ilə bağlı intiqam xəyalları çulğalayır. O, maaşı dollarla, böyük həcmdə almağa başlayacaq və tabeliyində olan əhalini ram etməyə edəcək.

Postsovet məkanındakı polisaylar üçün bu xəyallar iki ssenari üzrə gerçəkləşdirilir. Birincisində - proqressorlar Amerika əsgərlərinin köməyi ilə öz yanlış camaatının öhdəsindən gəlirlər. İkincisində isə - Moskvaya qarşı çıxırlar.

Bir çox müasirlərimiz onilliklər boyu belə xəyallarla yaşayıblar. Qisasçılıq, həsəd və sahib barədə arzular, əlbəttə ki, luzerliyin ilkin əlamətləridir. Ancaq luzerlik - pulqabının vəziyyəti ilə deyil, beyinlə bağlıdır. Luzerlər arasında majorların sayı çoxdur, yəni çox vaxt bu insanlar kasıb olmayan, uğurlu vətəndaşlardır.

Beləcə, hələ ki müstəqil və demokratik olmayan ölkənin daxilində hətta dilənçipayı xətrinə deyil, sadəcə öz həmvətənlərini ələ salmaq üçün vətənlərini işğalçılara təslim etməkdən xoşbəxt olan insan təbəqəsi yetişdirilir.

Bu proseslər Ukraynada, Gürcüstanda, Baltikyanı ölkələrdə gözümüzün önündə baş verirdi. Uzağa getmək lazım deyil. Bir vaxtlar, "Urenqoydan olan Kolya" hadisəsi ictimaiyyəti hiddətləndirdi, çünki burada yaxşı bir rus uşağının, bircə Alnabiya səfəri sayəsində, gələcək polisaya çevrilməsi prosesi açıq-aşkar idi.

Amerikalılar zaman-zaman müttəfiqlərini darda qoyurlar: məsələn, hərbi münaqişələrdə kömək etmirlər. 2008-ci ildə gürcülər, 2019-cu ildə kürdlərlə də belə oldu. Müttəfiqlər həlak olurlar, ancaq onların yeri boş qalmır - eynilə intihar edən lemminqlər kimi.

Xalqından qopmaq ehtirası ilə yanan bu vətəndaşlar sadə bir şeyi anlamırlar - daha doğrusu, anlamaq istəmir, ya da başa düşməkdən qorxurlar. Onlar özlərini istədikləri qədər kosmopolit hesab edə bilər, düzgün hesab etdikləri şüarları bağıra və vətənlərini "bu ölkə" sözü ilə ifadə edə bilərlər. Hinduların bu qışqırıqları şerifi heç narahat etmir.

Amerikalılar üçün onlar yad vəhşi olaraq qalırlar. Heç bir veqan lattesi və yaxud Oksford tələffüzü Qərb kontragentlərinə polisayları özlərinə bərabər tərəfdaş saymağa əsas vermir. Lazım gələrsə, əhalinin qalan hissəsi kimi onları da eyni laqeydliklə məhv edəcək, yaxud da satacaqlar.

Ancaq bir dəqiqə, biz axı elə bil, Avropadayıq, uğursuz polisaylar düşünürlər, bura İraq deyil, bizə qarşı xüsusi münasibət var. Ancaq təəssüf, amerikalıları belə xırdalıqlar narahat eləmir. Yuqoslaviyanın taleyini xatırlayın. Avropa paytaxtı olan Belqrada düşən Amerika bombaları həm Miloşeviçin tərəfdarlarını, həm də "Qərb dəyərləri" fanatlarını öldürürdü. Bomba sığınacaqlarında həm köhnə kommunistlər, həm də gənc qlobalistlər qorxudan titrəyirdilər. Proqressiv gündəm heç vaxt öz tərəfdarlarını ağ cənabların qəzəbindən xilas etməyib.

Əfqanıstanda baş verənlərə baxanda Ukrayna və Baltikyanı ölkələrdəki elitalar narahat olublar. Bir dəqiqə, belə çıxır ki, amerikalılar gedə bilərlət? Belə çıxır ki, hə. Qaz kəməri olmayan Ukrayna qulpsuz çamadana çevrildi. Baltikyanı pələnglərin isə borclarından başqa heç bir şeyləri yoxdur, onlar amerikalıların nəyinə lazımdırlar? Bəs Rusiyaya qarşı həebi plasdarmlar? Ancaq görünür ki, tərəfdaşlar bu işin ümidsiz və çılğın olduğunu anlayıblar. Bəli, amerikanlar istəniulən an gedə bilərlər, onlardan sonra qalan isə depressiya və yoxsulluq olur.

Amerika tanklarında Qırmızı Meydandan keçməyi xəyal edən polisaylar pərt olub qorxdular. Yuxarı təbəqə, əlbəttə ki, özü üçün rahat ehtiyat aerodromları hazırlayıb. Ancaq işğalçı administrasiyanın aşağı rütbəli məmurları, belə görünür ki, reallığa qayıtmalı olacaqlar.

Rusiya bu prosesin yumşaq və nisbətən ağrısız keçməsinə kömək edəcək. Parçalanmış xəyallar üçün təsəlli isə amerikalıların çıxdığı limitrof ərazilərdə həyatın öz axarına düşməsi olacaq. Çünki bundan betər olmayacaq.

Eləcə də oxuyun:

81
Teqlər:
Əfqanıstan, ABŞ, Rusiya

Rusiyalı adamları Azərbaycana investisiyanı artırmaq niyyətindədir

4
Azərbaycan və Rusiya uzunmüddətli ortaqlıqlar qurmaq niyyətindədir. Bu barədə Rusiyanın Azərbaycandakı ticarət nümayəndəsi Ruslan Mirsayapov Sputnik Azərbaycan-da keçirdiyi mətbuat konfransında bildirib.

Azərbaycanlı istehsalçılar da öz növbəsində Rusiyaya meyvə-tərəvəz, kimyəvi və qida məhsulları ixrac edirlər.

Yeri gəlmişkən, Azərbaycan plastmasının və ondan hazırlanan məhsulların qonşu ölkəyə ixracı ötən ilin eyni dövrü ilə müqayisədə bu il 3,6 dəfə artıb.

Ümumiyyətlə, bu ilin 7 ayında ölkələr arasında ticarət dövriyyəsi 8,2% artaraq əvvəlki iki ilin göstəricilərini üstələyib.

Bundan əlavə, Rusiya şirkətləri Azərbaycanın iğşaldan azad edilmiş bölgələrinin sosial-iqtisadi potensialının bərpasında iştirak etmək niyyətindədir. Bu istiqamətdə maşınqayırma, enerji avadanlığı, tikinti materialları sahələri xüsusi maraq kəsb edir.

Digər vacib əməkdaşlıq sahəsi əczaçılıqdır.

 

4
Teqlər:
Rusiya, iş adamları
Azərbaycanın xarici işlər naziri Ceyhun Bayramov və Finlandiyanın xarici işlər naziri Pekka Olavi arasında görüş

Ceyhun Bayramov Finlandiyanın xarici işlər naziri ilə görüşüb

246
Nazir Pekka Haavisto ölkəsinin Azərbaycanla müxtəlif istiqamətlər üzrə əlaqələri genişləndirməkdə maraqlı olduğunu ifadə edib.

BAKI, 23 sentyabr - Sputnik. Azərbaycanın xarici işlər naziri Ceyhun Bayramov BMT Baş Assambleyasının 76-cı sessiyasında iştirakı çərçivəsində Finlandiyanın xarici işlər naziri Pekka Olavi Haavisto ilə görüşüb. Xarici İşlər Nazirliyindən verilən məlumata görə, görüşdə ikitərəfli və çoxtərəfli əməkdaşlıq münasibətlərinin inkişaf səviyyəsindən məmnunluq ifadə edilib və bu əlaqələrin genişləndirilməsi perspektivləri barəsində fikir mübadiləsi aparılıb. Hazırda Azərbaycan və Finlandiya arasında bütün səviyyələrdə qarşılıqlı anlaşmanın mövcud olduğu vurğulanıb.

Görüş zamanı ikitərəfli əməkdaşlıq gündəliyinin müxtəlif aspektləri, o cümlədən, siyasi, iqtisadi, humanitar, təhsil, kənd təsərrüfatı, yüksək texnologiyalar, sərmayə qoyuluşu, mədəni sahələrdə əməkdaşlığın möhkəmləndirilməsinə dair, eləcə də regional təhlükəsizlik məsələləri, üçtərəfli bəyanatdan irəli gələn müddəaların həyata keçirilməsi və etimadın qurulması tədbirlərinin reallaşması üzrə fikir mübadiləsi aparılıb.

Nazir Ceyhun Bayramov 44-günlük Vətən müharibəsi nəticəsində işğaldan azad olunmuş ərazilərimizdəki son vəziyyət, bu ərazilərdə Ermənistan tərəfindən məqsədli şəkildə törədilən geniş miqyaslı dağıntılar, tarixi -mədəni irsin məhv edilməsi, ətraf mühitə böyük zərərin vurulması, habelə mina təhlükəsi barədə danışıb eləcə də hazırda həyata keçirilən bərpa və yenidənqurma prosesi haqqında qarşı tərəfə ətraflı məlumat verib. O, Azərbaycana qarşı onilliklər ərzində həyata keçirilən təcavüzkar siyasətə rəğmən, Azərbaycanın beynəlxalq hüquq prinsipləri əsasında qonşu dövlətlə münasibətləri normallaşdırmağa hazır olduğunu qeyd edib.

Tərəflər, həmçinin ATƏT çərçivəsində əməkdaşlıq məsələləri ətrafında fikir mübadiləsi aparıblar.

Nazir Pekka Haavisto ölkəsinin Azərbaycanla müxtəlif istiqamətlər üzrə əlaqələri genişləndirməkdə maraqlı olduğunu ifadə edib. O, Azərbaycanın Ermənistanla münasibətlərin normallaşdırılması ilə bağlı mövqeyinin təqdirəlayiq olduğunu bildirib və üçtərəfli bəyanatın icrasının vacib olduğunu vurğulayıb.

Daha sonra tərəflər arasında qarşılıqlı maraq doğuran digər məsələlər, o cümlədən regional və beynəlxalq təhlükəsizlik məsələləri müzakirə olunub.

Qeyd edək ki, Azərbaycanın Xarici işlər naziri Ceyhun Bayramovun rəhbərlik etdiyi nümayəndə heyəti də BMT Baş Assambleyasının 76-cı sessiyasında iştirak etmək üçün ABŞ-ın Nyu-York şəhərinə gedib. 

Səfər zamanı sessiya çərçivəsində keçiriləcək tədbirlərdə iştirak, habelə xarici dövlətlərin rəsmiləri ilə ikitərəfli görüşlərin keçirilməsi nəzərdə tutulur.

Baş Assambleyanın bu ilki iclası “COVID-19 pandemiyasının keçid dövrü”, “Davamlılığın bərpası”, “Planetin ehtiyaclarına cavab vermək”, “İnsan hüquqlarına hörmət” və “BMT-nin yenidən canlanması ümidi ilə möhkəmlik yaratmaq” kimi mövzulara həsr edilib.

Həmçinin oxuyun:

Ceyhun Bayramov Avropa Şurasının baş katibi ilə görüşdü

246
Gürcüstanlı jurnalistlərin Ağdama səfəri

Əcnəbi jurnalist blogerlər Ağdama səfər ediblər

0
(Yenilənib 18:55 23.09.2021)
Bloger: Ağdamın hər yeri yerlə yeksan edilib. Ağdama növbəti dəfə də səfər etmək arzusundayam. Səbirsizliklə bura yenidən gəlib, abidələrin yeni və bərpa edilən formasını görmək istəyirəm.

BAKI, 23 sentyabr — Sputnik. Sentyabrın 23-də Gürcüstandan olan bir qrup jurnalist və bloger işğaldan azad olunmuş Ağdam şəhərinə səfər ediblər. Sputnik Azərbaycan-ın Qarabağ üzrə bölgə müxbirinin verdiyi məlumata görə, onlar ilk olaraq Pənahəli xanın sarayının yerləşdiyi imarət kompleksi ilə tanış olublar.

Daha sonra onlar Ağdam Çörək Muzeyinin, Ağdam Dram Teatrının qalıqlarına baxıb, işğal dönəmində ermənilərin heyvan saxladığı Ağdam Cümə məscidində olublar.

“Ağdamın hər yeri yerlə yeksan edilib. Ağdama növbəti dəfə də səfər etmək arzusundayam. Səbirsizliklə bura yenidən gəlib, abidələrin yeni və bərpa edilən formasını görmək istəyirəm”.
  • Gürcüstanlı jurnalistlərin Ağdama səfəri
    © Sputnik / Emin Babayev
  • Gürcüstanlı jurnalistlərin Ağdama səfəri
    © Sputnik / Emin Babayev
  • Gürcüstanlı jurnalistlərin Ağdama səfəri
    © Sputnik / Emin Babayev
1 / 3
© Sputnik / Emin Babayev
Gürcüstanlı jurnalistlərin Ağdama səfəri

Bu sözləri jurnalistlərə açıqlamasında gürcüstanlı bloger Nina Berdzenava deyib. O, Ağdamı gəlib bu vəziyyətdə görəcəyini təsəvvür etmədiyini bildirib.

"Ağdamda Azərbaycan xalqına məxsus tarixi abidələri dağıtsalar da, kökləri qalıb. Mən əminəm ki, Azərbaycan digər rayonlarda olduğu kimi buradakı abidələri də bərpa edəcək".
© Sputnik / Emin Babayev
Nina Berdzenava

“Azərbaycan iqtisadi, siyasi, hərbi cəhətdən güclü dövlətdir”. 

Bu sözləri Gürcüstanın Strateji və Beynəlxalq Araşdırmalar Fondunun eksperti, professor Zurab Batiaşvili Ağdam səfərinin təəssüratlarını bölüşərkən deyib. O bildirib ki, Ağdama səfəri onu sarsıldıb.

"Biz üç gündür Azərbaycandayıq. Bu günlər ərzində Bakıda, Gəncədə olduq. İndi isə Ağdama gəlmişik. Burda kəndlər, tarixi abidələr xarabalığa çevrilib. Əminəm ki, ən tez zamanda burda hər şey yenidən qurulacaq. Azərbaycan xalqı buna tam gücüylə dəstək verəcək. Azərbaycan iqtisadi, siyasi, hərbi cəhətdən güclü dövlətdir”.
© Sputnik / Emin Babayev
Zurab Batiaşvili

Qeyd edək ki, Ağdama səfər edən Gürcüstanlı qonaqlara ermənilərin işğal müddətində Azərbaycanın mədəni, tarixi və dini abidələrinə qarşı törətdiyi vəhşiliklər barədə ətraflı məlumat verilib.

Həmçinin oxuyun:

Toivo Klaar: Müharibənin acı xatirələri hər zaman qalacaq, lakin biz gələcəyə baxmalıyıq

0
Teqlər:
Gürcüstan