Əfqanıstanda silahlı şəxslər

Taliblər Vardak əyalətinin inzibati mərkəzini ələ keçiriblər

25
(Yenilənib 12:18 15.08.2021)
Paytaxt Kabildən 46 km məsafədə yerləşən Meydanşəhrin ələ keçirilməsi barədə hərəkatın nümayəndəsi Zəbuilla Mücahid Twitter hesabında məlumat yayıb.

BAKI, 15 avqust — Sputnik. Taliban hərəkatı Əfqanıstanın Vardak əyalətinin inzibati mərkəzi olan Meydanşəhri ələ keçirdiyini elan edib. Sputnik Azərbaycan Rusiya mediasına istinadən xəbər verir ki, paytaxt Kabildən 46 km məsafədə yerləşən Meydanşəhrin ələ keçirilməsi barədə hərəkatın nümayəndəsi Zəbuilla Mücahid Twitter hesabında məlumat yayıb.

Məlumatda deyilir ki, əyalət administrasiyasının binası, polis idarəsi, mərkəzi qazamat taliblərin nəzarətinə keçib.

Yaraqlılar Kabilə qaçan hökumət qüvvələrinin silah-sursatını da ələ keçiriblər.

Bir qədər əvvəl Taliban hərəkatının Əfqanıstanın Cəlalabad şəhərini ələ keçirməsi barədə xəbər yayılıb. Bu barədə Nanqarxar əyalətindən olan deputat Abrarullu Murad açıqlama verib.

Adıçəkilən yaşayış məntəqəsi paytaxt Kabillə yanaşı son vaxtlara qədər hökumət qüvvələrinin nəzarətində olan iki iri şəhərdən biri olub.

Yerli sakinlərdən biri Frans Press agentliyinə bildirib ki, taliblər Cəlalabada döyüşsüz yiyələniblər.

Ölkədə müharibə ABŞ qoçunlarının çıxarılması fonunda baş verir. Rusiyada bunu Əfqanıstanda ABŞ missiyasının iflasa uğraması kimi dəyərləndirirlər.

Həmçinin oxuyun:

25

Ceyhun Bayramov Beynəlxalq Qırmızı Xaç Komitəsinin prezidenti ilə görüşüb

5
(Yenilənib 22:27 25.09.2021)
BQXK-nin prezidenti humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

BAKI, 25 sentyabr - Sputnik. Sentyabrın 24-də xarici işlər naziri Ceyhun Bayramov BMT Baş Assambleyasının 76-cı sessiyası çərçivəsində Beynəlxalq Qırmızı Xaç Komitəsinin prezidenti Peter Maurer ilə görüşüb.

Görüşdə Azərbaycan ilə BQXK arasındakı münasibətlərin hazırkı vəziyyəti və perspektivləri barədə fikir mübadiləsi aparıldı və tərəflər arasındakı uğurlu əməkdaşlığın gələcəkdə daha da inkişaf edəcəyinə ümid ifadə edilib. 

Ceyhun Bayramov münaqişə sonrası regionda mövcud olan vəziyyət, xüsusilə də mina təhlükəsi və onun doğurduğu fəsadlar, azad edilmiş ərazilərdə həyata keçirilən bərpa, yenidənqurma işləri barədə qarşı tərəfə ətraflı məlumat verib. Nazir münaqişə kontekstində BQXK-nın fəaliyyətinin Azərbaycan tərəfindən müsbət qiymətləndirildiyini həmsöhbətinin diqqətinə çatdırıb.

Öz növbəsində BQXK-nin prezidenti Piter Maurer verilmiş məlumatlara görə təşəkkürünü bildirərək, təmsil etdiyi qurum tərəfindən bu istiqamətdə aparılan işlər barəsində məlumat verib. O, humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

Görüş zamanı, həmçinin ümumi humanitar məqsədli fəaliyyət barədə fikir mübadiləsi aparılıb.

Həmçinin oxuyun:

Ceyhun Bayramov Amerika Yəhudi Komitəsinin nümayəndələri ilə görüşüb

Ceyhun Bayramov Ermənistan XİN rəhbəri ilə görüşüb

5
Teqlər:
Ceyhun Bayramov, BQXK
Sergey Lavrov

Böyük dövlətlər arasında istənilən müharibə qəbuledilməzdir - Sergey Lavrov

320
(Yenilənib 22:53 25.09.2021)
Qeyd edək ki, bir müddət əvvəl Lavrov Rusiya və ABŞ liderlərinin Cenevrə sammitinin münasibətlərdə hər hansı bir dəyişikliyə və irəliləyişə gətirmdiyini, lakin buna baxmayaraq müsbət hadisə olduğunu demişdi.

BAKI, 25 sentyabr - Sputnik. Nüvə dövlətləri arasında istənilən müharibə, hətta nüvə müharibəsi olmasa belə, qəbuledilməzdir. RİA Novosti xəbər verir ki, bunu Rusiyanın xarici işlər naziri Sergey Lavrov deyib.

"Biz böyük dövlətlər arasında münasibətlərin qarşılıqlı hörmətə əsaslanmasına tərəfdarıq. İstərdik ki, bu münasibətlər heç vaxt müharibəyə gətirib çıxarmasın. Ən azı, nüvə müharibəsininin olmasını dəqiq istəmirik. Yaxşı ki, prezidentlər Putin və Bayden nüvə müharibəsinin prinsipcə məqbul olmadığını bildiriblər. Mən isə düşünürəm ki, böyük dövlətlər arasında istənilən müharibə qəbuledilməzdir. Çünki onun hər zaman nüvə münaqişəsinə gətirib çıxarması riski böyükdür", - deyə Lavrov mətbuat konfransında bildirib.

Qeyd edək ki, bir müddət əvvəl Lavrov Rusiya və ABŞ liderlərinin Cenevrə sammitinin münasibətlərdə hər hansı bir dəyişikliyə və irəliləyişə gətirmdiyini, lakin buna baxmayaraq müsbət hadisə olduğunu demişdi - prezdentlər nüvə müharibəsinin məqbul olmadığı mövqeyini təsdiq edib, habelə silahlara nəzarətə dair danışıqlar barədə razılığa gəliblər.

320
Teqlər:
Sergey Lavrov, nüvə müharibəsi
Elektrik xətləri, arxiv şəkli

İES-lərin enerji hasilatında artım, SES-lərin hasilatında isə azalma var