Yeni doğulmuş körpələr, arxiv şəkli

Alimlər pandemiya zamanı doğulan uşaqların intellektinin azaldığını aşkarlayıblar

105171
(Yenilənib 03:20 15.08.2021)
Alimlər deyirlər ki, uşaqların intellektinin azalmasına əsas təsir göstərən amil evdən işləməyə məcbur olan valideynlərinin stressi olub.

BAKI, 15 avqust — Sputnik. Rod-Aylenddəki (ABŞ) Braun Universitetinin alimləri tədqiqat apararaq belə qənaətə gəliblər ki, koronavirus pandemiyası zamanı doğulan uşaqların intellektual səviyyəsi özlərindən əvvəlki nəsillə müqayisədə aşağıdır.

Sputnik Azərbaycan bildirir ki, bu barədə Daily Mail yazır.

Mütəxəssislər aşkarlayıblar ki, pandemiya zamanı tətbiq olunan məhdudiyyətlər səbəbindən sosial qarşılıqlı təsir azaldığından IQ səviyyəsi də düşür. Alimlər uşaqların ətraf mühitlə daha az təmasda olduqlarından koqnitiv inkişafda geridə qaldıqlarını vurğulayırlar. 

Alimlər Rod-Aylend ştatında üç aydan üç yaşadək 672 uşağın IQ dərəcəsini yoxlayıblar. Eksperiment iştirakçılarının, demək olar ki, yarısı 2019-cu ilin yanvarınadək, 176-sı 2019-cu ilin yanvarından 2020-nin martınadək, 188-i isə 2020-ci ilin iyulunda doğulub.

Tədqiqatın nəticələrinə görə, IQ testlərinin orta göstəricisi, Mallenin ilkin inkişaf şkalasına görə, pandemiya dövründıə doğulanlarda 78-dən yuxarı olmayıb. Pandemiyadan əvvəl, 2011-2019-cu illər aralığında doğulanlarda bu göstərici 100 idi. Mütəxəssislər onu da vurğulayırlar ki, kasıb ailədən olan oğlan uşaqlarında geriləmə daha çoxdur. 

Alimlər deyirlər ki, uşaqların intellektinin azalmasına əsas təsir göstərən amil evdən işləməyə məcbur olan valideynlərinin stressi olub. Eləcə də tibbi maskalar buna təsir göstərə bilər, çünki uşaqlar valideynlərinin mimikalarından nəsə öyrənmək imkanından məhrum olublar. 

Eləcə də oxuyunı: 

 

105171
Teqlər:
körpə, COVID-19, Koronavirus, pandemiya, IQ
Mövzu:
Yeni tip koronavirus pandemiyası (743)
Stefan Kuntz, arxiv şəkli

Türkiyə milli futbol komandasının yeni baş məşqçisi məlum oldu

6
(Yenilənib 22:54 20.09.2021)
Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi olub və 1995-1996-cı illərdə Beşiktaş komandasının tərkibində çıxış edib.

BAKI, 20 sentyabr — Sputnik. Türkiyə milli komandasına yeni baş məşqçi təyin olunub. Sputnik Azərbaycan-ın NTV kanalına istinadla verdiyi xəbərə görə, Türkiyə Futbol Fedarasiyası bu məqsədlə alman mənşəli keçmiş futbolçu Stefan Kuntzla razılıq əldə edib.

Federasiyadan verilən açıqlamada "Türkiyə Futbol Fedarasiyası İdarəetmə Heyəti milli komandanın baş məşqçisi vəzifəsi üçün Stefan Kuntzla razılıq əldə edib", – deyə bildirilir.

Yeni baş məqşçi ilə imza mərasimi sabah baş tutacaq.

Qeyd edək ki, Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi idi. 1995-1996-cı illərdə isə Beşiktaş komandasının tərkibində çıxış etmişdi.

Xatırladaq ki, Türkiyə Futbol Federasiyası bu günlərdə milli komandanın baş məşqçisi Şenol Günəşlə yollarını ayırıb. Buna səbəb Türkiyə millisinin 2022-ci il Dünya Çempionatının Avropa seçmə oyunları çərçivəsində  G qrupunda Hollandiyaya 6:1 hesabı ilə uduzması olub.

Həmçinin oxuyun:

Şenol Günəş istefaya göndərildi

6
Teqlər:
futbol, Türkiyə, milli
Emmi mükafatı, arxiv şəkli

Daha üç serial "Emmy" mükafatlarının qalibi seçilib

6
(Yenilənib 22:47 20.09.2021)
Ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri də mübarizə aparıb.

BAKI, 20 sentyabr — Sputnik. "Tac", "Ted Lasso" və "Kraliçanın addımı" serialları "Emmy" mükafatlarının qalibi seçilib. Sputnik Azərbaycan xarici mediaya istinadla xəbər verir ki, 73-cü mükafatlandırma mərasimi ötən gün Los-Ancelesdə keçirilib.

"Tac" 24 kateqoriya üzrə namizədliyini irəli sürərək ümumi nominasiyalar arasında liderliyini saxlayıb. Bu filmlə bərabər ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri mübarizə aparıb.

Məlumat üçün bildirək ki, mükafatların təqdimetmə mərasimləri 1949-cu ildən başlayaraq hər il keçirilir. Lakin 1974-cü ilə qədər yalnız sadəcə "Emmy" mükafatı mövcud idi. Sonralar bu mükafatı gündüz verilişlərinə görə təqdim edilən "Emmy" mükafatından fərqləndirmək məqsədilə adı dəyişdirilərək praym-taym "Emmy" mükafatı adlandırılıb.

Mükafatı üç təşkilat təqdim edir: Amerika televiziya akademiyası (ingiliscə Academy of Television Arts & Sciences) idman verilişləri istisna edilməklə, mükafatı bütün axşam verilişləri üzrə təqdim edir; Amerika Milli Televiziya Akademiyası (ingiliscə National Academy of Television Arts & Sciences) gündüz, idman, xəbərlər və sənədli proqramlar üzrə mükafatı təqdim edir; və Beynəlxalq Televiziya Akademiyası (ingiliscə International Academy of Television Arts & Sciences) ABŞ sərhədlərindən kənarda hazırlanan və yayımlanan televiziya proqramları üzrə təqdim edir.

Həmçinin oxuyun:

Gələcəyimizin varisi olan uşaqlar nəyə baxırlar?

6