Gürcüstanda epdimioloji vəziyyət

Gürcüstan qaydaları yenidən sərtləşdirir

22
(Yenilənib 17:29 09.08.2021)
Gürcüstanda müvafiq qərarla açıq və qapalı məkanlarda gecə klublarının fəaliyyəti də qadağan edilib, qida iaşə obyektlərinin fəaliyyəti isə 00:00-dan 05:00-dək məhdudlaşdırılacaq.

BAKI, 9 avqust — Sputnik. Sabahdan Gürcüstanda 5-dən çox insanın toplaşdığı açıq məkanlarda tibbi maskadan istifadə məcburi olacaq. Sputnik Azərbaycan xəbər verir ki, müvafiq qərar Gürcüstan Baş nazirinin rəhbərliyi altında fəaliyyət göstərən Qurumlararası Koordinasiya Şurası tərəfindən qəbul edilib. Bildirilib ki, qərarın qəbul edilməsinə səbəb ölkədə epidemioloji vəziyyətin pisləşməsidir.

Bundan başqa, ölkə ərazisində toyların və digər kütləvi şənliklərin keçirilməsinə nəzarət gücləndiriləcək. Qayda pozuntusuna yol vermiş obyektlər 10 min lari (5510 manat) cərimə olunacaq, eyni müəssisə təkrar qanun pozuntusuna yol verdikdə isə onun fəaliyyəti dayandırılacaq.

Müvafiq qərarla açıq və qapalı məkanlarda gecə klublarının fəaliyyəti də qadağan edilib. İaşə obyektlərinin fəaliyyəti isə 00:00-dan 05:00-dək məhdudlaşdırılacaq.

Qərb qonşumuzun əksinə, Şotlandiyada isə bu gündən etibarən Şotlandiyada koronavirusla bağlı əksər məhdudiyyətlər aradan qaldırılıb. Yeni qaydalara əsasən, iki metrlik sosial məsafə saxlamaqla bağlı məhdudiyyətlər ləğv edilib, gecə klubları öz fəaliyyətlərini bərpa edib.

Bundan əlavə, 5000-dən çox insanın qatıldığı açıq hava tədbirlərinin və 2000-dən çox insanın iştirak etdiyi qapalı tədbirlərin təşkilinə icazə verilib. Ancaq bunun üçün əvvəlcədən yerli hakimiyyət orqanlarından icazə alınmalıdır.

Qapalı məkanlarda və nəqliyyat vasitələrində isə maskalardan istifadə ilə bağlı qanun hələ də öz qüvvəsində qalır. Şotlandiyanın Birinci naziri Nikola Starcion koronavirusla bağlı məhdudiyyətlərin aradan qaldırılmasına baxmayaraq insanları həssas olmağa çağırıb.

Qeyd edək ki, İngiltərədə koronavirus məhdudiyyətləri 19 iyul tarixində aradan qaldırılıb.

 

22
Teqlər:
COVID-19, epidemiya, Koronavirus, karantin, Gürcüstan, məhdudiyyət
Mövzu:
Yeni tip koronavirus pandemiyası (743)
Türkiyə Prezidenti Rəcəb Tayyib Ərdoğan, arxiv şəkli

Ərdoğan: Türkiyə-ABŞ münasibətləri pisləşib

843
(Yenilənib 16:09 24.09.2021)
Ərdoğan vurğulayıb ki, NATO-ya üzv iki ölkə kimi Türkiyə və ABŞ-ın tamamilə fərqli münasibətləri olmalıdır.

 

BAKI, 24 sentyabr — Sputnik. Birləşmiş Ştatlar Suriyada kürd qruplaşmalarına hərbi yardımı artırıb. Heç bir ABŞ prezidentinin dövründə vəziyyət hazırkı prezident Co Baydenin zamanındakı kimi pis olmayıb. Sputnik Türkiyə xəbər verir ki, bunu Türkiyənin Prezidenti Rəcəb Tayyib Ərdoğan bildirib.

"NATO-ya üzv iki ölkə kimi Türkiyə və ABŞ-ın tamamilə fərqli münasibətləri olmalıdır. Heç bir ABŞ liderinin dövründə vəziyyət belə pis olmayıb. Vaşinqton regionda terrorçuları daha çox dəstəkləyir", - deyə Ərdoğan bildirib.

Qeyd edək ki, ötən gün də Türkiyə Prezidenti Rəcəb Tayyib Ərdoğan ABŞ prezidenti vəzifəsinə başladıqdan sonra Cozef Baydenlə münasibətlərin elə də yaxşı olmadığını bəyan etmişdi: "İstəyirəm ki, iki NATO ölkəsi olaraq biz düşmən yox, dost olaq. Amma indiki vəziyyət o qədər də yaxşı deyil. Baş nazir və prezident kimi təxminən 19 illik fəaliyyətimə əsaslanaraq deyə bilərəm. Əfsuslar olsun ki, ABŞ-la münasibətlərdə yaxşı zaman deyil. Corc Buş, Barak Obama, Donald Trampla yaxşı işlədim, amma Cozef Bayden ilə yaxşı başladığımızı deyə bilmərəm".

Eləcə də oxuyun:

843
Teqlər:
Rəcəb Tayyip Ərdoğan, Cozef Bayden, ABŞ, Türkiyə, münasibət
Rusiya Dövlət Dumasına seçkilər (2021)

Rusiya Dövlət Dumasına seçkilərlə bağlı MSK iclas keçirdi

305
(Yenilənib 16:00 24.09.2021)
Dumanın aşağı palatasına birmandatlı seçki dairələri üzrə namizədliyini özü irəli sürən 5 şəxs seçilib.

BAKI, 24 sentyabr — Sputnik. Rusiya Federasiyası Mərkəzi Seçki Komissiyası cümə günü, sentyabrın 24-də keçirdiyi iclasda Dövlət Dumasına seçkilərin baş tutmuş və etibarlı olması barədə protokol qəbul edib. 

Rusiya Mərkəzi Seçki Komissiyasının sədri Ella Pamfilova Dövlət Dumasına keçirilən seçkilərin nəticələrini, mandatların yekun bölgüsünü açıqlayıb. Bu barədə Sputnik Azərbaycan "RİA Novosti"-yə istinadən xəbər verir.

Protokolun 100 faizlik emalından sonra federal dairə üzrə Rusiya Dövlət Dumasına beş partiyadan namizədlər seçilib: Vahid Rusiya Partiyası 324 mandat, Rusiya Federasiyası Kommunist Partiyası (KPRF) - 57, Ədalətli Rusiya - həqiqət uğrunda - 27, Rusiyanın Liberal Demokrat Partiyası (LDPR) 21, Yeni insanlar Partiyası -13 mandat qazanıb.

Dumanın aşağı palatasına birmandatlı seçki dairələri üzrə namizədliyini özü irəli sürən 5 şəxs seçilib.

Qeyd edək ki, Rusiya Dövlət Dumasına və 9 subyektin icra orqanlarına seçkilər 17-19 sentyabrda keçirilib. Seçkilərdə seçici fəallığı 51,72 faiz olub.

Moskvada və altı subyektdə - Kursk, Nijeqorod, Yaroslav, Murmansk, Rostov və Sevastopolda distansion elektron səsvermə təşkil olunub.

Eləcə də oxuyun:

305
Teqlər:
Rusiya, Dövlət Duması, seçki, iclas, protokol
SOCAR-ın baş ofisi, arxiv şəkli

İraq SOCAR-la əməkdaşlıq etmək niyyətini açıqladı

0
(Yenilənib 19:58 24.09.2021)
Rövnəq Abdullayev qonaqların diqqətinə çatdırıb ki, hasilatın pay bölgüsü sazişləri üzrə görülmüş işlərin 95 %-i ölkə daxilində yerli mütəxəssislər tərəfindən icra edilir.

BAKI, 24 sentyabr — Sputnik. Bu gün Azərbaycan Dövlət Neft Şirkətinin (SOCAR) prezidenti Rövnəq Abdullayev İraqın ölkəmizdə səfərdə olan neft naziri İhsan Əbdül Cabbar İsmailin rəhbərlik etdiyi nümayəndə heyəti ilə görüş keçirib.

SOCAR-dan Sputnik Azərbaycan-a verilən məlumata görə, SOCAR-ın prezidenti qonaqlara Azərbaycanın qədim tarixə, zəngin ənənələrə malik neft sənayesinin inkişafı barədə məlumat verib, müstəqillik dövründə əldə edilmiş uğurlardan, həyata keçirilmiş möhtəşəm layihələrdən, yaradılmış texnoloji və iqtisadi potensialdan bəhs edib.

Rövnəq Abdullayev qonaqların diqqətinə çatdırıb ki, hasilatın pay bölgüsü sazişləri üzrə görülmüş işlərin 95 %-i ölkə daxilində yerli mütəxəssislər tərəfindən icra edilir.

O, "Əsrin müqaviləsi"nin imzalanmasından ötən müddətdə kadr hazırlığına xüsusi diqqət yetirildiyini vurğulayıb.

Qonaqlar SOCAR-ın tərkibində fəaliyyət göstərən Bakı Ali Neft Məktəbinin, müxtəlif peşə təhsili məktəblərinin fəaliyyəti barədə ətraflı məlumatlandırılıblar.

İraqın neft-qaz sənayesində mövcud vəziyyət haqqında danışan nazir İhsan Əbdül Cabbar İsmail hazırda qarşılarında duran əsas vəzifələrdən bəhs edib, böyük təcrübəyə malik və özünü artıq dünya neft-qaz sənayesində ciddi bir şirkət kimi təsdiq etmiş SOCAR-la əməkdaşlıq etməkdə maraqlı olduqlarını nəzərə çatdırıb.

SOCAR-ın prezidenti əməkdaşlıq üçün geniş imkanlarının mövcud olduğunu, şirkətin istehsalat sahələri və həyata keçirdiyi layihələrlə tanışlıq üçün qonaqlara şərait yaradılacağını bildirib.

0