Meksika Prezidenti Andres Manuel Lopes Obrador

Avropa İttifaqının analoqunu yaratmaq təklif edildi

63
(Yenilənib 03:01 25.07.2021)
Meksika prezidenti Amerika Dövlətləri Təşkilatını tam muxtar, münaqişə tərəflərinin xahiş və razılığı ilə insan haqları və demokratiya məsələlərində vasitəçi olan orqanla dəyişdirməyi istisna etməyib.

BAKI, 25 iyul - Sputnik. Meksika Prezidenti Andres Manuel Lopes Obrador Amerika qitəsindəki beynəlxalq münasibətlər sistemini tənqid edib. Sputnik Azərbaycan RİA Novosti-yə istinadən bildirir ki, o, Avropa İttifaqı kimi, yerli reallıqlara və identikliyə bağlı olan regional Latın Amerikası Birliyi yaratmağı təklif edib.

"Superdövlətin rəhbərlərinin istəyi ilə hökumətlərin yıxılması və ya təyin olunması ilə xarakterizə olunan son iki əsrin siyasəti qəbuledilməzdir. Təlqin, müdaxilə, sanksiyalar, təcrid və blokada ilə sağollaşaq. Bunun əvəzinə müdaxilə etməmə, xalqların öz müqəddəratlarını təyinetmə prinsiplərini və mübahisələrin dinc yolla həll edilməsini qəbul edək. Gəlin öz qitəmizdə münasibətləri millətlərin başqa xalqların bədbəxtliyindən istifadə etməməli olduğu haqda Corc Vaşinqtonun tövsiyəsi ilə quraq. Anlayıram ki, çətin məsələdir, yeni siyasi və iqtisadi baxış tələb edir", - Latın Amerikası və Karib Dövlətlərinin (Selak) XİN rəhbərlərinin önündə çıxış edən Lopes Obrador söyləyib. 

Qitədə uğurliu inteqrasiya nümunəsi kimi Lopes Obrador Meksikanın suverenitetinin təsdiq olunması şərtilə Meksika, Kanada və ABŞ-ın ticari-iqtisadi müqaviləsini, Çinlə əlaqələrin inkişafını qeyd edərək vurğulayıb ki, Meksikanın təcrübəsi regional inteqrasiya proseslərində faydalı olacaq.

"Təklif edirəm ki, nə artıq, nə əskik - Avropa İttifaqı kimi bir birlik yaradaq, ancaq o, bizim tariximiz, reallıqlarımız və identikliyimizlə bağlı olsun. Bu baxımdan Amerika Dövlətləri Təşkilatını tam muxtar, kiminsə nökəri deyil, münaqişə tərəflərinin xahiş və razılığı ilə insan haqları və demokratiya məsələlərində vasitəçi olan orqanla dəyişdirməyi istisna etmək lazım deyil", - Meksika prezidenti deyib.

63
Teqlər:
Meksika, Latın Amerikası, Avropa İttifaqı
Türkiyə Prezidenti Rəcəb Tayyib Ərdoğan, arxiv şəkli

Ərdoğan: Türkiyə-ABŞ münasibətləri pisləşib

961
(Yenilənib 16:09 24.09.2021)
Ərdoğan vurğulayıb ki, NATO-ya üzv iki ölkə kimi Türkiyə və ABŞ-ın tamamilə fərqli münasibətləri olmalıdır.

 

BAKI, 24 sentyabr — Sputnik. Birləşmiş Ştatlar Suriyada kürd qruplaşmalarına hərbi yardımı artırıb. Heç bir ABŞ prezidentinin dövründə vəziyyət hazırkı prezident Co Baydenin zamanındakı kimi pis olmayıb. Sputnik Türkiyə xəbər verir ki, bunu Türkiyənin Prezidenti Rəcəb Tayyib Ərdoğan bildirib.

"NATO-ya üzv iki ölkə kimi Türkiyə və ABŞ-ın tamamilə fərqli münasibətləri olmalıdır. Heç bir ABŞ liderinin dövründə vəziyyət belə pis olmayıb. Vaşinqton regionda terrorçuları daha çox dəstəkləyir", - deyə Ərdoğan bildirib.

Qeyd edək ki, ötən gün də Türkiyə Prezidenti Rəcəb Tayyib Ərdoğan ABŞ prezidenti vəzifəsinə başladıqdan sonra Cozef Baydenlə münasibətlərin elə də yaxşı olmadığını bəyan etmişdi: "İstəyirəm ki, iki NATO ölkəsi olaraq biz düşmən yox, dost olaq. Amma indiki vəziyyət o qədər də yaxşı deyil. Baş nazir və prezident kimi təxminən 19 illik fəaliyyətimə əsaslanaraq deyə bilərəm. Əfsuslar olsun ki, ABŞ-la münasibətlərdə yaxşı zaman deyil. Corc Buş, Barak Obama, Donald Trampla yaxşı işlədim, amma Cozef Bayden ilə yaxşı başladığımızı deyə bilmərəm".

Eləcə də oxuyun:

961
Teqlər:
Rəcəb Tayyip Ərdoğan, Cozef Bayden, ABŞ, Türkiyə, münasibət
Rusiya Dövlət Dumasına seçkilər (2021)

Rusiya Dövlət Dumasına seçkilərlə bağlı MSK iclas keçirdi

307
(Yenilənib 16:00 24.09.2021)
Dumanın aşağı palatasına birmandatlı seçki dairələri üzrə namizədliyini özü irəli sürən 5 şəxs seçilib.

BAKI, 24 sentyabr — Sputnik. Rusiya Federasiyası Mərkəzi Seçki Komissiyası cümə günü, sentyabrın 24-də keçirdiyi iclasda Dövlət Dumasına seçkilərin baş tutmuş və etibarlı olması barədə protokol qəbul edib. 

Rusiya Mərkəzi Seçki Komissiyasının sədri Ella Pamfilova Dövlət Dumasına keçirilən seçkilərin nəticələrini, mandatların yekun bölgüsünü açıqlayıb. Bu barədə Sputnik Azərbaycan "RİA Novosti"-yə istinadən xəbər verir.

Protokolun 100 faizlik emalından sonra federal dairə üzrə Rusiya Dövlət Dumasına beş partiyadan namizədlər seçilib: Vahid Rusiya Partiyası 324 mandat, Rusiya Federasiyası Kommunist Partiyası (KPRF) - 57, Ədalətli Rusiya - həqiqət uğrunda - 27, Rusiyanın Liberal Demokrat Partiyası (LDPR) 21, Yeni insanlar Partiyası -13 mandat qazanıb.

Dumanın aşağı palatasına birmandatlı seçki dairələri üzrə namizədliyini özü irəli sürən 5 şəxs seçilib.

Qeyd edək ki, Rusiya Dövlət Dumasına və 9 subyektin icra orqanlarına seçkilər 17-19 sentyabrda keçirilib. Seçkilərdə seçici fəallığı 51,72 faiz olub.

Moskvada və altı subyektdə - Kursk, Nijeqorod, Yaroslav, Murmansk, Rostov və Sevastopolda distansion elektron səsvermə təşkil olunub.

Eləcə də oxuyun:

307
Teqlər:
Rusiya, Dövlət Duması, seçki, iclas, protokol
Pianoçu Vurğun Vəkilov

Səməd Vurğunun nəticəsi şah əsərləri ifa edib

0
(Yenilənib 22:24 24.09.2021)
V.Vəkilov ölkəmizi İtaliya, Yaponiya, Rusiya, Bolqarıstan, Koreya Respublikası, Çin və digər ölkələrdə keçirilən müsabiqələrdə də təmsil edib. Onun adı Azərbaycanın gənc istedadlarının "Qızıl kitabı"na daxil edilib.

BAKI, 24 sentyabr — Sputnik. Üzeyir Hacıbəyli XIII Beynəlxalq Musiqi Festivalı davam edir. Sentyabrın 23-də festival çərçivəsində Azərbaycan Milli İncəsənət Muzeyində istedadlı pianoçu, Xalq şairi Səməd Vurğunun nəticəsi, "École normale de musique de Paris-Alfred-Cortot" ali musiqi məktəbinin tələbəsi Vurğun Vəkilovun konserti olub.

Sputnik Azərbaycan xəbər verir ki, konsertdə klassik musiqinin şah əsərləri səslənib. Pianoçunun çıxışı böyük maraqla qarşılanıb.

Qeyd edək ki, V.Vəkilov 2004-cü ildə Bülbül adına Orta İxtisas Musiqi Məktəbinin birinci sinfinə gedib. İstedadlı pianoçu 2008-ci ildə Azərbaycanın ümummilli lideri Heydər Əliyevin anadan olmasının 85 illiyinə həsr olunan Gənc İfaçıların Birinci Respublika Müsabiqəsinin qalibi olub. V.Vəkilov ölkəmizi İtaliya, Yaponiya, Rusiya, Bolqarıstan, Koreya Respublikası, Çin və digər ölkələrdə keçirilən müsabiqələrdə də təmsil edib. Onun adı Azərbaycanın gənc istedadlarının "Qızıl kitabı"na daxil edilib.

0