Джефф Безос на корабле своей компании Blue Origin

İyirmi səkkiz milyonluq uçuş reallaşdı: dünyanın ən varlı adamı kosmosda olub

163
(Yenilənib 18:07 20.07.2021)
Dünyanın ən varlı adamını kosmik gəmidə onun qardaşı Mark Bezos, 18 yaşlı Niderland vətəndaşı Oliver Daemen və Texas ştatından olan, aviasiya sahəsində çalışmış 82 yaşlı qadın Vally Fank müşayiət edib.

BAKI, 20 iyul - Sputnik. "Amazon" şirkətinin yaradıcısı, dünyanın ən varlı adamı sayılan Ceff Bezos "New Shepherd" hava gəmisi ilə kosmosa uçub.

Sputnik Azərbaycan xarici KİV-lərə istinadla xəbər verir ki, Bezosun uçuşunu "Blue Origin" şirkəti təşkil edib.

Onu gəmidə qardaşı Mark Bezos, 18 yaşlı Niderland vətəndaşı Oliver Daemen və Texas ştatından olan, aviasiya sahəsində çalışmış 82 yaşlı qadın Vally Fank müşayiət edib.

Kosmik gəmi Van Horn şəhəri (Texas) yaxınlığındakı kosmodromdan həyata keçirilib və təxminən 11 dəqiqə davam edib. Təxminən üç dəqiqə ərzində kosmik gəminin sərnişinləri çəkisizliyı hiss ediblər.

Bu, mülki şəxslərin kosmosa ilk uçuşudur.

13.06.2021

Kosmik gəmidə on dəqiqə üçün 28 milyonundan keçdi

Amazon-un banisi Ceff Bezosla birgə kosmosa uçuş üçün yer hərracda 28 milyon dollara satılıb. 

Sputnik Azərbaycan bildirir ki, Blue Origin kosmik şirkəti bununla bağlı apardığı alqı-satqını canlı yayımlayıb.

107 saylı adam yeri 28 milyon dollara alıb.

Amazon-un banisi və onun qardaşı ilə kosmosa uçmaq şansını qazanan adamın şəxsiyyəti hələ bəlli deyil. New Shepard-la kosmosa uçacaq şəxsin adı bir neçə həftə sonra bəyan ediləcək. Eləcə də yaxın vaxtlarda heyətin "dördüncü və sonuncu" üzvü də bəlli olacaq, Blue Origin-dən bildiriblər.

Bir müddət öncə Blue Origin New Shepard suborbital gəmisinin göyərtəsində sərnişin yerini onlayn hərracda satışa çıxarmışdı. Hərracı qazanan şəxs iyulun 20-nə planlaşdırılan uçuşda Blue Origin-in sahibi, biznesmen Ceff Bezos və onun qardaşı Marka yol yoldaşı olacaq.  

New Shepard – çoxdəfəli istifadə üçün yararlı kosmik gəmidir, onu kosmosla sərhədə kommersiya uçuşları həyata  keçirmək üçün tikirlər. Şirkətin texnologiyasına görə, uçuş cəmi 10 dəqiqə çəkir: New Shepard Texasdakı kosmodromdan qalxır, heyətin olduğu kapsuldan ayrılan raket şaquli eniş edir, kapsul Yer səthindən 105 km hündürə qalxır, bundan sonra isə paraşütlə enməyə başlayır.

Blue Origin New Shepard-ın 15 test uçuşunu keçirib, onların hamısı pilotsuz olub. Onlardan sonuncusu apreldə olub, o da pilotsuz gerçəkləşsə də, startdan öncə gələcək pilotlu uçuşun "məşqi" aparılıb.

163

FHN-in yanğınsöndürmə qüvvələri Türkiyəyə gedir

888
Müvafiq dövlət qurumları Türkiyədən olan tərəf müqabilləri ilə əlaqə qurub və ən qısa zamanda yardım dəstələri qardaş ölkəyə yola düşəcək.

BAKI, 30 iyul — Sputnik. Azərbaycan Respublikasının Prezidenti İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə Azərbaycan Respublikası Fövqəladə Hallar Nazirliyinin müvafiq yanğınsöndürmə qüvvələrinin əməkdaşlarının Türkiyə Respublikasına yola düşməsi üçün hazırlıq işləri gedir. Sputnik Azərbaycan-ın FHN-in saytına istinadən xəbər verir ki, ən qısa zamanda qüvvələr qardaş Türkiyə Respublikasına yola düşəcək.

---------

11:43

Azərbaycan Respublikasının Prezidenti İlham Əliyevin tapşırığına müvafiq olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyəyə Azərbaycandan yardım dəstələri göndəriləcək.

Sputnik Azərbaycan xəbər verir ki, bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.

Prezidentin köməkçisi deyib: "Bununla əlaqədar olaraq, Prezident İlham Əliyev tərəfindən Azərbaycan Respublikasının Baş nazirinə və Fövqəladə Hallar Nazirliyinə lazımi tapşırıqlar və göstərişlər verilib. Müvafiq dövlət qurumları Türkiyədən olan tərəf müqabilləri ilə əlaqə qurub və ən qısa zamanda yardım dəstələri qardaş ölkəyə yola düşəcək".

Türkiyədə dəhşətli yanğın 

Türkiyədə, Antalyanın Manavgat rayonunda Yeniköy məhəlləsinin yaxınlığındakı meşədə yanğın olub. İyulun 28-dən başlayan yanğın nəticəsində Manavqat rayonun mərkəzinə qədər yayılıb, bəzi yaşayış məntəqələri və iş yerləri yanaraq yararsız hala düşüb. Ümumilikdə Türkiyənin Antalya əyalətində başlayan meşə yanğınları nəticəsində 3 nəfər həlak olub, 62 nəfər isə xəsarət alıb. Ölkənin 40-dan çox yaşayış məntəqəsi zərər görüb.
Yanğının söndürülməsinə 100-dən çox texnika, o cümlədən 2 təyyarə və 15 helikopter cəlb edilib.

Azərbaycandan dəstək 

Qeyd edək ki, Azərbaycan Respublikasının Prezidenti İlham Əliyev Türkiyədəki dəhşətli yanğınlarda insanların həlak olması ilə bağlı türkiyəli həmkarı Rəcəb Tayyib Ərdoğana başsağlığı verib. O, Azərbaycan hökuməti və xalqının hər zaman olduğu kimi bu gün də qardaş Türkiyə xalqı ilə həmrəy olduğunu vurğulayıb.

Azərbaycanın Xarici işlər naziri Ceyhun Bayramov da meşə yanğınları zamanı həlak olanlarla bağlı Türkiyəyə başsağlığı verib. Bayramov bunu özünün feysbukdakı hesabında yazıb: “Qardaş Türkiyədə meşə yanğınlarının davam etməsi, Antalyada 3 nəfərin həyatını itirməsi bizi çox sarsıtdı. Yanğın nəticəsində dünyasını dəyişənlərə Allahdan rəhmət diləyirik. Bu çətin günlərdə qardaş Türkiyənin yanındayıq, hər cür dəstək göstərməyə hazırıq”.

Eləcə də oxuyun:

888
Teqlər:
humanitar yardım, Azərbaycan, Türkiyə, yanğın

Mehriban Əliyevadan Türkiyəyə dəstək

28
Birinci vitse-prezident Türkiyə regionlarında baş vermiş dəhşətli yanğınların nəticələri barədə xəbərləri dərin kədər və təəssüf hissi ilə qarşıladığını bildirib.

BAKI, 30 iyul — Sputnik. Azərbaycanın Birinci vitse-prezidenti Mehriban Əliyeva Türkiyədə baş verən yanğınlarla bağlı paylaşım edib. Sputnik Azərbaycan-ın məlumatına görə, paylaşımda deyilir:

"Türkiyə regionlarında baş vermiş dəhşətli yanğınların nəticələri barədə xəbərləri dərin kədər və təəssüf hissi ilə qarşıladım. Həlak olanların doğmalarına və yaxınlarına dərin hüznlə başsağlığı verirəm. Yaralıların tezliklə şəfa tapmasını arzulayıram. Türkiyə xalqının kədəri bizim kədərimizdir. Uca Tanrıdan bütün Türkiyə xalqına güc və səbir diləyirəm!"

Türkiyədə meşə yanğınları

Qeyd edək ki, Türkiyədə, Antalyanın Manavqat rayonunda Yeniköy məhəlləsinin yaxınlığındakı meşədə yanğın olub. İyulun 28-dən başlayan yanğın Manavqat rayonunun mərkəzinə qədər yayılıb, bəzi yaşayış məntəqələri və iş yerləri yanaraq yararsız hala düşüb. Ümumilikdə Türkiyənin Antalya əyalətində başlayan meşə yanğınları nəticəsində 4 nəfər həlak olub, 183 nəfər isə xəsarət alıb. Yanğının söndürülməsinə 100-dən çox texnika, o cümlədən 2 təyyarə və 15 helikopter cəlb edilib.

Azərbaycandan dəstək 

Cümə günü, iyulun 30-da Azərbaycan Respublikasının Prezidenti İlham Əliyev Türkiyədəki dəhşətli yanğınlarda insanların həlak olması ilə bağlı türkiyəli həmkarı Rəcəb Tayyib Ərdoğana başsağlığı verib. O, Azərbaycan hökuməti və xalqının hər zaman olduğu kimi bu gün də qardaş Türkiyə xalqı ilə həmrəy olduğunu vurğulayıb.

Azərbaycanın Xarici işlər naziri Ceyhun Bayramov da meşə yanğınları zamanı həlak olanlarla bağlı Türkiyəyə başsağlığı verib. Bayramov bunu özünün feysbukdakı hesabında yazıb: “Qardaş Türkiyədə meşə yanğınlarının davam etməsi, Antalyada 3 nəfərin həyatını itirməsi bizi çox sarsıtdı. Yanğın nəticəsində dünyasını dəyişənlərə Allahdan rəhmət diləyirik. Bu çətin günlərdə qardaş Türkiyənin yanındayıq, hər cür dəstək göstərməyə hazırıq”.

Azərbaycan Respublikasının Baş naziri Əli Əsədov Türkiyə Respublikasının vitse-prezidenti Fuat Oktaya zəng vurub. Əsədov meşə yanğınları ilə mübarizədə Azərbaycanın Türkiyəyə hər cür yardım göstərməyə və bunun üçün bütün lazımi qüvvələri səfərbər etməyə hazır olduğunu vurğulayıb.

Eləcə də oxuyun:

 

28
Teqlər:
Birinci vitse-prezident Mehriban Əliyeva, Türkiyə, yanğın, paylaşım
Пульт дистанционного управления телевизором

CBC teleradio şirkətində kadr dəyişiklikləri baş verib

0
(Yenilənib 00:09 31.07.2021)
Qarabağ regionunda yayımlanan CBC FM radiosunun baş redaktoru və bir sıra bölmələrə baş redaktorlar təyin edilib.

BAKI, 30 iyun - Sputnik. Dünyanın rus dilli informasiya məkanında teleradio yayımının inkişafı və son bir neçə ildə əldə olunmuş uğurların nəticəsi kimi CBC teleradio şirkətində bir sıra kadr dəyişiklikləri aparılıb.

Teleradio şirkətindən AZƏRTAC-a bildiriblər ki, Məmmədov Orxan Elşən oğlu Qarabağ regionunda yayımlanan CBC FM radiosunun baş redaktoru vəzifəsinə təyin olunub.

Bundan əlavə, Əliyeva Nigar Əli qızı telekanalın “İctimai siyasi verilişlər” bölməsinin baş redaktoru, Musazadə Elmira İlqar qızı “Müəllif verilişləri” bölməsinin baş redaktoru, Rzayev Sənan Məhəmməd oğlu redaktor-baş siyasi icmalçı, Lavrina Anastasiya Vitalyevna beynəlxalq münasibətlər üzrə ekspert – aparıcı, Cəbrayılov Həbib Mikayıl oğlu isə “Xarici dilli yayım” departamentinin baş rejissoru vəzifələrinə təyin ediliblər.

Telekanal barədə

CBC (Caspian Broadcasting Company) - 10 aprel 2013-cü il tarixində ATV International telekanalı əsasında yaradılaraq yayıma başlayan beynəlxalq televiziya kanalıdır.

Yarandığı bir neçə ay ərzində loqosu hər 7 saniyədən sonra "ATV Int." loqosuna çevrilirdi. 9 may 2014-cü il tarixindən etibarən ATV Plus kabel televiziyasında yayımlanır. 2015-ci ildə Futbol üzrə Azərbaycan çempionatı 2015/2016 mövsümünün yayım hüququnu əldə edib.

9 avqust 2015-ci il tarixində "Neftçi - Kəpəz" oyunu ilə yayıma start verib. Yayım Azərbaycan dilində həyata keçirilib. Həmçinin həmin gün "CBC Sport" adlı qardaş kanalı da yayıma başlayıb.

2020-ci ilin dekabrında Milli Televiziya və Radio Şurasının (MTRŞ) video formatda keçirilən iclasında “Caspian İnternational Broadcasting Company” MMC-nin regional televiziya yayımı lisenziyasının alınması üçün Milli Televiziya və Radio Şurasına müraciətinə baxılıb.

Azərbaycan həqiqətlərini müxtəlif dillərdə dünyaya çatdıran bir kanalın işğaldan azad olunmuş ərazilərdə yayımının təşkilinin xüsusi əhəmiyyətini və təxirəsalınmazlığını nəzərə alaraq Şura “Caspian İnternational Broadcasting Company” MMC-yə (CBC televiziya kanalı) Dağlıq Qarabağ və ətraf ərazilərdə yerüstü yayımın həyata keçirilməsi məqsədilə müddətsiz regional televiziya yayımı lisenziyasının verilməsi barədə qərar qəbul edib.

CBC özü haqqında

CBC telekanalı öz tamaşaçılarına hadisələrin obyektiv qiymətləndirməsini, əhatəli proqramlarını təqdim edir. Ən əsası isə, CBC bunu üç dildə - Azərbaycan, rus, və erməni dillərində edir.

Azərbaycanın ilk beynəlxalq televiziyası olan CBC yüksək enerji ilə start götürərək ölkəmizin uğurları, problem və nailiyyətləri haqqında bütün dünyaya məlumat çatdırmaqdadır. Telekanal fasiləsiz olaraq yayımlanır və yayım sahəsi Rusiyanın Avropa hissəsindən tutmuş Hindustan yarımadasına kimi, Balkan yarımadasından Çinin şərq sahillərinədək geniş ərazini əhatə edir.

CBC-nin üç redaksiyasının hər birində yayım dilinin xüsusiyyətlərinə uyğun olaraq xəbərlərin seçimində vahid sistem tətbiq olunur. Redaksiya siyasətimiz - hadisələrə qiymət vermədən, olay tərəflərinin hər birinin fikrini təqdim etməkdən ibarətdir. CBC-nin yaradıcı və texniki potensialı ən müxtəlif janrlarda keyfiyyətli və reytinqli proqramlar hazırlamağa imkan verir. Məqsədimiz – hər bir tamaşaçıya özünün şəxsi fikrini formalaşdıra bilmək üçün materialı cəld və keyfiyyətli surətdə təqdim etməkdir.

0