Əfqanıstanda silahlı şəxslər, arxiv şəkli

Taliblər Qəndəhara daxil olublar: İranla sərhəddə yerləşən məntəqəni ələ keçirblər

40
(Yenilənib 17:23 09.07.2021)
Bu arada Qəndəharın qubernatoru bəyan edib ki, şəhərdə vəziyyət nəzarət altındadır, yaraqlılar geri çəkilirlər.

BAKI, 9 iyul — Sputnik. Taliban Əfqanıstanın İranla sərhədində yerləşən nəzarət buraxılış məntəqəsini ələ keçirib.
Məlumatda qeyd olunur ki, söhbət Əfqanıstanın Fərəh vilayətində yerləşən Abu Nəsr Fərəhi nəzarət buraxılış məntəqəsindən gedir. 

15:15

Taliban hərəkatının (Rusiyada qadağan olunub) üzvləri Qəndəhara daxil olublar. Bu barədə Sputnik Azərbaycan "RİA Novosti"yə istinadən xəbər verir.

Mənbə nəşrə bildirib ki, döyüşlər şəhərin mərkəzi həbsxana hissəsində gedib. Hazırda döyüşlər bazar yaxınlığında gedir. Bir neçə dinc sakin öldürülüb və yaralanıb. Lakin onların dəqiq sayı açıqlanmır.

Bu arada Milli Təhlükəsizlik Müdirliyinin verdiyi məlumata görə, hökumət ordusunun xüsusi bölmələri gecə saatlarında şəhərin bir neçə yerində Talibana qarşı əməliyyat keçirib, nəticədə doqquz yaraqlı öldürülüb, iki yaraqlı yaralanıb.

Bu arada Qəndəharın qubernatoru bəyan edib ki, şəhərdə vəziyyət nəzarət altındadır, yaraqlılar geri çəkilirlər.

Putin Moskvadakı danışıqlardan xəbərdardır

Rusiya lideri Vladimir Putin Taliban nümayəndə heyətinin Moskvaya gəlişindən xəbərdardır. Bunu Rusiya liderinin mətbuat katibi Dmitri Peskov deyib.

"Əfqanıstandakı vəziyyətin nə qədər gərgin inkişaf etdiyi, Əfqanıstan ilə Tacikistan arasındakı sərhəddəki gərgin vəziyyət fonunda təmaslar lazımdır. Bu danışıqlar lazımdır", - o deyib.

Əfqanıstanda nə baş verir

Birləşmiş Ştatlar Prezidenti Co Bayden aprelin 14-də Əfqanıstanda hərbi əməliyyatları dayandırmaq barədə qərar qəbul edib. Bu əməliyyat ABŞ tarixində ən çox davam edən xarici hərbi kampaniyadır.

ABŞ Əfqanıstanda əməliyyatlara 2001-ci ilin oktyabrında başlayıb. ABŞ qoşunlarının bu ölkədən çıxarılmasına bu ilin mayından başlanılıb. 2010-2013-cu illərdə əməliyyatların pik dövründə Əfqanıstanda koalisiya qüvvələrinin sayı 150 mindən çox olub. ABŞ və NATO-nun əsas qoşunları bu ölkədən 2014-cü ildə çıxarılıb.

Xatırladaq ki, ABŞ 11 sentyabr 2001-ci il terror aktlarından sonra Əfqanıstan və İraqda hərbi əməliyyatlar keçirib.

Vaşinqtonun keçirdiyi əməliyyatların məqsədlərindən biri "Əl-Qaidə" rəhbəri Üsamə bin Ladenin zərərsizləşdirilməsi idi. ABŞ Federal Təhlükəsizlik Xidməti (FTX) bin Ladenin yerinə dair məlumata görə, 25 milyon dollar pul mükafatı da qoyub. Bin Laden 2011-ci ildə ABŞ tərəfindən zərərsizləşdirilib.

ABŞ və müttəfiqlərinin İraqda keçirdiyi hərbi əməliyyatlar mart ayında başlayıb və may ayına qədər davam edib. Vaşinqton Səddam Hüseyn rejimini "Əl-Qaidə" daxil olmaqla, beynəlxalq terrorizmdə və kütləvi qırğın silahlarının hazırlanması və saxlanılmasında ittiham edib. Əməliyyatlar nəticəsində Səddam Hüseyn devrilib və edam edilib.

* Taliban - 1994-cü ildə yaranan və 1996–2004-cü illər arası Əfqanıstanın bütün ərazisini idarə etmiş hərəkatdır. 2003-сü ildə BMT TŞ tərəfindən terror təşkilatı kimi tanınıb. 

Eləcə də oxuyun:

  • Lavrov Tacikistana hücum olarsa, KTMT-nin atacağı addımları açıqladı

  • Əfqanıstanın taleyi İranda müəyyənləşir – Kritik danışıqlar

  • Dünyada ən gözlənilən hadisələr: Əfqanıstan, Suriya və AVRO-2020

  • Putin Əfqanıstanla bağlı söz verdi – Lazımı dəstək veriləcək

  • ABŞ-dan sonra Rusiya Əfqanıstana qoşun göndərir? Kremldən cavab

40
Teqlər:
Əfqanıstan, Taliban, döyüş
Türkiyə Prezidenti Rəcəb Tayyib Ərdoğan, arxiv şəkli

Ərdoğan Qaribaşviliyə: Üçtərəfli mexanizm liderlər səviyyəsində canlandırılmalıdır

355
(Yenilənib 23:43 01.08.2021)
Ərdoğan Türkiyə-Gürcüstan-Azərbaycan üçtərəfli mexanizmini liderlər səviyyəsində də canlandırmaq arzusunu ifadə edib.

BAKI, 1 avqust - Sputnik. Türkiyə Prezidenti Rəcəb Tayyib Ərdoğanla Gürcüstanın Baş naziri İraki Qaribaşvili arasında telefon danışığı olub.

Sputnik Türkiyə xəbər verir ki, danışıqlarda Türkiyə-Gürcüstan münasibətləri, regional məsələlər diqqət mərkəzində olub. İraki Qaribaşvili Türkiyədəki meşə yanğınlarından təəssüfləndiyini bildirib. Ərdoğan isə öz növbəsində yanğına qarşı mübarizədə dəstəyə görə Qaribaşviliyə təşəkkür edib.

Türkiyə-Gürcüstan strateji tərəfdaşlığının bu günlərdə daha da genişləndiyini qeyd edən Ərdoğan Gürcüstanı regional əməkdaşlığın açarı olaraq gördüyünü vurğulayıb.

Regional nəqliyyat, elektrik xətlərinin səmərəliliyini və təhlükəsizliyini təmin etmək üçün birgə tədbirlərin əhəmiyyətini xüsusi vurğulayan Ərdoğan nazirlər və deputatlar tərəfindən uğurla həyata keçirilən Türkiyə-Gürcüstan-Azərbaycan üçtərəfli mexanizmini liderlər səviyyəsində də canlandırmaq arzusunu ifadə edib.

Qeyd edək ki, Gürcüstanın baş naziri İrakli Qaribaşvili parlamentdə Xarici əlaqələr üzrə Komitənin sədri Nikoloz Samxaradzenin strateji tərəfdaşlarla münasibətlərə dair suallarını cavablandırarkən deyib ki, Türkiyə Gürcüstanın strateji tərəfdaşı və bir nömrəli ticarət tərəfdaşıdır.

"Türkiyə prezidenti Rəcəb Tayyib Ərdoğan tərəfindən iqtisadi-ticari əlqələrin daha da inkişaf etdirilməsinə hazırlıq ifadə olunub. Bu əlaqələrdə müsbət dinamika müşahidə edilir. Biz Türkiyə ilə ticarət dövriyyəsinin həcmini 3 milyard ABŞ dolları səviyyəsinə yüksəltmək istəyirik və bu yaxın illər üçün bizim vəzifələrimizdən biri olmalıdır. Bununla yanaşı, Azərbaycan-Türkiyə-Gürcüstan üçtərəfli format çərçivəsində də müzakirələr aparırıq", - o, deyib. 

İ.Qaribaşvili bu il Gürcüstan-Türkiyə Yüksək Səviyyəli Strateji Əməkdaşlıq Şurasının toplantısının keçirilməsinin planlaşdırıldığını qeyd edib.

355

FHN-in qüvvələri yanğınların bəzi istiqamətlərdə genişlənməsinin qarşısını alıb

28
(Yenilənib 20:12 01.08.2021)
Mürəkkəb dağlıq relyef şəraitinə və havanın yüksək temperaturunun hökm sürməsinə baxmayaraq, Nazirliyin qüvvələri yanğınlarla mətinliklə mübarizə aparır.

Azərbaycan Respublikasının Prezidenti İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyə Respublikasında olan Azərbaycan Respublikası Fövqəladə Hallar Nazirliyinin yanğınsöndürmə qüvvələri yanğınların söndürülməsi əməliyyatlarını peşəkarlıqla davam etdirir.

Belə ki, Marmaris bölgəsində yanğınlarla mübarizə aparan yanğınsöndürənlərimizin fədakarlığı sayəsində bəzi istiqamətlərdə yanğınların genişlənməsinin qarşısı alınıb.

Türkiyədə meşə yanğınları

Qeyd edək ki, son 6 gündə Türkiyədə 107 yerdə meşə yanğını qeydə alınıb. Yanğın nəticəsində 7 nəfər dünyasını dəyişib. 

Antalya başda olmaqla Türkiyənin Kayseri, Bodrum, Osmaniyə, Milas, Adana, Kütahya, Mersin, Dıdım, Kuşadası, Kocaeli bölgələrində kütləvi surətdə meşa yanğınları baş verməkdədir. Türkiyə rəsmiləri hadisənini terror aktı olduğunu istisna etmirlər.

Türkiyəyə yardım məqsədi ilə dünyanın bir çox ölkələrindən, o cümlədən Azərbaycandan texnika və canlı qüvvə göndərilib.

Türkiyədə baş vermiş meşə yanğınlarının söndürülməsi prosesində qardaş ölkəyə dəstək məqsədilə göndərilənlər arasında Fövqəladə Hallar Nazirliyinin (FHN) yanğınsöndürmə qüvvələri də var.

Meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyə Respublikasında olan Azərbaycan Respublikası Fövqəladə Hallar Nazirliyinin yanğınsöndürmə qüvvələri yanğınların söndürülməsi əməliyyatlarını fədakarlıqla davam etdirirlər.

 

28
Kişi Tokio-2020 Olimpiya Oyunlarının installyasiyasının qarşısından keçir

Koreya ilə Belarus liderlərini birləşdirən dəyər ermənilərin təbiətin məhvinə sevinməsi