ABŞ və NATO qüvvələri Əfqanıstanın ən böyük aviabazasından çıxıb

© AFP 2023 / Jonathan ErnstАмериканский военнослужащий в вертолете над Кабулом, Афганистан
Американский военнослужащий в вертолете над Кабулом, Афганистан - Sputnik Azərbaycan, 1920, 02.07.2021
Abunə olmaq
Pentaqon rəsmisi bazanın Əfqanıstan Silahlı Qüvvələrinə nə vaxt qaytarılacağına dair məlumata aydınlıq gətirməyib

BAKI, 2 iyul — Sputnik. Birləşmiş Ştatlar və NATO qüvvələri Əfqanıstanın Baqram (Pərvan vilayəti) aviabazasını tərk edib. Sputnik Azərbaycan xəbər verir ki, bu barədə məlumatı Pentaqon yayıb.

"Bütün koalisiya qüvvələri Baqramı tərk etdilər", - deyə Pentaqon nümayəndəsi bildirib.

O, qoşunların bazanı konkret olaraq nə vaxt tərk etdiyini açıqlamayıb. Pentaqon rəsmisi eyni zamanda bazanın Əfqanıstan Silahlı Qüvvələrinə nə vaxt qaytarılacağına da aydınlıq gətirməyib.

Qeyd edək ki, Birləşmiş Ştatlar Prezidenti Co Bayden aprelin 14-ü Əfqanıstanda hərbi əməliyyatları dayandırmaq barədə qərar qəbul edib. Bu əməliyyat ABŞ tarixində ən çox davam edən xarici hərbi kampaniyadır.

ABŞ Əfqanıstanda əməliyyatlara 2001-ci ilin oktyabrında başlayıb. ABŞ qoşunlarının bu ölkədən çıxarılmasına bu ilin mayından başlanılıb. 2010-2013-cu illərdə əməliyyatların pik zamanı Əfqanıstanda koalisiya qüvvələrinin sayı 150 mindən çox olub. ABŞ və NATO-nun əsas qoşunları bu ölkədən 2014-cü ildə çıxarılıb.

Xatırladaq ki, ABŞ 11 sentyabr 2001-ci il terror aktlarında sonra Əfqanıstan və İraqda hərbi əməliyyatlar keçirib.

Vaşinqtonun keçirdiyi əməliyyatların məqsədlərindən biri "Əl-Qaidə" rəhbəri Usama ben Ladenin zərərsizləşdirilməsi idi. ABŞ Federal Təhlükəsizlik Xidməti (FTX) ben Ladenin yerinə dair məlumata görə 25 milyon dollar pul mükafatı da qoyub. Ben Laden 2011-ci ildə ABŞ tərəfindən zərərsizləşdirilib.

ABŞ və müttəfiqlərinin İraqda keçirdiyi hərbi əməliyyatlar mart ayında başlayıb və may ayına qədər davam edib. Vaşinqton Səddam Hüseyn rejimini "Əl-Qaidə" daxil olmaqla, beynəlxalq terrorizmdə və kütləvi qırğın silahlarının hazırlanması və saxlanılmasında ittiham edib. Əməliyyatlar nəticəsində Səddam Hüseyn devrilib və edam edilib.

Xəbər lenti
0