Azərbaycan Belarusda maraqları olan rusiyalı milyarder şairi cəzalandırdı

25
,
Avropa İttifaqının sanksiya siyahısına düşmüş Mixail Qutseriyevin maraqları tək neft və sənaye layihələri ilə məhdudlaşmır, onu həmçinin şou-biznes və populyar mahnıların bəstələnməsi cəlb edir.

BAKI, 22 iyun – Sputnik. Avropa İttifaqı Belarusa qarşı dördüncü fərdi sanksiya paketini işə saldı, buraya səkkiz şirkət və 78 nəfər, o cümlədən iri xarici biznesmen Mixail Qutseriyev daxildir.

Belarusa qarşı sanksiyalar

Sanksiya siyahısına Belarusun  “MAZ”, “BelAZ” kimi iri sənaye şirkətləri, eləcə də ölkənin bir neçə naziri, nazir müavini, baş prokurorun müavini, deputatlar, hakimlər, Belarus Prezidentinin ailə üzvləri – oğlu Dmitri və gəlini Liliya Lukaşenkolar da düşüblər.

Avropa İttifaqı Şurasının bildirdiyinə görə, fərdi məhdudiyyətlər paketi Belarusda insan haqlarının kobud surətdə pozulması ilə bağlı eskalasiya, vətəndaş cəmiyyətinə, müxalifətə, jurnalistlərə qarşı repressiya ilə əlaqədardır.  

Eyni zamanda Avropa İttifaqının xarici siyasət və təhlükəsizlik üzrə ali nümayəndəsi Jozep Borrel Minsk əleyhinə beşinci sanksiya paketinin tətbiqini də istisna etməyib. Eləcə də hissə-hissə iqtisadi sanksiyaların tətbiqi də gözlənilir.

Belarusa qarşı yeni sanksiyalara dair qərarın bu həftə qəbul ediləcəyi gözlənilir.

Aİ-nin Belarus üzrə sanksiya siyahısındakı bütün şəxslərə Avropa İttifaqı ölkələrinə giriş qadağan edilib, onların əmlakına həbs qoyulacaq, Aİ şirkətlərinə və vətndaşlarına isə onlara vəsait təqdim edilməsi qadağan olunur.

Qutseriyev siyahıya niyə düşdü

Fərdi məhdudiyyətlər siyahısına düşən şəxslər arasında rusiyalı milyarder Mixail Qutseriyev də var. O, digər siyahı yoldaşları kimi, buraya Belarus hakimiyyətini dəstəklədiyinə, ona maliyyə və təşkilati dəstək göstərdiyinə və ondan gəlir götürdüyuünə görə düşüb.

Qutseriyev haqda deyirlər ki, o, şəxsən prezident Aleksandr Lukaşenko ilə dostdur, bu isə ona xeyli var-dövlət yığmağa və Belarusun siyasi elitasında nüfuz qazanmağa imkan verib.

Mixail Qutseriyevin sanksiya siyahısına salınması haqda xəbərlərdən sonra onun payı olduğu şirkətlərin səhmləri ucuzlaşıb. Məsələn, bazar ertəsi axşam, iyunun 21-də Moskva birjasında "М.Видео" şirkətinin aksiyaları 4.1%, “Safmar maliyyə investisiyaları” – 1.5% və biznesmenin neft hasilatı üzrə aktivi üzrə “Rusneft”in səhmləri 0.9% ucuzlaşıb.

Rusiyanın iri neft şirkətlərindən biri olan “Rusneft”də Mixail Qutseriyev direktorlar şurasının sədri, eləcə də ortaqlardan biridir.

Belarus və Azərbaycanla əlaqələr

Qeyd etmək lazımdır ki, məhz Mixail Qutseriyevin şirkətləri 2020-ci ildə, Rusiya neftinin Belarus NEZ-lərinə qiymət səbəbindən tədarükü dayandırıldığı vaxt Belarusa neft çatdırırdı. Məlumata görə, məhz Qutseriyevin “Safmar” sənaye-maliyyə qrupuna daxil olan “Rusneft” və “Neftisa” Belarusa neft tədarük ediblər.

Minsklə Moskva arasında neft qiyməti ilə bağlı fikir ayrılığı olan zaman Belarus biznesmendən 750 min ton xammal almışdı.

Biznesmen eləcə də birbaşa Belarusun özündə layihələrə malikdir. Məsələn, onun “Slavkali” şirkəti Nejinskdə dağ-mədən kombinatı tikir, onu 2023-cü ildə işə salmaq planlaşdırılır.

Layihənin ümumi qiyməti 2 milyard dollar təşkil edir.

Ruiya KİV-lərinin məlumatına görə, “Rusneft” Azərbaycanda və Qazaxıstanda da neft hasilatı ilə məşğuldur. Məsələn, şirkətin rəsmi saytındakı istehsal bölməsində onun fəaliyyət göstərdiyi regionlar göstərilib və orada Rusiyanın şəhərlərinin adı ilə yanaşı, Bakının da adı var.

Bundan başqa, neft şirkəti Kura Valley Operating üzərindən Azərbaycanın Dövlət Neft Şirkəti (SOCAR) ilə 28 milyon ton ehtiyatı olan Padar blokunda birgə layihədə iştirak edir.

Milyonlar qazanan nəğməkar şair

Ancaq Mixail Qutseriyevin maraqları təkcə bizneslə məhdudlaşmır. Sən demə, sahibkar hələ gənc yaşlarından şeirlə maraqlanırmış. Şeir yazmaqdan savayı, o, skripka və fortepianoda ifa edir. Bu sahədə uğurları onu Rusiya şou-biznesinə girməyə ruhlandırıb və o, “Şair Mixail Qutseriyevin prodüser mərkəzi”ni yaradıb.

Onun şeirlərinə Viktor Drobış, Maksim Pokrovski və başqaları mahnı yazır, Stas Mixaylov, Alla Puqaçova, Valeriya, Qriqori Leps, Nikolay Baskov və başqaları isə həmin mahnıları ifa edirlər.

Şairin kompozisiyaları Rusiyanın aparıcı radiostansiyalarının daimi “qonağıdır”.  

Qutseriyevin mahnıları hər il Rusiyada “İlin mahnısı”, “Qızıl Qrammofon”, “İlin Şansonu”, “Rusiya Milli Musiqi mükafatı” kimi prestijli müsabiqələrin laureatı olur.

2013-cü ildən etibarən beş il ərzində Mixail Qutseriyev “İlin mahnısı” müsabiqəsində “İlin şairi” adını qazanaraq Robert Rojdestvenskinin adına olan xüsusi mükafatı qazanır.

Hazırda Mixail Qutseriyevin müəllifi olduğu 300 şeirə mahnı yazılıb. O, yaradıcılığı sayəsində ildə milyon rubl qazanır.

Şair biznesmen "Весна FM", "Восток FM" və "Финам FM" radiolarının sahibidir. Bu aktivlər daha çox onun şairlik və prodüserlik fəaliyyəti ilə bağlıdır.

Məsələn, 2013-cü ildə Qutseriyevin şirkətləri Krutoy Media holdinqində 75% əldə etmişdilər. Buraya "Радио Дача", Love Radio və "Такси FM" radiostansiyaları daxildir. Ru.FM-i ə alan biznesmen radiostansiyaların sayına görə yalnız “Qazprom media” holdinqinə “uduzur”.

“Şanson” radiostansiyası – Quetseriyevin radioəmlaklarından altıncı aktivdir. Radiostansiyanın alınıb yenidən işə salınmasına milyarder 140-150 milyon dollar sərf edib.

Eləcə də oxuyun:

25

FHN-in yanğınsöndürmə qüvvələri Türkiyəyə gedir

881
Müvafiq dövlət qurumları Türkiyədən olan tərəf müqabilləri ilə əlaqə qurub və ən qısa zamanda yardım dəstələri qardaş ölkəyə yola düşəcək.

BAKI, 30 iyul — Sputnik. Azərbaycan Respublikasının Prezidenti İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə Azərbaycan Respublikası Fövqəladə Hallar Nazirliyinin müvafiq yanğınsöndürmə qüvvələrinin əməkdaşlarının Türkiyə Respublikasına yola düşməsi üçün hazırlıq işləri gedir. Sputnik Azərbaycan-ın FHN-in saytına istinadən xəbər verir ki, ən qısa zamanda qüvvələr qardaş Türkiyə Respublikasına yola düşəcək.

---------

11:43

Azərbaycan Respublikasının Prezidenti İlham Əliyevin tapşırığına müvafiq olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyəyə Azərbaycandan yardım dəstələri göndəriləcək.

Sputnik Azərbaycan xəbər verir ki, bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.

Prezidentin köməkçisi deyib: "Bununla əlaqədar olaraq, Prezident İlham Əliyev tərəfindən Azərbaycan Respublikasının Baş nazirinə və Fövqəladə Hallar Nazirliyinə lazımi tapşırıqlar və göstərişlər verilib. Müvafiq dövlət qurumları Türkiyədən olan tərəf müqabilləri ilə əlaqə qurub və ən qısa zamanda yardım dəstələri qardaş ölkəyə yola düşəcək".

Türkiyədə dəhşətli yanğın 

Türkiyədə, Antalyanın Manavgat rayonunda Yeniköy məhəlləsinin yaxınlığındakı meşədə yanğın olub. İyulun 28-dən başlayan yanğın nəticəsində Manavqat rayonun mərkəzinə qədər yayılıb, bəzi yaşayış məntəqələri və iş yerləri yanaraq yararsız hala düşüb. Ümumilikdə Türkiyənin Antalya əyalətində başlayan meşə yanğınları nəticəsində 3 nəfər həlak olub, 62 nəfər isə xəsarət alıb. Ölkənin 40-dan çox yaşayış məntəqəsi zərər görüb.
Yanğının söndürülməsinə 100-dən çox texnika, o cümlədən 2 təyyarə və 15 helikopter cəlb edilib.

Azərbaycandan dəstək 

Qeyd edək ki, Azərbaycan Respublikasının Prezidenti İlham Əliyev Türkiyədəki dəhşətli yanğınlarda insanların həlak olması ilə bağlı türkiyəli həmkarı Rəcəb Tayyib Ərdoğana başsağlığı verib. O, Azərbaycan hökuməti və xalqının hər zaman olduğu kimi bu gün də qardaş Türkiyə xalqı ilə həmrəy olduğunu vurğulayıb.

Azərbaycanın Xarici işlər naziri Ceyhun Bayramov da meşə yanğınları zamanı həlak olanlarla bağlı Türkiyəyə başsağlığı verib. Bayramov bunu özünün feysbukdakı hesabında yazıb: “Qardaş Türkiyədə meşə yanğınlarının davam etməsi, Antalyada 3 nəfərin həyatını itirməsi bizi çox sarsıtdı. Yanğın nəticəsində dünyasını dəyişənlərə Allahdan rəhmət diləyirik. Bu çətin günlərdə qardaş Türkiyənin yanındayıq, hər cür dəstək göstərməyə hazırıq”.

Eləcə də oxuyun:

881
Teqlər:
humanitar yardım, Azərbaycan, Türkiyə, yanğın

Mehriban Əliyevadan Türkiyəyə dəstək

28
Birinci vitse-prezident Türkiyə regionlarında baş vermiş dəhşətli yanğınların nəticələri barədə xəbərləri dərin kədər və təəssüf hissi ilə qarşıladığını bildirib.

BAKI, 30 iyul — Sputnik. Azərbaycanın Birinci vitse-prezidenti Mehriban Əliyeva Türkiyədə baş verən yanğınlarla bağlı paylaşım edib. Sputnik Azərbaycan-ın məlumatına görə, paylaşımda deyilir:

"Türkiyə regionlarında baş vermiş dəhşətli yanğınların nəticələri barədə xəbərləri dərin kədər və təəssüf hissi ilə qarşıladım. Həlak olanların doğmalarına və yaxınlarına dərin hüznlə başsağlığı verirəm. Yaralıların tezliklə şəfa tapmasını arzulayıram. Türkiyə xalqının kədəri bizim kədərimizdir. Uca Tanrıdan bütün Türkiyə xalqına güc və səbir diləyirəm!"

Türkiyədə meşə yanğınları

Qeyd edək ki, Türkiyədə, Antalyanın Manavqat rayonunda Yeniköy məhəlləsinin yaxınlığındakı meşədə yanğın olub. İyulun 28-dən başlayan yanğın Manavqat rayonunun mərkəzinə qədər yayılıb, bəzi yaşayış məntəqələri və iş yerləri yanaraq yararsız hala düşüb. Ümumilikdə Türkiyənin Antalya əyalətində başlayan meşə yanğınları nəticəsində 4 nəfər həlak olub, 183 nəfər isə xəsarət alıb. Yanğının söndürülməsinə 100-dən çox texnika, o cümlədən 2 təyyarə və 15 helikopter cəlb edilib.

Azərbaycandan dəstək 

Cümə günü, iyulun 30-da Azərbaycan Respublikasının Prezidenti İlham Əliyev Türkiyədəki dəhşətli yanğınlarda insanların həlak olması ilə bağlı türkiyəli həmkarı Rəcəb Tayyib Ərdoğana başsağlığı verib. O, Azərbaycan hökuməti və xalqının hər zaman olduğu kimi bu gün də qardaş Türkiyə xalqı ilə həmrəy olduğunu vurğulayıb.

Azərbaycanın Xarici işlər naziri Ceyhun Bayramov da meşə yanğınları zamanı həlak olanlarla bağlı Türkiyəyə başsağlığı verib. Bayramov bunu özünün feysbukdakı hesabında yazıb: “Qardaş Türkiyədə meşə yanğınlarının davam etməsi, Antalyada 3 nəfərin həyatını itirməsi bizi çox sarsıtdı. Yanğın nəticəsində dünyasını dəyişənlərə Allahdan rəhmət diləyirik. Bu çətin günlərdə qardaş Türkiyənin yanındayıq, hər cür dəstək göstərməyə hazırıq”.

Azərbaycan Respublikasının Baş naziri Əli Əsədov Türkiyə Respublikasının vitse-prezidenti Fuat Oktaya zəng vurub. Əsədov meşə yanğınları ilə mübarizədə Azərbaycanın Türkiyəyə hər cür yardım göstərməyə və bunun üçün bütün lazımi qüvvələri səfərbər etməyə hazır olduğunu vurğulayıb.

Eləcə də oxuyun:

 

28
Teqlər:
Birinci vitse-prezident Mehriban Əliyeva, Türkiyə, yanğın, paylaşım
Пульт дистанционного управления телевизором

CBC teleradio şirkətində kadr dəyişiklikləri baş verib