Patriot sistemi İsraildə

ABŞ Yaxın Şərqdən "Patriot"ları çıxardır

30
(Yenilənib 20:55 19.06.2021)
Pentaqon səudiyyəlilərin öz müdafiələrinə dair üzərlərinə daha çox məsuliyyət götürəcəklərinə ümid edir.

BAKI, 19 iyun — Sputnik. Cəmi bir neçə həftə əvvəl Səudiyyə hökuməti ABŞ-dan husilərə və ya İranın potensial hücumuna qarşı onları müdafiə etməsini istədi; indi Pentaqon səudiyyəlilərin Yəmən müharibəsində müdafiə ehtiyaclarının çox hissəsini öz üzərinə götürə biləcəyini bəyan etdi.

Birləşmiş Ştatlar artıq Yaxın Şərq ölkələrinin bəzilərindən Hava Hücumundan Müdafiə (HHM) Qüvvələrinin bir hissəsini çıxarmağa başlayıb. Onlar texniki xidmətin göstərilməsi üçün yenidən ABŞ-a gətirilir. Sputnik International xəbər verir ki, bu məlumatı "Wall Street Journal" (WSJ) nəşri cümə günü yayıb.

Nəşr ABŞ administrasiyasında olan mənbələrə istinadən yazır ki, MIM-104 "Patriot" hava hücumundan müdafiə sistemlərinin bir neçə batareyası İraq, Küveyt, İordaniya və Səudiyyə Ərəbistanından artıq çıxardılıb və ən azı bir ədəd Terminal Yüksək Hündürlük Müdafiə (THAAD) sistemi Səudiyyə Ərəbistanından çıxardılır. Bundan əlavə, qeyd olunur ki, qırıcı eskadrilyaları da çıxardılacaq.

Ümumilikdə "Patriot"lara texniki xidmət göstərən yüzlərlə hərbçi geri çağırılacaq. Geri göndəriləcək texnikalar siyahısında "Patriot"ların radar, döyüşlərin idarə olunması stansiyası, antenna qrupu, elektrik güc qurğusu və 16 ayrı-ayrılıqda raket buraxılış qurğuları da ola bilər. THAAD-ın hər batareyasına taktik əməliyyatların iki mobil mərkəzi, güclü yerüstü radar və raketlərin işə salınmasının ən azı altı sistemi daxildir.

Bildirilir ki, apreldə HHM sistemlərinin yerinin dəyişdirilməsi məsələsi nəzərdən keçirilib və həmin vaxt WSJ vurğulayırdı ki, Pentaqon Səudiyyə ərəblərinin öz müdafiələrinə dair üzərlərinə daha çox məsuliyyət götürəcəklərinə ümid edir.

Birləşmiş Ştatların Müdafiə Nazirliyinin yüksək vəzifəli rəsmisi cümə günü bildirib ki, geri çəkilmə nəticəsində ABŞ, Tramp Administrasiyasının siyasətinə görə İranla illərdir yaşanan gərginlikdən və Səudiyyə ərəbləri və müttəfiqləri tərəfindən Yəməndə qızğın müharibədən sonra  bölgədəki ənənəvi mövqeyinə qayıdır. Ər-Riyadın Yəməndə üsyançı husilərə qarşı başlatdığı müharibənin davam etməsinə baxmayaraq, son həftələr Bayden administrasiyası İranın Altılıq ölkələri ilə imzaladığı nüvə razılaşmasına qayıtmasına dair danışıqlarda əhəmiyyətli uğurlara nail olub.

Nüvə razılaşması nəticəsində İran onun iqtisadiyyatına qoyulan beynəlxalq sanksiyaların azaldılması qarşılığında öz nüvə proqramından imtina edirdi. Əvvəlki ABŞ Prezidenti Donald Tramp İranın nüvə razılaşmasını gizli pozduğunu bəyan edərək, bu razılaşmadan çıxdı və birtərəfli qaydada sanksiyalar tətbiq etdi və müttəfiqləri ona hörmət etməyə çağırdı. Buna cavab olaraq İran nüvənin zənginləşdirilməsi həcmlərini artıraraq götürdüyü öhdəliklərdən kənarlaşmağa başladı.

Lakin geri çəkilmə ABŞ Mərkəzi Komandanlığının başçısı ABŞ Dəniz Qüvvələri generalı Kennet F.McKenzie Jr.-in bir neçə həftə əvvəl verdiyi açıqlamaları ilə ziddiyyət təşkil edir.

McKenzie, 23 mayda Ər-Riyaddakı jurnalistlərə açıqlamasında bildirmişdi ki, səudiyyəlilərin "İranın hücumlarına məruz qaldıqları təqdirdə onlara kömək olunacağına dair bəyanatlar, açıqlamalar və davam edən hücumlara qarşı kömək istəyir... Yəmən tərəfindən müxtəlif ballistik raketlər, qanadlı raketlər və kiçik PUA-lar vasitəsilə davamlı bombardmana məruz qaldıqlarını və bunun onları narahat etdiyini vurğulayırlar".

"Mən əminəm ki, bizim mövqeyimiz İran tərəfindən hücumun qarşısını aldı", - deyə ABŞ Mərkəzi Komandanlığının başçısı əlavə edib.

Geri çəkilməyə baxmayaraq on minlərlə ABŞ əsgəri Yaxın Şərq regionunda qalacaq. Onlardan ən azı 2500-ü İraqda qalacaq. Belə ki, Bağdad və Vaşinqton bu ölkədə olan ABŞ hərbçilərinin sayının iki dəfəyə qədər azalmasına dair razılığa gəliblər, lakin bu azalmanın nə vaxt əldə olunacağına dair konkret bir tarix yoxdur.

Yaxın Şərq regionunda ABŞ hərbçilərinin yerdəyişməsi, Pentaqonun 20 ilə yaxın strateji düşüncəsini təşkil edən terrorla müharibə ideyasından uzaqlaşaraq, Rusiya və Çin ilə "böyük güc qarşıdurması" adlandırdığı istiqamətə doğru irəlilədiyinin göstəricisi, həmçinin dünyanın dörd bir tərəfində ABŞ əsgərlərini əhatə edən daha böyük bir yenidən yerləşdirmə planının bir hissəsidir. "Patriot"lar və THAAD-ların isə təmir edildikdən sonra hara göndəriləcəyi bəlli deyil.

30
Флаги ОБСЕ

Atəşkəsin pozulmasına beynəlxalq reaksiyalar artır

8178
(Yenilənib 20:39 29.07.2021)
ATƏT-in Minsk Qrupu da Azərbaycan-Ermənistan sərhədindəki son günlər artan gərginliklə əlaqədar bəyanat yayıb.

BAKI, 29 iyul — Sputnik. ATƏT-in Minsk Qrupu Azərbaycan-Ermənistan sərhədindəki gərginliklə bağlı bəyanat yayıb.

APA xəbər verir ki, bu barədə ATƏT-in rəsmi saytında məlumat verilib.

Bəyanatda bildirilib ki, həmsədrlər (Fransa -Stefani Viskonti, ABŞ-Endryu Şofer, Rusiya-İqor Kovayev) Ermənistan-Azərbaycan sərhədində baş verən son hadisələri, o cümlədən itkilər və insan tələfatı ilə bağlı məlumatları narahatlıqla izləyir. Həmsədrlər Ermənistanı və Azərbaycanı vəziyyətin dərhal deeskalasiyasına, təxribatçı ritorikadan və hərəkətlərdən çəkinməyə və 9 Noyabr bəyanatı və digər razılaşdırılmış atəşkəs sazişləri çərçivəsində götürdükləri öhdəlikləri tam şəkildə yerinə yetirməyə çağırır.

"Həmsədrlər münaqişənin bütün qalan əsas məsələlərinin danışıqlar yolu ilə, hərtərəfli və dayanıqlı həllinə ehtiyac olduğunu bir daha təkrar edir və tərəfləri mümkün qədər tez onların himayəsi altında danışıqlara qayıtmağa çağırır. Tərəflərin prioritetlərini əks etdirən, heç bir şərt qoymadan, formalaşan gündəliyi birlikdə nəzərdən keçirmək və razılığa gəlmək üçün, ATƏT-in Minsk Qrupunun himayəsi altında birbaşa ikitərəfli məsləhətləşmələr təşkil etmək təkliflərini bir daha təkrar edirlər.

Həmsədrlər ATƏT-in fəaliyyətdə olan sədrinin şəxsi nümayəndəsinin və onun komandasının davamlı səylərini dəstəklədiklərini bir daha təsdiqləyirlər", - bəyanatda bildirilib.

ABŞ Dövlət Departamentinin reaksiyası

Birləşmiş Ştatlar Ermənistan-Azərbaycan beynəlxalq sərhədi boyunca gərginliyin artmasını pisləyir. Sputnik Azərbaycan xəbər verir ki, bunu ABŞ Dövlət Departamentinin rəsmi sözçüsü Ned Prays bildirib.

O bildirib ki, ABŞ Ermənistan və Azərbaycanı vəziyyəti gərginləşdirməmək üçün dərhal addımlar ataraq atəşkəslə bağlı öhdəliklərini yerinə yetirməyə çağırır.

"Ermənistan-Azərbaycan sərhədində davam edən gərginlik, yalnız həll olunmamış bütün məsələləri əhatə edən hərtərəfli həll yolunun iki ölkə arasındakı münasibətləri normallaşdıra biləcəyini və bölgə xalqlarının birlikdə sülh şəraitində yaşamasını təmin edə biləcəyini göstərir. ABŞ Ermənistan və Azərbaycanı münaqişənin uzunmüddətli siyasi həllinə nail olmaq üçün ATƏT-in Minsk Qrupu həmsədrlərinin himayəsi altında ən qısa zamanda substantiv müzakirələrə qayıtmağa çağırır", - deyə Ned Prays bildirib.

Moskvanın reaksiyası

Rusiya Prezidenti Vladimir Putin Təhlükəsizlik Şurasının daimi üzvləri ilə təcili toplantı keçirib. İclasda Rusiyanın sosial-iqtisadi inkişafı ilə yanaşı, Əfqanıstan, eləcə də Azərbaycanla Ermənistan sərhədindəki vəziyyət müzakirə olunub.

Putinin sözçüsü Dmitri Peskov bildirib ki, iclasda Federasiya Şurasının spikeri Valentina Matviyenko, Dövlət Dumasının sədri Vyaçeslav Volodin, Kreml administrasiyasının rəhbəri Anton Vayno, TŞ katibi Nikolay Patruşev, DİN rəhbəri Vladimir Kolokoltsev, FTB direktoru Aleksandr Bortnikov, XKX rəhbəri Sergey Narışkin, prezidentin xüsusi nümayəndəsi Sergey İvanov iştirak ediblər.

"İclas zamanı iştirakçılar Rusiyanın sosial-iqtisadiu inkişafının cari məsələlərini müzakirə ediblər. Həmçinin beynəlxalq gündəmin aktual məsələləri, o cümlədən Əfqanıstanda və Azərbaycan-Ermənistan sərhədindəki vəziyyətə də toxunulub"

Ankaranın reaksiyası

"Ermənistan tərəfindən Azərbaycanın sərhəd rayonlarının atəşə tutulması regionun təhlükəsizliyi üçün təhdiddir. Bunu Türkiyə Parlamentinin sədri Mustafa Şəntop bildirib.

Türkiyə Parlamentinin spikeri hesab edir ki, Ermənistan tərəfindən təxribatlar regional müharibəyə səbəb ola bilər.

Həmçinin oxuyun: 

* MN: Azərbaycan Ordusu Kəlbəcər istiqamətində atəşkəsə riayət edir

* Rusiya Azərbaycan-Ermənistan sərhədlərinin delimitasiyası üçün məlumatlar təklif edir

Putin Azərbaycanla Ermənistan sərhədindəki vəziyyətlə bağlı təcili iclas çağırdı

* MN: Azərbaycan Rusiyanın atəşkəs təşəbbüsünə razılıq verdi, Ermənistan isə...

* Ermənistan atəşkəsi pozmaqla nəyə nail olmaq istəyir? – Arzu Nağıyev şərh edir

8178
Albert Eynşteyn

İlk dəfə: Eynşteynin nəzəriyyəsinin sübutunu gördülər

3605
(Yenilənib 01:08 29.07.2021)
İlk dəfə yaşanan bu hal Eynşteynin ümumi nisbilik nəzəriyyəsinin nəzərdə tutduğu, ancaq indiyədək sübut olunmadığı hadisədir.

BAKI, 29 iyul – Sputnik. Nəhəng qara dəliyin Kainata yaydığı rentgen şüalarını müşahidə edən alimlər qəribə parıltılar seziblər, məlum olub ki, bu, dəliyin o biri tərəfinin əksidir.

İlk dəfə yaşanan bu hal Eynşteynin ümumi nisbilik nəzəriyyəsinin nəzərdə tutduğu, ancaq indiyədək sübut olunmadığı hadisədir. Sputnik Azərbaycan bildirir ki, araşdırma nəticəsi Nature jurnalında dərc edilib.

Stenford Universitetinin astrofiziki Den Uilkins Qalaktikanın mərkəzindəki nəhəng qara dəliyin öyrənilməsi ilə məşğuldur. Bu dəlik bizdən 800 milyon işıq ili aralıda yerləşir. Alim gözlənilməz hal müşahidə edib: rentgen şüaları ilə yanaşı, teleskoplar əsas şüalardan sonra yaranan digər işıq parıltılarını da qeydə alıb, onların parlaqlığı az olsa da, müxtəlif “rənglərdə” olub. Hesablamalara görə, bu işıq əksləri, yaxud da işıq əks-sədası qara dəliyin arxa tərəfinin əks etdirdiyi rentgen şüalarına uyğun gəlir.

“Qara dəliyə düşən istənilən işıq ondan çıxmır, bu səbəbdən də qara dəliyin arxasında olan heç nəyi biz görə bilmərik, - Stenford Universitetinin SLAC tezləşdirici laboratoriyasının və Elementar Hissəciklərin Astrofizikası İnstitutunun elmi işçisi Den Uilkins yazıb. – Bunu görməyimizin səbəbi odur ki, qara dəlik fəzanı əyir, işığı sapdırır və ətrafındakı maqnit sahələrini bürüb-bükür”.

Tədqiqat ilk başdan tacın – bəzi qara dəliklərin malik olduğu elementin - öyrənilməsinə həsr olunmuşdu. Nəhəng qara dəliyin üzərinə düşən material Kainatda ən parlaq arasıkəsilməyən işıq mənbələrini qidalandırır və bu zaman qara dəliyin ətrafında rentgen işığından ibarət tac yaradır.

Mövcud nəzəriyyəyə görə, bu elementin formalaşması qazın qara dəliyə keçməsi və orada milyon dərəcəyədək qızması ilə yaranır. Belə temperaturda elektronlar atomlardan ayrılır, maqnitlənmiş plazma yaradır. Qara dəliyin super sürətlə fırlanmasının təsiri ilə maqnit sahəsi qara dəliyin üzərində əyilməyə başlayır, sonra öz ətrafında elə sürətlə dönür ki, nəticədə tamamilə dağılır. Bu hal Günəşin ətrafında baş verənlərə bənzəyir. Buna görə də alimlər bu hadisəni Günəşdəkinə bənzədərək qara dəlik tacı adlandırırlar.

“Bu, maqnit sahəsidir, qara dəliyə yaxın və onunla bağlı olan sahə ətrafındakı hər şeyi qızdırır və belə yüksək enerjiyə malik elektronları əmələ gətirir, onlar isə rentgen şüalarını yaradır, - Uilkins izah edib. Bir neçə il ərzində mən nəzəri cəhətdən bu prosesi düşünürdüm, ona görə də teleskopda bunu görən kimi mənşəyinin nəyə bağlı olduğunu anladım”.

“Əlli il əvvəl, astrofiziklər maqnit sahəsinin özünü qara dəliyin yanında necə apardığını düşünməyə başlayarkən, heç bilməzdilər ki, bu hadisəni birbaşa müşahidə etmək üçün metodlarımız peyda ola bilər və Eynşteynin ümumi nisbilik nəzəriyyəsini gerçəklikdə görə bilərik”, - tədqiqatın digər müəllifi, Stenford Universitetinin professoru Rocer Blandford deyib.

Müəlliflər qara dəliklərin tacını öyrənməyə davam edəcəklər. Bu prosesdə onlar Avropa Kosmik Agentliyinin 2031-ci ildə buraxmağı planlaşdırdığı “Afina” kosmik teleskopuna böyük ümid bəsləyirlər.

Eləcə də oxuyun:

3605
Teqlər:
Albert Eynşteyn, Stenford Universiteti, alim, işıq, şüa, rentgen, qara dəlik, kosmos
Футбольный мяч. Архивное фото

Konfrans Liqası: Azərbaycanın iki klubu mübarizəni dayandırdı, biri isə mərhələni keçdi

0
(Yenilənib 23:03 29.07.2021)
Azərbaycanın "Sumqayıt" və "Keşlə" futbol klubları UEFA Konfrans Liqası ilə vidalaşmalı olublar.

BAKI, 29 iyul - Sputnik. “Qarabağ” (Ağdam) klubu avrokuboklarda növbəti oyununu keçirib.

Apasport.az saytının məlumatına görə, Ağdam klubu Konfrans Liqasında mərhələ adlayan ilk Azərbaycan klubu kimi tarixə düşüb.

II təsnifat mərhələsindən mübarizəyə başlayan Qurban Qurbanovun yetirmələri “Aşdod” səddini adlayıb. Evdə qolsuz heç-heçə edən Premyer Liqanın vitse-çempionu İsraildəki qələbə ilə tur adlayıb.

“Qarabağ” bu qələbəni erkən qol sayəsində qazanıb. Filip Ozobiçin 6-cı dəqiqədəki qolu komandaya mərhələ adlamaq imkanı verib.

"Sumqayıt" və "Keşlə" də UEFA Konfrans Liqasının II təsnifat mərhələsində cavab oyununa çıxıb.

"Report"un məlumatına görə, Sənan Qurbanovun baş məşqçi olduğu paxtaxt təmsilçisi Rusiyanın "Soçi" klubunu qəbul edib.

"ASK Arena"da keçirilmiş qarşılaşmada qonaqlar 4:2 hesabı ilə qələbə qazanıb. 21-ci dəqiqədə rəqibin heyətində Marko Duqandziç hesabı açıb. 35-ci dəqiqədə "Keşlə"nin braziliyalı legioneri Felipe Santos bərabərlik qolunu vurub. Bundan 3 dəqiqə sonra Nikita Burmistrov "Soçi"ni yenidən önə keçirib.

İlk hissə bu hesabla yekunlaşıb. İkinci yarının əvvəlində paytaxt təmsilçisi hesabı bərabərləşdirməyə müvəffəq olub. 52-ci dəqiqədə Rəhman Hacıyev topu rəqib qapısından keçirib. Danila Proxin 70-ci dəqiqədə meydan sahiblərini növbəti dəfə mərkəzə dəvət edib. Duqandziç 82-ci dəqiqədə özünün ikinci, komandasının isə 4-cü qoluna imza atıb. Rusiyadakı matçda rəqibinə 0:3 hesabı ilə uduzan "Keşlə" Konfrans Liqası ilə vidalaşıb.

"Sumqayıt" "Kapital Bank Arena"da Serbiyanın "Çukariçki" komandası ilə üz-üzə gəlib. Görüş "gənclik şəhəri" təmsilçisi üçün yaxşı başlamayıb. 10-cu dəqiqədə Belqrad klubunun heyətində İbrahima Ndiaye hesabı açıb. 6 dəqiqə sonra isə Marko Dotsiç penaltidən fərqlənməklə meydan sahibini növbəti dəfə məyus edib. Oyunda başqa qol vurulmayıb. Serbiyada rəqibi ilə qolsuz heç-heçə edən "Sumqayıt" da Konfrans Liqası ilə vidalaşmalı olub.

0