* AZƏRBAYCAN *
Co Bayden, arxiv şəkli

Baydenin nitq xətaları ya gülüş doğuran açıqlamalar

14
(Yenilənib 21:35 04.06.2021)
Özünü bir dəfə "səhv addımlar maşını" adlandıran Bayden bu adı doğrultmaqdan yorulmur. Rusiya-ABŞ sammiti ərəfəsində Sputnik Azərbaycan amerikalı siyasətçinin öz çıxışlarında hansı gurultulu nitq xətalarına və gülünc ifadələrə yol verdiyini yada salır.

BAKI, 4 iyun — Sputnik. Rusiya-ABŞ zirvə görüşünün iyunun 16-da Cenevrədə keçirilməsi planlaşdırılır. Vladimir Putin və Co Baydenin Rusiya-ABŞ münasibətlərinin hazırkı vəziyyəti və perspektivlərini, strateji təhlükəsizlik problemlərini, habelə aktual beynəlxalq məsələləri müzakirə edəcəyi gözlənilir.

Bu, Baydenin ABŞ prezidenti kürsüsünə oturmasından bəri iki dövlət başçısı arasında baş tutacaq ilk görüş olmalıdır. Cenevrə səfəri həm də Rusiya prezidentinin 2020-ci ildə İsrail və Fələstinə səfərindən sonra xaricə ilk səyahəti olacaq.

Amerikalı prezidentin gülüş doğuran nitq xətalarına dırnaqarası məhəbbətini nəzərə alsaq, ehtimal etmək olar ki, Putinlə görüş də bu cür xətalarsız ötüşməyəcək. Qeyd edək ki, Bayden həmin xətalarına görə özünü "səhv addımlar maşını" adlandırıb.

Sammit ərəfəsində Sputnik Azərbaycan amerikalı siyasətçinin öz çıxışlarında hansı gurultulu nitq xətalarına və gülünc ifadələrə yol verdiyini yada salır.

Pandemiya müvazinətdən çıxarıb

İyunun 2-də ABŞ prezidenti koronavirusla mübarizə və peyvəndləməyə həsr olunmuş nitqində bildirib ki, ilin əvvəlindən "ötən 15 ay ərzində" yoluxmaların sayı xeyli azalıb: "Yanvarın 20-dən bəri, yəni təqribən 15 ay ərzində, sutka ərzində yoluxanların orta sayı 184000-dən 19000 nəfərə düşüb". Ağ Ev prezidentin nitqini düzəlişlə dərc edib: "15" ədədi pozulub və yanında mötərizədə "5" rəqəmi dayanıb.

ABŞ prezidentinin pandemiya və peyvəndləmə mövzusunda bəxti qətiyyən gətirmir. Ötən ay o, peyvəndləmə ilə vəziyyətin gərginləşməsi ifadələrini səhv salıb, 2020-ci ilin mayında keçirilmiş onlayn formatlı dəyirmi masada isə ABŞ-da COVID-19 virusundan milyonlarla insanın həlak olduğunu deyib. Halbuki, həmin vaxt bu xəstəlikdən ölkədə 85000 insan həlak olmuşdu. Sonradan məlum oldu ki, Bayden ölənlərlə pandemiya üzündən işsiz qalmış vətəndaşların sayını səhv salıb.

Lakin amerikalı lider bununla kifayətlənməyib və bir neçə ay sonra amerikalıları COVID-19 virusundan 200 milyon insanın həlak olacağı barədə bəyanatla heyrətləndirib. Birləşmiş Ştatlarda 328 milyon insanın yaşadığını nəzərə alsaq, Baydenin sözlərinə görə, ölkə əhalisinin demək olar ki, 2/3-si həlak olmalı idi. Prezidentin həmin vaxt nə demək istədiyi hələ də məlum deyil.

İrqçi bəyanatlar

Corc Floydun ölümündən sonra "Black Lives Matter" hərəkatının etirazları zamanı da amerikalı prezident qalmaqallı açıqlamalar verib. O deyib ki, Trampı dəstəkləyən afroamerikalıların özlərini "qara" adlandırmaq haqqı yoxdur: "Əgər siz mənə, yaxud Trampa səs verməkdə hələ də tərəddüd edirsinizsə, - siz həqiqi qaradərili deyilsiniz!" Bu sözlərə görə son nəticədə üzr istəmək lazım gəldi.

Düzdür, Bayden 2020-ci ildən əvvəl də özünün irqçi nitq xətaları ilə məşhur olub. Belə ki, 2007-ci ildə, Barak Obama barədə danışarkən, Bayden o vaxtkı prezidenti "təmiz, parlaq görünən və xoş təəssürat bağışlayan, habelə fikirlərini aydın ifadə edə bilən" ilk məşhur afroamerikalı adlandırıb.

2019-cu ildə isə Asiya və Latın Amerikası mənşəli seçicilər qarşısında çıxış edərkən, o bildirib ki, "yazıq uşaqlar elə ağ uşaqlar qədər nurlu və istedadlıdırlar".

Hara seçildiyini yaddan çıxarıb

Bunların hamısı bir yana, lakin 2020-ci ilin oktyabrında ABŞ prezidenti hara seçildiyini də yada sala bilməyib. Hansısa məqamda o birdən-birə senator vəzifəsinə namizədliyini irəli sürdüyünü bildirib: "Biz hamımız birləşməliyik. Ona görə də mən fəxrlə demokratlar adından senata namizədliyimi irəli sürürəm".

Daha sonra, müəyyən vaxt keçdikdən sonra isə, ümumiyyətlə vitse-prezident vəzifəsini tutmalı olan Kamala Harrisi lider adlandırıb. Düzdür, ekspertlər hesab edirlər ki, bu məsələdə siyasətçi həqiqətdən o qədər də uzaqlaşmayıb – Baydenin yaş və fiziki imkanlarını nəzərə alaraq Harris həqiqətən də yaxın gələcəkdə dövlət başçısı kürsüsünə otura bilər.

Yaddaşı pozulub

Ümid ona qalır ki, Putinlə görüşdə Bayden sonradan üzr istəməli olacağı bəyanatlar verməyəcək. Amma amerikalı liderin ahıl yaşda olmasını və onun xəstəlikləri barədə məlumatları nəzərə alsaq, inanmaq istərdik ki, Bayden heç olmasa həmkarının adını səhv salmayacaq.

Belə ki, prezident seçkilərində hazırkı dövlət başçısı əsas rəqibi olan Donald Trampın adını səhv salıb: Ölkəmiz nəyə çevriləcək? Əgər Corc daha dörd il hakimiyyətdə olsa... Əgər Tramp yenidən seçilsə, biz başqa bir dünyaya düşəcəyik", - deyə Bayden seçkiqabağı onlayn tədbirlərdən birində deyib.

Düzdür, ABŞ KİV-ləri o zaman Baydenin Trampı başqa bir eks-prezidentlə - Corc Buşla səhv sala biləcəyini bildiriblər. Lakin bu, hazırkı prezidenti gülünclükdən qurtara bilmədi, Tramp isə ümumiyyətlə öz rəqibini "yuxulu Co" adlandırdı.

Eləcə də oxuyun:

  • Kreml Putinlə Baydenin görüşü haqda: Belarus da daxil olmaqla...

  •  Putinlə Baydenin görüşünə xələl gətirəcək qərar

  •  Politoloq: “Bayden-Putin dialoqundan gözləntilər böyükdür”

  • Tramp: "Videoya baxıb anladım ki, uduzmamışam"

  •  Bayden eyni vaxtda Trampın yeddi fərmanını ləğv edib

14
Teqlər:
gülüş, açıqlama, görüş, Vladimir Putin, ABŞ, Rusiya, Co Bayden
Nikol Paşinyan, arxiv şəkli

Paşinyan Azərbaycanın ərazi bütövlüyünü tanımaqla bağlı sənədi imzalayacaq

3887
(Yenilənib 14:25 23.06.2021)
Ermənistan Silahlı Qüvvələrinin Baş Qərargah rəisi Artak Davtyan bəzi məsələlərlə bağlı Azərbaycanla danışıqlar apardıqlarını təsdiqləyib.

BAKI, 23 iyun — Sputnik. Yaxın vaxtlarda Ermənistan və Rusiya arasında Rusiya sülhməramlılarının Basarkeçərdə (Geğarkunik) Zod-Xəzinavar ərazisində yerləşdirilməsinə dair razılıq əldə olunacaq. Bundan sonra Ermənistan hərbçiləri ön xətdən geri çəkiləcək. Sputnik Azərbaycan xəbər verir ki, bu barədə məlumatı Ermənistanın "Qraparak" nəşri məlumat yayıb.

Nəşr qeyd edir ki, danışıqların aparılması barədə faktı Ermənistan Silahlı Qüvvələrinin Baş Qərargah rəisi Artak Davtyan da təsdiqləyib: "Azərbaycan tərəfi buna öz razılığını veribmi?" sualına cavab olaraq Davtyan bildirib: "Biz öz ərazimizlə bağlı Azərbaycandan heç nə soruşmamalıyıq. Lakin bəzi məsələlərlə bağlı onlarla da danışıqlar aparılır. Ehtiyac olduqda biz Rusiya ilə əməkdaşlıq edirik".

Nəşr, həmçinin iddia edib ki, Nikol Paşinyan yəqin ki, sentyabrda faktiki olaraq Azərbaycanın ərazi bütövlüyünü tanıyacaq müqaviləni imzalayacaq.

Xatırladaq ki, mayın 27-də Ermənistan-Azərbaycan dövlət sərhədinin Kəlbəcər rayonu sahəsində Ermənistan silahlı qüvvələrinin kəşfiyyat-diversiya qruplarının fəaliyyəti ilə bağlı daxil olan əməliyyat məlumatına əsasən diversiya qrupları saat 03:00 radələrində dövlət sərhədimizi keçib və ərazilərimizin daxilində minalama işlərini və digər təxribat əməllərini aparmağa cəhd göstərib. İlkin məlumata görə, qarşı tərəfin iki kəşfiyyat-diversiya qrupu dövlət sərhədimizi iki istiqamətdə keçib. Qrupların biri 9, digəri isə 15 hərbi qulluqçudan ibarət olub. Kəşfiyyat-diversiya qruplarının hərəkəti nəzarətə götürülüb. Ərazimizdəki təminat və digər keçid yollarında minalama fəaliyyəti həyata keçirərkən Azərbaycan Ordusunun bölmələri tərəfindən düşmənin hər iki qrupuna qarşı dərhal əməliyyat tədbirləri görülüb.

Nəticədə düşmənin birinci kəşfiyyat-diversiya qrupundan 1-i zabit olmaqla 4, digərindən isə 2 hərbi qulluqçu, ümumilikdə 6 nəfər tərk-silah edilərək saxlanılıb. Kəşfiyyat-diversiya qrupunun saxlanıldığı ərazinin coğrafi koordinatları: 40 dərəcə 09 dəqiqə 06 saniyə şimal enliyi, 45 dərəcə 58 dəqiqə 07 saniyə şərq uzunluğu (N 40°09′06″; E 45°58′07″).

Digər erməni hərbi qulluqçuları ərazimizi dərhal tərk edərək geriyə çəkiliblər.

3887
Xorvatiya-Şotlandiya matçında oyun məqamı

Xorvatiya millisi şotlandiyalılara qalib gələrək AVRO-2020 pley-off mərhələsinə çıxdı

316
(Yenilənib 01:35 23.06.2021)
Futbol üzrə Xorvatiya yığma komandası Şotlandiya millisi üzərində Avropa çempionatının qrup mərhələsində qələbə çalaraq 1/8 final mərhələsinə yüksəlib.

"D" qrupunun son turunda Qlazqoda keçirilən qarşılaşma 3:1 hesabı ilə xorvatların xeyrinə başa çatıb. Qalib komandanın heyətində qolları Moskvanın MOİK komandasının oyunçusu Nikola Vlaşiç (17-ci dəqiqə), Luka Modriç (62) və İvan Pereşiç (77) vurublar.

Şotlandiyalıların heyətində Kallum Makqreqor rəqib komandanın qapısına yol tapıb (42).

Stadionda oyuna 9896 azarkeş tamaşa edib.

"D" qrupunun digər oyununda Londonda İngiltərə-Çexiya oyunu 1:0 hesabı ilə ingilislərin xeyrinə başa çatıb.

Beləliklə, İngiltərə yığması 7 xalla qrupun lideri olaraq çempionatın 1/8 finalına yüksəlib. Pley-off mərhələsində onun rəqibi "F" qrupunda ikinci yeri tutmuş komanda olacaq.

Xorvatiya millisi 4 xalla öz qrupunda ikinci yerdə qərarlaşıb və 1/8 finalda "E" qrupunda ikinci yeri tutmuş komanda ilə üz-üzə gələcək.

Çexiya millisi son oyunda məğlubiyyətə baxmayaraq qrupda üçüncü yerdən pley-off mərhələsinə adlaya bilib.

Qrupun autsayderi olan Şotlandiya millisi isə üç turda 1 xal toplayaraq turnirdə çıxışlarını başa vurub.

İngiltərə, Xorvatiya və Çexiya komandalarının 1/8 finaldakı rəqibləri çərşənbə günü müəyyən olunacaq.

316
Kişi saçlarını darayır, arxiv şəkli

Bizə qənim kəsilən qəzəbli adamlar

0
(Yenilənib 21:41 23.06.2021)
Sputnik Azərbaycan-ın köşə yazarı son illər çox aktual olan sosial şəbəkə dözülməzliyi mövzusuna toxunub.

BAKI, 23 iyun — Sputnik. Sosial şəbəkələrdə bir qrup insan var ki, oturub kimlərisə linç etmək üçün fürsət gözləyir.

Əgər sənin şəxsi fikirin varsa, ümumi fikirə zidd bircə kəlimə yazsan, vay halına. Bu mühafizəkar və qəzəbli adamlar səni didib-parçalayar, məhv edər.

Onlar heç kəsin tənqidi fikrini, şəxsi yanaşmasını qəbul etmir. Ellikcə sevinib, ellikcə kədərlənən bu insanlar onların duyğularına şərik olmayanları bihörmət etməyə məqam gözləyirlər. Onlar üçün azadlıq əxlaqsızlıq, şəxsi fikir tərbiyəsizlik, fərdi düşüncəni bölüşmək mənasızlıqdır.

***

Onların düşməni də, dostu da ümumidir. Qəfildən sözü bir yerə qoymuş kimi kimisə sevə, ya da söyə bilirlər. Həmrəy, həmfikir olmaqda əndazəni aşmış bu adamların gözündən yayınıb azacıq müstəqil fikir yazsan, sənin xalq düşməni olduğunu sübut edənə qədər səndən əl çəkməzlər. Sosial şəbəkələrdəki qaraguruhu müşahidə edəndə, Nemət Pənahlının “Meydan” hərəkatındakı performansını xatırlayıram. Hərçənd, o dönəmdə uşaq olsamda, dumanlı xatirələrim və böyüklərdən eşitdiklərim Nemətin kütləni necə coşdurmasını yaddaşımdan silinməyə qoymur. Nemətin bir kəlməsi ilə oturub-qalxan minlərlə adam vardı illər öncə...

Sonra həmin kütləvi həmrəylik unuduldu getdi, illər sonra o adamların “varisləri” sosial şəbəkələrdə peyda oldu. İndi də onlar kütləvi şəkildə həmrəy və həmfikir olmaqla sosial şəbəkələri “Azadlıq meydanı”na çeviriblər. Onların da öz nemətpənahlısı var – sosial şəbəkə fenomenləri...

Müharibə vaxtı bu kütlənin qəzəbini də, coşğusunu da gördük. Sülh tərəfdarlarının təhqir edilməsi, fərqli düşünənlərin linç edilməsi hələ də davam edir. Bəli, bu adamlar alternativ, müstəqilfikirə hörmət etmir, hətta qəbul etmirlər. Onlar kimi düşünmürsənsə düşmənsən, namərdsən, satılmısan. Şüar birdir: “ya bizdənsən, ya düşmən”.

***

Şübhsiz ki, kütlənin azad fərdlərə qarşı dözümsüzlüyü yenilik deyl. İllər öncə də sosial şəbəkələrdə qəzəbli adamlar, əsəbi kütlə vardı, bu gün də var. Lakin getdikcə onların bölünməsi, qruplaşması fərqli istiqamətdə təşəkkül tapır. Nə qədər bölünüb, parçalanıb, şaxələnib inkişaf etsələr də, onların ortaq nöqtəsi mütləq var: fərdlərə, azad, müstəqil fikirli insanlara qarşı dözümsüzlük. Əgər şəxsi fikirin varsa, bunu ifadə etmək istəyirsən yüz ölçüb, bir biçməlisən. Yoxsa, hücuma, linçə, təhqirə hazır olmalısan.

Onlar klassikləri çıxmaq şərti ilə, heç bir musiqiçini, rejissoru, aktyoru, yutuberi, siyasətçini, yazıçını və şairi bəyənmirlər. Onların fikirincə “bizimkilər” heç nəyi bacarmır. Məsələn, indiki müğənnilər oxuya bilmir, komediya aktyorları güldürə bilmir, rejissorlar çəkməyi bacarmır, yazıçılar isə yazmasa daha yaxşıdır. Nirvanada olduğunu düşünən bu ərənlər, onlar kimi düşünməyənləri cahil, savadsız, savadsız, bacarıqsız hesab edir. Çünki haqqı bilən sadəcə onlardır və onlar da “kövni-məkana sığmırlar”.

***

Xülaseyi-kəlam, bu qəzəbli və əsəbi insanlar arasında yaşamaq, ömür tükətmək əməlli-başlı işgəncədir. Bir yandan pandemiya, bir yandan gündən-günə çətinləşən həyat şərtləri, “bir yandan da havalar...” Açığı hər şeyə birtəhər dözmək, səbr etmək mümkündür. Adamı nə yayın istisi yandırır, nə də susuzluq. Adamı yandıran anlayışsız insanlar arasında yaşayıb, ömür-gün tükətməkdir. Bu qəzəbli, heç nəyi bəyənməyən, hamıya potensial düşmən kimi baxan adamlarla eyni səmanın altında eyni ulduzları seyr etmək o qədər çətindir ki...

0