Suriya Prezidenti Bəşər Əsəd və onun həyat yoldaşı Əsma Duma şəhərində prezident seçkilərində səs verirlər, 26 may 2021-ci il

Suriyada prezident seçildi

38
(Yenilənib 10:52 28.05.2021)
Beynəlxalq müşahidəçilər, o cümlədən Rusiya və Çin nümayəndələri qeyd ediblər ki, Suriyada seçki ölkənin Konstitusiyasına uyğun, qanun pozuntuları olmadan keçirilib.

BAKI, 28 may – Sputnik. Suriyada keçirilən prezident seçkisində Bəəs partiyasının lideri və ölkənin fəaliyyətdə olan prezidenti Bəşər Əsəd qalib gəlib. Seçicilərin 95.1%-i ona səs verib. RİA Novosti-nin məlumatına görə, bu barədə parlamentin spikeri Hammuda Sabbaq deyib.

Əsədə 13.5 milyon ölkə vətəndaşı və 18.107 min səs hüququ olan şəxs səs verib.

Beləliklə, 2000-ci ildən Suriyanın dövlət başçısı olan Bəşər Əsəd daha 7 il prezident olacaq.

Suriyada seçkilər üzrə məhkəmə komissiyası mayın 27-də səhər seçki qutularının bağlandığını və səslərin sayılmasına başlandığını elan etdi. Komissya həmçinin qeyd etdi ki, Suriyada seçki ölkənin Konstitusiyasına uyğun, qanun pozuntuları olmadan keçirilib.

Səsvermə 12102 seçki məntəqəsində mayın 26-sı saat 7-də başlamışdı. Seçicilərin aktivliyi səbəbindən (80%) səsverməni daha 6 saat uzatmaq və məntəqələrə əlavə seçki qutuları gətirmək lazım oldu. Səsverməni beynəlxalq müşahidəçilər, o cümlədən Rusiya və Çindən nümayəndələr izləyərək bildirdilər ki, proses qanuni və heç bir pozuntu olmadan keçirilib. Xaricdə yaşayan suriyalılar isə ölkənin diplomatik nümayəndəliklərinin bağlı olması səbəbindən səs verə bilməyiblər.

Türkiyə, ABŞ, Aİ ölkələri və bəzi ərəb dövlətləri BMT TŞ-nin 2254 saylı qətnaməsinə istinadən seçkini legitim saymayıblar. Qətnaməyə görə, Əsəd hakimiyyəti təhvil verərək azad seçkilərin keçirilməsinə imkan verməlidir.

Prezidentin səsi

Ölkənin fəaliyyətdə olan prezidenti Bəşər Əsəd və birinci xanım Əsma Əsəd Duma şəhərində səs veriblər. Bura Suriyada münaqişənin davam etdiyi müddətdə etirazçıların əsas mərkəzi sayılırdı və hakimiyyətin nəzarətinə yalnız 2018-ci ildə keçmişdi. Əsəd Dumada səs verməklə rejimin əleyhdarlarına mesaj vermiş oldu.

© AFP 2021 / LOUAI BESHARA
Prezident Bəşər Əsəd Duma şəhərində səs verdikdən sonra KİV-in suallarını cavablandırır

Suriyalılar vaxtından əvvəl bayram etdilər

Bəşər Əsədin seçkidə liderliyini eşidən siuriyalılar dünən axşamdan bayram etməyə başlayıblar. Dəməşq, Hələb, Latakiya, Homs və digər şəhərlərin mərkəzi küçələrində Əsəd hökumətini dəstək məqsədilə yürüşlər keçirilib. Nümayişçilər ölkə bayraqları ilə yanaşı, Əsədin şəkillərini də özləri ilə gəzdiriblər.

Əsədin rəqibləri

Bu il Suriyada seçkidə 51 nəfər prezidentiyə namizədliyini vermişdi, onlardan 7-si qadındır. Ancaq mayın 3-də ölkənin Ali Məhkəməsi ancaq üç nəfərin namizədliyini təsdiqlədi – sabiq nazir Abdulla Abdulla, fəaliyyətdə olan prezident Bəşər Əsəd və müxalif “Demokratik ərəb sosialist birliyi” patiyasından Mahmud Marey.

Mahmud Marey 1986-1991-ci illərdə müxalifətçi kimi həbsdə yatıb, həmçinin 2006-cı ildə bir neçə ay həbsə məhkum edilən Mareyə ölkədən çıxışa qadağa qoyulub.

Mareyin seçki proqramı “Birlikdə” adlanır və sərt milli prinsipləri ehtiva edir. Buraya eləcə də Suriya ərazisinin bütövlüyü, ABŞ sanksiyalarının ləğvi istiqamətində tədbirlər, siyasi məhbusların azad edilməsi daxildir.

© REUTERS / OMAR SANADIKI
Prezidentliyə namizəd Mahmud Marey Dəməşqdə səs verir

Abdulla Abdulla seçkidə iştirak üçün ərizə verən ilk namizəddir. O, Sosialist yunionist partiyasının siyasi bürosunun üzvüdür, Milli Şuranın deputatı, 2016-2020-ci illərdə Milli Şura məsələləri üzrə nazir olmuşdu.

Eləcə də oxuyun:

  • Azərbaycanın 20 vətəndaşı Suriyadan ölkəyə gətirilib - XİN

  • Suriyada keçiriləcək prezident seçkilərində üç namizəd iştirak edəcək

  • Suriyada amerikalıların bazası raket atəşinə tutulub

     

38
Teqlər:
Bəşər Əsəd, prezident seçkisi, Suriya

Bu dünyanı dəyişməliyik

7
(Yenilənib 15:07 18.06.2021)
Krasnodarlı rəssam Vladimir Kandr tullantılardan beşmetrlik "Dalğa" adlı qurğu düzəltdi - Ətraflı videomuzda.

 

Rəssam Vladimir Kandr ətraf mühitin çirklənməsi problemindən o qədər narahat olub ki, bu məsələnin həll yolu onun yuxusuna girib. Belə ki, tullantılardan "Dalğa" adlı qurğu düzəltmək ideyası ona yuxuda gəlib.

Vladimir müsahibəsində bildirib ki, üç tondan çox zibil toplayıb, onları yenidən emal edərək yığılıb-sökülən qurğu düzəldib.

"Bu doqquz hissəyə bölünən dalğadır, nəqliyyatla da daşına bilir. Müasir sivilizasiyamızla ətraf mühiti necə məhv etdiyimizi anlamaq üçün qurğunun ortasında bir oyuq da düzəltdim," – deyə rəssam fikirlərini bölüşür.

Kandrın sözlərinə görə, o, dostları ilə həmişə təbiət qoynunda dincəlməyə gedəndə həm də digər turistlərin zibillədiyi əraziləri təmizləməklə məşğul olublar. Belə gəzintilər zamanı metal çəlləklərdən tutmuş konyak şüşələrinə qədər maraqlı və qeyri-adi əşyalara da rast gəlinir.

"Tullantılar yer dəyişdirir, başqa ölkələrdən bizə qədər gəlib çıxır. Hərdən qeyri-adi tapıntılar da olur. Bəzən bir kvadratmetr ərazidə beş alışqan, çox sayda taykeş ayaqqabılara rast gəlmək olar. Onları geyinmək də mümkündür, amma hər tayı fərqli olacaq", – ekoaktivist zarafatla deyir.

Vladimir Kandr onu da bildirib ki, hazırda "Dalğa"dan da böyük yeni layihə üzərində işləyir. Yeni qurğu da eyni tərzdə, ancaq başqa süjet əsasında hazırlanacaq.

7
İran prezidenti İbrahim Rəisi, arxiv şəkli

İbrahim Rəisinin İranda prezident seçkilərinin favoriti olduğu rəsmən təsdiqləndi

928
Нerli vaxtla saat 02:00-a (Bakı vaxtı ilə saat 01:30) olan məlumata görə, seçkilərdə 28,4 milyon seçici iştirak edib.

İranın məhkəmə hakimiyyətinin rəhbəri İbrahim Rəisi prezident seçkilərində liderlik edir. Sputnik Azərbaycan xəbər verir ki, bunu İranın seçkilərin keçirilməsi üzrə qərargahın rəhbəri Camal Orf bildirib.

"Seçkilərdə 28,6 milyon həmyerlimiz iştirak edib. Səslərin sayılması nəzərə alsaq bu ilkin nəticələrdir. Hazırda İbrahim Rəisi 17,8 milyondan çox seçiciinin səsini toplayıb. Möhsün Rezai 3,3 milyondan çox, Həmmati 2,4 milyondan çox, Qəzizadə Haşimi isə 1 milyon səs toplayıb", - o deyib.

Səsvermə və səslərin hesablanması

İranda prezident seçkilərində səsvermə yerli vaxtla saat 02:00-da (Bakı vaxtı ilə saat 01:30) rəsmən başa çatıb. Bununla belə, bəzi məntəqələrdə hələ seçicilər və məntəqə üzvləri işləməyə davam edirlər.

Sputnik Azərbaycan İRNA-ya istinadla xəbər verir ki, bu barədə İslam Respublikasında seçkilərin keçirilməsi üzrə qərargah şənbə günü bildirib.

“Səsvermənin keçirilməsi sona çatdı. Hazırda səsvermə yalnız seçicilərin olduğu məntəqələrdə davam edir”, - deyə seçkiləri müşahidə edən gənc jurnalistlər klubundan bildirilib.

Səsvermə cümə günü yerli vaxtla saat 07:00-da (Bakı vaxtı ilə saat 06:30) başlanıb və saat 00:00-a (saat 23:30) qədər davam etməli idi, ancaq seçki məntəqələrinin işinin müddəti səsvermənin tam başa çatmamasına görə uzanıb.

Bu halda IRIB teleradioyayım şirkəti bildirib ki, seçki məntəqələrinin əksəriyyətində artıq iş qurtarıb, indi səslərin hesablanmasına başlanılıb.

Prezidentliyə namizəd Abdulnaser Hemmatinin seçki qərargahının nümayəndəsi Cahanbəxş Xancani bildirib ki, yerli vaxtla saat 02:00-a (Bakı vaxtı ilə saat 01:30) olan məlumata görə, seçkilərdə 28,4 milyon seçici iştirak edib. Ölkədə səsvermə hüququ olan vətəndaşların sayı 59,31 milyon nəfərə yaxındır. Beləliklə, seçkilərdə iştirak təxminən 48 % təşkil edib.

Favorit kimdir?

Prezident seçkilərinin favoriti İbrahim Raisi hesab edilir. Altmış yaşlı siyasətçi 2019-cu ildən İran məhkəmə orqanlarının başçısı postunu tutur, o, əvvəllər baş prokuror olub. Raisi seçkiqabağı kampaniyasının gedişatında yoxsulluğa və korrupsiyaya qarşı mübarizə aparmağa söz verib. 2017-ci ildə Raisi prezident olmağa təşəbbüs edib, ancaq Həsən Ruhaniyə uduzub.

Ondan başqa, prezident postu uğrunda Möhsen Rezai də mübarizə aparır. O, 1980-90-cı illərdə İran İslam İnqilabı Keşikçiləri Korpusuna başçılıq edib. İranın prezident vəzifəsinə həmçinin Mərkəzi Bankın sədri Abdulnaser Hemmati və parlament sədrinin müavini Əmir Hüseyn Kazizade Haşimi də namizəddir.

Londonda seçki qərargahına hücum

Ötən gün Londondakı İran konsulluğunun qarşısında toplanan bir qrup şəxs səsverməyə mane olmağa çalışıblar. Onlar binaya girən hər kəsin üzərinə boya töküblər.

İranın Böyük Britaniyadakı müvəqqəti işlər vəkili Mehdi Hüseyni “Twitter” səhifəsində bildirib ki, İran ölkənin Londondakı konsulluğunda yerləşən seçki məntəqəsinə edilən hücumla əlaqədar məhkəməyə müraciət etmək niyyətindədir.

"Əksinqilabçı ünsürlərin İran vətəndaşına qarşı hücumu qanunla mühakimə ediləcək. Keçmişi terror bağlı olan və xarici dairələrlə əlaqəli saxta demokratiya tərəfdarları keçmişi səs vermək istəyən bir qadını vəhşicəsinə döyüblər. Nəticədə qadın ağır kəllə-beyin travması alıb", - Hüseyni yazıb.

 

928

Hökumətdən yeni hava limanlarının tikintisi işində böyük güzəşt

5
(Yenilənib 13:10 19.06.2021)
Azad edilən ərazilərdə 3 hava limanının tikintisi üçün idxal edilən mallar gömrük rüsumuna cəlb olunmayacaq.

BAKI, 19 iyun — Sputnik. Nazirlər Kabineti “Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” qərarında dəyişiklik edib.

Sputnik Azərbaycan-ın məlumatına görə, qərara əsasən, "Füzuli, Laçın və Zəngilan rayonlarında beynəlxalq hava limanlarının tikintisi üçün idxal edilən malların xarici iqtisadi fəaliyyətin mal nomenklaturası (XİFMN) üzrə Siyahısı” təsdiq edilib.

Bu bəndlə müəyyən edilən mal nomenklaturasına müvafiq idxal olunan malların Füzuli, Laçın və Zəngilan beynəlxalq hava limanlarının tikintisi üçün istifadəsinin təsdiq edilməsi Nəqliyyat, Rabitə və Yüksək Texnologiyalar Nazirliyi tərəfindən həyata keçiriləcək.

Bu mallar gömrük idxal rüsumuna cəlb olunmayacaq.

Bu Qərar dərc edildiyi gündən 30 gün sonra qüvvəyə minir və 2024-cü il 1 yanvar tarixinədək qüvvədədir.

Füzuli beynəlxalq hava limanı

2020-ci il noyabrın 26-da Azərbaycan Nəqliyyat, Rabitə və Yüksək Texnologiyalar Nazirliyi ICAO-nun Füzulidəki hava limanı da daxil olmaqla 6 hava limanının beynəlxalq yer indeksləri kataloquna daxil edilməsi barədə Dövlət Mülki Aviasiya Agentliyinin müraciətini təmin etdiyini bildirib.

2021-ci ilin yanvarında Azərbaycan Prezidenti Füzulidə beynəlxalq hava limanının tikintisi barədə sərəncam verib. Gələcək hava limanının təməlqoyma mərasimi həmən ilin yanvar ayının 14-də baş tutub.

Köhnə aeroportun yerində tikilən Füzuli beynəlxalq hava limanında uçuş-enmə zolağının inşası ilə bu sahədə böyük təcrübəsi olan "AzVirt" MMC məşğul olur. Hava limanının tikintisi yanvar ayında başlayıb. Plana əsasən ilin sonuna kimi uçuş-enmə zolağı, eləcə də peron istifadəyə veriləcək. Yeni hava limanının uçuş-enmə zolağının uzunluğu 3 000 metr olacaq.

AZAL-ın nümayəndəsi Valeh Əmiraslanov bildirib ki, Füzuli Beynəlxalq Hava Limanında ilk sınaq uçuşun sentyabrın 5-də keçirilməsi planlaşdırılır.

Həmçinin oxuyun:

Füzuli aeroportunda ilk sınaq uçuşunun keçiriləcəyi tarix açıqlanıb

5