İran Xarici işlər naziri Məhəmməd Cavad Zərif, arxiv şəkli

Cavad Zərifdən sərt addım: İsraili dəstəkləyən ölkəyə səfərini ləğv etdi

31
Qəzza zolağında baş verənlərlə əlaqədar Təl-Əvivlə həmrəylik əlaməti olaraq Avstriya Kanslerinin Ofisi yerləşən binada və Avstriya Xarici İşlər Nazirliyinin binasında İsrail bayraqları qaldırılıb.

BAKI, 15 may - Sputnik. İranın xarici işlər naziri Cavad Zərif Avstriyanın İsrailə göstərdiyi dəstəyə görə Vyanaya səfərini ləvğ edib.

Sputnik Azərbaycan xəbər verir ki, bu barədə Avstriya Xarici İşlər Nazirliyi məlumat yayıb.

Məlumatda qeyd olunur ki, mayın15-də İran xarici işlər naziri Cavad Zərifin Vyanya səfəri planlaşdırılırdı, o, avstriyalı həmkarı Aleksandr Şallenberqlə görüşəcəkdi, lakin iranlı nazir səfəri ləvğ edib.

"Biz buna təssüflənirik və diqqətə alırıq", - Avstriya XİN bildirib.

Qeyd edək ki, mayın 14-də Qəzza zolağında baş verənlərlə əlaqədar Təl-Əvivlə həmrəylik əlaməti olaraq, Avstriya Kanslerinin Ofisi yerləşən binada və Avstriya Xarici İşlər Nazirliyinin binasında İsrail bayraqları qaldırılıb.

31
Nikol Paşinyan, arxiv şəkli

Paşinyan Moskvaya nümayəndə heyəti göndərir Rusiya bazasına görə

1909
(Yenilənib 14:17 24.06.2021)
İclas zamanı Rusiyanın Ermənistandakı Hərbi Bazasının fəaliyyəti və funksionallığı üçün Rusiya tərəfinə torpaq sahələrinin və daşınmaz əmlakın verilməsi məsələləri nəzərdən keçiriləcək.

BAKI, 24 iyun — Sputnik. Ermənistanın Baş nazirinin səlahiyyətlərini icra edən Nikol Paşinyan bu ölkədə olan Rusiya bazasının fəaliyyəti ilə bağlı məsələlərin müzakirəsi üçün Moskvaya hökumət nümayəndə heyətinin göndərilməsi barədə sərəncam imzalayıb. Bu barədə Sputnik Ermənistan xəbər verir.

Məlumatda qeyd olunur ki, nümayəndə heyəti iyunun 26-sı Moskvaya gedəcək və iyulun 1-i geri qayıdacaq. Moskvada Ermənistan – Rusiya Hökumətlərarası Komissiyanın 13-cü iclası baş tutacaq.

İclas zamanı Rusiyanın Ermənistandakı Hərbi Bazasının fəaliyyəti və funksionallığı üçün Rusiya tərəfinə torpaq sahələrinin və daşınmaz əmlakın verilməsi məsələləri nəzərdən keçiriləcək.

Rusiya və Ermənistanın müdafiə nazirləri Sergey Şoyqu və Vaqarşak Arutyunyan bazar ertəsi iyunun 21-də telefonla danışaraq Ermənistan-Azərbaycan sərhədindəki vəziyyəti müzakirə ediblər.

Yerevan Moskva ilə telefonla müzakirələr aparıblar

İyunun 17-si və 21-də Ermənistanın müdafiə nazirinin səlahiyyətlərini icra edən Vaqarşak Arutunyan rusiyalı həmkarı, ordu generalı Sergey Şoyqu ilə Ermənistan-Azərbaycan sərhədindəki vəziyyətin həlli yollarını müzakirə ediblər.

İyunun 17-də vaş tutmuş söhbət zamanı Arutyunyan Şoyquya erməni tərəfinin mövqeyinin dəyizşməz olduğunuz təsdiqləyib – "Azərbaycan Silahlı Qüvvələri qeyd-şərtsiz Ermənistanın suveren ərazisini tərk etməlidirlər".

Nazirlər həmçinin rusiyalı sərhədçilərin Azərbaycanla həmsərhəd Sünik və Geqarkunik vilayətlərində dislokasiyasını, rusiyalı sülhməramlıların Qarabağda fəaliyyətini, müdafiə sahəsində Ermənistan-Rusiya əməkdaşlığını və regional problemlərlə əlaqədar bir sıra digər məsələləri müzakirə ediblər.

Yerevan və Bakının mövqeyi

Bu gün Moskva və Yerevanın mövqeyində nəyinsə dəyişib-dəyişmədiyi məlum deyil. Lakin Ermənistandakı parlament seçkisindən sonra bu həssas məsələnin müzakirə olunması maraq doğurur.

Analitiklər güman edirlər ki, Ermənistanda Nikol Paşinyanın başçılığı ilə yeni hökumət formalaşandan sonra Yerevan Azərbaycanla sərhədin delimitasiyası məsələsində fikrini müəyyənləşdirməlidir.

Bu arada Bakı son günlər Yerevana daha təkidlə sülh təklif edir. Azərbaycanın xarici işlər naziri Ceyhun Bayramov ümid etdiyini bildirib ki, yeni hökumət ölkəsindəki siyasi böhranın real nəticələrini düzgün qiymətləndirəcək, anlayacaq və düzgün nəticələr çıxaracaq.

"Azərbaycan sülh razılaşması üçün Ermənistanla birgə işləməyə hazırdır. Biz elə bunu təklif edirik. Ermənistandan da eyni siyasi iradə və real addımlar gözləyirik”, - nazir vurğulayıb.

Sərhəddə gərginlik

Xatırladaq ki, müntəzəm olaraq iki ölkənin sərhədindən təlaşlı xəbərlər alırıq. Bu il mayın 12-də Azərbaycanın ərazi bütövlüyü çərçivəsində həyata keçirilən sərhəd mühafizə sisteminin gücləndirilməsi tədbirlərini qarşı tərəf Zəngəzur ərazisinin, xüsusilə Qaragöl ətrafının qəsbi kimi qələmə verməyə çalışıb. Ermənistan KTMT-yə müraciət etsə də, təşkilatdan ona hərbi əməliyyatlara əl atmamaq tövsiyə edilib.

Mayın 24-dən 26-dək Azərbaycan ordusunun mövqeləri üç istiqamətdən atəşə tutulub. 

Bundan üç gün sonra Ermənistan-Azərbaycan dövlət sərhədinin Kəlbəcər rayonu sahəsində Ermənistan silahlı qüvvələrinin kəşfiyyat-diversiya qruplarının fəaliyyəti ilə bağlı daxil olan əməliyyat məlumatına əsasən diversiya qrupları saat 03:00 radələrində dövlət sərhədimizi keçib və ərazilərimizin daxilində minalama işlərini və digər təxribat əməllərini aparmağa cəhd göstərib. İlkin məlumata görə, qarşı tərəfin iki kəşfiyyat-diversiya qrupu dövlət sərhədimizi iki istiqamətdə keçib. Qrupların biri 9, digəri isə 15 hərbi qulluqçudan ibarət olub. Kəşfiyyat-diversiya qruplarının hərəkəti nəzarətə götürülüb. Ərazimizdəki təminat və digər keçid yollarında minalama fəaliyyəti həyata keçirərkən Azərbaycan Ordusunun bölmələri tərəfindən düşmənin hər iki qrupuna qarşı dərhal əməliyyat tədbirləri görülüb.

Nəticədə düşmənin birinci kəşfiyyat-diversiya qrupundan 1-i zabit olmaqla 4, digərindən isə 2 hərbi qulluqçu, ümumilikdə 6 nəfər tərk-silah edilərək saxlanılıb. Digər erməni hərbi qulluqçuları ərazimizi dərhal tərk edərək geriyə çəkiliblər.

Mayın 27-dən 28-nə keçən gecə ərzində Naxçıvan Muxtar Respublikasının Babək rayonunun Aşağı Buzqov yaşayış məntəqəsi yaxınlığında yerləşən mövqelərimizin Ermənistan silahlı qüvvələrinin bir neçə istiqamətdə açdığı atəşə məruz qalması barədə məlumat yayıb. Məlumata görə, atəş nəticəsində hərbi qulluqçu əsgər Muradov Elxan İlham oğlu çiynindən yaralanıb. Yaralı əsgərimizə dərhal ilkin tibbi yardım göstərilərək hospitala təxliyə edilib. Əlahiddə Ümumqoşun Ordunun bölmələrinin cavab atəşi ilə qarşı tərəf susdurulub.

İyunun 4-də xidməti vəzifələrini yerinə yetirmək üçün işğaldan azad edilmiş Kəlbəcər rayonuna ezam olunmuş telekanal və informasiya agentlikləri əməkdaşlarını aparan "KamAZ" markalı sərnişin avtomobilinin Kəlbəcər rayonunun Susuzluq kəndi ərazisində tank əleyhinə minaya düşməsi nəticəsində üç nəfər – AzTV telekanalının operatoru Sirac Abışov, AZƏRTAC İnformasiya Agentliyinin müxbiri Məhərrəm İbrahimov, Kəlbəcər Rayon İcra Hakimiyyətinin Susuzluq kənd inzibati ərazi dairəsi üzrə nümayəndəsinin müavini Arif Əliyev şəhid olub, daha 4 nəfər isə müxtəlif dərəcəli xəsarətlərlə xəstəxanaya yerləşdirilib.

Eləcə də oxuyun:

1909
Teqlər:
Sergey Şoyqu, Nikol Paşinyan, sərhəd, hərbi baza, Azərbaycan, Rusiya, Ermənistan
Rossiya Seqodnya Beynəlxalq İnformasiya Agentliyinin Moskvanın mərkəzində yerləşən binası

Putin, Mişustin digər rəsmilər "Rossiya Seqodnya" BİA-nı təbrik etdilər

514
(Yenilənib 12:16 24.06.2021)
Rusiya Prezidenti "Rossiya Seqodnya" BİA-nı 80 illiyi münasibətilə təbrik edib və qazanılan uğurların davamını arzulayıb.

BAKI, 24 iyun - Sputnik. Rusiya Prezidenti Vladimir Putin "Rossiya Seqodnya" Beynəlxalq İnformasiya Agentliyini 80 illik yubileyi münasibətilə təbrik edib.

Sputnik Azərbaycan bildirir ki, müvafiq teleqram bu gün Kremlin saytında dərc olunub. 

"Rossiya Seqodnya" liderliyini qoruyur

"Sizi əlamətdar gün  "Rossiya Seqodnya" Beynəlxalq İnformasiya Agentliyinin 80 illiyi münasibətilə təbrik edirəm. Əldə etdiyiniz uğurların davamlı olmasını, aktiv inkişaf, özünüzə istedadlı sələflər yetişdirməyi arzulayıram. Ən xoş arzularla", - təbrikdə deyilir.

Prezident əlavə edib ki, agentliyin kollektivi "seçilmiş yolda dürüst, fədakar fəaliyyət" ənənəsini davam etdirir. O vurğulayıb ki, "Rossiya Seqodnya" ölkənin həyatında aktiv iştirak edir və beynəlxalq informasiya məkanında lider mövqeyini qoruyur.

Agentliyin məzmunu müstəqilliyi ilə seçilir

RF-in Baş naziri Mixail Mişustin də agentliyi təbrik edib. O, təbrikində qeyd edib ki, agentliyin məzmunu müstəqilliyi, obyektivliyi, dəqiqliyi, hadisələrin operativ və balanslı işıqlandırılması ilə seçilir. 

Mişustin xatırladıb ki, 80 il əvvəl birbaşa efirdə ilk dəfə Böyük Vətən Müharibəsi cəbhələrindən son xəbərləri çatdıranəfsanəvi diktor Yuri Levitanın səsi eşidilib - "Sovinformbüro"dan "Rossiya Seqodnya" BİA-ya qədər yol bu cür başlayıb. 

Müxtəlif dövrlərdə agentliyin tarixi parlaq istedadlı yazıçılar, şairlər, publisistlər və jurnalistlər tərəfindən yaradılmışdır: milyonlarla insan Konstantin Simonov, Mixail Şoloxov, Valentin Falin, Vladimir Pozner, Vladimir Vyatkin, Vitali Tretyakovun gözü ilə dünyanı gördü. Agentliyin adları dəyişdi, ancaq bənzərsiz ənənələri dəyişməz qaldı, baş nazir əlavə edib.

Hökumət başçısı "Rossiya Seqodnya" BİA-nın ən böyük beynəlxalq media qrupu olduğunu, burada hər gün müasir informasiya məhsulu və xidmətinin yaradıldığını qeyd etdi: tematik xəbər lentləri, məlumat portalları, multimedia mətbuat mərkəzləri və telekonfranslar, fotoşəkil və infoqrafika hazırlanaraq paylanılır, sosial şəbəkələrdəki platformalar və mobil tətbiqlər fəaliyyət göstərir.

"Məzmununuz müstəqillik, obyektivlik, dəqiqlik, hadisələrin operativ və tarazlı işıqlandırılması ilə seçilir. Bütün bunlar təkcə Rusiya və xarici KİV-lərdə deyil, həm də sosial şəbəkələrdə və bloq mühitində sitat baxımından media qrupunun lider mövqeyini müəyyənləşdirib", - təbrikdə deyilir.

Baş nazir qeyd edib ki, "Rossiya Seqodnya" xəbər agentliyinin uğuru hər gün efirə və virtual məkana çıxan, milyonlarla insana ölkədə baş verən ən mühüm hadisələrdən bəhs edən yüksək peşəkar bir komandanın, redaktorların, müxbirlərin, fotomüxbirlərin böyük bir işidir.

Təbrikdə deyilir: "Sizə yeni yaradıcılıq uğurları, ilham, möhkəm cansağlığı və hər şeyin ən yaxşısını diləyirəm".

Həqiqət Rusiyanın tərəfindədir

Rusiya Xarici Kəşfiyyat Xidmətinin direktoru Sergey Narışkin təbrik teleqramında agentliyin Rusiyanı informasiya məkanında effektiv şəkildə qoruduğunu, qərəzsiz bir oxucunun həqiqətin Rusiya tərəfində olduğunu anlamasına imkan verdiyini qeyd edib.

"Sovet Məlumat Bürosundan". Acı 1941-ci ildə başlayan ümumi bəlada, sonra ümumi zəfərdə, nasist qoşunlarının Stalinqradda və Kurskda məğlubiyyəti və 1945-ci ilin mayında Böyük Zəfər saatında Sovet xalqını birləşdirən mesajlar səsgücləndiricilərsən böyük Yuri Levitanın səsi ilə çatdırılan bu sözlərlə başlayırdı", - Narışkin qeyd edib.

Tərkibinə onlarla ölkədə multimedia bürolarına malik Sputnik xəbər agentliyi daxil olan "Rossiya Segodnya" komandası son dərəcə vacib işləri uğurla davam etdirir - Rusiyanı informasiya məkanında effektiv şəkildə qoruyur.

Agentlik nəinki Qərbdə uydurulmuş Rusiya ilə bağlı həyasız yalanlarla mübarizə aparır, həm də təşəbbüsə inamla müdaxilə edir və qərəzsiz bir oxucunun həqiqətin Rusiya tərəfində olduğunu anlamasına imkan verir, Narışkin vurğulayıb.

"İnanın, digər rəqib həmkarlarınız üçün istinad nöqtəsi hesab olunmağınıza tam haqqınız var", - deyən Narışkin "Rossiya Seqodnya" kollektivinə yaradıcı qələbələr, Rusiya dövlətinin rifahı naminə uğurlu iş, cansağlığı, xoşbəxtlik və firavanlıq arzulayıb.

Agentliyin çoxşaxəli fəaliyyəti

Rusiya Xarici İşlər Naziri Sergey Lavrov "Rossiya Segodnya" xəbər agentliyinin heyətini və agentliyin baş direktoru Dmitri Kiselyovu "Sovinformbüro"nun yaradılmasının 80-ci ildönümü münasibətilə təbrik edib.

Onun sözlərinə görə, agentliyin çoxşaxəli fəaliyyəti dövlətin zəngin tarixi ilə ayrılmaz şəkildə bağlıdır. Yüksək peşəkarlıq, qərəzsizlik, işə sədaqət, vətənpərvərlik həmişə agentliyin işçilərini müsbət yöndə fərqləndirib.

Nazirin təbrik məktubunda deyilir ki, onlar dünyanın hər yerində işləyərək milyonlarla auditoriyanı diqqət çəkən bütün beynəlxalq hadisələr barədə operativ və etibarlı şəkildə məlumatlandırmağa davam edirlər.

Rusiya Xarici İşlər Naziri  qazanılmış təcrübədən ustalıqla istifadə edərək və qabaqcıl texnologiyalar tətbiq edərək agentliyin "qlobal media məkanında inamla lider mövqelərini tutduğunu, yüksək keyfiyyətli jurnalistika üçün standartları təyin etdiyini" də qeyd edib.

"Smolensk Meydanında "Rossiya Seqodnya" BİA ilə yaxşı, zamanla sınaqdan keçmiş əlaqələrə dəyər verirlər. Mümkün olan ən geniş qarşılıqlı əlaqəni davam etdirməyə hazırıq. Sizə, media qrupunun bütün komandasına uğurlar, cansağlığı, yeni yaradıcılıq uğurları və hər şeyin ən yaxşısını arzulayıram", - Lavrov qeyd edib.

Ənənə və texnologiyanın vəhdəti

Rusiya Müdafiə naziri Sergey Şoyqu “Rossiya Segodnya” və “RİA Novosti” agentliyinin kollektivini quruluşunun 80 illiyi münasibətilə təbrik edərək agentliyin jurnalistlərinin Rusiyanın dünyada mövqelərinin möhkəmlənməsində rolunu vurğulayıb.

"Əfsanəvi "Sovinformbüro"nun qanuni varisi olan agentlik dövlətimizin beynəlxalq aləmdəki mövqeyini davamlı olaraq möhkəmləndirir", - təbrik teleqramında deyilir.

Nazir qeyd edib ki, peşəkar ənənələrin və müasir media texnologiyalarının vəhdəti jurnalist kollektivinin qlobal informasiya bazarında liderliyini qoruyub saxlamağa, Rusiyada və xaricdə baş verən hadisələr barədə dəqiq və obyektiv məlumat mənbəyi olaraq qalmasına imkan verir.

Şoyqu "Rossiya Segodnya" xəbər agentliyinin zamanla ayaqlaşmağa davam edəcəyinə və işinin ən yüksək jurnalistika standartlarına cavab verəcəyinə inandığını bildirib.

"Sizi bayram münasibətilə ürəkdən təbrik edirəm. Səmimi qəlbdən sizə ilham, firavanlıq və yaradıcılıq uğurları arzulayıram", - deyib.

"Rossiya Seqodnya" BİA

"Sovinformbüro" 24 iyun 1941-ci ildə SSRİ-də və digər anti-faşist yönümlü ölkələrdə təbliğat, izahat işləri aparmaq üçün hazırlanmış bir qurum olaraq yaradılıb. Xüsusilə Sovet-Alman cəbhəsində baş verən hadisələr və Sovet arxa cəbhəsinin işləri haqqında xarici ölkələrin ictimaiyyətini məlumatlandırırdı. "Novosti", RİA Novosti, "Rossiya Seqodnya" BİA kimi nəhəng beynəlxalq xəbər agentliklərinin tarixi məhz "Sovinformbüro" ilə başlayıb.

"Rossiya Seqodnya" BİA beynəlxalq auditoriya üçün Rusiyanın ən böyük informasiya təminatçısıdır. Rusiya xaricində media qrupu beynəlxalq xəbər agentliyi və Sputnik radiosu ilə təmsil olunur. "Rossiya Seqodnya" BİA Rusiya mediası arasında sitat (istinad) baxımından liderdir və xaricdəki markalarının istinadlarını artırır. Agentlik, eyni zamanda, Rusiya sosial şəbəkələrində və bloq mühitində istinadlar baxımından lider mövqedədir.

 

514
Bakubus avtobusu, arxiv şəkli

"BakuBus"ın avtobusu qəzaya düşdü - FOTO

0
Hadisə zamanı ölən olmasa da, bir neçə nəfər xəsarət alıb. Qəza Neftçilər prospektində "Dəniz Mall"ın yanında baş verib.

BAKI, 24 iyun — Sputnik. Bakıda sərnişin avtobusu qəzaya uğrayıb. Sputnik Azərbaycan-ın məlumatına görə, qəza Əl Oyunları İdman Sarayının qarşısında baş verib. Əldə etdiyimiz məlumata görə, hadisə zamanı iki avtobus toqquşub. 5 saylı avtobus yararsız vəziyyətə düşüb.

Hadisə zamanı ölən olmasa da, bir neçə nəfər xəsarət alıb. Qəza Neftçilər prospektində "Dəniz Mall"ın yanında baş verib. Bakı Nəqliyyat Agentliyindən (BNA) Sputnik Azərbaycan-a verilən məlumata görə, hazırda hadisəylə bağlı araşdırma aparılır, əlavə məlumat veriləcək.

Qeyd edək ki, iyunun 17-də daha bir Bakubus-a aid 3 nömrəli xətt üzrə dövlət qeydiyyat nişanı 99 JU 864 olan avtobusun iştirakı İnşaatçılar prospektində yol nəqliyyat hadisəsi baş vermişdi. Hadisə zamanı xəsarət alan və ölüm halı qeydə alınmamışdı.

Eləcə də oxuyun:

  • Yeni çəkilmiş bu yolda qəzaları dəqiqələr ayırır

  •  "Mercedes" markalı yük avtomobili bir bölgənin qaz xəttini sıradan çıxardı

0