İsrailin Qəzza zolağına aviazərbələri

"Həmas"ın raketlərinin 300-ə qədəri Qəzzaya düşüb, beş minədək mülki şəxs həlak olub

47
(Yenilənib 23:50 12.05.2021)
Conatan Konrikus: “Bizim məqsədimiz odur ki, döyüşdə minimum dərəcədə tələfat və yaralı olsun. Ancaq bizim düşmənimiz, "Həmas" bunun tam əksini edir, maksimum dərəcədə mülki tələfata səbəb olmaq üçün mülki insanları hədəf alır.

BAKI, 12 may - Sputnik. İsrailin Müdafiə Qüvvələri və Xarici İşlər Nazirliyi xarici jurnalistlər üçün birgə mətbuat konfransı keçirib.

Sputnik Azərbaycan APA-ya istinadla xəbər verir ki, İsrail Müdafiə Qüvvələrinin sözçüsü Conatan Konrikus əməliyyatlarının əsasında Qəzzadan atılan kütləvi raket bombardımanına qarşı mülki vətəndaşları qorumaq, müdafiə etmək dayandığını bildirib:

"Son 45 saat ərzində Qəzza ərazisindən 1050 raket İsrail ərazisi istiqamətində atılıb. Bu raketlərin 250-300-ü İsrail sərhədini keçməyib və Qəzza ərazisinə düşüb ki, bu da fələstinli mülki əhali arasında tələfata səbəb olub. "Həmas" və "İslamçı Cihad" özlərinin səbəb olduğu mülki fələstinli ölümlərinə görə də İsraili günahlandırır".

Konrikus əlavə edib ki, “Dəmir Gümbəz” havadan müdafiə sistemi müxtəlif istiqamətlərdən İsrail ərazisinə atılan müxtəlif ölçülü raketlərə görə davamlı təzyiq altında olsa da, uğurla işləyir: “Bu sistem hər dəqiqə çox insanın həyatını xilas edir və 90 faizdən çox dəqiqliklə işləyir. Biz çox şanslıyıq ki, belə bir sistemə malikik”.

“İndiyə qədər bizim 5 mülki itkimiz var. Bu itkilər mərkəzi və cənubi İsrail ərazisində qeydə alınıb. Təəssüflə qeyd edim ki, bizim həm də hərbi itkimiz var, atılan tank əleyhinə raket nəticəsində 1 hərbçimiz həlak olub, 2 hərbçimiz yaralanıb.

Biz əməliyyatlarımızda çox diqqətliyik və maksimum şəkildə çalışırıq ki, mülki itkilər olmasın, mülki infrastruktura ziyan dəyməsin. Amma onu da başa düşmək lazımdır ki, bu, çox çətindir, çünki "Həmas" və "İslamçı Cihad" öz hərbi infrastrukturunu və hücum nöqtələrini mülki obyektlər, mülki vətəndaşların yaşadığı ərazidə gizlədib. Bütün bunlara rəğmən biz beynəlxalq hüququn prinsiplərinə əməl edirik, biz humanist dəyərlərə sadiqik və buna görə də əməliyyatlardan əvvəl tamamilə əmin oluruq ki, hədəflər hərbi obyektlərdir və bununla bağlı kəşfiyyatımız tərəfindən əldə olunan faktlar var. Hücumlardan öncə vətəndaşlara müraciət edirik ki, müvafiq hədəf olan yerlərdən uzaq olsunlar”, - deyə İsrail Müdafi Qüvvələrinin sözçüsü vurğulayıb.

O bildirib ki, son önəmli iki hədəf vurularkən heç bir mülki itkisi olmayıb:

“Bizim məqsədimiz odur ki, döyüşdə minimum dərəcədə tələfat və yaralı olsun. Ancaq bizim düşmənimiz, "Həmas" bunun tam əksini edir, maksimum dərəcədə mülki tələfata səbəb olmaq üçün mülki insanları hədəf alır.

Son 45 saat ərzində "Həmas"ın, "İslamçı Cihad"ın 25 terrorçusunu neytrallaşdırmışıq, onların bəziləri hərbi rəhbər şəxslərdir. "Həmas"ın 5 terrorçusunu isə tuneldə zərərsizləşdirmişik. Beləliklə indiyə qədər 30 terrorçu zərərsizləşdirmişik.

Biz öz vətəndaşlarımızı qorumaq üçün əməliyyatı davam etdirəcəyik, Qəzzadakı hərbi obyektləri neytrallaşdırmaq üçün təlimatlandırılmışıq".

İsrail XİN sözçüsü Lior Haiat qeyd edib ki, hazırda İsrail ərazisində milyonlarla mülki vətəndaş "Həmas" tərəfindən planlaşdırılmış və kordinasiya olunan terror hücumu altındadır: “Dünyanın heç bir ölkəsi bu cür terror hücumlarını, suverenliyə qarşı aqressiyanı qəbul etməz. Buna görə də İsrailin özünü müdafiə hüququ var. Öz vətəndaşlarımızı müdafiə etmək üçün bütün bunlara cavab verəcəyik. Bizim hədəfimiz terrorçular və onların terror məqsədi ilə istifadə etdikləri infrastrukturdur.

Haiat diqqətə çatdırıb ki, terrorçular xüsusi şəkildə və dəqiq yolla hədəfə alınır: ““Həmas" ABŞ-da, Avropa İttifaqında və digər ölkələrdə terrorçu təşkilat kimi tanınır. Bu təşkilat minlərlə israilli və fələstinlini öldürdüyün görə, onların həyatlarını təhlükəyə atdığına görə məsuliyyət daşıyır. "Həmas"ın ideologiyası dünyanın hər yerində, sadəcə, yəhudi olduğuna görə insanları öldürməkdir. O, sadəcə terror təşkilatı deyil, həm də anti-semitizmi dəstəkləyir. "Həmas" son 48 saatdır ki, müharibə cinayəti törətməklə məşğuldur, bu təşkilat həm mülki yəhudiləri hədəf alır, həm də Qəzzanın mülki əhalisini öldürür. Qəzza ərazisindən atılan hər raket həm cinayətdir, həm də terror aktı”.

İsrail XİN sözçüsü əlavə edib ki, gərginlik yaranandan bəri "Həmas" mindən çox raket atıb: “Onlar öz insanlarını, mülki vətəndaşları canlı qalxan kimi istifadə edir, bu isə mülki tələfata səbəb olur. "Həmas" tərəfindən atılan raketlərdən təxminən 250-300-ü əslində Qəzza ərazisinə düşüb. "Həmas" və fələstinlilər arasında problemlərə görə, yəni daxili siyasi problemlərə görə bu münaqişəni başladıb. "Həmas" özünü Yerusəlimin qoruyucusu kimi göstərmək istəyir. "Həmas" Fələstin rəhbərliyi ilə "sıfır-cəm oyunu" (zero-sum game) oyanamaq istəyir və Fələstin rəhbərliyinin liderliyini zədələmək istəyir. Və bütün bu addımlar bütün regionda qeyri-stabilliyə səbəb ola bilər. Əgər "Həmas" Fələstin xalqı üzərində liderliyi ələ almağa nail olarsa, bu indiyə qədər nail olunan regiondakı sabitliyə və İsraillə Fələstin arasında münaqişənin həlli üçün bütün imkanlara təhdid yaradacaq”.

47
Nikol Paşinyan, arxiv şəkli

Paşinyan Azərbaycanın ərazi bütövlüyünü tanımaqla bağlı sənədi imzalayacaq

3927
(Yenilənib 14:25 23.06.2021)
Ermənistan Silahlı Qüvvələrinin Baş Qərargah rəisi Artak Davtyan bəzi məsələlərlə bağlı Azərbaycanla danışıqlar apardıqlarını təsdiqləyib.

BAKI, 23 iyun — Sputnik. Yaxın vaxtlarda Ermənistan və Rusiya arasında Rusiya sülhməramlılarının Basarkeçərdə (Geğarkunik) Zod-Xəzinavar ərazisində yerləşdirilməsinə dair razılıq əldə olunacaq. Bundan sonra Ermənistan hərbçiləri ön xətdən geri çəkiləcək. Sputnik Azərbaycan xəbər verir ki, bu barədə məlumatı Ermənistanın "Qraparak" nəşri məlumat yayıb.

Nəşr qeyd edir ki, danışıqların aparılması barədə faktı Ermənistan Silahlı Qüvvələrinin Baş Qərargah rəisi Artak Davtyan da təsdiqləyib: "Azərbaycan tərəfi buna öz razılığını veribmi?" sualına cavab olaraq Davtyan bildirib: "Biz öz ərazimizlə bağlı Azərbaycandan heç nə soruşmamalıyıq. Lakin bəzi məsələlərlə bağlı onlarla da danışıqlar aparılır. Ehtiyac olduqda biz Rusiya ilə əməkdaşlıq edirik".

Nəşr, həmçinin iddia edib ki, Nikol Paşinyan yəqin ki, sentyabrda faktiki olaraq Azərbaycanın ərazi bütövlüyünü tanıyacaq müqaviləni imzalayacaq.

Xatırladaq ki, mayın 27-də Ermənistan-Azərbaycan dövlət sərhədinin Kəlbəcər rayonu sahəsində Ermənistan silahlı qüvvələrinin kəşfiyyat-diversiya qruplarının fəaliyyəti ilə bağlı daxil olan əməliyyat məlumatına əsasən diversiya qrupları saat 03:00 radələrində dövlət sərhədimizi keçib və ərazilərimizin daxilində minalama işlərini və digər təxribat əməllərini aparmağa cəhd göstərib. İlkin məlumata görə, qarşı tərəfin iki kəşfiyyat-diversiya qrupu dövlət sərhədimizi iki istiqamətdə keçib. Qrupların biri 9, digəri isə 15 hərbi qulluqçudan ibarət olub. Kəşfiyyat-diversiya qruplarının hərəkəti nəzarətə götürülüb. Ərazimizdəki təminat və digər keçid yollarında minalama fəaliyyəti həyata keçirərkən Azərbaycan Ordusunun bölmələri tərəfindən düşmənin hər iki qrupuna qarşı dərhal əməliyyat tədbirləri görülüb.

Nəticədə düşmənin birinci kəşfiyyat-diversiya qrupundan 1-i zabit olmaqla 4, digərindən isə 2 hərbi qulluqçu, ümumilikdə 6 nəfər tərk-silah edilərək saxlanılıb. Kəşfiyyat-diversiya qrupunun saxlanıldığı ərazinin coğrafi koordinatları: 40 dərəcə 09 dəqiqə 06 saniyə şimal enliyi, 45 dərəcə 58 dəqiqə 07 saniyə şərq uzunluğu (N 40°09′06″; E 45°58′07″).

Digər erməni hərbi qulluqçuları ərazimizi dərhal tərk edərək geriyə çəkiliblər.

3927
Xorvatiya-Şotlandiya matçında oyun məqamı

Xorvatiya millisi şotlandiyalılara qalib gələrək AVRO-2020 pley-off mərhələsinə çıxdı

316
(Yenilənib 01:35 23.06.2021)
Futbol üzrə Xorvatiya yığma komandası Şotlandiya millisi üzərində Avropa çempionatının qrup mərhələsində qələbə çalaraq 1/8 final mərhələsinə yüksəlib.

"D" qrupunun son turunda Qlazqoda keçirilən qarşılaşma 3:1 hesabı ilə xorvatların xeyrinə başa çatıb. Qalib komandanın heyətində qolları Moskvanın MOİK komandasının oyunçusu Nikola Vlaşiç (17-ci dəqiqə), Luka Modriç (62) və İvan Pereşiç (77) vurublar.

Şotlandiyalıların heyətində Kallum Makqreqor rəqib komandanın qapısına yol tapıb (42).

Stadionda oyuna 9896 azarkeş tamaşa edib.

"D" qrupunun digər oyununda Londonda İngiltərə-Çexiya oyunu 1:0 hesabı ilə ingilislərin xeyrinə başa çatıb.

Beləliklə, İngiltərə yığması 7 xalla qrupun lideri olaraq çempionatın 1/8 finalına yüksəlib. Pley-off mərhələsində onun rəqibi "F" qrupunda ikinci yeri tutmuş komanda olacaq.

Xorvatiya millisi 4 xalla öz qrupunda ikinci yerdə qərarlaşıb və 1/8 finalda "E" qrupunda ikinci yeri tutmuş komanda ilə üz-üzə gələcək.

Çexiya millisi son oyunda məğlubiyyətə baxmayaraq qrupda üçüncü yerdən pley-off mərhələsinə adlaya bilib.

Qrupun autsayderi olan Şotlandiya millisi isə üç turda 1 xal toplayaraq turnirdə çıxışlarını başa vurub.

İngiltərə, Xorvatiya və Çexiya komandalarının 1/8 finaldakı rəqibləri çərşənbə günü müəyyən olunacaq.

316
Футболисты сборной Швеции

İsveç millisi Polşa yığmasına qalib gələrək AVRO-2020 pley-off mərhələsinə çıxıb

0
(Yenilənib 22:15 23.06.2021)
İsveçlilər "E" qrupunda İspaniya, Polşa və Slovakiya komandalarını geridə qoyaraq birinci yeri tutublar.

Futbol üzrə İsveç milli komandası Polşa millsini məğlub edərək Avropa çempionatının qrup mərhələsində "E" qrupunda birinci yeri tutub.

Sankt-Peterburqda keçirilən qarşılaşma 3:2 hesabı ilə skandinaviyalıların xeyrinə başa çatıb.

İsveç komandasında qolları Emil Forsberq (2 və 59-cu dəqiqələrdə) və Biktor Klasson (90+4) vurublar. Polşa komandasında isə Robert Levandovski rəqib qapısının torunu iki dəfə silkələyib (61,84).

Stadionda oyuna 14252 azarkeş tamaşa edib.

Beləliklə, İsveç millisi qrupda 7 xal toplayaraq birinci yerdən 1/8 finala çıxıb. Hesabında 1 xal olan Polşa yığması isə qrupda son yerdə qərarlaşaraq turnirdə çıxışlarını başa vurub.

0