Gürcüstanda etiraz aksiyaları

Saakaşvilinin partiyasından olan müxalifətçi azad edildi

5
(Yenilənib 18:01 10.05.2021)
Sənədin bəndlərindən biri aralarında Meliyanın da olduğu 2019-cu ilin yayındakı aksiya iştirakçılarının amnistiyasını nəzərdə tutur. Ancaq siyasətçi amnistiyanı qəbul etmək istəməyərək Avropa İttifaqının zəmanət pulunu ödəmək təklifilə razılaşdı.

BAKI, 10 may - Sputnik. Tbilisi şəhər məhkəməsi keçmiş prezident Mixeil Saakaşvilinin "Vahid Milli Hərəkat" partiyasının sədri Nikanor Meliyanı sərbəst buraxıb. 

Sputnik Azərbaycan bildirir ki, bu barədə "Rustavi-2" telekanalı məlumat yayıb. Meliyaya görə Avropa İttifaqı zamin duraraq, 40 min lari (təxminən 11,5 min ABŞ dolları) zamin pulu ödəyib.  

"Nikanor Meliya dərhal həbsdən azad olunmalıdır", - telekanal hakimin sözlərini sitat gətirib. 

Müxalifətçi Meliya 2019-cu ilin yayında Tbilisidə Rusiya əleyhinə aksiyalar zamanı ölkə parlamentinə hücumun təşkilində ittiham olunurdu. Həmin vaxt rusiyalı deputat Sergey Qavrilov Gürcüstana gəlmişdi. Əvvəlcə məhkəmə onu elektron bilərzik taxması şərtilə zaminə buraxmışdı, ancaq sonra müxalifətçi nümayişkaranə şəkildə o qolbağı çıxarıb atdı, buna görə də ona yenidən zəmanət təyin etdilər. 

Meliya zəmanət pulunu ödəməkdən imtina etdiyinə görə parlament onu toxunulmazlıqdan məhrum etdi, bununla da müxalifətçinin həbsinə imkan yaratdı. Fevralın 17-də məhkəmənin həbs qərarından sonra Meliya öz partiyasının ofisinə qapandı, partiyadaşları isə onu mühafizə edərək polisə verməyəcəklərini bəyan etdilər. 

Fevralın 18-də Gürcüstanın Baş naziri Georgi Qaxariya Meliya məsələsinə görə öz komandasında olan nazirlərlə yekdil qərara gələ bilmədiyindən istefa verdi. O, müxalifətçinin həbsinin onsuz da siyasi vəziyyətin gərgin olduğu ölkəsində eskalasiya yaradacağından ehtiyat edirdi. Baş nazirin istefasından sonra Gürcüstan DİN Meliyanın həbsini dayandırdı. Qaxariyanın yerini İrakli Qaribaşvili tutdu, o, hakimiyyətə gələn kimi Meliyanın həbs olunması prosesi yeniləndi, xüsusi təyinatlılar partiya binasına daxil olaraq bibər qazı istifadə edib müxalifətçini apardılar. Bundan sonra Meliyanın tərəfdarları etiraz aksiyalarına başladılar. 

Bir qədər əvvəl Gürcüstan hökuməti ilə müxalifət siyasi böhrandan çıxmaq yönündə razılaşma imzalayıblar. Sənədin bəndlərindən biri aralarında Meliyanın da olduğu 2019-cu ilin yayındakı aksiya iştirakçılarının amnistiyasını nəzərdə tutur. Ancaq siyasətçi amnistiyanı qəbul etmək istəməyərək Avropa İttifaqının zəmanət pulunu ödəmək təklifilə razılaşdı.

Eləcə də oxuyun: 

* Gürcüstanda ara qarışdı – Müxalifət lideri kabinetində həbs edildi

Baş nazirin səs yazısı Gürcüstanı ayağa qaldırdı: Müxalifət istefa tələb edir

* Gürcüstan çalxalanır: "Gürcü arzusu" məlum səs yazısı məsələsinə aydınlıq gətirdi

Tbilisini yenidən mitinq dalğası bürüdü: Gecəni küçədə keçirəcəklər

 

5
Teqlər:
partiya, Mixeil Saakaşvili, azadlıq, lider, müxalifət, Gürcüstan
Kinoteatrda tamaşaçı, arxiv şəkli

Avropa filmləri festivalı fərqli formatda başlayıb

94
(Yenilənib 23:27 14.06.2021)
Festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

BAKI, 14 iyun — Sputnik. Avropa İttifaqının Azərbaycandakı nümayəndə heyətinin Aİ üzv ölkələri səfirliklərilə birgə təşkil etdiyi Avropa filmlərinin ilk onlayn festivalı iyunun 14-dən 29-dək keçiriləcək.

Sputnik Azərbaycan xəbər verir ki, tədbir çərçivəsində Aİ üzvü 13 ölkənin istehsalı olan 10 film nümayiş etdiriləcək. Bunlar Almaniya, Belçika, Çex Respublikası, Finlandiya, Fransa, İspaniya, Latviya, Litva, Lüksemburq, Macarıstan, Polşa, Rumıniya, Yunanıstandır. Filmlərin çoxu bir neçə ölkənin birgə istehsalıdır.

Festivalın açılış mərasimi onlayn formatda keçirilərək Aİ-nin Azərbaycandakı səfiri Kestutis Yankauskasın nitqilə başlayıb. 2010-cu ildən bu yana hər il keçirdikləri festival çərçivəsində Azərbaycanda artıq 148 film nümayiş etdirildiyini deyən diplomat daha sonra bildirib:

"Bu il festivalımızın ilk dəfə onlayn formatda keçirilməsi Avropa filmlərini həm Bakıda, həm də bütün ölkə boyu azərbaycanlı tamaşaçılara daha da yaxınlaşdıracaq. Film hekayə nəql etmək, hissləri çatdırmaq, fikirlər doğurmaq iqtidarındadır. Biz də bu festival vasitəsilə Avropa mədəniyyətini daha yaxşı tanıtdırmaq, Azərbaycan və Avropa İttifaqı xalqları arasında mədəni anlaşmaya təkan vermək ümidindəyik".

Qeyd edək ki, festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

94
Sputnik V vaksini, arxiv şəkli

Rusiya istehsalı olan "Sputnik V"-nin ilk partiyası Türkiyəyə çatdırılıb

34
Bununla da Çin istehsalı “Sinovac”, Almaniya istehsalı “Biontex” peyvəndindən sonra “Sputnik V” vaksini Türkiyədə kütləvi tətbiq ediləcək üçüncü vaksin olacaq.

BAKI, 14 iyun - Sputnik. Yeni növ koronavirus (COVID-19) infeksiyasına qarşı Rusiya istehsalı “Sputnik V” peyvəndinin ilk partiyası bu gün Türkiyəyə çatdırılıb.

Sputnik Türkiyə xəbər verir ki, “Sputnik V” peyvəndinin ilk partiyasını daşıyan təyyarə Ankara Esenboğa hava limanına enib.

Bununla da Çin istehsalı “Sinovac”, Almaniya istehsalı “Biontex” peyvəndindən sonra “Sputnik V” vaksini Türkiyədə kütləvi tətbiq ediləcək üçüncü vaksin olacaq.

Qeyd edək ki, Türkiyənin səhiyyə naziri Fəxrəddin Qoca iyun ayının sonunadək Türkiyəyə 30 milyon doza “Sputnik V”nin idxal ediləcəyini bildirib. O, hələ aprel ayında Türkiyənin 6 ay ərzində 50 milyon doza "Sputnik V" alacağını demişdi. 

 “Sputnik V”nin Türkiyədə istehsalı üçün də iki ölkə arasında müqavilə imzalanıb.

Türkiyədən Rusiyaya təşəkkür 

Türkiyə səhiyyə naziri Fahrettin Koca may ayında koronavirusla mübarizədə dəstək üçün Rusiyaya təşəkkür edib.

"Rusiyanın "Sputnik V" vaksini hazırlanmağa başlayandan bəri biz onun tədarükü üçün əlaqə qurmuşuq. İndi bu vaksinin tədarükü üçün razılaşma imzalanıb. Mən bu razılaşmaya görə Rusiya hökumətinə təşəkkürümü bildirirəm", - Koca jurnalistlərə deyib. 

O əlavə edib ki, Türkiyə müxtəlif koronavirus vaksinlərindən 270 milyon doza sifariş verib, bu isə ölkə əhalisinin sayından üç dəfə çoxdur. 

Sputnik V vaksini

Fevralın 2-si "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib.

Kliniki sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib.

Həm peyvənd, həm də plasebo vurulmuş 19866 könüllünün analiz təhlilləri göstərir ki, hər iki dozadan sonra peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Tədqiqatın vacib bir hissəsi də 60 yaşdan yuxarı könüllülərin sınaqlarda iştirakı ilə bağlı idi (peyvənd qrupunda ən yaşlı iştirakçının 87, plasebo qrupunda isə 84 yaşı olub). Yaşlılar üçün təhlükəsizlik göstəriciləri yüksək olub. 60 yaşdan yuxarı 2144 könüllü üçün effektivlik 91,8% təşkil edib ki, bu da 18-60 yaş arası könüllülər qrupunda əldə edilən məlumatlardan statistik olaraq fərqlənmir.

Qeyd edək ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib hazırlanıb. Bu, dünyada COVID-19-un profilaktikası üçün ilk qeydiyyata alınmış preparatdır.

34
Нападающий сборной Швеции Александер Исак

AVRO-2020: Çempionatın ilk qolsuz heç-heçəsi qeydə alındı

0
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

0