Kosmos, arxiv şəkli

ABŞ kosmosu döyüş meydanı elan edib

144
(Yenilənib 00:21 02.05.2021)
2020-ci il ərzində ABŞ hərbi hava qüvvələri Rusiya hava-kosmik qüvvələrinin 60-dan çox təyyarəsinin qadağan olunmuş ərazi üzərində uçmaq cəhdlərinin qarşısını alıblar.

BAKI, 2 may — Sputnik. ABŞ kosmik qüvvələrinin komandanı, general Con Reymond kosmosu döyüş əməliyyatları meydanı elan edərək Rusiya və Çinin Amerika peyklərini vurmağa qadir olan silahlara malik olduğunu bildirib. Sputnik Azərbaycan Rusiya mediasına istinadən xəbər verir ki, general kosmik qüvvələrin məqsədinin münaqişəni "başlamaq və kosmosa yaymaq deyil", onun qarşısının almaq olduğunu söyləyib.

"Aydındır ki, kosmos da hava, dəniz və Yer kimi döyüş meydanıdır. Bu, son bir neçə ildə həqiqətən həyata keçirilən işlərdir. Belə ki, bizim üçün daimi təhlükə mənbəyi olan Çin də, Rusiya da bizim peyklərin işini poza və ya onları məhv edə biləcək silahlar işləyib hazırlayıblar", - deyə Reymond The Washington Post qəzetinə müsahibəsində bildirib.

General həmçinin Birləşmiş Ştatların kosmosda "dispetçer" rolunu oynayaraq peyklər və digər obyektlərdə fəlakətlərin qarşısının alınması üçün orada hərəkətə nəzarət etmək niyyətində olduğunu dilə gətirib.

Xatırladaq ki, bir qədər əvvəl ABŞ hərbi hava qüvvələri Rusiyanın Arktikada fəallığının artmasından narahatlığını ifadə edib. Məlumatda deyilirdi ki, 2020-ci il ərzində ABŞ hərbi hava qüvvələri Rusiya hava-kosmik qüvvələrinin 60-dan çox təyyarəsinin qadağan olunmuş ərazi üzərində uçmaq cəhdlərinin qarşısını alıblar.

144
Teqlər:
silah, peyk, Rusiya, ABŞ
Cilberto Malvestuto, arxiv şəkli

İtaliyalı veteran alman əsgərlərinin yalançı dəfn mərasimindən danışıb

2
(Yenilənib 18:22 09.05.2021)
Malvestuto İtaliya Müqavimətinin hərbi bölməsi olan məşhur Mayella briqadasının sağ qalan son zabitidir.

BAKI, 9 may — Sputnik. İtaliya Müqavimət hərəkatının iştirakçısı Cilberto Malvestuto İkinci Dünya müharibəsi ilə bağlı xatirələrini bölüşüb. Sputnik Azərbaycan "RİA Novosti" agentliyinə istinadən xəbər verir ki, veteranın yaddaşına möhkəm həkk olmuş epizodlardan biri alman əsgərlərinin yalançı dəfn mərasimi ilə bağlıdır.

Həmin vaxt alman hərbçiləri müəyyən vaxt ərzində əllərində xaç tutaraq guya döyüş yoldaşlarının dəfni səhnəsini oynayıblar.

"Səhəri gün isə həmin ərazidən bizə artilleriyadan atəş açıldı. Biz başa düşdük ki. Bunların hamısı aldadıcı oyun imiş. Almanlar həmin fəndi bir daha işlətmək istədikdə mən atəş açmaq əmrini verdim, onlar hərəsi bir tərəfə qaçdı. Onların atıb qaçdığı arabada mərmilər var idi. Ölənlər oldu, mən müharibənin nə olduğunu elə həmin vaxt başa düşdüm", — deyə Malvestuto bildirib.

Bundan əlavə, italiyalı veteran özünü vətəni qarşısında borcunu yerinə yetirmiş hesab etdiyini və gənclərin "bir-birinə qardaş kimi münasibət bəsləməsini" istədiyini deyib.

Qeyd edək ki, aprel ayında Malvestutonun 100 yaşı tamam olub. Veteran doğulduğu Sulmona şəhərindəki ahıl insanlara qulluq müəssisəsində yaşayır. Malvestuto İtaliya Müqavimətinin hərbi bölməsi olan məşhur Mayella briqadasının sağ qalan son zabitidir.

2
Kosmik aparat,a rxiv şəkli

Çinin kosmik raketinin qırıntılarının düşdüyü yer açıqlanıb

29
(Yenilənib 11:28 09.05.2021)
Qeyd edək ki, CZ-5B raket daşıyıcısı Çin Xalq Respublikasının "Tianhe" baza modulunu orbital stansiyaya çatdırmışdı.

BAKI, 9 may — Sputnik. Çinin nəzarətdən çıxan “Long March 5B” kosmik raketinin qırıntıları Hind okeanındakı Maldiv adaları yaxınlığına düşüb.

RİA Novosti xəbər verir ki, raket daşıyıcısının hissəsi bu gün səhər saatlarında orbitdən endirilib. Bu barədə Çin Kosmik Mühəndisliyi Ofisinin açıqlamasında bildirilib.

Qeyd edək ki, CZ-5B raket daşıyıcısı Çinin "Tianhe" baza modulunu orbital stansiyaya çatdırmışdı.

29