Qırğızıstanlı hərbçilər, arxiv şəkli

Sərhəd davasında xəsarət alanların sayı artdı, ölənlərdən biri uşaqdır

16
(Yenilənib 23:28 29.04.2021)
Atışma zamanı iki nəfər həlak ölüb, 2008-ci il təvəllüdlü qız isə xəstəxanaya çatdırılanadək yolda keçinib.

BAKI, 29 aprel - Sputnik. Tacikistanla sərhəddə insident səbəbindən xəsarət alanların sayı 84-ə çatıb.

Sputnik Azərbaycan bildirir ki, bu barədə RİA Novosti-yə Qırğızıstanın Səhiyyə Nazirliyindən bildirilib.

Atışma zamanı iki nəfər həlak ölüb, 2008-ci il təvəllüdlü qız isə xəstəxanaya çatdırılanadək yolda keçinib.

Sərhədin Batken rayonunda gərginlik çərşənbə günü başlayıb. Tacikistan tərəfindən olan nümayəndələr işıq xətlərinin dirəklərinə videomüşahidə kameraları quraşdırmaq istəyiblər. Bu, Qırğızıstan vətəndaşlarının xoşuna gəlməyib və onlar dirəyi mişarlamağa başlayıblar. Bundan sonra tərəflər bir-birinə daş atmağa başlayıblar.

Cümə axşamına keçən gecə vəziyyət pisləşib və atışma başlayıb. Nəticədə Tacikistanın iki vətəndaşı ağır yaralanıb, Qırğızıstan tərəfdən 1 nəfər həlak olub, 16 nəfər yaralanıb. 

Bir qədər sonra Qırğızıstanın Milli Təhlükəsizlik üzrə Dövlət Komitəsi sərhəddə iki ölkənin döyüş bölmələrinin atışdığını bildirərək, tacik tərəfini minaatan bölmələri ərazidə yerləşdirməkdə günahlandırıb.

Tacikistanın İsfara şəhərinin meriyası məlumat yayıb ki, şəhər meri Qırğızıstanla sərhəddə çiynindən güllə yarası alıb. Meriyanın digər məlumatına görə, insident nəticəsində üç Tacikistan vətəndaşı həlak olub, 31-i isə yaralanıb.

Bir neçə saat əvvəl Qırğızıstan və Tacikistan xarici işlər nazirləri atəşkəs barədə razılığa gəldiklərini bəyan ediblər.

Qazaxıstan Prezidenti isə Qırğızıstanla Tacikistan arasında qarşılıqlı etimadın bərpa olunması üçün kömək etməyə hazır olduğunu bəyan edib.

Qırğızıstanla Tacikistan arasındakı dövlət sərhədində müntəzəmn olaraq yerli saklinlər və iki ölkə sərhədçiləri arasında gərginlik qeydə alınır. Buna səbəb isə limitasiyanın aparılmadığı sahələrin olmasıdır.

16
Teqlər:
münaqişə, sərhəd, Tacikistan, Qırğızıstan
Kosmik aparat,a rxiv şəkli

Çinin kosmik raketinin qırıntılarının düşdüyü yer açıqlanıb

28
(Yenilənib 11:28 09.05.2021)
Qeyd edək ki, CZ-5B raket daşıyıcısı Çin Xalq Respublikasının "Tianhe" baza modulunu orbital stansiyaya çatdırmışdı.

BAKI, 9 may — Sputnik. Çinin nəzarətdən çıxan “Long March 5B” kosmik raketinin qırıntıları Hind okeanındakı Maldiv adaları yaxınlığına düşüb.

RİA Novosti xəbər verir ki, raket daşıyıcısının hissəsi bu gün səhər saatlarında orbitdən endirilib. Bu barədə Çin Kosmik Mühəndisliyi Ofisinin açıqlamasında bildirilib.

Qeyd edək ki, CZ-5B raket daşıyıcısı Çinin "Tianhe" baza modulunu orbital stansiyaya çatdırmışdı.

28

Moskvada Qələbə Günü: parad xatirələrə köçmüş yerlərdən video

399
(Yenilənib 12:43 09.05.2021)
Moskvanın Qızıl Meydanında ənənəvi hərbi Qələbə paradı keçirilib. Bu möhtəşəm hadisənin videosunu izləyin.

Bu il dünya Böyük Vətən müharibəsindəki qələbənin 76-cı ildönümünü qeyd edir. Ənənəyə uyğun olaraq Moskvada Qızıl meydanda Qələbə paradı keçirilib.

Şəxsi heyətin və zirehli texnikanın sayına görə bu parad ötənilki yubiley tədbirindən kiçik olub. Ötən il meydandan 14 min  hərbçi keçmişdisə, bu il onların sayı 12,5 min olub. Keçən il tədbirdə 200-dən artıq hərbi maşın iştirak etmişdi, bu il onların sayı 190 olub.

Moskvanın üzərindən 76 təyyarə və helikopter uçub. Bütün detallarla bizim videoda tanış ola bilərsiniz. 

399

Bu gün 25 mindən çox insan vaksin vurdurub

0
Birinci mərhələ üzrə peyvənd olunanların ümumi sayı 1 005 678, ikinci mərhələ üzrə vaksinasiya edilənlərin sayı 681 719 nəfər təşkil edir.

BAKI, 9 may - Sputnik. Azərbaycanda bu gün 25 625 nəfər vaksinasiya olunub.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Qeyd olunub ki, gün ərzində birinci mərhələ üzrə vaksinasiya olunanların sayı 3 710, ikinci mərhələ üzrə vaksinasiya olunanların sayı 21 915 nəfər təşkil edib.

Azərbaycanda bu günə qədər vurulan vaksinlərin ümumi sayı 1 687 397, birinci mərhələ üzrə peyvənd olunanların ümumi sayı 1 005 678, ikinci mərhələ üzrə vaksinasiya edilənlərin sayı 681 719 nəfər təşkil edir.

0