Time jurnalı, arxiv şəkli

"Time" dünyanın ən nüfuzlu 100 şirkətinin adını açıqlayıb

19
(Yenilənib 22:28 28.04.2021)
"Dağıdıcılar" adlı kateqoriyasında isə ekspertlər ilk yeri "İllumina" şirkətinə veriblər. Bura həmçinin "Tesla" avtomobil istehsalçısı, qısamüddətli yaşayış yeri kirayəsi servisi "Airbnb", "Clubhouse" sosial şəbəkəsi və "OnlyFans" servisi də daxildir.

BAKI, 28 aprel — Sputnik. "Time" məcmuəsi dünyanın ən nüfuzlu şirkətlərinin siyahısını açıqlayıb. Sputnik Azərbaycan Rusiya mediasına istinadən xəbər verir ki, redaksiya işçilərinin və ekspertlərin tərtib etdiyi siyahıya adları daxil edilmiş şirkətlər beş kateqoriyaya bölünüb: "İlkə imza atanlar", "Liderlər", "İnnovatorlar", "Nəhənglər", "Dağıdıcılar".

"İlkə imza atanlar" içərisində birinci yerdə amerikalı aktrisa və prodüser Riz Uizerspunun yaratdığı "Hello Sunshine" şirkəti gəlir. Daha sonra bu kateqoriyaya müğənni Rihannanın "Savage X Fenty" alt paltarı şirkəti və Kanadanın kannabis üzərində ixtisaslaşan "Tilray" əczaçılıq şirkəti də daxil edilib.

"Liderlər" kateqoriyasına Milli Basketbol Assosiasiyası başçılıq edir. Bura həmçinin elektronika istehsalçıları olan "Apple" və "Sony", habelə idman paltarları istehsalçısı "Nike", "Twitter" sosial şəbəkəsi və "Mastercard" transmilli maliyyə korporasiyası da daxil edilib.

"İnnovatorlar" bölməsində birinci yeri ekspertlər "Gro Intelligence" analitik şirkətinə veriblər. Bundan əlavə, bu kateqoriyada "Moderna" biotexnoloji şirkəti, "Netflix" onlayn strimminq servisi, videokonfransların təşkili üçün "Zoom" proqramı, həmçinin "Spotify" musiqi servisi də yer alıb.

"Nəhənglər" kateqoriyasına isə avtomobil istehsalçısı "General Motors" başçılıq edir. Bu kateqoriyaya mütəxəssislər həmçinin "Facebook" sosial şəbəkəsini, "Disney" media konqlomeratını, "Google" transmilli korporasiyasını, "Microsoft" proqram təminatı istehsalçısını və "Amazon" qlobal onlayn ticarət meydançasını da daxil ediblər.

"Dağıdıcılar" adlı kateqoriyasında isə ekspertlər ilk yeri "İllumina" şirkətinə veriblər. Bura həmçinin "Tesla" avtomobil istehsalçısı, qısamüddətli yaşayış yeri kirayəsi servisi "Airbnb", "Clubhouse" sosial şəbəkəsi və "OnlyFans" servisi də daxildir.

Xatırladaq ki, "Forbes" jurnalının fevral ayında açıqlanmış reytinqində "Runet"in ən bahalı internet-şirkəti adına 22,98 milyard dollarla "Yandex" layiq görülüb. Qeyd edək ki, son bir il ərzində şirkətin dəyəri 57% artıb. Həmin kateqoriyada ikinci yeri 14,52 milyard dollarla "Wildberries", üçüncü yeri isə qiyməti 10,58 milyard dollar həcmində qiymətləndirilən "Ozon" tutur. İlk otuz şirkət arasında 1C, "Tenzor", "SKB Kontur" proqram təminatlarının mühəndisləri, həmçinin "Sitimobil" taksi aqreqatoru, "Aviasales" təyyarə bileti satışı servisi, habelə "Ivi", "Okko", "Megogo" onlayn kinoteatrları da var.

 

19
Taxt Oyunları serialından kadr, arxiv şəkli

"Taxt Oyunları" serialının prikvelindən ilk görüntülər paylaşılıb - FOTO

6
(Yenilənib 16:28 07.05.2021)
"House of the Dragon"un HBO telekanalında istehsalı barədə aprelin 27-də məlum olub. Serialın hadisələri "Game of Thrones" hadisələrindən 300 il əvvəli əhatə edib.

BAKI, 7 may — Sputnik. "Taxt Oyunları" serialının prikvelindən ilk görüntülər paylaşılıb. Sosial şəbəkələrdə "Game of Thrones" ("Taxt Oyunları") serialının prikveli olan "House of the Dragon"dan ("Əjdaha Evi") ilk görüntülər paylaşılıb.

Sputnik Azərbaycan xəbər verir ki, bununla bağlı foto layihənin "Twitter" hesabında dərc olunub.

Ümumilikdə üç şəkil paylaşılıb. Kadrlarda Reynira və Deymon Tarqarien, Korlis Velarion ("Dəniz ilanı"), həmçinin Alisenta və Otto Haytauerlər əks olunub.

Qeyd edək ki, "House of the Dragon"un HBO telekanalında istehsalı barədə aprelin 27-də məlum olub. Serialın hadisələri "Game of Thrones" hadisələrindən 300 il əvvəli əhatə edib. Serial həmçinin Tarqarienlər Evinin Vesterosda hakimiyyət dövrünü göstərəcək. Layihənin şourannerləri Rayan Kondal və Miqel Sapoçnikdir. O da vurğulanır ki, "Game of Thrones"un bəstəkarı Ramin Cavadi yeni serial üçün də musiqi yazacaq.

Amerikalı yazıçı Corc Martinin "Alov və qan" kitabı əsasında çəkilən serialın təqimatı 2022-ci ilə planlaşdırılıb.

6
ABŞ bayrağı, arxiv şəkli

ABŞ-ın son məktubu "F-35 məsələsində" Türkiyəni haqlı çıxardı

8
(Yenilənib 16:14 07.05.2021)
İsmayıl Dəmir: "Təyyarələrlə bağlı hüquqlarımızın tapdanmaması və problemin müttəfiqlik ruhuna zidd olmayan həlli yolunu tapmaq məqsədilə ABŞ-la F-35-lərlə əlaqədar dialoq prosesi başlayacaq".

BAKI, 7 may — Sputnik. ABŞ-ın son məktubu bizi haqlı çıxardı, Türkiyənin F-35 proqramından kənarlaşdırılmasının hüququ əsası yoxdur – bu fikri Türkiyənin müdafiə sənayesi naziri İsmail Dəmir səsləndirib.

Sputnik Azərbaycanın Türkiyənin NTV kanalına istinadla verdiyi xəbərə görə, Dəmir: "Bu məsələ ilə bağlı imzalanmış qarşılıqlı memoranduma əsasən, hər hansı bir tərəfdaşın proqramdan çıxarılması yalnız bütün tərəfdaşların yekdilliklə verilmiş qərarı əsasında mümkündür", - deyə bildirib.

O qeyd edib ki, bu baş vermədiyi təqdirdə ABŞ-ın "Türkiyəni proqramdan çıxartdım" açıqlamasının heç bir hüquqi əsası yoxdur.

Nazir: "Təyyarələrlə bağlı hüquqlarımızın tapdanmaması və problemin müttəfiqlik ruhuna zidd olmayan həlli yolunu tapmaq məqsədilə ABŞ-la F-35-lərlə əlaqədar dialoq prosesi başlayacaq", – deyib.

Qeyd edək ki, Amerika Birləşmiş Ştatları Rusiyadan S-400 zenit-raket kompleksi aldığına görə Türkiyənin F-35 qırıcılarının istehsalı proqramından çıxarılması barədə Ankaranı rəsmi şəkildə məlumatlandırıb. Məlumatda bildirilir ki, ABŞ 2007-ci ilin yanvarında imzalanmış F-35-lərin istehsalı üzrə birgə memorandumu ləğv edib.

Xatırladaq ki, bu memoranduma əsasən, Ankara öz üzərinə 100 ədəd F-35 tipli qırıcı almaq öhdəliyi götürmüşdü. Türkiyə, həmçinin F-35-lər üçün 1000-dən artıq komponentin istehsalında da iştirak edib.

8
Teqlər:
"F-35" qırıcı təyyarəsi, Türkiyə, ABŞ

Bir zamanlar Avropada delikates hesab edilən qulançar

0
(Yenilənib 17:08 07.05.2021)
Qazax rayon sakini Allahverdi Musayev hər il yaz aylarında mütəmadi olaraq dağlara qulançar toplamağa çıxır - daha ətraflı Sputnik Azərbaycan-ın videosunda

Qazax rayon sakini Allahverdi Musayev müsahibəsində bildirib ki, mütəmadi olaraq dağlara qulançar toplamağa çıxır. Bu bitkini  toplamaq çətin olsa da, Allahverdi səbir və həvəslə qulançarları yığıb çöl şəraitində bişirməyə üstünlük verir.

Orta əsrlərdə qulançar çox faydalı olması və çətin tapılması səbəbindən Avropada delikates hesab edilib və “Kral yeməyi” adlandırılıb.

 

0