Ada

"Robinzon Kruzo" 32 il yaşadığı adanı tərk edir - FOTO

39
(Yenilənib 20:38 26.04.2021)
Keçmiş müəllim Mauro Morandi 1989-cu ildə öz gəmisi ilə İtaliyadan Sakit okeanın cənub sahillərinə üz tutarkən Sardiniya yaxınlığında qəzaya uğrayıb və Budelli adasına gəlib çıxıb.

BAKI, 26 aprel —Sputnik. 1989-cu ildən bəri İtaliyanın Budelli adasında tək yaşayan 81 yaşlı "Robinzon Kruzo" ləqəbli Mauro Morandi Milli Park səlahiyyətlərinin təkidi ilə adanı tərk etməyə hazırlaşır. Bu barədə Sputnik Türkiyə məlumat yayıb.

Keçmiş müəllim Morandi 32 il bundan əvvəl öz gəmisi ilə İtaliyadan Sakit okeanın cənub sahillərinə üz tutarkən Sardiniya yaxınlığında qəzaya uğrayıb və Budelli adasına gəlib çıxıb. Çəhrayı qumları ilə məşhur adaya məftun olan Morandi adanın gözətçisinin yaxın vaxtlarda pensiyaya çıxacağını öyrənəndən sonra bu işi öz üzərinə götürüb.

Həmin vaxtdan bəri dalğaların vurub adanın sahillərinə gətirdiyi plastik tullantıları təmizləməklə məşğul olan Morandi 2016-cı ildə adanın turistlərə açıq elan olunmasından sonra milli park səlahiyyətlilərinin təzqiyləri ilə üzləşməyə başlayıb. Beş ildir ki, bu durumla mübarizə aparan və adanı tərk etmək istəməyən "Robinzon Kruzo" artıq gücünün qalmadığını bildirib.

Səlahiyyətli orqanların evini Ekoloji Təhsil Mərkəzinə çevirəcəklərini bildirən Morandi "Onlarla mübarizəni dayandırdım. 32 ildən sonra Budelli adasını tərk edirəm, buna görə çox təəssüflənirəm ", – deyə qeyd edib.

Müasir "Robinzon Kruzo" həyatının qalan hissəsini La Maddalena adasında keçirəcəyini bildirib.

Qeyd edək ki, Budelli adasına turist səfərləri 1990-ci ildən bəri məhdudlaşdırılmışdı.

 

39
Türkiyənin Xarici İşlər naziri Mövlud Çavuşoğlu, arxiv şəkli

Mövlud Çavuşoğlu: "O boyda Avropa İttifaqı bir kresloya görə dava etməməlidir"

0
(Yenilənib 16:25 06.05.2021)
"Biz protokol qaydalarının nə olduğunu bilirik. Bu günə kimi heç vaxt bu cür problemlə qarşılaşmamışıq. Türk qonaqpərvərliyi hamıya yaxşı məlumdur. O mənzərə bizim ucbatımızdan yaranmamışdı".

BAKI, 6 may — Sputnik. Bu gün Türkiyənin xarici işlər naziri Mövlud Çavuşoğlu almaniyalı həmkarı Hayko Maasla keçirdiyi birgə mətbuat konfransında Avropa Komissiyasının rəhbəri Ursula Von der Lyayenin Türkiyəyə səfəri zamanı yaşanan protokol böhranına da toxunub. Sputnik Azərbaycan xəbər verir ki, mətbuat konfransı hər iki ölkənin nümayəndə heyətlərinin iclasından sonra baş tutub.

"Biz protokol qaydalarının nə olduğunu bilirik. Bu günə kimi heç vaxt belə bir problemlə qarşılaşmamışıq. Türk qonaqpərvərliyi hamıya yaxşı məlumdur. O mənzərə bizim ucbatımızdan yaranmayıb. Bu, Avropa Komissiyası ilə Avropa İttifaqı arasındakı rəqabət və mübahisələrdən doğan problemdir. O boyda Avropa İttifaqı bir kresloya görə davam etməməlidir. Öz aralarındakı problemləri Türkiyəyə sirayət etdirməsinlər", - Çavuşoğlu deyib.

Qeyd edək ki, Avropa İttifaqı Komissiyasının rəhbəri Ursula Von der Lyayen Türkiyə səfərindən sonra "qadın olduğum için mənə kreslo vermədilər" – deyə şikayət etmiş və məsələ protokol böhranı səviyyəsinə gəlib çatmışdı.

 

0
Erməni əsgərlərin dəbilqələri, arxiv şəkli

Ermənistanda 44 günlük müharibə ilə bağlı çoxlu cinayət işi açılıb

5
(Yenilənib 16:23 06.05.2021)
Ermənistan Baş Prokurorluğunun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, Şuşa və Hadrut yaxınlığındakı döyüşlərlə bağlı istintaqa cəlb olunanlar var.

BAKI, 6 may — Sputnik. Ermənistanda 44 günlük Qarabağ müharibəsi ilə əlaqədar 1580 cinayət işi qaldırılıb. Sputnik Ermənistan bu ölkənin Baş Prokurorluğuna istinadla xəbər verir ki, artıq 628 nəfər təqsirləndirilən şəxs qismində istintaqa cəlb edilib. Onların arasında adları hələ açıqlanmayan yüksək rütbəli zabitlər də var.

İri miqyaslı cinayət işlərinin istintaqı bir neçə əsas istiqamətdə aparılır: hərbi xidmətə çağırış və səfərbərlik zamanı yol verilən pozuntular, müharibədən əvvəl və müharibə zamanı silah alınmasında mümkün korrupsiya sxemləri, silahlı qüvvələrin və ayrı-ayrı bölmələrin rəhbərliyindəki cinayət pozuntuları, taktiki və strateji əməliyyatların həyata keçirilməsi, komandanlığın əmrlərinə tabe olmamaq və s.

Bundan əlavə, Milli Təhlükəsizlik Xidməti Azərbaycanın Şuşa və Hadrutu işğaldan azad etməsi ilə bağlı mediada və sosial şəbəkələrdə yer alan məlumatları da araşdırıb.

Prokurorluğun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, məsələ Şuşa və Hadrut yaxınlığındakı döyüşlərlə bağlıdır.

O bildirib ki, qaldırılan cinayət işlərindən biri də dövlətə xəyanətlə əlaqədardır. Bundan başqa, hərbi qulluqçuların valideynlərindən pul tələb etmə faktı üzrə 5 cinayət işi də qaldırılıb.

 

5