Pfizer peyvəndi, arxiv şəkli

Əcəb şəfqətdir: Qırmızı Xaçın əməkdaşı vaksini dəyişdirdi

348
Vaksin üçün şprisləri hazırlamalı olan qadın ötən həftənin çərşənbə günü, aprelin 21-də 6 nəfərin vaksinini fiziki məhsulla dəyişdirib.

BAKI, 25 aprel - Sputnik. Vilhelmshafen (Aşağı Saksoniya federal torpağı) şəhərinin polisi Almaniya Qırmızı Xaç təşkilatının əməkdaşı olan qadın barədə araşdırma başladıb.

Sputnik Azərbaycan-ın məlumatına görə, həmin qadın yerli vaksinasiya məntəqəsində işləyən zaman koronavirus əleyhinə BioNTech vaksinini fiziki məhlulla (serum) dəyişdirib. 

Frislandiya dairəsinin saytında yerləşdirilmiş məlumata görə, vaksin üçün şprisləri hazırlamalı olan qadın ötən həftənin çərşənbə günü, aprelin 21-də 6 nəfərin vaksinini fiziki məhsulla dəyişdirib. O, hərəkətini belə izah edib ki, guya vaksin ampullarını əlindən salaraq sındırdığnı açıb-ağartmaq istəmirmiş.  

Bədəninə peyvənd əvəzinə fiziki məhlul yeridilmiş şəxslərin sağlamlığı təhlükədə deyil. Buna rəğmən, çərşənbə günü vaksin əvəzinə fiziki məhlul vurulan insanların şəxsiyyətini müəyyənləşdirmək hələ də mümkün olmayıb.

Hadisə barədə onu törədən qadın həmkarına danışıb, o isə bu barədə şənbə günü rəsmilərə məlumat çatdırıb. Hazırda yerli hakimiyyət nümayəndələri çərşənbə günü peyvənd olunanlarla əlaqə yaratmağa çalışırlar. Vaksinin yeridilməsini bədəndə anticisimlərin olması təsdiqləyəcək. Bundan başqa, vətəndaşların müraciət etmələri üçün xüsusi qaynar xətt yaradılıb. 

Qadın barəsində sağlamlığa zərər vurma şübhəsi ilə araşdırma aparılır. 

348
Mövzu:
Yeni tip koronavirus pandemiyası (684)
Taliban hərəkatının üzvü, arxiv şəkli

"Taliban"a qoşulan azərbaycanlılar həbs edildilər - VİDEO

7
Onlar əvvəlcə İrana, oradan isə qeyri-leqal yollarla Pakistana keçib və həmin ölkənin Şimali Vəziristan və Uruqzay vilayətlərində "Taliban" hərəkatına tabe olan "Səlahəddin" camaatının tərkibində qanunsuz silahlı birləşmələrin fəaliyyətində iştirak ediblər.

 

BAKI, 7 may — Sputnik. Azərbaycan Respublikasının vətəndaşlarının ölkə hüdudlarından kənarda, digər dövlətlərin ərazisindəki qanunsuz silahlı birləşmələrin tərkibində iştirak etmələri ilə əlaqədar toplanmış materiallar əsasında əməliyyat-istintaq tədbirləri aparılıb.

Sputnik Azərbaycan-a DTX-dan daxil olan məlumatda bildirilir ki, araşdırmalar nəticəsində, Azərbaycan Respublikasının vətəndaşları – 1977-ci il təvəllüdlü Məmmədov Yəhya Şərməddin oğlunun, 1985-ci il təvəllüdlü Cəbiyev Elnur Güloğlan oğlunun və qeyrilərinin ölkə hüdudlarından kənarda aparılan münaqişələrdə qanunsuz silahlı birləşmələrin tərkibində iştiraklarına dair əsaslı şübhələr müəyyən edilmişdir. Keçirilmiş əməliyyat-axtarış tədbirləri nəticəsində Yəhya Məmmədov və Elnur Cəbiyevin müvafiq olaraq 2010-cu ilin noyabr və dekabr aylarında ölkəni tərk edərək əvvəlcə İran İslam Respublikasına, oradan isə qeyri-leqal yollarla Pakistan İslam Respublikasına keçdikləri və həmin ölkənin Şimali Vəziristan və Uruqzay vilayətlərində "Taliban" hərəkatına tabe olan "Səlahəddin" camaatının tərkibində qanunsuz silahlı birləşmələrin fəaliyyətində iştirak etdikləri məlum olmuşdur.

Qeyd olunan faktlarla bağlı Dövlət Təhlükəsizliyi Xidmətində başlanılmış cinayət işi üzrə Yəhya Məmmədov və Elnur Cəbiyev saxlanılaraq Azərbaycan Respublikası Cinayət Məcəlləsinin 12.1, 279.1-ci (Azərbaycan Respublikasından kənarda qanunvericilikdə nəzərdə tutulmayan silahlı birləşmələrin fəaliyyətində iştirak etmə) maddəsi ilə təqsirləndirilən şəxs qismində məsuliyyətə cəlb olunmuş və barələrində məhkəmənin qərarı ilə həbs qətimkan tədbiri seçilmişdir. Hər iki şəxs törətdikləri cinayət əməllərini etiraf edərək səmimi peşmanlıq hissi keçirdiklərini bildirmişlər.

Hazırda cinayət işi üzrə istintaq-əməliyyat tədbirləri davam etdirilir.

* Taliban - 1994-cü ildə yaranan və 1996–2004-cü illər arası Əfqanıstanın bütün ərazisini idarə etmiş hərəkatdır. 2003-сü ildə BMT TŞ tərəfindən terror təşkilatı kimi tanınıb. 

7
Teqlər:
video, həbs, azərbaycanlılar, Pakistan, İran, "Taliban" hərəkatı
Sinovac Biotech şirkətinin CoronaVac peyvəndi, arxiv şəkli

Prezident açıqladı: COVID-19 peyvəndi vurduranlara pul veriləcək

13
(Yenilənib 14:53 07.05.2021)
Ölkə başçısı çıxışında indiyə kimi peyvənd vurdurmayanları məsuliyyətsizlikdə ittiham edərək onları "eqoist" adlandırıb.

BAKI, 7 may — Sputnik. Serbiya koronavirusa qarşı peyvənd vurduran vətəndaşlara pul paylacağını açıqladı. Mayın 31-nə kimi vaksinin birinci və ya ikinci dozasını vurduranlara dövlət 3000 dinar (təxminən 51 manat) pul ödəyəcək.

Sputnik Azərbaycan bu barədə Türkiyə mətbuatına istinadla xəbər yayıb. Xəbərdə bildirilir ki, 6,9 milyon əhalisi olan Serbiyada vaksinasiya prosesinin çox zəif getməsi səbəbindən hökumət belə bir addım atmaq məcburiyyətində qalıb.

COVID-19 peyvəndi vurduranlara 3000 dinar pul ödənəcəyini açıqlayan Serbiya prezidenti Aleksandr Vuçiç bu yolla "məsuliyyətli vətəndaşları mükafatlandırmaq istədiklərini" bildirib.

Qeyd edək ki, bu məbləğ Serbiyada orta aylıq əməkhaqqının 5 faizinə bərabərdir.

Prezident çıxışında peyvənd vurdurmayanları məsuliyyətsizlikdə ittiham edərək onları "eqoist" adlandırıb.

Belqrad hökumətindən isə bildirilib ki, dövlət müəssisələrində çalışan və indiyə kimi peyvənd olunmayan şəxslər koronavirusa yoluxacaqları təqdirdə xəstəliklə əlaqədar ödənilən vəsaiti ala bilməyəcəklər.

Bu ayın sonuna kimi əhalinin 55 faizini vaksinasiyaya cəlb etməyi hədəfləyən Serbiya öz vətəndaşlarına "BioNtech", "Sinopharm", "AstraZeneca" ve "Sputnik" peyvəndlərindən birini seçməyi təklif edir. İndiyə kimi bu ölkədə 3,6 milyon doza vaksin tətbiq olunub. Ölkə əhalisinin 29 faizi ən azı bir doza peyvənd vurdurub.

13
Teqlər:
pul, vaksinasiya, Serbiya
Mövzu:
Yeni tip koronavirus pandemiyası (684)