Türk əsgəri, arxiv şəkli

Türk xüsusi təyinatlıları İraqın şimalında hərbi əməliyyatlara başlayıb

12
TSK İraqın Metina, Zap, Basyan və Qəndil bölgələrinə qırıcı təyyarə və vertolyotlardan hava zərbələri endirib. Xüsusi təyinatlı bölmələr Metina bölgəsində quru əməliyyatlarına başlayıb.

BAKI, 24 aprel - Sputnik. Türk Silahlı Qüvvələrinin xüsusi təyinatlı qəhrəman hərbçiləri Şimali İraqdadır.

Sputnik Azərbaycan xəbər verir ki, bu barədə Türkiyə Milli Müdafiə Nazirliyinin "Twıtter" səhifəsində paylaşılan məlumatda bildirilir. 

"CNN-Türk" telekanalı Türkiyənin İraqdakı PKK terror təşkilatına qarşı genişmiqyaslı əməliyyatına Ankaradan Türkiyənin müdafiə naziri Hulusi Akar və Türkiyə Silahlı Qüvvələrinin (TSK) baş qərargah rəisi Yaşar Gülərin nəzarət etdiyini bildirib. 

TSK İraqın Metina, Zap, Basyan və Qəndil bölgələrinə qırıcı təyyarə və vertolyotlardan hava zərbələri endirib. Xüsusi təyinatlı bölmələr Metina bölgəsində quru əməliyyatlarına başlayıb.

Türkiyə mediası əməliyyatlara 50-yə qədər döyüş təyyarəsinin qatıldığını bildirib. Bundan başqa, pilotsuz uçuş aparatları terrorçuların qaça biləcəyi yolları bombalayır. Terror qruplaşması ağır itkilər verib. Çoxlu sayda qırıcı təyyyarələr və PUA-ların iştirak etdiyi əməliyyatlarda PKK terror qruplaşmasının gizləndiyi sığınacaqları, anbar kimi istifadə etdikləri mağaraları məhv edir.

Fevralın 10-da TSK İraqın Qara bölgəsində "Pəncə-qartal-2" hərəkatı başladaraq 60-a yaxın terrorçunu zərərsizləşdirib, hərəkat zamanı terrorçuların mağarasında girov saxlanılan və qətlə yetirilən 13 günahsız Türkiyə vətəndaşının cəsədi də aşkarlanıb.

12
Erməni əsgərlərin dəbilqələri, arxiv şəkli

Ermənistanda 44 günlük müharibə ilə bağlı çoxlu cinayət işi açılıb

2
(Yenilənib 16:23 06.05.2021)
Ermənistan Baş Prokurorluğunun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, Şuşa və Hadrut yaxınlığındakı döyüşlərlə bağlı istintaqa cəlb olunanlar var.

BAKI, 6 may — Sputnik. Ermənistanda 44 günlük Qarabağ müharibəsi ilə əlaqədar 1580 cinayət işi qaldırılıb. Sputnik Ermənistan bu ölkənin Baş Prokurorluğuna istinadla xəbər verir ki, artıq 628 nəfər təqsirləndirilən şəxs qismində istintaqa cəlb edilib. Onların arasında adları hələ açıqlanmayan yüksək rütbəli zabitlər də var.

İri miqyaslı cinayət işlərinin istintaqı bir neçə əsas istiqamətdə aparılır: hərbi xidmətə çağırış və səfərbərlik zamanı yol verilən pozuntular, müharibədən əvvəl və müharibə zamanı silah alınmasında mümkün korrupsiya sxemləri, silahlı qüvvələrin və ayrı-ayrı bölmələrin rəhbərliyindəki cinayət pozuntuları, taktiki və strateji əməliyyatların həyata keçirilməsi, komandanlığın əmrlərinə tabe olmamaq və s.

Bundan əlavə, Milli Təhlükəsizlik Xidməti Azərbaycanın Şuşa və Hadrutu işğaldan azad etməsi ilə bağlı mediada və sosial şəbəkələrdə yer alan məlumatları da araşdırıb.

Prokurorluğun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, məsələ Şuşa və Hadrut yaxınlığındakı döyüşlərlə bağlıdır.

O bildirib ki, qaldırılan cinayət işlərindən biri də dövlətə xəyanətlə əlaqədardır. Bundan başqa, hərbi qulluqçuların valideynlərindən pul tələb etmə faktı üzrə 5 cinayət işi də qaldırılıb.

 

2
Rusiya XİN rəhbəri Sergey Lavrov, arxiv şəkli

Lavrov Qarabağda hələ kiçik insidentlərin olduğunu etiraf edib

11
(Yenilənib 13:07 06.05.2021)
Rusiya XİN başçısı: Baş nazirlərin müavinləri səviyyəsində üçtərəfli işçi qrupu aktiv, ritmik şəkildə işləyir və biz Cənubi Qafqazın davamlı iqtisadi inkişafını təmin etmək üçün Bakı ilə Yerevan arasında dialoqun qurulmasının davamında və təşviqin maraqlıyıq.

BAKI, 6 may — Sputnik. Dağlıq Qarabağda vəziyyət normallaşıb, kiçik insidentlər Rusiya sülhməramlıları tərəfindən operativ və effektiv şəkildə nizamlanır. Sputnik Azərbaycan "RİA Novosti"-yə istinadən xəbər verir ki, bunu Rusiyanın xarici işlər naziri Sergey Lavrov bildirib.

"Dağlıq Qarabağ nizamlanmasında pozitiv tendensiyalar izləyirik. Vəziyyət əhəmiyyətli dərəcədə normallaşıb. Rusiya sülhməramlı kontingenti təhlükəsizliyin qarantıdır, onlar təmas xətti və Laçın dəhlizi boyunca yerləşdirilib. Kiçik insidentlər - yəqin ki, onlarsız heç bir əməliyyat keçmir, bizim sülhməramlı hərbçilərimiz tərəfindən operativ və effektiv şəkildə nizamlanır. Onlar əsirlərin dəyişdirilməsinə də daimi diqqət ayırır", - deyə Lavrov Ermənistan XİN-in səlahiyyətlərini icra edən Ara Ayvazyanla görüşü zamanı bildirib.

Lavrov həmçinin deyib: "Baş nazirlərin müavinləri səviyyəsində üçtərəfli işçi qrupu aktiv, ritmik şəkildə işləyir və biz Cənubi Qafqazın davamlı iqtisadi inkişafını təmin etmək üçün Bakı ilə Yerevan arasında dialoqun qurulmasının davamında və təşviqin maraqlıyıq".

11
Teqlər:
Bakı, Yerevan, Ermənistan, Rusiya, Rusiya XİN rəhbəri Sergey Lavrov, Sergey Lavrov