Ağ Ev, arxiv şəkli

Ev Rusiyaya qarşı sanksiyaların nəticələrini qiymətləndirdi

17
(Yenilənib 23:03 24.04.2021)
Dalip Sinqh: "Sanksiyalar Vaşinqtonun Moskvaya qarşı daha geniş strategiyasının yalnız bir hissəsidir".

BAKI, 24 aprel — Sputnik. ABŞ Prezidentinin Milli Təhlükəsizlik üzrə köməkçisinin müavini Dalip Sinqh bildirib ki, Vaşintonun tətbiq etdiyi məhdudiyyətlər Co Bayden administrasiyasının ümid etdiyi nəticəyə xeyli yaxındır. Bu barədə Sputnik Azərbaycan Rusiya mediasına istinadla məlumat yayıb.

"Niyyətimiz proporsional hərəkət etmək və məqsədli yanaşma tətbiq etmək, eləcə də Rusiya bu cür davranışlara davam edərsə və ya eksalasiyaya başlayarsa, daha çox zərər vermək imkanımız olduğuna işarə vurmaq idi. Nəticə, hələ ki, gözlədiyimizə yaxındır", - deyə o qeyd edib.

Sinqhin sözlərinə görə, sanksiyalar Vaşinqtonun Moskvaya qarşı daha geniş strategiyasının yalnız bir hissəsidir. "Bu, sadəcə strategiyanı inkişaf etdirməyə kömək edəcək bir vasitədir, konkret vəziyyətdə diplomatik proses üçün təsir aləti yaradır. Rusiya məsələsində bu prosesin məqsədi daha sabit və proqnozlaşdırıla bilən münasibətlər qurmaqdır", - deyə o vurğulayıb.

Qeyd edək ki, Rusiya-Amerika münasibətləri ABŞ Prezidenti Co Baydenin Moskvanın bu ölkədə keçirilən prezident seçkisinə müdaxiləyə görə cavab verməli olduğunu bəyan etməsindən, eləcə də Rusiya Prezidenti Vladimir Putin haqqında sərt fikirlər səsləndirməsindən sonra kəskinləşib.

Bundan sonra Rusiyanın ABŞ-dakı səfiri Moskvaya məsləhətləşmələrə dəvət edilib.

Xatırladaq ki, aprelin 15-də Bayden Moskvaya qarşı sanksiyaların tətbiq olunması haqqında fərman imzalayıb və aprelin 16-dan etibarən Rusiya Federasiyası cavab tədbirləri görəcəyini bəyan edib.

 

17
Kosmik aparat,a rxiv şəkli

Çinin kosmik raketinin qırıntılarının düşdüyü yer açıqlanıb

28
(Yenilənib 11:28 09.05.2021)
Qeyd edək ki, CZ-5B raket daşıyıcısı Çin Xalq Respublikasının "Tianhe" baza modulunu orbital stansiyaya çatdırmışdı.

BAKI, 9 may — Sputnik. Çinin nəzarətdən çıxan “Long March 5B” kosmik raketinin qırıntıları Hind okeanındakı Maldiv adaları yaxınlığına düşüb.

RİA Novosti xəbər verir ki, raket daşıyıcısının hissəsi bu gün səhər saatlarında orbitdən endirilib. Bu barədə Çin Kosmik Mühəndisliyi Ofisinin açıqlamasında bildirilib.

Qeyd edək ki, CZ-5B raket daşıyıcısı Çinin "Tianhe" baza modulunu orbital stansiyaya çatdırmışdı.

28

Moskvada Qələbə Günü: parad xatirələrə köçmüş yerlərdən video

399
(Yenilənib 12:43 09.05.2021)
Moskvanın Qızıl Meydanında ənənəvi hərbi Qələbə paradı keçirilib. Bu möhtəşəm hadisənin videosunu izləyin.

Bu il dünya Böyük Vətən müharibəsindəki qələbənin 76-cı ildönümünü qeyd edir. Ənənəyə uyğun olaraq Moskvada Qızıl meydanda Qələbə paradı keçirilib.

Şəxsi heyətin və zirehli texnikanın sayına görə bu parad ötənilki yubiley tədbirindən kiçik olub. Ötən il meydandan 14 min  hərbçi keçmişdisə, bu il onların sayı 12,5 min olub. Keçən il tədbirdə 200-dən artıq hərbi maşın iştirak etmişdi, bu il onların sayı 190 olub.

Moskvanın üzərindən 76 təyyarə və helikopter uçub. Bütün detallarla bizim videoda tanış ola bilərsiniz. 

399

Bu gün 25 mindən çox insan vaksin vurdurub

0
Birinci mərhələ üzrə peyvənd olunanların ümumi sayı 1 005 678, ikinci mərhələ üzrə vaksinasiya edilənlərin sayı 681 719 nəfər təşkil edir.

BAKI, 9 may - Sputnik. Azərbaycanda bu gün 25 625 nəfər vaksinasiya olunub.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Qeyd olunub ki, gün ərzində birinci mərhələ üzrə vaksinasiya olunanların sayı 3 710, ikinci mərhələ üzrə vaksinasiya olunanların sayı 21 915 nəfər təşkil edib.

Azərbaycanda bu günə qədər vurulan vaksinlərin ümumi sayı 1 687 397, birinci mərhələ üzrə peyvənd olunanların ümumi sayı 1 005 678, ikinci mərhələ üzrə vaksinasiya edilənlərin sayı 681 719 nəfər təşkil edir.

0