İsrailin baş naziri Binyamin Netanyahu

Ukrayna İsrailə Rusiya ilə danışıqlarda vasitəçi olmağı təklif etdi

11
(Yenilənib 20:38 23.04.2021)
Ukraynanın İsraildəki səfiri əlavə edib ki, "Baş nazir "yox" deməyib, o bildirib ki, mümkün olan hər şeyi edəcək.

BAKI, 23 aprel — Sputnik. Ukrayna İsrailin Baş naziri Binyamin Netanyahuya Kiyev və Moskva arasında danışıqlarda vasitəçi olmağı təklif edib. Sputnik Azərbaycan xəbər verir ki, bunu Ukraynanın İsraildəki səfiri Yevgeni Korniyçuk "I24news" telekanalına müsahibəsində bildirib.

"Biz artıq İsrail baş nazirindən bu ssenaridə mümkün vasitəçi kimi iştirak etməsini xahiş etmişik. Çünki Netanyahunun onların hər ikisi – Putin və Zelenski ilə yaxşı münasibətləri var", - deyə səfir qeyd edib.

O əlavə edib ki, "Baş nazir "yox" deməyib, o bildirib ki, mümkün olan hər şeyi edəcək: "Biz çox şadıq ki, Netanyahu bundan imtina etməyib. Əksinə, o, öz marağını və kömək etmək istəyini göstərdi".

11
Teqlər:
vasitəçilik, Rusiya, İsrail, Ukrayna
Kosmik aparat,a rxiv şəkli

Çinin kosmik raketinin qırıntılarının düşdüyü yer açıqlanıb

28
(Yenilənib 11:28 09.05.2021)
Qeyd edək ki, CZ-5B raket daşıyıcısı Çin Xalq Respublikasının "Tianhe" baza modulunu orbital stansiyaya çatdırmışdı.

BAKI, 9 may — Sputnik. Çinin nəzarətdən çıxan “Long March 5B” kosmik raketinin qırıntıları Hind okeanındakı Maldiv adaları yaxınlığına düşüb.

RİA Novosti xəbər verir ki, raket daşıyıcısının hissəsi bu gün səhər saatlarında orbitdən endirilib. Bu barədə Çin Kosmik Mühəndisliyi Ofisinin açıqlamasında bildirilib.

Qeyd edək ki, CZ-5B raket daşıyıcısı Çinin "Tianhe" baza modulunu orbital stansiyaya çatdırmışdı.

28

Moskvada Qələbə Günü: parad xatirələrə köçmüş yerlərdən video

399
(Yenilənib 12:43 09.05.2021)
Moskvanın Qızıl Meydanında ənənəvi hərbi Qələbə paradı keçirilib. Bu möhtəşəm hadisənin videosunu izləyin.

Bu il dünya Böyük Vətən müharibəsindəki qələbənin 76-cı ildönümünü qeyd edir. Ənənəyə uyğun olaraq Moskvada Qızıl meydanda Qələbə paradı keçirilib.

Şəxsi heyətin və zirehli texnikanın sayına görə bu parad ötənilki yubiley tədbirindən kiçik olub. Ötən il meydandan 14 min  hərbçi keçmişdisə, bu il onların sayı 12,5 min olub. Keçən il tədbirdə 200-dən artıq hərbi maşın iştirak etmişdi, bu il onların sayı 190 olub.

Moskvanın üzərindən 76 təyyarə və helikopter uçub. Bütün detallarla bizim videoda tanış ola bilərsiniz. 

399

Bu gün 25 mindən çox insan vaksin vurdurub

0
Birinci mərhələ üzrə peyvənd olunanların ümumi sayı 1 005 678, ikinci mərhələ üzrə vaksinasiya edilənlərin sayı 681 719 nəfər təşkil edir.

BAKI, 9 may - Sputnik. Azərbaycanda bu gün 25 625 nəfər vaksinasiya olunub.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Qeyd olunub ki, gün ərzində birinci mərhələ üzrə vaksinasiya olunanların sayı 3 710, ikinci mərhələ üzrə vaksinasiya olunanların sayı 21 915 nəfər təşkil edib.

Azərbaycanda bu günə qədər vurulan vaksinlərin ümumi sayı 1 687 397, birinci mərhələ üzrə peyvənd olunanların ümumi sayı 1 005 678, ikinci mərhələ üzrə vaksinasiya edilənlərin sayı 681 719 nəfər təşkil edir.

0