"YouTube": Filmlərə baxışın məhdudlaşdırılması senzura demək deyil

5
"Zorakılığın əks olunduğu kadrları uşaqlara xəbərdarlıqsız nümayiş etdirmək olmaz. "YouTube" bütün dünyada bu prinsiplər əsasında işləyir".

BAKI, 23 aprel — Sputnik. "YouTube" internet portalının filmlərə baxışların məhdudlaşdırılması üzrə hərəkətləri senzura deyil, videolarda həssas məqamların olması ilə bağlıdır. Sputnik Azərbaycan Rusiya mediasına istinadən xəbər verir ki, bunu portalın Avropa, Yaxın Şərq və Afrika ölkələrində dövlət orqanları ilə iş üzrə direktoru Marko Pançini bildirib.

""YouTube" tərəfindən heç bir şərtlənmiş münasibətdən və ya senzuradan söhbət gedə bilməz. Biz bu məsələlərə ciddi yanaşırıq. Biz mədəni-tarixi məzmuna hörmətlə yanaşır və onu qiymətləndiririk. Əgər videoda belə məzmun varsa, biz onu diqqətə alırıq. Lakin bizim gənc auditoriya qarşısında da məsuliyyətimiz var", - deyə Pançini "Roskomnadzor"un filmlərə qoyulan məhdudiyyətlərlə bağlı etirazlarını şərh edib.

Youtube proqramı, arxiv şəkli
© AFP 2021 / MARTIN BUREAU

Qeyd edək ki, ötən ilin sentyabr ayında "Roskomnadzor" "YouTube" kanalını idarə edən "Google LLC" rəhbərliyinə Rusiya ərazisində Aleksandr Roqatkinin "Beslan" filminin nümayişinə qadağa qoyulması ilə bağlı müraciət ünvanlayıb. Adı çəkilən idarə bununla "Google" servislərinin Rusiya ərazisində fəaliyyəti zamanı ölkədə senzuranın qadağan olunması ilə bağlı qanunvericiliyə ciddi riayət olunmasını tələb edib.

Pançininin sözlərinə görə, adı çəkilən filmdə bəzi istifadəçi qrupları üçün həssas kadrlar var.

"Biz bu cür videoları diqqətlə öyrənir və videonun əvvəlində bəzi tamaşaçıları şoka sala biləcək kadrların olması barədə xəbərdarlıq yerləşdiririk", - deyə Pançini bildirib.

"Lakin videonun özü açıq olaraq qalır. Böyük yaşlı istifadəçilər linkə basaraq videoya baxa bilərlər. Biz hesab edirik ki, zorakılığın əks olunduğu kadrları uşaqlara xəbərdarlıqsız nümayiş etdirmək olmaz. "YouTube" bütün dünyada bu prinsiplər əsasında işləyir", - deyə şirkət nümayəndəsi bildirib.

5
ABŞ bayrağı, arxiv şəkli

ABŞ-ın son məktubu "F-35 məsələsində" Türkiyəni haqlı çıxardı

3
(Yenilənib 16:14 07.05.2021)
İsmayıl Dəmir: "Təyyarələrlə bağlı hüquqlarımızın tapdanmaması və problemin müttəfiqlik ruhuna zidd olmayan həlli yolunu tapmaq məqsədilə ABŞ-la F-35-lərlə əlaqədar dialoq prosesi başlayacaq".

BAKI, 7 may — Sputnik. ABŞ-ın son məktubu bizi haqlı çıxardı, Türkiyənin F-35 proqramından kənarlaşdırılmasının hüququ əsası yoxdur – bu fikri Türkiyənin müdafiə sənayesi naziri İsmail Dəmir səsləndirib.

Sputnik Azərbaycanın Türkiyənin NTV kanalına istinadla verdiyi xəbərə görə, Dəmir: "Bu məsələ ilə bağlı imzalanmış qarşılıqlı memoranduma əsasən, hər hansı bir tərəfdaşın proqramdan çıxarılması yalnız bütün tərəfdaşların yekdilliklə verilmiş qərarı əsasında mümkündür", - deyə bildirib.

O qeyd edib ki, bu baş vermədiyi təqdirdə ABŞ-ın "Türkiyəni proqramdan çıxartdım" açıqlamasının heç bir hüquqi əsası yoxdur.

Nazir: "Təyyarələrlə bağlı hüquqlarımızın tapdanmaması və problemin müttəfiqlik ruhuna zidd olmayan həlli yolunu tapmaq məqsədilə ABŞ-la F-35-lərlə əlaqədar dialoq prosesi başlayacaq", – deyib.

Qeyd edək ki, Amerika Birləşmiş Ştatları Rusiyadan S-400 zenit-raket kompleksi aldığına görə Türkiyənin F-35 qırıcılarının istehsalı proqramından çıxarılması barədə Ankaranı rəsmi şəkildə məlumatlandırıb. Məlumatda bildirilir ki, ABŞ 2007-ci ilin yanvarında imzalanmış F-35-lərin istehsalı üzrə birgə memorandumu ləğv edib.

Xatırladaq ki, bu memoranduma əsasən, Ankara öz üzərinə 100 ədəd F-35 tipli qırıcı almaq öhdəliyi götürmüşdü. Türkiyə, həmçinin F-35-lər üçün 1000-dən artıq komponentin istehsalında da iştirak edib.

3
Teqlər:
"F-35" qırıcı təyyarəsi, Türkiyə, ABŞ
Taliban hərəkatının üzvü, arxiv şəkli

"Taliban"a qoşulan azərbaycanlılar həbs edildilər - VİDEO

9
(Yenilənib 16:12 07.05.2021)
Onlar əvvəlcə İrana, oradan isə qeyri-leqal yollarla Pakistana keçib və həmin ölkənin Şimali Vəziristan və Uruqzay vilayətlərində "Taliban" hərəkatına tabe olan "Səlahəddin" camaatının tərkibində qanunsuz silahlı birləşmələrin fəaliyyətində iştirak ediblər.

BAKI, 7 may — Sputnik. Azərbaycan Respublikasının vətəndaşlarının ölkə hüdudlarından kənarda, digər dövlətlərin ərazisindəki qanunsuz silahlı birləşmələrin tərkibində iştirak etmələri ilə əlaqədar toplanmış materiallar əsasında əməliyyat-istintaq tədbirləri aparılıb.

Sputnik Azərbaycan-a DTX-dan daxil olan məlumatda bildirilir ki, araşdırmalar nəticəsində, Azərbaycan Respublikasının vətəndaşları – 1977-ci il təvəllüdlü Məmmədov Yəhya Şərməddin oğlunun, 1985-ci il təvəllüdlü Cəbiyev Elnur Güloğlan oğlunun və qeyrilərinin ölkə hüdudlarından kənarda aparılan münaqişələrdə qanunsuz silahlı birləşmələrin tərkibində iştiraklarına dair əsaslı şübhələr müəyyən edilmişdir. Keçirilmiş əməliyyat-axtarış tədbirləri nəticəsində Yəhya Məmmədov və Elnur Cəbiyevin müvafiq olaraq 2010-cu ilin noyabr və dekabr aylarında ölkəni tərk edərək əvvəlcə İran İslam Respublikasına, oradan isə qeyri-leqal yollarla Pakistan İslam Respublikasına keçdikləri və həmin ölkənin Şimali Vəziristan və Uruqzay vilayətlərində "Taliban" hərəkatına tabe olan "Səlahəddin" camaatının tərkibində qanunsuz silahlı birləşmələrin fəaliyyətində iştirak etdikləri məlum olmuşdur.

Qeyd olunan faktlarla bağlı Dövlət Təhlükəsizliyi Xidmətində başlanılmış cinayət işi üzrə Yəhya Məmmədov və Elnur Cəbiyev saxlanılaraq Azərbaycan Respublikası Cinayət Məcəlləsinin 12.1, 279.1-ci (Azərbaycan Respublikasından kənarda qanunvericilikdə nəzərdə tutulmayan silahlı birləşmələrin fəaliyyətində iştirak etmə) maddəsi ilə təqsirləndirilən şəxs qismində məsuliyyətə cəlb olunmuş və barələrində məhkəmənin qərarı ilə həbs qətimkan tədbiri seçilmişdir. Hər iki şəxs törətdikləri cinayət əməllərini etiraf edərək səmimi peşmanlıq hissi keçirdiklərini bildirmişlər.

Hazırda cinayət işi üzrə istintaq-əməliyyat tədbirləri davam etdirilir.

* Taliban - 1994-cü ildə yaranan və 1996–2004-cü illər arası Əfqanıstanın bütün ərazisini idarə etmiş hərəkatdır. 2003-сü ildə BMT TŞ tərəfindən terror təşkilatı kimi tanınıb. 

9
Teqlər:
video, həbs, azərbaycanlılar, Pakistan, İran, "Taliban" hərəkatı