BAKI, 23 aprel — Sputnik. Bu gün Türkiyədə Milli Suverenlik və Uşaq Bayramı qeyd olunur. Bu münasibətlə səhər tezdən Kapadokiyada hava şarları ənənəvi olaraq havaya qalxmamışdan əvvəl onların səbətlərinə türk bayraqları və Atatürk posterləri asılıb. Nəticədə şarlar havaya qalxanda maraqlı mənzərə yaranıb. Bu barədə Sputnik Türkiyə məlumat yayıb.
Kapadokya'da balonlar Türk bayrakları ve Atatürk posteri ile uçtuhttps://t.co/9J0S87KNi7 pic.twitter.com/IdM0hJLbTC
— Türkgün Gazetesi (@TurkgunGazetesi) April 23, 2021
Yerli və xarici turistlərə mənzərəni səmadan izləmək üçün şərait yaradılıb. Hava şarları Görəmə bölgəsinin Qılınclar vadisində bir-birinin ardınca göyə qalxıb. Sübh çağı gerçəkləşdirilən aksiya təxminən bir saat çəkib.
Qeyd edək ki, 23 Aprel Türkiyədə rəsmi dövlət bayramı kimi qeyd olunur. Milli Suverenlik və Uşaq Bayramı 1920-ci ildən etibarən keçirilir. Bu gün Türkiyə respublikasının qurucusu və birinci prezidenti Mustafa Kamal Atatürk tərəfindən təsis olunaraq dünya uşaqlarına ərməğan edilib.
