Toy mərasimi, arxiv şəkli

"Şap elə bilir şupdadır, şup elə bilir şapdadır" - xəritə toyu qarışdırdı

23
(Yenilənib 13:24 10.04.2021)
Bəy və onun qohum-əqrəbası toyun keçirildiyi məkanı tapa bilmək üçün "Google Maps" servisindən istifadə ediblər, ancaq sistemdə baş verən xəta ucbatından başqa evə gedib çıxıblar.

BAKI, 10 aprel — Sputnik. İndoneziyada maraqlı hadisə qeydə alınıb. Öz toy mərasiminə tələsən bəy və onun yaxınları "Google Maps"in səhvi ucbatından başqasının toyuna gedib çıxıblar. RİA Novosti-nin The Indian Express-ə istinadla yaydığı xəbərə görə, hadisə Mərkəzi Yava əyalətində baş verib. Bəy və onun qohum-əqrəbası toyun keçirildiyi məkanı tapa bilmək üçün "Google Maps" servisindən istifadə etmək qərarına gəliblər. Ancaq sistemdə baş verən xəta ucbatından təsadüfən həmin gün toy mərasimi keçirilən başqa bir evə gedib çıxıblar. Bu evdə isə Mariya Ulfa adlı gəlin yolda yubanan gələcək ərini gözləyirmiş.

"Bəyi və onu müşayiət edənləri görəndə çox təəccübləndim, çünki onların heç birini tanımırdım", - deyə Mariya başına gələnləri jurnalistlərə danışıb.

Maraqlıdır ki, ev sahibləri əvvəlcə heç nədən xəbər tutmayıb, bəyi və onun dəstəsini gülərüzlə qarşılayıblar. Yalnız onlarla söhbət əsnasında məlum olub ki, bəy Pemalanqda doğulub, halbuki Mariya Ulfanın gələcək həyat yoldaşı Kendaldan imiş.

Xoşbəxtlikdən, hər şey yaxşı qurtarıb. Yad gəlinin ailəsi yolu səhv salan bəyə və onun dəstəsinə toyun keçirildiyi evi tapmaqda kömək edib.

Hadisəni sosial şəbəkələrdə müzakirə edənlər bəyin yad evdə olduğunu anlamamasını təəccüblə qarşılayıblar.

23
Teqlər:
Google, səhv, gəlin, bəy, İndoneziya, toy
Taliban hərəkatının üzvü, arxiv şəkli

"Taliban"a qoşulan azərbaycanlılar həbs edildilər - VİDEO

8
(Yenilənib 16:12 07.05.2021)
Onlar əvvəlcə İrana, oradan isə qeyri-leqal yollarla Pakistana keçib və həmin ölkənin Şimali Vəziristan və Uruqzay vilayətlərində "Taliban" hərəkatına tabe olan "Səlahəddin" camaatının tərkibində qanunsuz silahlı birləşmələrin fəaliyyətində iştirak ediblər.

BAKI, 7 may — Sputnik. Azərbaycan Respublikasının vətəndaşlarının ölkə hüdudlarından kənarda, digər dövlətlərin ərazisindəki qanunsuz silahlı birləşmələrin tərkibində iştirak etmələri ilə əlaqədar toplanmış materiallar əsasında əməliyyat-istintaq tədbirləri aparılıb.

Sputnik Azərbaycan-a DTX-dan daxil olan məlumatda bildirilir ki, araşdırmalar nəticəsində, Azərbaycan Respublikasının vətəndaşları – 1977-ci il təvəllüdlü Məmmədov Yəhya Şərməddin oğlunun, 1985-ci il təvəllüdlü Cəbiyev Elnur Güloğlan oğlunun və qeyrilərinin ölkə hüdudlarından kənarda aparılan münaqişələrdə qanunsuz silahlı birləşmələrin tərkibində iştiraklarına dair əsaslı şübhələr müəyyən edilmişdir. Keçirilmiş əməliyyat-axtarış tədbirləri nəticəsində Yəhya Məmmədov və Elnur Cəbiyevin müvafiq olaraq 2010-cu ilin noyabr və dekabr aylarında ölkəni tərk edərək əvvəlcə İran İslam Respublikasına, oradan isə qeyri-leqal yollarla Pakistan İslam Respublikasına keçdikləri və həmin ölkənin Şimali Vəziristan və Uruqzay vilayətlərində "Taliban" hərəkatına tabe olan "Səlahəddin" camaatının tərkibində qanunsuz silahlı birləşmələrin fəaliyyətində iştirak etdikləri məlum olmuşdur.

Qeyd olunan faktlarla bağlı Dövlət Təhlükəsizliyi Xidmətində başlanılmış cinayət işi üzrə Yəhya Məmmədov və Elnur Cəbiyev saxlanılaraq Azərbaycan Respublikası Cinayət Məcəlləsinin 12.1, 279.1-ci (Azərbaycan Respublikasından kənarda qanunvericilikdə nəzərdə tutulmayan silahlı birləşmələrin fəaliyyətində iştirak etmə) maddəsi ilə təqsirləndirilən şəxs qismində məsuliyyətə cəlb olunmuş və barələrində məhkəmənin qərarı ilə həbs qətimkan tədbiri seçilmişdir. Hər iki şəxs törətdikləri cinayət əməllərini etiraf edərək səmimi peşmanlıq hissi keçirdiklərini bildirmişlər.

Hazırda cinayət işi üzrə istintaq-əməliyyat tədbirləri davam etdirilir.

* Taliban - 1994-cü ildə yaranan və 1996–2004-cü illər arası Əfqanıstanın bütün ərazisini idarə etmiş hərəkatdır. 2003-сü ildə BMT TŞ tərəfindən terror təşkilatı kimi tanınıb. 

8
Teqlər:
video, həbs, azərbaycanlılar, Pakistan, İran, "Taliban" hərəkatı
Sinovac Biotech şirkətinin CoronaVac peyvəndi, arxiv şəkli

Prezident açıqladı: COVID-19 peyvəndi vurduranlara pul veriləcək

13
(Yenilənib 14:53 07.05.2021)
Ölkə başçısı çıxışında indiyə kimi peyvənd vurdurmayanları məsuliyyətsizlikdə ittiham edərək onları "eqoist" adlandırıb.

BAKI, 7 may — Sputnik. Serbiya koronavirusa qarşı peyvənd vurduran vətəndaşlara pul paylacağını açıqladı. Mayın 31-nə kimi vaksinin birinci və ya ikinci dozasını vurduranlara dövlət 3000 dinar (təxminən 51 manat) pul ödəyəcək.

Sputnik Azərbaycan bu barədə Türkiyə mətbuatına istinadla xəbər yayıb. Xəbərdə bildirilir ki, 6,9 milyon əhalisi olan Serbiyada vaksinasiya prosesinin çox zəif getməsi səbəbindən hökumət belə bir addım atmaq məcburiyyətində qalıb.

COVID-19 peyvəndi vurduranlara 3000 dinar pul ödənəcəyini açıqlayan Serbiya prezidenti Aleksandr Vuçiç bu yolla "məsuliyyətli vətəndaşları mükafatlandırmaq istədiklərini" bildirib.

Qeyd edək ki, bu məbləğ Serbiyada orta aylıq əməkhaqqının 5 faizinə bərabərdir.

Prezident çıxışında peyvənd vurdurmayanları məsuliyyətsizlikdə ittiham edərək onları "eqoist" adlandırıb.

Belqrad hökumətindən isə bildirilib ki, dövlət müəssisələrində çalışan və indiyə kimi peyvənd olunmayan şəxslər koronavirusa yoluxacaqları təqdirdə xəstəliklə əlaqədar ödənilən vəsaiti ala bilməyəcəklər.

Bu ayın sonuna kimi əhalinin 55 faizini vaksinasiyaya cəlb etməyi hədəfləyən Serbiya öz vətəndaşlarına "BioNtech", "Sinopharm", "AstraZeneca" ve "Sputnik" peyvəndlərindən birini seçməyi təklif edir. İndiyə kimi bu ölkədə 3,6 milyon doza vaksin tətbiq olunub. Ölkə əhalisinin 29 faizi ən azı bir doza peyvənd vurdurub.

13
Teqlər:
pul, vaksinasiya, Serbiya
Mövzu:
Yeni tip koronavirus pandemiyası