AstraZeneca peyvəndi, arxiv şəkli

Avropa tənzimləyicisi AstraZeneca-nın qorxunc yan təsirini vaksinin təsvirinə əlavə edib

298
(Yenilənib 21:00 08.04.2021)
Mütəxəssislər hələ ki AstraZeneca ilə bağlı tromboz yarada biləcək konkret risk faktorlarını tapa bilməyiblər.

BAKI, 8 aprel - Sputnik. Avropa İttifaqının dərman tənzimləyicisi - Avropa Dərman Vasitələri Agentliyi (EMA) AstraZeneca şirkətinin koronavirus əleyhinə Vaxzevria vaksininin təsvirinə onun tromboz yarada bilmək xüsusiyyətini əlavə edib.

Sputnik Azərbaycan bildirir ki, bu barədə qurumun yaydığı məlumatda deyilir. 

"Çox nadir hallarda Vaxzevria preparatı ilə peyvəndləmədən sonra bəzi hallarda qanaxma ilə müşayiət olunan tromboz və trombositopeniya halları müşahidə olunub", - vaksinin təsvirinə edilən əlavədə deyilir.

Bildirilir ki, vaksinasiya aparan tibb işçiləri peyvənd olunanları vaksinin bu yan təsiri barədə məlumatlandırmalı, artıq bu peyvəndi vurdurmuş insanlara isə peyvənddən sonra iki həftə müddətində özlərində təngnəfəslik, sinədə ağrı, ayaqların şişməsi, qarında daimi ağrı, daimi və güclü baş ağrıları, görmənin zəifləməsi, iynə vurulmamış nahiyədə göyərmələr müşahidə edərlərsə, necə davranmalı olduqlarını izah etməlidirlər.

EMA AstraZeneca vaksini barədə əlavə məlumatları araşdırdıqdan sonra çərşənbə günü bildirmişdi ki, onun faydası risklərini üstələyir, amma bununla yanaşı, xəstələrdə tromboembolik fəsadların yaranması faktı ilə vaksinasiya arasında əlaqə olduğunu mümkün saymışdı. 

Qeyd edək ki, mütəxəssislər hələ ki AstraZeneca ilə bağlı tromboz yarada biləcək konkret risk faktorlarını tapa bilməyiblər. Sadəcə, məlumdur ki, qeydə alınmış halların əksəri 60 yaşdan aşağı qadınlarla bağlıdır və bu hallar peyvəndlənmədən sonra iki həftə müddətində müşahidə olunub.

 

298
Teqlər:
Avropa İttifaqı, təsvir, fəsad, AstraZeneca
Mövzu:
Yeni tip koronavirus pandemiyası (665)
Türkiyədə vətəndaşların vaksinasiyası, arxiv şəkli

İnsanları peyvənd olunmağa inandırmaq üçün xüsusi qruplar yaradılır

2
İndiyə kimi növbəsi çatdığı halda 65 yaşdan yuxarı insanların 23,6 faizi peyvənd olunmaqdan imtina etdiyindən Səhiyyə Nazirliyi bunun səbəblərini araşdırmaq qərarına gəlib.

BAKI, 15 aprel — Sputnik. Türkiyədə növbəsi çatsa belə hər dörd nəfərdən biri peyvənd olunmaqdan imtina edir. Artıq ölkənin Səhiyyə Nazirliyi insanları peyvənd vurdurmağa inandırmaq üçün tədbirlər görməyə başlayıb. Sputnik Azərbaycan bu barədə "Haberglobal"-a istinadla məlumat yayıb.

"Peyvənd komandaları yaradılacaq və onların üzvləri ev-ev gəzərək insanların hansı səbəbdən vaksinasiya olunmaq istəmədiklərini araşdıracaqlar", – deyə məlumatda bildirilir.

O da qeyd olunur ki, indiyə kimi növbəsi çatdığı halda 65 yaşdan yuxarı insanların 23,6 faizi peyvənd olunmaqdan imtina edib. Odur ki Səhiyyə Nazirliyi insanların hansı səbəbdən peyvənd olunmaq istəmədiklərini yerində araşdırmaq qərarına gəlib. Ailə həkimlərinin başçılığı ilə bu qruplar ev-ev gəzərək vaksinasiya olunmaq istəməyənləri dilə tutacaq.

Məqsəd vaksinasiya olunanların sayını artırmaqla koronavirusa yoluxma hallarının qarşısını almaqdır.

Qeyd edək ki, iyun ayının sonlarına kimi Türkiyədə 40 yaşdan yuxarı bütün vətəndaşların peyvənd olunması planlaşdırılır.

2
Ağ ev

Birləşmiş Ştatlar Rusiyaya qarşı yeni sanksiyaları qəbul etdi

4
(Yenilənib 17:26 15.04.2021)
Qəbul olunan qərara əsasən on Rusiya diplomatı ABŞ-dan da qovulur. Ölkədən qovulan şəxslər arasında Rusiya kəşfiyyat orqanlarının əməkdaşları da var.

BAKI, 15 aprel — Sputnik. Birləşmiş Ştatlar Rusiyaya qarşı yeni sanksiyalar qəbul edib. Sputnik Azərbaycan xəbər verir ki, bu barədə məlumat Ağ Evin saytında yerləşdirilib

"Bu gün Bayden Administrasiyası ABŞ suverenliyi və maraqlarına qarşı Rusiya hökuməti və kəşfiyyat orqanlarının atdığı addımlara görə Rusiyaya qarşı tədbirlər görür", - deyə məlumatda bildirilir.

Qəbul olunan qərara əsasən on Rusiya diplomatı ABŞ-dan da qovulur. Ölkədən qovulan şəxslər arasında Rusiya kəşfiyyat orqanlarının əməkdaşları da var.

Bundan əlavə, ABŞ seçkilərinə müdaxilə etdiyi üçün 32 Rusiya vətəndaşı və təşkilatına qarşı sanksiya tətbiq olunur.

ABŞ rəhbərliyi, həmçinin Aİ, Böyük Britaniya, Avstraliya və Kanada ilə birgə Krımla bağlılığı olan 8 fiziki və hüquqi şəxsə qarşı sanksiya tətbiq edir.

 

4
İnsanların kölgəsi, arxiv şəkli

Gecə yarısı qoca qadının əl-ağzını bağlayanların başqa cinayətləri üzə çıxdı

0
(Yenilənib 17:26 15.04.2021)
Balakən rayonu Katex kəndində iki nəfər tək yaşayan ahıl qadının evinə daxil olaraq onun əllərini və ağzını bağlayıb, pul və qızılların yerini deməsi üçün bıçaqla hədə-qorxu gəliblər.

BAKI, 15 aprel — Sputnik. Gecə saatlarında iki nəfər maskalı şəxs Balakən rayonu Katex kəndində tək yaşayan ahıl qadının evinə daxil olaraq onun əllərini və ağzını bağlayıb, pul və qızılların yerini deməsi üçün bıçaqla hədə-qorxu gəliblər. Məqsədlərinə nail olduqdan sonra qadına xəsarət yetirib oradan uzaqlaşıblar.

Daxili İşlər Nazirliyinin Mətbuat Xidmətinin Şəki regional qrupundan verilən məlumata görə, daxil olmuş müraciət əsasında Balakən Rayon Polis Şöbəsinin əməkdaşları tərəfindən həyata keçirilən təxirəsalınmaz əməliyyat-axtarış və istintaq tədbirləri nəticəsində qeyd edilən quldurluğu törətməkdə şübhəli bilinən zərərçəkmişin həmkəndliləri – Nicat Teneşov və Samir Abdulhəmidov tutularaq istintaqa təqdim ediliblər. Quldurluq yolu ilə ələ keçirdikləri qızılların bir qismi onlardan maddi sübut kimi götürülüb.

Davam etdirilən araşdırmalarla N.Teneşovun 5 il əvvəl – 2016-cı ilin aprel-may aylarında yaşadığı Katex kəndi ərazisində daha 3 fərdi yaşayış evindən ümumi dəyəri 10 min manata yaxın olan qızıl-zinət əşyaları, 4 min manat pul və 15 min rus rublunu oğurladığı, izi itirmək üçün isə həmin evləri yandırdığı məlum olub.

Faktlarla bağlı Balakən Rayon Polis Şöbəsində Cinayət Məcəlləsinin müvafiq maddələri ilə cinayət işi başlanılıb, zəruri əməliyyat-istintaq tədbirləri davam etdirilir.

 

0