İstanbula mənzərə, arxiv şəkli

Türkiyədəki daşınmaz əmlaka rusiyalılar daha çox maraq göstərirlər

471
Tələbatın əsas artımı mənzil və apartamentlər seqmentinin payına düşüb (26%-dan çox). Şəxsi evlər seqmentində artım isə 29% olub.

BAKI, 8 aprel — Sputnik. Rusiyalılar Türkiyədə getdikcə daha çox daşınmaz əmlak almağa başlayıblar. Sputnik Azərbaycan Rusiya mediasına istinadən xəbər verir ki, 2021-ci ilin birinci kvartalı ərzində Rusiya vətəndaşlarının ay-ulduzlu ölkədəki daşınmaz əmlak obyektlərinə tələbatı ötən ilin eyni dövrü ilə müqayisədə orta hesabla 25% artıb.

Ekspertlər bildirirlər ki, tələbatın əsas artımı mənzil və apartamentlər seqmentinin payına düşüb (26%-dan çox). Şəxsi evlər seqmentində artım isə 29% olub. Ümumilikdə ötən bir ilin göstəricilərinə görə isə Türkiyədəki daşınmaz əmlaka tələbat 27% artıb.

Məlumatlara əsasən, 2021-ci ilin aprel ayında təkrar mənzil bazarında rusiyalılar arasında populyar olan Antalya əyalətində və konkret olaraq Kəmərdə əlçatan, 105 kv-metr sahəsi olan mənzillərin satış qiyməti təqribən 58 500 dollar təşkil edir. Aralıq dənizinin təqribən üç kilometrliyində olan bu cür mənzillər yeni sahibinə mebel və məişət texnikası ilə birlikdə təhvil verilir.

Bir müddət əvvəl rusiyalıların Türkiyədə yaşayış obyektlərini kirayələməyə başladığı haqqında xəbər yayılıb. Martın əvvəllərində yaşayış obyektlərinin kirayə qiyməti təqribən 300 dollardan bir qədər artıq olub. Bu qiymətə, məsələn, Mahmudlar yaşayış məntəqəsində bir yataq otağı olan apartamenti kirayələmək mümkün olub.

471
ABŞ prezidneti Co Bayden, arxiv şəkli

Baydenlə Putinin görüşü yaxın həftələrdə baş tuta bilər

4
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək" - Blinken.

BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.

​"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.

4
Teqlər:
görüş, Cozef Bayden, Vladimir Putin
ABŞ-ın Hərbi Dəniz Qüvvələrinə məxsus Ross esminetsi Bosfor boğazında

Qara dənizdə baş verir? ABŞ Türkiyəyə xəbərdarlığını geri götürdü

10
"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

BAKI, 15 aprel - Sputnik. ABŞ-ın Ankaradakı səfirliyi özlərinin iki hərbi gəmisinin Bosfor boğazı vasitəsilə Qara dənizə keçməyəcəyi barədə Türkiyəni məlumatlandırıb.

Sputnik Azərbaycan bildirir ki, bu barədə Türkiyə Xarici İşlər Nazirliyindən məlumat verilib.

Qeyd edək ki, bundan öncə Türkiyə XİN-dəki mənbə RİA Novosti-yə bildirmişdi ki, Vaşinqton Ankaraya iki hərbi gəmisinin Bosfor boğazı vasitəsilə Qara dənizə keçəcəyi və aprelin 14-15-dən mayın 4-5-dək orada qalacağı barədə xəbərdarlıq etmişdi. Pentaqonun rəsmi nümayəndəsi Con Kirbinin sözlərinə görə, Amerika hərbi gəmilərinin Qara dənizdəki əməliyyatları "rutin xarakter" daşıyır və ABŞ bu fəaliyyəti Türkiyə hökuməti ilə Montrö razılaşması çərçivəsində gerçəkləşdirir. 

"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

 

10
Teqlər:
təxirə salınmaq, keçid, hərbi gəmi, Qara dəniz, ABŞ, Türkiyə