Kinoteatr, arxiv şəkli

İtaliyada kino sahəsində senzura ləğv olunub

21
(Yenilənib 10:14 08.04.2021)
1944-cü ildən etibarən İtaliyada 725 film senzuraya məruz qalıb. Onlardan 274-ü İtaliya, 130-u ABŞ, 321-i isə digər ölkələrin istehsalıdır

BAKI, 8 aprel — Sputnik. İtaliyada kinematoqrafiya sahəsində 1914-cü ildən bəri tətbiq olunmuş senzura ləğv olunub. Sputnik Azərbaycan Rusiya mediasına istinadən xəbər verir ki, bunu ölkənin mədəniyyət naziri Dario Françeskini deyib.

"Bu günə qədər dövlətin yaradıcı azadlığa müdaxiləsinə imkan verən nəzarət sistemi tamamilə ləğv olunub", - deyə nazir bildirib.

Bundan sonra heç bir filmə siyasi, mənəvi və dini təsəvvürlərlə əlaqədar olaraq qadağa qoya və yaxud onların redaktə olunmasını tələb edə bilməyəcəklər. Bundan əlavə, kinematoqrafçılar özləri müstəqil şəkildə filmlərin hansı yaş kateqoriyası üçün nəzərdə tutulduğunu müəyyən edəcəklər. Onların qərarını 49 nəfər kino sənayesi işçiləri, habelə tərbiyə işləri və heyvanların hüquqları sahəsində mütəxəssislərdən ibarət komissiya təsdiq edəcək.

Xəbərdə qeyd olunur ki, 1944-cü ildən etibarən İtaliyada 725 film senzuraya məruz qalıb. Onlardan 274-ü İtaliya, 130-u ABŞ, 321-i isə digər ölkələrin istehsalıdır.

Dövlətin kinoya müdaxilə etdiyi ən səs-küylü hadisələrdən biri 1998-ci ildə "İki dəfə yaşamış Toto" adlı filmlə bağlıdır. Belə ki, ölkənin katolik əhalisinin əksəriyyəti bu filmin əleyhinə çıxıb. Bundan əlavə "Sonuncu tanqo" və "Qərb portağalı" filmləri də senzuraya məruz qalıb.

Aprelin 1-də məlum olub ki, Rusiyanın Mədəniyyət Nazirliyi ölkədəki kinoteatrlarda İngiltərə istehsalı olan, rejissor Harri Makkvinin geylər haqqında dramatik "Supernova" filminin tam versiyasını səhnədə göstərməyə icazə verib. Xatırladaq ki, həmin filmdə qəhrəmanlar sekslə məşğul olmağa cəhd edirlər.

2020-ci ilin fevralında "İrəli" animasiya filminin rus dilindəki versiyasından lesbiyan təpəgöz haqqında danışıldığına görə bir neçə fraqment kəsilib. 2019-cu ildə isə musiqiçi Elton Con haqqında çəkilmiş "Roketmen" adlı filmdən narkotiklər və geylər arasında seksin nümayiş olunduğu fraqmentlər kəsilib.

21
Türkiyə hərbçiləri, arxiv şəkli

İrandan Türkiyəni qəzəbləndirəcək plan

73
(Yenilənib 22:55 17.04.2021)
Rusiya ordusuna bağlı birliklər Suriyanın Tel-Rıfat bölgəsini tərk edərkən yerlərinə İran İnqilab Keşikçilərinin elementləri yerləşdirilib.

BAKI, 17 aprel — Sputnik. Türkiyə 6 ildir PKK işğalı altında olan Suriyanın Tel-Rıfat qəsəbəsini və İraq-Suriya sərhəddində yerləşən Sincar bölgəsini terrorçulardan təmizləməyə çalışır.

Sputnik Azərbaycan "Haber7"yə istinadla xəbər verir ki, Tel-Rıfatda Rusiya ordusuna bağlı birliklər bölgəni tərk edərkən yerlərinə İran İnqilab Keşikçilərinin elementləri yerləşdirilib. Digər terror bölgəsi olan Sincara isə Tehrana bağlı "Haşdi Şabi" milisləri yerləşdirilib.

"Hizbullah"ın baş katibi Hüseyin Həmdavi və "Haşdi Şabi"nin qurucusu Hadi əl-Amiri və digərləri Sincar ilə əlaqədar Türkiyəni təhdid ediblər.

"Fərat qalxanı" bölgəsindəki yüksək səviyyəli bir mənbə Tel-Rıfata qarşı hərbi əməliyyat üçün bütün hazırlıqların 2018-ci ildə tamamlandığını, ancaq İranın maneə törətdiyi üçün əməliyyatın təxirə salındığını söyləyib.

 

 

73
Belarus Prezidenti Aleksandr Lukaşenko, arxiv şəkli

Lukaşenkoya qarşı sui-qəsd hazırlayanlar Moskvada saxlanılıb

69
Zenkoviç və Feduta messencerlərdən biri vasitəsilə apardıqları şəxsi söhbətlərində Belarus Respublikasında silahlı üsyan planının müzakirəsini təşkil ediblər və Moskvada ölkənin Silahlı Qüvvələrinin müxalif yönümlü generalları ilə fərdi görüş keçirməyi qərara alıblar.

BAKI, 17 aprel - Sputnik. Rusiya paytaxtında ABŞ və Belarus ikili vətəndaşlığı olan Yuri Zenkoviç və Belarus vətəndaşı Aleksandr Feduta saxlanılıb.

APA “RİA Novosti”yə istinadən xəbər verir ki, bu barədə Federal Təhlükəsizlik Xidmətinin (FTX) İctimaiyyətlə əlaqələr mərkəzi məlumat yayıb.

Məlumata görə, həmin şəxslər may ayının 9-da Minskdə hərbi çevriliş etməyi və Belarus Prezidenti Aleksandr Lukaşenkonun fiziki yolla hakimiyyətdən kənarlaşdırılmasını planlaşdırırmışlar.

“Rusiya FTX Belarus Respublikasının Dövlət Təhlükəsizlik Komitəsi ilə birlikdə keçirdiyi xüsusi əməliyyat zamanı yerli və ukraynalı millətçilərin cəlb edilməsi yolu ilə Belarusda “rəngli inqilab” ssenarisinin işlənilməsi əsasında hərbi çevriliş təşkil etməyi və prezident Aleksandr Lukaşenkonun fiziki olaraq hakimiyyətdən kənarlaşdırılmasını planlaşdıran ABŞ və Belarus vətəndaşlığı olan Yuri Leonidoviç Zenkoviç və Belarus vətəndaşı Feduta Aleksandr İosifoviçin qanunsuz fəaliyyətləri ifşa olunub”, - deyə məlumatda qeyd olunub.

Məlumata görə, Zenkoviç və Feduta messencerlərdən biri vasitəsilə apardıqları şəxsi söhbətlərində Belarus Respublikasında silahlı üsyan planının müzakirəsini təşkil ediblər və Moskvada ölkənin Silahlı Qüvvələrinin müxalif yönümlü generalları ilə fərdi görüş keçirməyi qərara alıblar.

Zenkoviç Moskvaya gəldikdən sonra ABŞ və Polşadakı məsləhətləşmələrdən sonra görüş paytaxt restoranlarından birinin kabinəsində baş tutub, görüş zamanı sui-qəsdçilər “Belarus generalları”na bildiriblər ki, planlarının uğurla həyata keçirilməsi üçün respublikanın bütün yüksək rəhbərliyini fiziki cəhətdən kənarlaşdırmaq lazımdır.

Onlar xüsusi olaraq xalqa müraciətlərini yayımlamaq üçün radio və televiziya mərkəzlərinin ələ keçirilməsinin və paytaxtda hazırkı hökumətə sadiq olan daxili qoşunlar və çevik polis qüvvələrinin bloklanmasının nəzərdə tutulduğu hərbi çevriliş planını ətraflı müzakirə ediblər.

Belarus prezidentinin hakimiyyətdən kənarlaşdırılması ilə konstitusiya quruluşunun dəyişdirilməsi və ölkənin idarə edilməsini “Milli Sülh Komitəsi”nə həvalə olunması yekun hədəf olaraq qarşıya qoyulmuşdu.

Zenkoviç və Feduta ilə bağlı Belarus istintaq orqanları Cinayət Məcəlləsinin 357-ci maddəsi (sui-qəsd və ya dövlət hakimiyyətini ələ keçirmək məqsədi ilə törədilən digər hərəkətlər) ilə cinayət işi başlanılıb.

69