EHANG 184 AAV

Pilotsuz aviataksilər üçün aerovağzal tikilir

79
(Yenilənib 23:55 07.04.2021)
Hava avtomobilində gəzmək üçün sərnişinlər qurğunun yuxarı hissəsində yerləşən qalxma və enmə platformasına liftlə getməli olacaqlar.

BAKI, 8 aprel - Sputnik. Çinin “Ehang” şirkəti ekoturizm sənayesində fəal şəkildə istifadə ediləcək pilotsuz taksilər üçün hava limanı terminalı tikmək niyyətindədir. Qeyri-adi struktur İtaliyada tikilməsi planlaşdırıldığından italyan dizayn qrupu “Giancarlo Zema Design Group” ilə birlikdə hazırlanıb.

Sputnik Azərbaycan xəbər verir ki, bu məqsədlə “vertiport” adlanan xüsusi aerovağzal yaradılıb. Artıq 2 sərnişin daşıya bilən 40 pilotsuz avtomobil burada sınaq uçuşları həyata keçirir.

Layihə müəllifləri “vertiport”da sərnişinləri bir çox maraqlı və qeyri-adi şeylərin gözlədiyini vəd edirlər. Hava avtomobilində gəzmək üçün sərnişinlər qurğunun yuxarı hissəsində yerləşən qalxma və enmə platformasına liftlə getməli olacaqlar. Təyyarələr üçün üç eniş sahəsi olan açıq teraslar yaradılacaq.

Aerovağzalda sərnişinlər üçün gözləmə otağı, müşahidə göyərtəsi və ətrafdakı mənzərəni 360 dərəcə göstərən bir restoran da nəzərdə tutulub.

79
Nyu-Yorkda Tayms-skver meydanı, arxiv şəkli

Məşhurlar Nyu-York küçələrini podiuma çevirdilər - FOTO

9
Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

BAKI, 10 aprel — Sputnik. Nyu-Yorkda "Michael Kors Collection"ın nümayişi keçirilib.

Sputnik Azərbaycan xarici mediaya istinadən xəbər verir ki, pandemiya ilə əlaqədar olaraq tədbir rəqəmsal formatda baş tutub: modellərin yürüşü video qeydiyyata alınıb, ictimaiyyətə isə daha sonra təqdim ediləcək.

​Amma buna baxmayaraq, "Michael Kors Collection"dan ilk fotolar mediaya sızıb. Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

​Dünyaca məşhur modellərin bir araya toplaşması nadir hadisə hesab olunur. Ona görə də şounun çox yaddaqalan olacağı barədə proqnozlar verilib.

9
Teqlər:
Nyu-York, moda
Lil Nas X, arxiv şəkli

Dizaynında insan qanı istifadə olunan "İblis ayaqqabıları" satışdan çıxarıldı

6
Xatırladaq ki, rep ifaçısı Lil Nas X "Satanic Shoes" ("İblis ayaqqabıları") adı altında 666 cüt idman ayaqqabısı istehsal edib. İdman ayaqqabısı "Nike Air Max 97"-yə bənzəyir.

BAKI, 10 aprel — Sputnik. "İblis ayaqqabıları"nın satıcısı "Nike"ın məhkəmə iddiasından sonra onun satışdan geri çağırılmasına razılıq verib.

Sputnik Azərbaycan xarici mediaya istinadən xəbər verir ki, ödədikləri pullar alıcılara geri qaytarılacaq.

Xatırladaq ki, rep ifaçısı Lil Nas X "Satanic Shoes" ("İblis ayaqqabıları") adı altında 666 cüt idman ayaqqabısı istehsal edib. İdman ayaqqabısı "Nike Air Max 97"yə bənzəyir, sadəcə altlıq hissədə hava qabarcığı mürəkkəbə qarışmış bir damla qan ilə doldurulub.

Посмотреть эту публикацию в Instagram

Публикация от Vince Hizon (@vincehizon12)

Bununla əlaqədar olaraq "Nike" məhkəməyə müraciət edib və həmin idman ayaqqabıların satışının müvəqqəti qadağan olunmasına nail olub.

6