Kiyev şəhərinə mənzərə, arxiv şəkli

Ukraynanı NATO-ya qəbul edirlər?

18
(Yenilənib 15:50 07.04.2021)
"Ukraynanın NATO sıralarına qəbul olunması barədə Alyansın bütün üzvləri tərəfindən yekdil olaraq qəbul olunmalıdır".

BAKI, 7 aprel — Sputnik. Hazırda Ukraynanın NATO hərbi-siyasi blokuna qəbul olunması məsələsi nəzərdən keçirilmir. Sputnik Azərbaycan Rusiya KİV-lərinə istinadən xəbər verir ki, belə bir bəyanatla Almaniya hökumətinin rəsmisi Elrike Demmer çıxış edib.

"Ukraynanın öz siyasi ehtiyaclarına uyğun olaraq azad seçim hüququ var. Lakin bu ölkənin quruma üzvlüyü istiqamətində hazırda hər hansı bir addım nəzərdə tutulmur", - deyə Demmer bildirib.

Almaniya hökumət nümayəndəsi onu da bildirib ki, NATO ümumilikdə alyansa yeni üzvlərin qəbul olunmasına hazırdır.

Xatırladaq ki, bir müddət əvvəl Ağ Ev Ukraynanın Şimali Atlantika blokuna qoşulması ilə bağlı mövqeyini açıqlayıb. ABŞ prezidentinin mətbuat katibi Cen Paski bildirib ki, Vaşinqton Kiyevi dəstəkləyir, lakin Ukraynanın NATO sıralarına qəbul olunması barədə alyansın bütün üzvləri tərəfindən yekdil olaraq qəbul olunmalıdır.

Qeyd edək ki, Ukraynanın NATO-ya üzvlük məsələsi son günlər bu ölkənin sərhədində Rusiya hərbi qüvvələrinin sayının artırılması ilə qabardılır. Rusiya prezidentinin mətbuat katibi Dmitri Peskov Rusiya hərbçilərinin Ukrayna sərhədləri yaxınlığında hansı müddət ərzində qalacağına dair bu gün açıqlama verib.

"Rusiya heç kimi təhdid etməyib və etmir. Rusiya qoşunları dövlətin öz ərazisində, məqsədəuyğun yerdə yerləşir, Müdafiə Nazirliyi və ali baş komandan nə qədər məqsədəmüvafiq hesab etsələr, o qədər də orada qalacaqlar", - deyə Peskov bildirib.

Onu da xatırladaq ki, Rusiya Ukraynadakı gərginliklə bağlı ABŞ-la əlaqədə olduğunu bəyan edib. Moskva həmçinin Qərbin Rusiyanın Cənubda qüvvələrini artırması ilə bağlı ehtiyatlarını da inkar edib.

18
Teqlər:
NATO, Ukrayna
Nyu-Yorkda Tayms-skver meydanı, arxiv şəkli

Məşhurlar Nyu-York küçələrini podiuma çevirdilər - FOTO

10
Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

BAKI, 10 aprel — Sputnik. Nyu-Yorkda "Michael Kors Collection"ın nümayişi keçirilib.

Sputnik Azərbaycan xarici mediaya istinadən xəbər verir ki, pandemiya ilə əlaqədar olaraq tədbir rəqəmsal formatda baş tutub: modellərin yürüşü video qeydiyyata alınıb, ictimaiyyətə isə daha sonra təqdim ediləcək.

​Amma buna baxmayaraq, "Michael Kors Collection"dan ilk fotolar mediaya sızıb. Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

​Dünyaca məşhur modellərin bir araya toplaşması nadir hadisə hesab olunur. Ona görə də şounun çox yaddaqalan olacağı barədə proqnozlar verilib.

10
Teqlər:
Nyu-York, moda
Lil Nas X, arxiv şəkli

Dizaynında insan qanı istifadə olunan "İblis ayaqqabıları" satışdan çıxarıldı

7
Xatırladaq ki, rep ifaçısı Lil Nas X "Satanic Shoes" ("İblis ayaqqabıları") adı altında 666 cüt idman ayaqqabısı istehsal edib. İdman ayaqqabısı "Nike Air Max 97"-yə bənzəyir.

BAKI, 10 aprel — Sputnik. "İblis ayaqqabıları"nın satıcısı "Nike"ın məhkəmə iddiasından sonra onun satışdan geri çağırılmasına razılıq verib.

Sputnik Azərbaycan xarici mediaya istinadən xəbər verir ki, ödədikləri pullar alıcılara geri qaytarılacaq.

Xatırladaq ki, rep ifaçısı Lil Nas X "Satanic Shoes" ("İblis ayaqqabıları") adı altında 666 cüt idman ayaqqabısı istehsal edib. İdman ayaqqabısı "Nike Air Max 97"yə bənzəyir, sadəcə altlıq hissədə hava qabarcığı mürəkkəbə qarışmış bir damla qan ilə doldurulub.

Посмотреть эту публикацию в Instagram

Публикация от Vince Hizon (@vincehizon12)

Bununla əlaqədar olaraq "Nike" məhkəməyə müraciət edib və həmin idman ayaqqabıların satışının müvəqqəti qadağan olunmasına nail olub.

7
Meyvə və tərəvəz satışı, arxiv şəkli

Yaz aylarında hansı meyvələrlə immuniteti gücləndirmək olar

0
(Yenilənib 23:55 10.04.2021)
Orqanizmdə dəmir çatmayanda bu vəziyyət atrofik qastrit və miokardiopatiyaya səbəb olur, eyni zamanda, skelet əzələlərinin tonusunu azaldır və yorğunluq hissini artırır.

BAKI, 11 aprel — Sputnik. Dietoloqlar bahar aylarında immuniteti dəstəkləmək və avitaminozdan əziyyət çəkməmək üçün hansı meyvələri yemək lazım gəldiyini açıqlayıblar.

"Meyvələr bizim qida rasionumuzun əsas tərkib hissəsidir. Onların tərkibində çoxlu sayda mikroelementlər və vitaminlər var. Bu, zəngin lif mənbəyi deməkdir, odur ki, meyvələri həmişə menyumuza daxil etməliyik", – deyə dietoloq Oksana Vıdrya rus mətbuatına müsahibəsində bildirib.

Başqa bir dietoloq Olqa Kuznetsova isə qeyd edib ki, yaz avitaminozu zamanı ən təsirli meyvə armuddur. Çünki onun tərkibində çoxlu miqdarda dəmir var. Orqanizmdə dəmir çatmayanda bu vəziyyət atrofik qastrit və miokardiopatiyaya səbəb olur, eyni zamanda, skelet əzələlərinin tonusunu azaldır və yorğunluq hissini artırır.

Eləcə də, B6, K və C vitaminləri ilə zəngin olan nar da immuniteti dəstəkləyir, mərkəzi sinir sisteminin işini, qanı normallaşdırır.

Banan isə tərkibindəki B6 vitamini, manqan və kalium sayəsində vitamin çatışmazlığından qorunmağa kömək edir.

"Əgər banan yeməklə kökəlməkdən ehtiyat edirsinizsə, müəyyən normanı keçməmək məsləhətdir. Məsələn, gün ərzində bir banan yeməyin heç bir ziyanı yoxdur", – bunu isə dietoloq Tamara Kramçeninova deyib.

0
Teqlər:
immunitet, meyvə, yaz, vitamin