Kiriakos Mitsotakis və Abdülhəmid Dibeybe

Yunanıstan Baş naziri ölkədən qovduğu səfirin ayağına getdi

19
(Yenilənib 14:10 07.04.2021)
Türkiyə-Liviya razılaşmasına da münasibət bildirən Yunanıstan Baş naziri qeyd edib: "Guya dövlətlərarası razılaşma kimi göstərilən, lakin qanuni qüvvəsi olmayan qanunsuz sənədlərin ləğvi bizim üçün önəmlidir".

BAKI, 7 aprel — Sputnik. Yunanıstan Baş naziri Kiriakos Mitsotakis Liviya ilə pozulan münasibətləri düzəltmək üçün ötən gün Tripoliyə gedərək bu ölkənin keçid hökumətinin rəhbəri Məhəmməd Mənfi və Baş nazir Abdülhəmid Dibeybe ilə görüşüb.

Qeyd olunur ki, Mitsotakis 2019-cu ildə Türkiyə-Liviya anlaşması ilə bağlı o vaxt Afinada Liviya səfiri olan Məhəmməd Mənfini persona non-qrata elan edib, ölkədən deportasiya etmişdi.

Dibeybe ilə görüşdən sonra keçirilən ortaq mətbuat konfransında Yunanıstan Baş naziri bunları deyib: "Münasibətlərimizdə yeni bir səhifə yazarkən köhnə səhifədəki yanlışlıqları da silmə fürsəti tapacağıq. Neqativ şeyləri geridə qoyaq".

Türkiyə-Liviya razılaşmasına da münasibət bildirən Yunanıstan Baş naziri qeyd edib: "Guya dövlətlərarası razılaşma kimi göstərilən, lakin qanuni qüvvəsi olmayan qanunsuz sənədlərin ləğvi bizim üçün önəmlidir".

Buna cavab olaraq isə Liviya Baş naziri Abdülhəmid Dibeybe vurğulayıb ki, ölkəsi Türkiyə ilə münasibətləri inkişaf etdirmək istəyir. Biz başqa ölkələrin deyil, Liviyanın maraqları naminə hərəkət edirik".

19
Teqlər:
baş nazir, Liviya, Yunanıstan
Türkiyənin Xarici İşlər naziri Mövlud Çavuşoğlu, arxiv şəkli

Çavuşoğlu Rusiyaya gedəcək

5
"Biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik".

BAKI, 20 aprel - Sputnik. Türkiyə Xarici işlər naziri Mövlud Çavuşoğlu bildirib ki, ölkəsində koronavirusla bağlı vəziyyət normallaşan kimi uçuşların bərpasının müzakirəsi üçün Rusiyaya gedəcək.

Sputnik Azərbaycan-ın məlumatına görə, Türkiyədə ötən cümə günü pandemiya başlayandan bəri sutka ərzində ən yüksək yoluxma (63082), bu həftənin çərşənbə axşamı isə sutka ərzində ən çox ölüm (346) faktı qeydə alınmışdı. Türkiyədə ağır pandemiya şəraitinə görə Rusiya bu ölkə ilə aprelin 15-dən iyunun 1-dək aviaəlaqəni dayandırıb.

"Türkiyədə koronavirusa yoluxma hallarının artması səbəbindən Rusiya uçuşları məhdudlaşdırdı. İki ölkənin prezidentləri bunu müzakirə etdilər və belə bir qərar alındı, burada siyasət yoxdur. Ancaq biz əlavə məhdudiyyətlər tətbiq etdik. Əgər onları pozsaq, nəticə əldə edə bilmərik, o zaman bizim turizm risk altına düşər", - Çavuşoğlu Habertürk kanalının efirində deyib.

Onun sözlərinə görə, tezliklə Rusiyadan olan nümayəndələr turizm sahəsində təhlükəsizliyi qiymətləndimək üçün Türkiyəyə gələcəklər. 

"Sonra isə biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik. Ramazan ayı ərzində bu göstəriciləri azaltmalıyıq", - Çavuşoğlu əlavə edib.

5
Teqlər:
səfər, Rusiya, Türkiyə, Mövlüd Çavuşoğlu
Aleksey Navalnı, arxiv şəkli

Navalnını vərəm xəstəxanasında təkadamlıq kameraya saldılar

5
Navalnı martın 31-də Instagram səhifəsində "dəvət olunmuş həkimin içəri buraxılması" tələbi ilə aclıq elan etdiyini yazmışdı.

BAKI, 20 aprel - Sputnik. "Hazırda sərt rejimli koloniyanın vərəm xəstəxanasının təkadamlıq kamerasında olan Aleksey Navalnı özü ona qlükoza köçürülməsinə razılıq verib". 

Sputnik Azərbaycan RİA Novosti-yə istinadən bildirir ki, bu barədə onun vəkili Olqa Mixaylova jurnalistlərə deyib.

Moskvanın Simonov məhkəməsinin fevralda "İv Roşe" şirkəti üzrə işə görə şərti cəzanı ləğv edib 3.5 il ümumi rejimli koloniyada həbs cəzası kəsdiyi Navalnı martın 31-də Instagram səhifəsində "dəvət olunmuş həkimin içəri buraxılması" tələbi ilə aclıq elan etdiyini yazmışdı. Olqa Mixaylova Navalnının durumu ilə əlaqədar bildirmişdi ki, onun ayaqları və kürəyi ağrıyır. Federal Cəzaların İcrası Xidməti (FCİX) müayinədən sonra Navalnının vəziyyətini stabil və qənaətbəxş adlandırmış və koloniyada bütün lazımi tibbi yardımı aldığını bildirmişdi.

Ötən həftə Vladimir vilayətinin FCİX-dən bildirmişdilər ki, Navalnını aprelin 5-dən 9-dək Pokrovdakı islah koloniyasının tibbi-sanitar bölməsində saxlayıb, sonra "səhhəti yaxşılaşdığından" geriyə, dəstəyə qaytarıblar. Bazar ertəsi isə həkimlər komissiyası Navalnının koloniyadan Vladimirdəki məhkumlar üçün vilayət xəstəxanasına köçürülməsinə qərar veriblər.

 

5
Teqlər:
kamera, vərəm, həbsxana, Rusiya, Aleksey Navalni