Kreml, arxiv şəkli

Həm Nazim Hikmətin məzarını ziyarət et, həm peyvənd olun

18
(Yenilənib 11:16 01.04.2021)
Türkiyənin turizm şirkətləri öz müştərilərinə Rusiyaya təşkil etdikləri səyahət çərçivəsində növbəsiz vaksinasiya olunmağı təklif edirlər.

BAKI, 1 aprel — Sputnik. Koronavirusa qarşı peyvənd preparatlarının ölkələr üzrə qeyri-bərabər paylanması insanları bu təhlükəli infeksiyadan müdafiə olunmaq üçün alternativ üsullara əl atmağa vadar edir. Peyvənd vurdurmaq üçün növbə gözləmək istəməyənlərin tez vaksinasiya olunmaq istəyindən yararlananlar yeni qazanc növü tapıblar. Türkiyənin NTV kanalının yaydığı xəbər görə, artıq qonşu ölkənin turizm şirkətləri Rusiyaya peyvənd turları təşkil etməyə başlayıblar. Xəbərdə bildirilir ki, turizm şirkətlərindən birinin rəhbəri "Moskvada bir klinika ilə anlaşma imzalamışıq. Moskva turu qonaqlama, təyyarə bileti və peyvənd də daxil olmaqla 1099 avroya başa gəlir. Peyvənd olunanlara sertifikat da verilir", – deyə məlumat verib.

"Turizm paketi satın aldığınız təqdirdə sizə iki təyyarə bileti verilir. Məsələn, ilk uçuşunuz aprelin 15-də olacaqsa, ikinci bilet mayın 6-na təsadüf edir. Moskvaya çatan kimi peyvənd vurulur ki, hər hansı bir ağırlaşma baş verərsə, dərhal yerində müdaxilə etmək mümkün olsun. Səyahət edənlərin yanında rus dilini bilən assistent də olur. Bundan sonra Moskva səyahəti təşkil edilir. Səyahətə Kreml gəzintisi, Nazim Hikmətin məzarını ziyarət etmək də daxildir", – deyə turizm şirkətinin təmsilçisi vurğulayıb.

O, həmçinin qeyd edib ki, proses tamamilə qanunauyğun şəkildə həyata keçirilir, peyvənd olunanlara xüsusi pasport verilməsə də, beynəlxalq səviyyədə keçərli olan vaksin sertifikatı təqdim olunur. Şirkətin rəhbəri Moskvaya səyahət paketi alanlara "Sputnik V" peyvəndinin vurulacağını da qeyd edib.

Şirkət təmsilçisi dünyada peyvənd çatışmazlığının olduğu bir vaxtda bunun necə reallaşdırıldığı barədə sualı da cavablayıb: "Rusiyada hətta alış-veriş mərkəzlərində də peyvənd köşkləri var. Hər şey rəsmi qeydiyyat əsasında həyata keçirilir. Turizm paketi alan şəxsin pasport məlumatlarını o, Rusiyaya getməmişdən əvvəl razılaşmamız olan klinikaya göndəririk. Kimə hansı seriyalı peyvəndin vurulacağı qeydə alınır. İndiyə kimi Türkiyədən 4 nəfər göndərmişik və onlarla bağlı heç bir problem yaranmayıb".

Səyahət təşkilatçısı onu da qeyd edib ki, hazırda onlara müraciət edənlər arasında yaşı imkan vermədiyi üçün vaksinasiya oluna bilməyən şirkət rəhbərlərinin sayı daha çoxdur.

18
Teqlər:
səfər, turizm, vaksin, Rusiya, Türkiyə
İranın Nətənz Nüvə Mərkəzi

MAQATE hay-küylü qəzaya belə reaksiya verdi

5
(Yenilənib 00:05 13.04.2021)
"Nətənz hadisəsi ilə bağlı dünən mediada gedən məlumatlardan xəbərimiz var və bununla bağlı İran rəhbərliyi ilə əlaqə saxlayırıq"

 

BAKI, 12 aprel — Sputnik. Beynəlxalq Atom Enerjisi Agentliyi (MAQATE) İranın Nətənz Nüvə Mərkəzində baş verən qəzaya reaksiya verib. Agentlikdən bildirilib ki, qəza ilə bağlı İran hakimiyyəti ilə əlaqə saxlanılıb. Sputnik Azərbaycan RİA Novosti-yə istinadla xəbər verir ki, bunu MAQATE-nin nümayəndəsi Fredrik Dal deyib.

"Nətənz hadisəsi ilə bağlı dünən mediada gedən məlumatlardan xəbərimiz var və bununla bağlı İran rəhbərliyi ilə əlaqə saxlayırıq ", – deyə Dal bildirib.

Qeyd edək ki, dünən səhər saatlarında İran Atom Enerjisi Təşkilatının sözçüsü Behruz Kəmalvəndi İranın Nətənz Nüvə Mərkəzində qəza baş verdiyini, nəticədə insan tələfatı və çirklənmə olmadığını və qəzanın səbəblərinin araşdırıldığını bildirib.

İranın vitse-prezidenti və İran Atom Enerjisi Təşkilatının rəhbəri Əli Əkbər Salehi isə vurğulayıb ki, İranın Nətənz Nüvə Mərkəzindəki qəza hücum və "nüvə terrorizmi"nin nəticəsidir.

"İran Beynəlxalq Atom Enerjisi Agentliyini bu nüvə terrorizminə qarşı çıxmağa çağırır, eyni zamanda müvafiq addımlar atmaq hüququnu özündə saxlayır", – deyə o qeyd edib.

5
İbrahim Tatlısəs, arxiv şəkli

Tatlısəs uzun illər sonra yeni mahnı təqdim edəcək

4
Verilişdə Tatlısəs 11 il sonra bir ilki gerçəkləşdirəcək. Sənətçi "Gəlməsin" adlı yeni mahnısını səsləndirəcək.Verilişdə Tatlısəs 11 il sonra bir ilki gerçəkləşdirəcək. Sənətçi "Gəlməsin" adlı yeni mahnısını səsləndirəcək.

BAKI, 12 aprel — Sputnik. Türk musiqisinin ən məşhur simalarından biri olan İbrahim Tatlısəs doqquz il sonra "İbo Show" verilişi ilə ekranlara qayıdıb.

Sputnik Azərbaycan Türkiyə mətbuatına istinadən xəbər verir ki, "Star TV"-də efirə çıxan proqramın yeni buraxılışının qonaqları məlum olub.

Verilişin 22-ci sayında Deniz Seki, Erkan Petekkaya, Sinan Akçıl ve İrem Derici iştirak edəcəklər.

Bundan başqa, verilişdə Tatlısəs 11 il sonra bir ilki gerçəkləşdirəcək. Sənətçi "Gəlməsin" adlı yeni mahnısını səsləndirəcək. Proqram aprelin 17-də, Bakı vaxtı ilə saat 21.00-da yayımlanacaq.

4
Bakı metrosunda

"Bakı Metropoliteni"ndə yeni əsaslarla qurulur

0
Təmir-baxış qanovlarında müasir idarəetmə sisteminin tətbiqi, kommutasiya sistemi mərkəzləşmiş formada yeni əsaslarla qurulur

 

BAKI, 12 aprel — Sputnik. "Bakı Metropoliteni" Qapalı Səhmdar Cəmiyyətinin "Nərimanov" elektrik deposunda qatarların baxış-təmir sahələrində daha bir texniki yenilik tətbiq edilir. Əsaslı təmir edilərək yenidən qurulan bu sahələrin fəaliyyətinin optimallaşdırılması istiqamətində innovativ tədbirlərin həyata keçirilməsi istiqamətində mühüm işlər görülür. Bu barədə "Bakı Metropoliteni" QSC-dən Sputnik Azərbaycan-a verilən məlumatda bildirilib.

Qeyd olunub ki, qanovlarda qatarların hərəkətini təmin edən 825 V-luq kontakt şəbəkəsi yenidən qurulur. Başqa sözlə, şəbəkədə kommutasiya sisteminin müasirləşməsi üzrə işlər aparılır.

Məsələnin aydın olması üçün qeyd edək ki, baxış-təmir qanovlarında qatarlar 825 V-luq sabit gərginliyi olan yollardakı kimi təmas relsindən deyil, qanovlar yerləşən sahənin tavanında quraşdırılmış təmas şəbəkəsindən alır. Bu isə təhlükəsizlik qaydalarının tələbindən irəli gələn bir məsələdir.

1966-cı ildən fəaliyyətdə olan depoda kommutasiya sisteminin dəyişdirilməsi onun daha müasir və etibarlı sistemlə əvəz edilməsi deməkdir. Bununla iş şəraiti də müasir dövrün tələbinə uyğunlaşdırılır. Görülən tədbirlərlə kontakt şəbəkəsi elementləri də yenilənməklə gücləndirilir və qanovlara yüksək gərginliyin verilməsi prosesi tam avtomatlaşdırılır.

Yeni sistemin tətbiqi ilə hər qanov qarşısında xüsusi təyin edilmiş dolablar qoyulub. Bununla baxış-təmir qanovunda dayanmış qatara sabit gərginlik verilməsi üçün çevirici qolları fırlamaq əvəzinə, sadəcə, komanda düyməsini sıxmaq yetərlidir.

Layihə İtaliyanın "Ropla" şirkəti ilə əməkdaşlıq şəraitində həyata keçirilir. Hazırda 10 qanovda yüksək gərginlik şəbəkəsinin bütün avadanlıqları, idarəetmə dolabları quraşdırılıb və sistem istifadəyə verilib. Daha 7 qanovda işlərin aparılması üçün hazırlıq tədbirləri davam etdirilir və bu, qanovların əsaslı təmiri prosesi ilə paralel aparılır.

İşlər bununla tamamlanmır. Bütün qanovlarda yeni sistem eyni mərkəzdən idarə olunacaq. Bu istiqamətdə tədbirlər davam etdirilir. İdarəetmə mərkəzində iş başında olan operator otağı tərk etmədən qatarların istənilən baxış-təmir qanovuna gərginliyin verilib-çıxarılmasını avtomatik yerinə yetirə biləcək.

0