Süveyş kanalı, arxiv şəkli

Prezident elan etdi Dünyanın gözlədiyi xəbər

43
(Yenilənib 15:11 29.03.2021)
İndi dünya vəziyyətin normaya qayıtmasından sonra bu həyati əhəmiyyətə malik arteriya ilə daşınılan yüklərə görə rahat ola bilər.

BAKI, 29 mart — Sputnik. Misir Prezidenti Abdel Fəttah əs-Sisi "Ever Given" konteyner gəmisinin saydan çıxarıldığını və Süveyş kanalının açıldığını elan edib. Sputnik Azərbaycan xəbər verir ki, bunu Misir prezidenti öz rəsmi "Twitter" səhifəsində yazıb.

"Əməliyyatın müxtəlif aspektləri zamanı yaranmış böyük texniki çətinliklərə baxmayaraq misirlilər Süveyş kanalında saya oturan gəmi ilə bağlı böhranı həll etməklə bu gün uğura nail olub", - deyə əs-Sisi qeyd edib.

O vurğulayıb ki, "indi dünya vəziyyətin normaya qayıtmasından sonra bu həyati əhəmiyyətə malik arteriya ilə daşınılan yüklərə görə rahat ola bilər".

Xatırladaq ki, bu gün Süveyş kanalının dayaz yerində ilişib qalmış "Ever Given" konteyner gəmisi saydan çıxarılıb.

"Ever Given" yük gəmisinin uzunluğu 400 metrdir. O, 224 min ton yükgötürmə gücünə malikdir. Gəmi Çindən Niderlanda doğru hərəkət edirmiş. Martın 24-də gəmi kanalın 151-ci km-liyində saya oturmuşdu.

Xatırladaq ki, Aralıq dənizi ilə Qırmız dənizi birləşdirən Süveyş kanalı Avropa ilə Asiya arasında yerləşir. Onun uzunluğu 160 km, eni 250 m, dərinliyi isə 20 m-dir. Gündə kanaldan 50-yə yaxın gəmi keçir.

43
Teqlər:
say, gəmi, Misir, Süveyş kanalı
Maykl Cekson, arxiv şəkli

Maykl Ceksonun malikanəsindəki heykəllər hərraca çıxarılıb

4
(Yenilənib 01:09 21.04.2021)
1100 hektar torpaq sahəsi olan malikanənin içində zoopark, lunapark, basketbol meydançası, tennis kortu, hovuz, kinoteatr zalı və 20-yə yaxın bina var. Villanı ötən il sənətçinin milyarder dostu Ron Byorkl 22 milyon dollara alıb.

BAKI, 21 aprel — Sputnik. "Popun Kralı" Maykl Ceksonun ABŞ-ın Kaliforniya ştatındakı "Neverland" adlı malikanəsindəki heykəllər hərraca çıxarılıb.

Sputnik Azərbaycan xarici mətbuata istinadən xəbər verir ki, tuncdan hazırlanan 28 ədəd heykəli kolleksiyaçılardan biri 2 milyon 500 min dollara (təxminən 4 milyon 250 min manat) satışa çıxarıb.

Qeyd edək ki, 1100 hektar torpaq sahəsi olan malikanənin içində zoopark, lunapark, basketbol meydançası, tennis kortu, hovuz, kinoteatr zalı və 20-yə yaxın bina var. Villanı ötən il sənətçinin milyarder dostu Ron Byorkl 22 milyon dollara alıb.

4
Teqlər:
hərrac, heykəl, malikanə, Maykl Cekson
Qadın rəsm əsərinə baxır, arxiv şəkli

Süni intellekt itirilmiş şedevrləri bərpa etməyi öyrənib - VİDEO

7
(Yenilənib 01:06 21.04.2021)
Hələ 2018-ci ildə qalereyanın ekspertləri rentgen vasitəsilə müəyyən ediblər ki, Pikassonun fırçasının 1902-ci ilə aid izləri altında onun müasiri, kataloniyalı digər rəssam Santyaqo Rusinolyinin Barselonanın Labirint Ort parkının təsvir olunduğu peyzaj əsəri gizlənib.

BAKI, 21 aprel — Sputnik. London Universitetinin nəzdindəki kolleclərdən birinin alimləri Entoni Buraçed və Corc Kann süni intellekt və 3D printer vasitəsilə itirilmiş incəsənət əsərlərinin tam rəngli surətini yaratmağa müvəffəq olublar. Sputnik Azərbaycan RİA Novosti-yə istinadən xəbər verir ki, mütəxəssislər yeniliyi Pablo Pikassonun Kanadanın Toronto şəhərindəki Ontario incəsənət qalereyasında saxlanılan "Çöməlib oturmuş yoxsul qadın" (1902) əsəri üzərində yoxlayıblar.

Hələ 2018-ci ildə qalereyanın ekspertləri rentgen vasitəsilə müəyyən ediblər ki, Pikassonun fırçasının 1902-ci ilə aid izləri altında onun müasiri, kataloniyalı digər rəssam Santyaqo Rusinolyinin Barselonanın Labirint Ort parkının təsvir olunduğu peyzaj əsəri gizlənib. Məsələ bundadır ki, sənətə təzə başlayan Pikasso yeni kətan parça almağa pulu olmadığı üçün "Çöməlib oturmuş yoxsul qadın" əsərini artıq çəkilmiş digər şəkil üzərində həkk edib.

Texnologiya bu faktı aşkara çıxarsa da, Pikassonun müdaxiləsindən əvvəl həmin şəklin görünüşünün necə olduğunu tam təsəvvür etmək mümkün olmayıb.

İndi isə Buraçed və Kann öz yeniliklərini tətbiq edərək kataloniyalı rəssamın itirilmiş əsərinin 100-dən artıq üçölçülü surətini yaradıblar. Onlar printeri elə proqramlaşdırıblar ki, cihaz Rusinolyinin fırçasının izlərini dəqiqliklə təsvir edərək lazımi rəngləri bir-birinə qarışdırıb.

"Bunu əvvəllər heç kim edə bilməyib. Kətan üzərinə bu üsulla boya və mürəkkəbin çəkilməsi üçölçülü çap işində irəliyə doğru atılmış böyük bir addımdır", - deyə Buraçed bildirib.

Hazırda Pablo Pikassonun müasirinin bərpa edilmiş əsərlərinin hər birinin qiyməti 11 min dollardır və hər bir lövhəyə dələduzlardan qorunmaq üçün xüsusi işarə və unikal kod həkk olunur.

 

7
İsraildə marixuananın yetişdirilməsi, arxiv şəkli

Qubada narkotiklərin tüğyanı: Sakinlər marixuana, çətənə becərir

0
(Yenilənib 11:42 21.04.2021)
Narkotik vasitələrin dövriyyəsinin qarşısının alınması istiqamətində uğurlu əməliyyat tədbirləri davam etdirilir.

BAKI, 21 aprel — Sputnik. Qusar Rayon Polis Şöbəsinin əməkdaşları tərəfindən narkotik vasitələrin dövriyyəsinin qarşısının alınması istiqamətində uğurlu əməliyyat tədbirləri davam etdirilir.

Daxili İşlər Nazirliyinin Mətbuat Xidmətinin Quba rayonu regional qrupundan Sputnik Azərbaycan-a verilən məlumata görə, şöbə əməkdaşları tərəfindən keçirilmiş əməliyyat tədbirləri nəticəsində narkotik tərkibli bitkilərin kultivasiyasında və qanunsuz dövriyyəsində şübhəli bilinən Qusar rayonu Mucuq kənd sakini Nadir Şixmetov rayon ərazisində saxlanılıb. Hal şahidlərinin iştirakı ilə onun yaşadığı evə baxış keçirilən zaman oradan təmiz çəkisi 570 qram olan qurudulan marixuana, eləcə də qurudulması üçün asılan 25 ədəd çətənə kolu aşkarlanaraq götürülüb.

Faktla bağlı Nadir Şixmetov barəsində Qusar Rayon Polis Şöbəsinin İstintaq Bölməsində cinayət işi açılıb, araşdırmalar aparılır.

 

0