Koronavirus modeli, arxiv şəkli

Sirr çözüldü, ÜST koronavirusun yayılma mənşəyini açıqladı

30
(Yenilənib 14:07 29.03.2021)
Agentlik hələ dərc olunmamış hesabatın yekun variantını İsveçrədən olan diplomatdan alıb. İsveçrə ÜST-ün üzvüdür.

BAKI, 29 mart — Sputnik. Çinli alimlər və Ümumdünya Səhiyyə Təşkilatının (ÜST) mütəxəssisləri Çində apardıqları birgə elmi araşdırmalar nəticəsində qənaətə gəliblər ki, yeni növ koronavirus yarasadan insana naməlum aralıq heyvan vasitəsilə keçib. Bu, hazırkı ana ən etibarlı nəzəriyyə hesab olunur. Sputnik Azərbaycan xəbər verir ki, bu barədə "Associated Press" nəşri mütəxəssislərin hələ dərc olunmamış hesabatına istindən xəbər verir.

Qeyd olunur ki, alimlər COVID-19-un laboratoriyadan sızma nəticəsində yayılma ehtimalı versiyasından imtina ediblər. Vurğulanır ki, mütəxəssislər infeksiyanın mənşəyinə dair araşdırmaları davam etdirmək niyyətindədirlər.

Nəşr qeyd edib ki, alimlərin hesabatının dərc olunması bir neçə dəfə təxirə salınıb.

Agentlik hesabatın yekun variantını İsveçrədən olan diplomatdan alıb. İsveçrə ÜST-ün üzvüdür.

Hesabatda alimlər COVID-19 yayılmasının dörd əsas versiyasını sadalayıblar. Onlardan birinə görə, koronavirus yarasalardan insanlara aralıq heyvanından keçə bilər. Lakin aralıq heyvanının hansı heyvan olduğunu müəyyənləşdirmək mümkün olmayıb. Ehtimal olunur ki, həmin heyvan kərtənkələ, pişiklər və su samuru ola bilər. Bu arada ekspertlər infeksiyanın yarasalardan insanlara birbaşa keçməsi ehtimalının çox az olduğunu bildiriblər.

Bundan əlavə, mütəxəssislər qeyd ediblər ki, yarasalar koronavirusu dondurulmuş məhsulların üzərinə də qoya bilərlər.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 127,1 milyonu keçib, 2,78 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

 

30
Teqlər:
hesabat, Çin, COVID-19, epidemiya, Koronavirus, ÜST
ABŞ prezidneti Co Bayden, arxiv şəkli

Baydenlə Putinin görüşü yaxın həftələrdə baş tuta bilər

4
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək" - Blinken.

BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.

​"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.

4
Teqlər:
görüş, Cozef Bayden, Vladimir Putin
ABŞ-ın Hərbi Dəniz Qüvvələrinə məxsus Ross esminetsi Bosfor boğazında

Qara dənizdə baş verir? ABŞ Türkiyəyə xəbərdarlığını geri götürdü

10
"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

BAKI, 15 aprel - Sputnik. ABŞ-ın Ankaradakı səfirliyi özlərinin iki hərbi gəmisinin Bosfor boğazı vasitəsilə Qara dənizə keçməyəcəyi barədə Türkiyəni məlumatlandırıb.

Sputnik Azərbaycan bildirir ki, bu barədə Türkiyə Xarici İşlər Nazirliyindən məlumat verilib.

Qeyd edək ki, bundan öncə Türkiyə XİN-dəki mənbə RİA Novosti-yə bildirmişdi ki, Vaşinqton Ankaraya iki hərbi gəmisinin Bosfor boğazı vasitəsilə Qara dənizə keçəcəyi və aprelin 14-15-dən mayın 4-5-dək orada qalacağı barədə xəbərdarlıq etmişdi. Pentaqonun rəsmi nümayəndəsi Con Kirbinin sözlərinə görə, Amerika hərbi gəmilərinin Qara dənizdəki əməliyyatları "rutin xarakter" daşıyır və ABŞ bu fəaliyyəti Türkiyə hökuməti ilə Montrö razılaşması çərçivəsində gerçəkləşdirir. 

"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

 

10
Teqlər:
təxirə salınmaq, keçid, hərbi gəmi, Qara dəniz, ABŞ, Türkiyə