Co Bayden, arxiv şəkli

Bayden 2024-cü ildə yenidən prezidentliyə namizədliyini irəli sürmək niyyətini açıqlayıb

129
(Yenilənib 00:00 26.03.2021)
"Mənim cavabım bəli. İkinci müddətə namizəd olmağı planlaşdırıram", - deyə Amerika lideri özünün ilk açıq mətbuat konfransı zamanı bildirib.

BAKI, 25 mart - Sputnik. ABŞ Prezidenti Co Bayden 2024-cü ildə yenidən dövlət başçısı vəzifəsinə seçilmək üçün mübarizə aparmaq niyyətində olduğunu açıqlayıb. 

"Mənim cavabım bəli. İkinci müddətə namizəd olmağı planlaşdırıram", - deyə Amerika lideri özünün ilk açıq mətbuat konfransı zamanı "növbəti dəfə prezidentliyə namizədliyinizi irəli sürmək niyyətiniz var?" sualını cavablandırarkən bildirib.

Bununla yanaşı, Bayden 3,5-4,5 il əvvəldən planlaşdırma vərdişinin olmadığını da əlavə etdi. Bu gün üçün onun hələlik yalnız müəyyən "gözləntiləri" var. 

Dövlət başçısının sözlərinə görə, 2024-cü ildə yenidən Vitse-prezident Kamala Harrislə birlikdə seçki kampaniyasında iştirak etməyi planlaşdırır.

Bayden 2020-ci ilin payızında keçirilən seçkilərdə ABŞ prezidenti seçilib. Demokratların namizədi Respublikaçı Donald Trampı məğlub edib.

Qeyd edək ki, Co Baydenin hazırda 78 yaşı var. 

129
Teqlər:
ABŞ prezidenti Donald Tramp, Cozef Bayden, Co Bayden
Советский летчик-космонавт, Герой Советского Союза Юрий Алексеевич Гагарин. Репродукция.

Bəşəriyyət tarixinin ən vacib günlərindən biri

382
(Yenilənib 23:53 11.04.2021)
1961-ci il aprelin 12-də sovet kosmonavtı Yuri Qaqarin, “Baykonur” kosmodromundan start götürərək, “Vostok-1” kosmik gəmisində kosmosa ilk uçuşu həyata keçirib.

BAKI, 12 aprel - Sputnik. 12 aprel - Dünya Aviasiya və Kosmonavtika Günüdür. 1961-ci ilin bu günündə ilk dəfə olaraq Sovet İttifaqı vətəndaşı Yuri Qaqarin orbitə çıxıb. "Vostok" kosmik gəmisi ilə orbitə çıxan kosmonavt 1 saat 48 dəqiqə ərzində Yer kürəsi ətrafında dövr edib və Rusiyanın Saratov vilayəti ərazisində uğurla yerə enib. Keçmiş SSRİ Ali Sovetinin 1962-ci il 9 aprel tarixli Qərarı ilə 12 aprel - Dünya Aviasiya və Kosmonavtika Günü elan edilib. Hazırda bu gün bir çox ölkələr tərəfindən qeyd olunur.

Yuri Qaqarin dünyanın bir çox ölkəsinin fəxri vətəndaşıdır. “Vostok” eniş etdikdən sonra Qaqarin dərhal bir anda SSRİ-nin ən məşhur insanı oldu.

Məhz bu uçuşdan sonra kosmosun fəth olunması üzrə 250-dən çox proqram həyata keçirilib, orbitdə 32 ölkədən bir neçə yüz kosmonavt və astronavt olub. Kosmosda hamıdan çox qalan da rusiyalı kosmonavt Sergey Avdeyevdir. O, 747 sutka, 17 saat açıq fəzada olub. Bir uçuşun davamiyyətinə görə isə lider ixtisasca həkim olan Valeri Polyakovdur. O, "Mir" stansiyasında bir ildən çox - 437 sutka 17 saat uçuş keçirib. 

382

Türkiyənin Çorum vilayətində zəlzələ baş verib

7
Bildirilir ki, ətraf bölgələrdə də hiss olunan yeraltı təkan yerli əhalidə təşviş yaradıb. Dağıntı və zərərin müəyyən edilməsi üçün araşdırma aparılır.

BAKI, 11 aprel - Sputnik. Türkiyənin Çorum vilayətinin Dodurga rayonunda yerli vaxtla saat 17.06-da (Bakı vaxtı ilə 18.06) Rixter cədvəli üzrə 4,2 bal gücündə zəlzələ olub.

Bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.

Bildirilir ki, ətraf bölgələrdə də hiss olunan yeraltı təkan yerli əhalidə təşviş yaradıb.

Dodurga bələdiyyəsinin sədri Mustafa Aydın bildirib ki, yeraltı təkan nəticəsində insan tələfatı yoxdur. Dağıntı və zərərin müəyyən edilməsi üçün araşdırma aparılır.

7
Milli Televiziya və Radio Şurası

Milli Televiziya Radio Şurasının üzvü vəfat edib

0
(Yenilənib 11:14 12.04.2021)
Milli Televiziya və Radio Şurasının üzvü Cəfərov Məmməd Hüseyn oğlu 12 aprel 2021-ci il tarixdə gecə saatlarında ürək tutmasından dünyasını dəyişib.

BAKI, 12 aprel - Sputnik. Azərbaycan Respublikası Milli Televiziya və Radio Şurasının üzvü Cəfərov Məmməd Hüseyn oğlu 12 aprel 2021-ci il tarixdə gecə saatlarında ürək tutmasından vəfat edib.

Bu barədə məlumat Sputnik Azərbaycan-a MTRŞ-dan verilib. Məmməd Cəfərov bu gün torpağa veriləcək. 

0