Türkiyə Xarici İşlər Nazirliyinin binası, arxiv şəkli

KİV: Rusiya səfiri Türkiyə XİN-ə çağırılıb

34
Hürriyet yazır ki, Yerxov XİN-ə çağırılaraq, tez-tez təkrarlanan hücumlar səbəbindən bölgədə vəziyyətin gərginləşməsi onun nəzərinə çatdırılıb

BAKI, 23 mart - Sputnik. Rusiyanın Türkiyədəki səfiri Aleksey Yerxov Türkiyə Xarici İşlər Nazirliyinə çağırılıb. 

Sputnik Azərbaycan Hürriyet-ə istinadən bildirir ki, səbəb İdlibdə deeskalasiya zonasında vəziyyətin gərginləşməsidir. 

Türkiyə Müdafiə Nazirliyi Dəməşqin nəzarətindən kənardakı İdlib deeskalasiya zonasındakı xəstəxananın atəşə tutulması nəticəsində beş mülki şəxsin həlak olması, eləcə də həmin zonadakı yaşayış massivi ilə yük maşınlarının dayanacağına hücuma görə Suriya ordusunu günahlandırıb. Qeyd edək ki, hücum zamanı 7 dinc sakin yaralanıb.

Hürriyet yazır ki, Yerxov XİN-ə çağırılaraq, tez-tez təkrarlanan hücumlar səbəbindən bölgədə vəziyyətin gərginləşməsi onun nəzərinə çatdırılıb. Qeyd olunub ki, hücumlar mülki şəxslərin olduğu ərazilərə edilir, bu isə İdlib deeskalasiya zonasında sabitliyə və təhlükəsizliyə təhdiddir. 

Səfirin idarəyə çağırılmasını hələ ki nə Türkiyənin Xarici İşlər Nazirliyi, nə də Rusiyanın Ankaradakı səfirliyi təsdiqləyib.

34
Teqlər:
Türkiyə XİN, səfir, Rusiya, Suriya, Türkiyə
Koronavirus testi, arxiv şəkli

Ermənistanda koronavirusla bağlı son statistika açıqlandı

4
(Yenilənib 11:20 18.04.2021)
Son 24 saat ərzində xəstəlikdən 19 nəfər ölüb, bununla da Ermənistanda indiyə qədər koronavirusdan ölənlərin ümumi sayı 3878 nəfərə çatıb.

BAKI, 18 aprel - Sputnik. Ermənistanda son sutkada yeni növ koronavirusa (COVID-19) 547 yeni yoluxma qeydə alınıb.

Sputnik Ermənistan xəbər verir ki, bu barədə ölkənin Səhiyyə Nazirliyi məlumat yayıb.

Bildirilib ki, son 24 saat ərzində xəstəlikdən 19 nəfər ölüb, bununla da Ermənistanda indiyə qədər koronavirusdan ölənlərin ümumi sayı 3878 nəfərə çatıb.

Ölkədə indiyədək 208 520 nəfər koronavirusa yoluxub.

4
Amerika polisi, arxiv şəkli

ABŞ-da növbəti atışma: ölən yaralananlar var

0
(Yenilənib 10:10 18.04.2021)
Bu, son saatlarda Birləşmiş Ştatlarda baş vermiş ikinci silahlı insidentdir. Daha əvvəl Nebraska ştatının Omaxa şəhərində də atışma olub.

BAKI, 18 aprel - Sputnik. ABŞ-da növbəti atışma olub. Bu barədə "Report" NBC teleşirkətinə istinadən xəbər verir.

Məlumata görə, hadisə Ohayo ştatında qeydə alınıb. Kolumbus şəhəri yaxınlığında baş verən atışma zamanı azı 1 nəfər həlak olub, daha 5 nəfər yaralanıb.

Bildirilir ki, anım mərasimi zamanı naməlum şəxs ətrafdakılara atş açıb. İnsidentin digər təfərrüatları açıqlanmır.

Qeyd edək ki, bu, son saatlarda Birləşmiş Ştatlarda baş vermiş ikinci silahlı insidentdir. Daha əvvəl Nebraska ştatının Omaxa şəhərində də atışma olub.

0

Sabah ölkədə havanın temperaturu 29 dərəcəyədək yüksələcək

0
(Yenilənib 12:21 18.04.2021)
Tibbi-meteoroloji proqnoza görə, aprelin 19-da  Abşeron yarımadasında meteoroloji amillərin  zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

BAKI, 18 aprel - Sputnik. Aprelin 19-da Azərbaycanın bəzi yerlərdə havanın temperaturu 29 dərəcəyədək yüksələcək. 

Sputnik Azərbaycan Milli Hidrometeorologiya Xidmətinin məlumatına istinadla bildiri ki, sabah Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. Mülayim şimal küləyi gündüz cənub küləyi ilə əvəz olunacaq. Havanın temperaturu gecə  10-13 dərəcə, gündüz 19-24 dərəcə isti, Bakıda gecə 11-13 dərəcə, gündüz 20-22 dərəcə isti olacaq.

Atmosfer təzyiqi 761 mm civə sütunu təşkil edəcək. Nisbi rütubət gecə 70-80, gündüz 50-55 faiz olacaq. 

Aprelin 19-da  Azərbaycanın rayonlarında havanın əsasən yağmursuz keçəcəyi, lakin gündüz bəzi dağlıq ərazilərdə şimşək çaxacağı, qısamüddətli  yağış yağacağı ehtimalı var. Mülayim qərb küləyi  əsəcək. Havanın temperaturu gecə  10-15 dərəcə  isti, gündüz  24-29 dərəcə isti, dağlarda gecə 7-12 dərəcə isti,  gündüz 15-20,  bəzi yerlərdə 23-25 dərəcə isti olacaq.

Tibbi-meteoroloji proqnoza görə, aprelin 19-da  Abşeron yarımadasında meteoroloji amillərin  zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

0